Iti baba, sabali met dagiti maar-aramid.
Dagiti kaaduan dagiti nakasakay addada a nakatugaw kadagiti bangbangko ken babassit a tugtugaw a kayo, iti nagbabaetan dagiti malmaleta, kakkajon, kurkuribot kada tamtampipi, iti asideg unay iti makina, mapudpudutan ti kaldera, maang-angutan dagiti tattao, ken pakasaysay-upan iti nabuyok nga angot ti lana.
Dagiti dadduma kitkitaenda a siuulimek dagiti nagka. ado a mabuybuya iti igid; addada met agsusugal, ket addada. pay agsasarita, iti let-ang ti danarudor ti makina, waneswes ti alisugasog ti danom a lumusot, wanerwer ti danom ken uni ti tangguyob. Iti maysa a suli, napinipinda a kasla bangkay; iso ti yan da a matmaturog wenno agsusugel, dagiti ininsik nga aglaklako, naulawda, nabessagda, agkatkatayda ket nadigusda iti napalet a linget a kasta unay. Isuna laeng dagiti sumagmamaño nga agkabkabanuag, ti kaadduan da, agad-adal, a nalakada a mailasin gapo iti aruaten da a nalaos nagpudaw ken iti gunay da a nalinis, ti makaitured nga agpag- napagna manipod iti popa ingga na iti proa, a lagtulagtuenda dagiti kurkuribot kada kakkajon; naragsakda, a ta agbakasyundan. Pasaray da pagsusupiatan dagiti gargaraw ti makina, a kasda laglagipen dagiti naad-adal da iti Pisika; pa- saray inda umas-asibay iti yan ti maysa a napintas a kolejiala, wenno ti aglaklako iti mama a nalablabbaga la dagiti bigbibig na, nakaukkor iti inubon a sabsabong ti sampaga, nga inda ida ar-arasaasan kadagiti sasao a makapaisem wenno panggapuan da a mangabbong iti rupa da iti napintaan a paypay. Addada ket dua, a saan a dagitoy ar-arem nga apagdarikmat ti aramid da, makisarsaritada iti maysa a baknang a lumakayen, ngem naangker ket natangig pay laeng. Dagitoy dua kasla nalatak ken madaydayaw, ta makita a dagiti dadduma inda ida kabain. Pudno; ta daydi laklakay, a nangisit amin ti aruat na, iso ni Basilio, nga agad-adal iti Panangagas, nga aduda dagiti makaam-ammo kenkuana, gapo kadagiti nalaing ken nakaskasdaw a panangag-agas na. Day-
