268
—Diak nakasao dagiti balbalod,—insungbat ni Placido; —adda maysa ngata a tallo pulo da!. . .
—!Agpupuutkayol—innayon daydi agar-aramid iti kuitis, a nakikinnita ken Placido,—kunada nga ita a rabii putulanda amin a tao. . . — Ania? !Sal-it!—kinuna ni Chichoy,, a simmapol kadagiti matmata na iti i inaysa nga igam, ket idi awan makitana, innalana ti pagpuypuyot na, no agtunaw.
Ti maestro nagtugaw; agpigpigerger dagiti saksaka na. Daydi nalaka a mamatpati inpagarupna a nalpasen a naputulan ket inyun-unana ti nagsangiten a gapo iti gasat dagiti kabbalay na.
—!Ni!—kinuna daydi eskribiente;—jsaan da nga agputol! Ti mamalbalakad iti. . . ket kimmidday iti nalimed,—nagasat ta masakit.
—!Ni Simoun!
!Ejem, ejem, ejjjem!
—Ni Placido ken daydi agar-aramid iti kuitis nagkinnitada manen.
—No saan nga agsakit ni dayta. . .
—Agarainidda iti sinan-gulo! — innayon, a kasla awan an-ania daydi agar-aramid iti kuitis, ket inggangatna ti sigarilio na iti ngato ti tubo ti pagsaingan,—ket ania, ngad. ti aramiden tayo, no kasta?
—Ipaypaysutayon a, tano indatay met la putulan. . .
Ti napigsa nga uyek a simken iti agpanpanday iso ti nanglapped iti pannakangngeg iti tuloy ti sao. Nalabit ni Chichoy, nakabutbuteng dagiti inna kuma ibaga, ta kasla garaw ti mamapatay ti panangiwagiswagis na iti pagpuypuyotna ket ti rupa na kasla rupa ti japon a nakakigkigtot.
—Kunayo man a naginsasakit gapo ta mabuteng a rumuar! No innak makita. . .
Naguyek manen ti maestro iti napigsa unay, ket nagangayanna ti inna dinawat kadakuada amin nga agawiddan.
—Nupay kasta, agsaganakayo, agsaganakayo, — kunkuna daydi agar-aramid iti kuitis. No kayatdatay a piliten a pumatay wenno matay. . .
Naguyek manen daydi daksanggasat nga agpanpanday ket dagiti mangmangged naggaawidda kadagiti balbalay da, nga adda nangala iti malo, ragadi, ken sabsabali pay nga araramaten, a makasugat wenno saan, makapatay wenno saan. a sisasaganadan a mangipangina iti biag na. Ni Placido ken daydi agar-aramid iti kuitis immulugda manen.
