- 237
Ket daydi nagasat a bumaro nagparang a kasta unay a ragsak na, sinaruno ti dua nga insik a siuuyos a nagiggem kadagiti dadakkel a patpatilambo a yan ti sida nga agadiwara ti makaawis iti pannangan nga angot da. Naragsak a dir-i ti insabatda ka dakuada.
Awan pay ni Juanito Pelaez, ngem gapo ta nalabesen ti uras, nagtugawdan a mangan a siraragsak. Ni Juanito kanayon a dina ammo a tungpalen ti kari na.
—No ni kuma ngamin Basilio ti inawis tayo a saan a iso, —kinuna ni Tadeo, —naragragsaktay kuma. Intay kuma barteken tapno adda maalatay kenkuana a palpalimed. —Ania? ni naannad a Basilio adda iduldulinna a palpalimed?
—!Ni! —insungbat ni Tadeo, — jKet palpalimed a napateg unay unay! Addada burburtia nga is-iso laeng ti makaammo iti taros da. . . daydi ubing a nagpukaw, daydi monja. . .
—!Appo, ti pansit langlang iso ti kasayaatan a sopas!— inpukkaw ni Makaraig; —kas makitamto, Sandoval, adda v.-ong na, pasayan, iplog, sutanjon, lasag ti manok ket ammok pay ket di no ania ania. Kas intay pagyaman, idatuntay dagiti tultulang ken don Custodio; jkitaen man no ania ti inna igakat gapo ka dakuada!
Maysa a naragsak a pagaak ti immawat kadagitoy a sasao.
—No ngatan maammuanna. . .
—!Umay nga agtartaray a! —innayon ni Sandoval; — naimas unay toy a sopas; ?ania ti nagan na?
—Pansit langlang, wenno pansit ti insik, tapno maigidiat iti sabali a pansit, a luto ditoy.
—!Ni! narigat a tandaanan ti nagan na. Kas pammadayaw ken don Custodio, panaganak iti gakat a sopas!
Ti baro a nagan naannugot.
—Appo, — kinuna ni Makaraig, a iso ti nagpili kadagiti tidsida; —adda pay la tallo kakita a sida tayo! Lumpia ti in sik a lasag ti baboy. . .
—!A maidaton ken Padre Irene!
—!Ni! Ni Padre Irene saan nga agsida iti baboy, no di na ikkaten a umuna ti agong na, —inyarasaas ti maysa a taga Iloilo iti kaabay na.
—!lkkatennanto ti agong na!
—!Maikkat ti agong ni Padre Irene!—inyikkisda amin a naggigiddan.
