- 267
—!Ejem, ejem! — naguyek daydi maestro platero, tao a naannad unay, a gapo iti adina a makuna a takrot, saan na a maitured a gupden dagiti sarsarita. Daydi naimbag a tao, isuna la nga aguyek-uyek, kiddayanna ti kadua na, ket kumita iti lansangan, a kasna la kuna:
—Mabalin nga adda mangsisiim kadatayo!
— !Gapo iti daytay opereta!—intuloy daydi mangmangged.
—!Ojo!—kinuna ti maysa a kasla agruprupa nga angang;—kunakon ket! Iso ti gapo na a. . .
Jm!—insungbat ti maysa nga eskribiente, a timek na ti naasi:—pudno dagiti naipikpiket, Chichoy, ngem ibagakto kenka ti gapo da!
Sana innayon iti nalimed:
— !Aramid ni insik Quiroga!
— Ejem, eem!—Naguyek manen ti maestro, nga inyallatiwna ti mammamaen na iti sabali a bangir ti ngiwat na.
—!Patiennak, Chichoy, aramid ni insik Quiroga! Nangngegko idiay opisina!
—Apo, wen ngata!—kinuna daydi ang-ang, a namatin.
—Ni Quiroga,—intuloy ti eskribiente,—adda sangagasot a ribo a pisos na a mejikano iti sangladan. i Kasano ti panangipastrek na? Nalaka unay; pinutarna dagiti naipikpiket, a rinanana ti riri dagiti agad-adal, ket inton madama amin dagiti tattao a maringguranen, jpum! sapsapuanna dagiti agan-annong, ket makalusot dagiti kakkajon na!
—Wen, wen!—kinuna daydi nalaka a mamatpati, a dinanugna ti lamisaan.—!lso! Iso pay met la ket ti gapo na a ni insik Quiroga. . . !lso ti gapo na!
Ket agulimek, ta dina ammo ti inna sawen maipanggep ken insik Quiroga.
—Ket dataunto ti agbayad kadagiti pingpinggan a mabubuong?. . . —sinaludsod ni Chichoy a nakarurod.
—!Ejem, ejem, ejem!—naguyek daydi agpanpanday, ta adda nangngegna iti lansangan a padekpadek a umas-asideg.
Agpayso, ta umadani dagidi padekpadek, ket iti pagpandayan, isuda amin nagulimekda.
—Ni San Pascual Bailon, maysa a dakkel a santo,—kinu na, a naginkukua, iti napigsa a timek, daydi agpanpanday, a kiniddayanna dagiti dadduma; — ni San Pascual Bailon. . .
Iti daydi a kanito timmammidaw ti rupa ni Placido Penitente, a kinuyog daydi agar-aramid iti kuitis a nakitatayo nga immawat kadagiti bilbilin ni Simoun. Isuda amin inda linawlaw dagiti kadatdateng, ta immamadda.
