208
Maysa a babai a kinuyog ti asawana, ti sinibrek iti daydi a kanito, kct iso ti akinpalko iti maysa kadagiti dua nga awan pay tao na. Ti lingay na kasla maysa nga ari ket inwarasna dagiti matmata na a silalais iti amin ti pagbuyaan, a kasna la itay kinuna: “Siak ti kaladawan a simmangpet kadakay amin, sangabunton nga ang-ang ken taga il-ili; naladladawak a dimteng ngem dakayol” Agpayso ta adda tattao a mapan kadagiti pagbuybuyaan a kasla burro iti lumba: inangabak ti maudi. Addada am-ammo mi a manakem a tattao nga umuna pay a pabitayda, sadanto sumbrek iti pag buyaan kasangwanan ti umuna a paset ti buyaen. Ngem ti rag-o daydi babai nabiit laeng; nakitana daydi maysa a palko nga awan pay nagyan; pinagkuribetbetna dagiti kidkiday na, ket inna inapa ti asawa na, a kasta unay a riri na, ta aduda dagiti nakapukaw iti anos da.
—!Sst! !Sst!
—!Dagitoy duldog itoy! !Kasla ket itay maawatanda met ti sao ti pranses—kinuna daydi babai ket kinitana a naglaos lais ti amin a di mangan-ano ket inna sinango ti palko ni Juanito iso nga inpagarupna a naggapuan ti maysa a !sstl nga awanan annad.
Ni Juanito, pudno nga adda basol na; nanipod pay idi damo, naglastulastugen a kunkunana a maawatanna amin, ket aginlalaing, umisem, agkatawa ken agsipat a maitumpong met a kasla ket no itay awan palabsenna kadagiti sasawenda. Ket idinto ta saan a ti garaw dagiti artista ti sursurutenna, ta apaman la no kumita iti yan da. Daydi bulbullagaw kunkunana, nga adda nalmeng a panggep na, ken Paulita, a tangay addada babbai a nagperribo a naliblibnos, dina kayat ti agbanbannog a kumitkita iti adayo. . . Ni Paulita lumabaga, abbunganna ti rupa na iti paypay na ket inna itakaw a kitaen ti yan ni Isagani, iso nga agbuybuya a kas la sabali ti yan ti nakem na, di pay agkatawa, di pay agsipat.
Ni Paulita nakaluksaw ket simken kenkuana ti imon; c:adda ngata aya kayat ni Isagani kadagiti makaaw-awis nga aktris? Toy a panunot pinagdakesna ti ulo na ket apaman la ta nangngegna dagiti pangidaydayaw ni dunia Victorina iti kaay-ayo na.
Ni Juanito mapatanganna a nalaing ti aramid na; no dadduma, inna pagkutien ti ulo na a kasla maluksaw ket iso di adda mangngeg a uyek ken banawbaw kadagiti sumagmamano a disdisso; pasaray umisem umannamong, ket iti apagkanito, adda rumasok a sipsipat. Ni dunia Victorina masmasdaaw ket kas pay itay simmiplot iti ulo na ti pan-
