This page has been validated.
12
Ket ni don Custodio indeppana dagiti taktakiag na, a kasta unay rag-o na a mangkitkita iti siddaaw dagiti agdengdengngeg kenkuana: awan nakapanunot iti kasdi a datdatlag.
-¿Ipalubusyo nga agsuratak maipapan iti dayta?-sinaludsod ni Ben-Zayb,-ditoy, manmano dagiti agpanunot.
-Ngem, don Custodio,-insamang ni dunia Victorina, a silalailo; no amin a tao agtaraken iti pato, umado ti balot. ¡Uy, nagrugiten! ¡Naim-imbag la no magaburan ti sabanganen!
