This page has been validated.
- 243
-Sisiimendatayo; nakitak ti pasaki ni Padre Sibyla!
-¿Wen?-kinuna ni Isagani a timmakder.
-Banbannog; itay nakitanak, nagtalaw.
Ket immasideg iti tawa, sa kimmita iti plasa. Idi kuan, pinayapayanna dagiti kakadua na, tapno umasidegda. Adda nakitada a rimuar iti ruangan ti pansitan a maysa a bumaro nga awan la ti dina kitaen ket simmakay a nakikuyog iti maysa a tao a di am-ammo iti maysa a lugan nga agur-uray iti arubayan. Lugan ni Simoun daydi.
-¡A!-kinuna ni Makaraig:-ti adipen ti Bise-Rektor a babaunenna ti Apo ti Jeneral!
