246
nakem ti Bise-Rektor, nga awan ket sabali a kaikarian ken
ammo a sinapulda kenkuana no di laeng ti inaminpinsan a
ikakappon na kadagiti praile; iti panagkita dagiti dadduma
a mangisursuro, maysa a tiktik ken agipulpulong.
Ti innnuna a katedratiko sinubalitanna a silalamiis ti kablaaw na, sana kinuna iti napigsa, a kiniddayanna ni Ba silio.
—Ammukon a ni Kapitan Tiago agab-bangkayen; sinarungkaranen dagiti u-wak kada bubuitre.
Ket simbrek iti siled dagiti mangisursuro.
Ni Basilio, a nataltalna bassiten, inpaspasarakna ti nagpalutpot pay. Amin ti nabalin na a naammuan iso ti pannakasarak da kadagiti naipikpiket iti ruangan ti Unibersidad, pikpiket a pinaleksab ti Bise-Rektor, ta pinaipanna ida iti Gobierno Sibil. Kunada a napunnuda kadagiti pangamames, panagputol iti ulo, iseserrek, ken sabsabali pay a sinanturtured.
Daydi a naaramid iso ti pagsasaritaan dagiti agad-adal. Dagiti damdamag aggapuda iti agbanbantay, toy naamuanna iti maysa a babaunen didiay Santo Tomas, iso a nakangngeg met iti maysa a kapista. Ipadpadtuda nga addadanto mapaspasardeng, mabalbalod, kdmpy., ket inagnaganandan no asinno da dagiti maipatli, awan sabali no di dagiti kamkameng ti gimong.
Idi ta kasta, ni Basilio nalagipna dagidi sasao ni Simoun. Inton mabalindaka a pukawen. . . saan munto a matulov ti adal mo. . .
—No ammuna ket di?—sinaludsudna iti bagi na met laeng;—kitaento no asino ti adda ti kabaelan na.
Ket, a pinasublina ti nalamiis a panagdardara na, tapno maammuanna ti inna aramiden ken tapno maisaritana ti maipapan iti panaglisensiado na, ni Basilio napan iti Unibersidad. Nagna iti lansangan a Legazpi, sinurutna ti Beaterio, ket idi nakadanon iti nagsapalan toy a dalan ken ti Solana, napaliiwna nga agpaypayso nga adda ngata naaramid a nadagsen.
Saanen a dagidi naragsak ken natagari a purpurok dagiti agad-adal ti makita kadagiti ig-igid ti dalan, no di ket dagiti naas-assawa a Guardia Beterana a mangpalpalabas kadagiti agad-adal a rurnuar iti Unibersidad, a siuulimek dagiti dad duma, addada sililiday, addada makapungpungtot, sumardengda iti adayo bassit, wenno agawidda kadagiti balbalay da. Ti immuna a nasarakanna, iso ni Sandoval. Nagban-
