- 299
dagidi dua a bulbulan, ti nagbaliwan daydi bumaro, nakakigkigtot. Dagiti pingpingping na nailessebda, saan a nasayaat
ti aruat na, kuso-kuso ti buok n
na. Nagpukawen daydi nasamit a kinaliday dagiti matmata na; kadakuada rumanraniag ti
maysa nga apoy a nakudrep; makuna kuma a nalpas a natayen, ket ti bangkay na agungar a nakigtot iti inna nakita iti
sabali a biag. No saan a ti dakes nga aramid, ti nakaal-aliaw
nga anniniwan na iso ti naisamay iti amin ti bagi na. Ni pay
Simonn nakigtot ket simken ti asi na iti daydi daksanggasat.
Ni Basilio, a saanen a nagkablaaw, dimmanon a siinayad, ket kinunana, iti timek a namagpigerger iti joyero:
—Apo Simoun, iti nalabes, nagbalinak a dakes a inanak ken dakes a kabsat; nalipatak ti panangpapatay da iti daydi adik ken dagiti tutuok a linaklak-am daydi inak, ket ti Apo innak dinusa! Ita, awan natda kaniakon a sabali, no di maymaysa a pakinakem a mangibales iti dakes iti dakes met laeng, biddot ken biddot, pigsa ken pigsa.
Ni Simoun inna dengdenggen a siuulimek.
—Kanikapat a bulan itan, —intuloy ni Basilio,—inkav inbaga kaniak dagiti pangpanggep yo; nadiak a rimmaman, ket dakes ti inaramid ko; pudno daydi sao yo. Kanikatlo a bulan ke.t gudua itan, ti gulo nganngani nagbettak, kaskasdi met a diak kinayat ti rimmaman, ket saan a nagtuloy. Ti supapak daydi nga aramid ko, iso ti innak pannakaibalod ket isuna la a naparuk-atannak, yaman pay kadakayo. Pudno day di saoyo, ket ita umayko kuma kadakayo: ikkanyo iti igam ti takiag ko ket bumtaken ti gulo! Madadaanak a sumurot ka dakayo agraman amin dagiti daksanggasat!
Daydi ulep a nangullaap iti muging ni Simoun nagwaknit a dagos, maysa a sinainar ni balligi ti simmilap kadagiti matmata na, ket a kas no itay inna nasarakan ti sapsapulenna, kinunana:
—Adda kalintegak, wen, adda kalintegak! ti linteg adda kaniak! ti linteg kumuykuyog kaniak, ta ti paringgor ko iso ti paringgor dagiti daksanggasat. . . ¡Yaman pay kenka, Ba silio, yaman pay kenka! Umaymo waknitan dagiti duduaduak umaymo pukawen dagiti ngata-ngatak.
Ni Simoun timmakder ket ti rupa na siraraniag: ti rayray a naniag kenkuana idi, kanikapat a bulanen, idi inna inbaga ken Basilio dagiti pangpanggep na iti kabakiran a kukua da gidi nagan-annak kenkuana, nagsubli a nagparang iti rupana, a kasla ti nakalabaga a raniag ti init, no makalnek kalpasan ti maysa nga aldaw a naulep.
