- 223
kinabalasang mo, a nakeltay idi ta kalasbang na unay! No
ti maysa nga Hi dina mabalin a igayat kadagiti babbalasangna ti maysa a natalingenngen a balay, babaen ti saluad ni
napateg a wayawaya; no ti lalaki awan sabali a mabalinna
nga ipatawid iti asawa na no di laeng ti inna pannakaibabain; iti ina na, bin-ig a lulua; ket kadagiti annak na, ti inda pannakaadipen, naimbag ti aramid yo a mapan mangipakni nga agnanayon iti kinabalasang yo ken manglemmes
iti uneg ti tian yo iti punganay ti masakbayan a kapututan a
nalpasen a nailunod! !A!, nagasatka, ta dika agpigerger iti
tanem mo a makangngeg kadagiti ik-ikkis dagiti agnguynguya iti yuyeng ni sipnget, dagiti makarikna nga addaan iti
payak ket addada a sipapatapat, dagiti malmes a gapo iti
kaawan ti wayawaya! !Ala!, inka, inka kuyugen dagiti
dardarepdep ti dumadaniw, iti yuyeng ti awan patingga na,
anniniwan ti babai a nasirmata iti maysa a sinamar ti bulan,
inyanasaas dagiti nalap-it a sangsanga dagiti kawkawayan. . .
iNagasat ti matay a masangitan, nagasat ti mangibati iti puso ti mangay-ayat kenkuana iti natarnaw a parmata, napateg
a lagip, a saan a minulitan ti nakirmet a pakinakem a bang
lesen dagiti aglabas a tawtawen! jAla, inka, ta dakami indakanto laglagipen! Iti nadalos nga angin ti nakayanakan a
daga, iti babaen ti balbag a langit na, iti rabaw dagiti dalladalluyon ti danaw a linawlaw dagiti banbantay a sapiro, ken
ig-igid na nga esmeralda; kadagiti kas sarming a wawaig na
a salinungan dagiti kawkawayan, ramenan dagiti sabsabong
ket paragsaken dagiti kalkalammot ken kulkulibangbang iti
panagtayab da a paalis-alis ken di masursurutan a kas man
itay inda kaay-ayam ti angin; iti ulimek dagiti bakbakir, iti
daniw dagiti karkarayan, kadagiti kas la tumudo a naraniag
a batbato dagiti dadakkel a parparaupo, iti kumanagkag a
lawag ti bulan, kadagiti sensennaay ti puyupoy iti rabii, iti
iso amin nga adda a mangipalagip iti ladawan ti ay-ayaten,
in dakanto makitkita a kankanayon, a kas inkam tinagtagainep ken dinardarepdep, nalibnos, napintas, umis-isem a kas
ti inanama, natarnaw a kas ti lawag, ket, nupay kasta, silaladingit ken sililiday a inangbuybuya kadagiti tutuok ken rigrigat mi!
