- 245
Maysa a katedratiko iti Klinika ti simmabat kenkuana, ket
inpatayna a sililimed ti ima na iti abaga na—daydi katedratiko, gayyem na—ket sinaludsudna kenkuana iti nainayad:
—Timmabunukayo iti daydi daya idi rabii?
Ni Basilio, iti daydi a kasasaad ti nakem, ti nagdengganna kasla KASANGARABII. Idi kasangarabii, iso ti panagsao da ken Simoun. Kinayatna a linawlawagan.
—Kastoy nay,—intanamitimna,—gapo ta dimmagsen idi ni Kapitan Tiago, ket maysa pay, kinayatko a tinirpos ti Mata. . .
—Naimbag, ta saan kay a napan,—kinuna daydi mangisursuro;—ngem, naikappunkayo iti gimong dagiti agad-adal?
—Mangmangtedak iti bagik a urok. . .
—No kasta, ngarod, maysa a patigmaan; agawidkay ita met laeng ket inkay pukawen amin a pappapel a mabalin a makaisarsarak kadakayo.
Ni Basilio intal-una ti abaga na; awan pappapel na; isuna laeng dagiti nagisuratan na kadagiti naad-adal na; awan sabalin.
—Ni ngamin apo Simoun ket. . .?
—Awan bibiang ni Simoun iti dayta a banag, kaasi ni Apo Mugna!—innayon daydi mangngagas;—nasayaat unay ti pannakairana ti panangsugat kenkuana ti maysa a nalmeng a ima, ket ita, adda a masakit. Saan, sabali nga im-ima dagiti adda ditoy, ngem kaskasdi a nakabutbuteng da met.
Ni Basilio immanges. Ni laeng Simoun ti mabalin a makaisarsarak kenkuana. Nupay kasta, nalagipna ni Kabcsang Tales.
—Addada tulisan. . . ?
—Awan, agad-adal latta ti adda.
Ni Basilio napasublina ti talna ti rikna na.
—?Ania kad ti naaramid?—naituredna a sinaludsod.
—Adda nasarakanda a naipikpiket a pappapel a makadadael iti Turay, saan yo nga ammo aya?
—Adino?
—C...! iti Unibersidad.
—Daydayta laeng?
—P. . .! ania pay ti kayat yo?—Sinaludsod daydi kate dratiko, a nganngani makapungtuten; — dagiti naipikpiket ipabasulda kadagiti agad-adal a nagguummong, ngem, dikay agtagtagari!
Iti daydi a kanito dimteng ti katedratiko ti Patolojia, maysa nga apo nga adadda a rupa ti sakristan ngem rupa ti mediko. Naikabil a gapo laeng iti mannakabalin unay a
