- 225
pay iti lagip na dagiti amin a dandaniw, amin a sasao dagiti
dumadaniw ken sumusurat maipanggep iti laka ti babai nga
agbaliw. Ilunlunudna iti uneg na ti kaadda dagiti pagbuybuyaan, ti opereta pransesa; ikarina a balsen ni Pelaez iti
umuna a kanito nga agparang. Amin nga adda iti lawlawna agparang kadagiti matmata na a nakalidliday ken nakangisngisit; ti taaw, a nabaybay-an ken waywayas, kas pay itay
napalpalalo ti kinawayas na gapo ta manmano dagiti sassasakayan nga adda a sisasanglad; ti init lumnek iti likudan
ti Mariveles, nga awan sayaat ken pangawis na, awan
dagitay ul-ulep a nakatartaraki ken nangnibi iti buya dagiti
nagasat a malmalem; ti pakalaglagipan ken Anda, saan a
nasayaat, nakirmet ket kasla nabuntunan, saan a nataraki,
saan a naindaklan: kas la sorbete wenno pastel; dagiti babaknang nga agpagnapagna iti Malekon, nupay mairupaan kadakuada ti pennek ken rag-o da, iti panagkita na, kasda itay
naunget, natangsit ken napasindayag; ipagarupna met a naalikuteg ket dakes ti sursuro da dagiti ububbing nga aggaayam iti igid ti taaw a mangipatpatalaktak iti rabaw ti danom ka dagiti naingpis a batbato, wenno agsapsapol iti
kadaratan kadagiti um-umang kada dardariway nga al-alaenda gapo la iti ayat da nga agala, sa da ida papatayen a dida met ngad paglak-aman; kamaudianan na, pati pay ti sangladan a di met la malpasen, iso nga inna nangiruknuyan iti
nasurok a tallo a dandaniw, inpagarupna a saan a mabalin
a maitungpal, nakakatkatawa, abalbalay ti ubing.
—Ti sangladan, a!, ti sangladan ti Manila, kas la anak a puritak a manipod pay iti pannakainaw na, innan pagsangitan amin a tao gapo iti pannakaidadanes ken pannakaibabain! Uray kuma la ngarod no iti kalpasan ti kasta unay a lulua, saan a rumuar ti sikog a nakarimrimen unay nga alis!
Linugayanna a kasla dina intaltalek dagiti dua a jesuita, a nangisursuro ken kuana idi; apaman la ta nakitana ti maysa a tandem (maysa a kita ti lugan) a nagsakayan ti maysa nga amerikano, iso nga ap-apalan dagiti dadduma a naangker a mangririenda kadagiti kabkabayo a mangguyod ka dagiti luglugan da; iti asideg ti pakalaglagipan ken Anda, nangngegna a ni Ben-Zayb adda kasasauna ket ni Simoun ti sarsaritaen da, iso nga iti naudi a rabii dinatngan a kellaat ti maysa a sakit; ni Simoun awan kayatna nga awaten nga sumarungkar kenkuana, uray pay dagiti ayudante ti Jeneral.
—Wen! —kinuna ni Isagani nga immisem iti napait; — ni dayta inda padpadayawan, a ta baknang ket. . . Agsubli
