- 313
—¿Nagsaganaka iti bitlain?
—Saan nga agruar dagiti bitbitlan kadagitoy nga alaldaw, papa, ket iti daytoy a daya, adadda man la ngaruden!
Dimteng ni Jupiter, a nagkuyugda ken Juno, toy pudno a nagbalin a maysa a kastilio dagiti kukuitis: adda brilyante iti tinggol na, adda brilyante iti tengnged na, kadagiti taktakiag na, kadagiti ab-abaga na, iti iso amin a di mangan-ano! Nagaruat iti seda a nagpaiduma iti sayaat, nagipos iti atiddag naburdaan kadagiti sabsabong a kasla indekket.
Ni Ekselensia pudno nga intagibalayna, kas kiniddaw a intanamitim ni don Timoteo. Ti orkesta tinugtugna ti Marcha Real, ket dagidi nadiusan nga agasawa immulida a singangayed iti naaplagan nga agdan.
Ti naranga a langa ti Kapitan Jeneral saan a pagpamarang laeng; nalabit idi iso ti umuna unay nanipod idi dim teng sadi Pilipinas, a inna panagliday; sangkabassit a leddaang ti nangabbuyot kadagiti panpanunot na. Daydi iso ti maudi a balligi dagiti tallo a tawtawen a panagturay na, ket iti uneg ti dua nga aldaw bumabanton a ingga na iti ingga na iti daydi ingget ngato a yan. ¿Ania ti nabati na iti likudan na? Ti Jeneral saan na nga italiaw ti rupa na ket kaykayatna a kitaen ti masangwanan, ti kasakbayan! Aduda dagiti gamgameng a ikuyugna; ado a pirak a pinaidulinna kadagiti Banbanko sadi Europa ti magur-uray kenkuana, adda balbalay na a dadakkel; ngem aduda met dagiti inna rinangranggasan, adu da dagiti kabusor na sadi Madrid, daydi nangato nga agturay ur-urayenna sadiay! Dagiti sabsabali a Je-jeneral bimmaknangda met iti napardas a kas kenkuana, ket ita, narpuugdan. ¿Apay a di agbati pay la ngamin kas ibalbalakad ni Simoun? Saan, umuna pay ti bain. Dagiti pay panagkabkablaaw da kenkuana saan da unayen a nauneg a kas idi; madlawna nga inda kitkitaen iti inabaybayag ket saan payen a nadayaw; ket iso inna subalitan a siaayat ket pasarayna pay padasen ti umisem.
—Makita a lumnek ti initenl—kinuna ni Padre Irene, nga inyarasaas ken Ben-Zayb,—adua dagiti mangperreng kenkuanan iti rupanrupa!
Ania man met a kura daytuyen, idinto nga iso kuma ti mangibaga iti kasdi.
—Gayam,—inyarasaasna iti kinaabay na daydi nangnagan iti banbanti ken don Timoteo;—¿nakitam ti pandiling na?
—¡Uy! isuda dagiti daldalingding ti Palasio!
—Agtalnaka! agpayso! Ni! ket alaenda amin! Kitaem no didanto aramiden a kagay dagiti al-alpombra!
