- 207
bibbibig na, ket, iti siglat ti maysa a parisienne, pinanawanna dagidi kasasao na ket nagtaray a napan, kasla naibbatan
a bola iti yan ti kritiko tayo.
—Tiens, tiens, Toutou! Mon lapin! — kinunana, ket iniggamanna ti takiag ni Padre Irene nga inna winagwag a siraragsak idi ta inna met pinunno ti tangatang iti kumkumliing nga aweng.
—Chut, chut!—kinuna ni Padre Irene nga inkagumanna ti naglemmeng.
—Mais, comment! toi ici, grosse bete! Et moi qui t’ croyais. . .
— Fais pas d’ tapage Lily! il faut m’respecter! ’suis ici I’Pape!
Napalalo a rigat ni Padre Irene a nakisao kenkuana, tapno snmardeng. Ni naragsak a Lily napalalo ti ayat na (enchantee') a nakasarak sadi Manila iti maysa a daan a gayyem a nangipalagip kenkuana kadagiti coulisses ti pagbuyaan a Grande Opera. Ket iso ti gapo na a ni Padre Irene, iti panagtungpal na kadagiti an-annong na a kas gayyem ken kas kritiko, inrugina ti nagsipat tapno mapabileg: kaikarian ni Serpolette.
Dagidi met agad-adal ur-urayenda ti kankan. Ni Pek son napalalo ti panangipasnek na a kumita; adda amin, kankan la ti awan. Adda kanito a no saan a dimteng dagiti mangsalsaluad iti urnos ti pagilian, dagiti babbai inda kuma nagpepengnget ken naggiginnuyod iti buok nga ab-abuyan dagiti nauyong a taga taitalon a siuuray kas met kadagidi agad-adal, a makakita iti maysa a banag a napalpalalo pay ngem ti kankan:
Disputez—vous, battez—vous,
Scit, scit, scit, scit, scit, scit,
Nous allons compter les coups.Nagsardeng ti musika, nagtalaw dagiti lallaki, nangininot a nagsubli dagiti babbai ket rinugyanda ti nagsasao iti saan a naaw-awatan dagiti gagayyem tayo. Inda pagsasaritaan iti dakes ti maysa a babai a saan a sisasaklang.
—!Kas da la kadagiti makinista iti pansitan!—kinuna ni Pekson iti nainayad.
—?Ket ti kankan?—sinaludsod ni Makaraig.
— !Pagsasaritaanda ti kasayaatan a disso nga inda pangsalaan!—insungbat a siraranga ni Sandoval.
—!Kas da la kadagiti makinista iti pansitanl—inulit ni Pekson a nakaluksaw.
