318
miplot a silalawag id ulo na: ti balay into tumayab, ket ni
Paulita adda sadiay, ni Paulita into matay iti nakaap-aprang
a ipapatay. . .
Iti daytoy a panunot, nalipatanna amin: iinon, tuok, rigat a sinagsagaba ti puso na; daydi ingget imbag a bumaro awan sabali a nalagipna no di laeng ti ayat na. Dina ket pinanunot ti biang nan, di ket nagmayeng, nagturong iti balay, ket yaman pay iti nataraki nga aruat na ken iti natured a lingay na, linaklakana unay ti simbrek.
Ket idi ta madama dagitoy a maar-aramid iti lansangan, iti panganan dagiti didios a dadakkel pagsisinnublatanda ti sangkapirgis a papel a nakaisuratan iti nalabaga a tinta da gitoy nakabutbuteng a sasao:
—¿Juan Crisostomo Ibarra? ¿Asino dayta?—sinaludsod ti Kapitan Jeneral, a intedna ti papel iti kinaabay na.
—¡Nagdakes a rabak tuyen!—insungbat ni don Custodio: inpirmada ket iti papelen ti nagan ti maysa a pilibusterilio, a nasurok a sangapulo a tawen a natayen!
—¡Pilibusterilio!
—Maysa a rabak a mangted kibor!
—Idinto ta addada babbai. . .
Ni Padre Irene sinapulna no si asino ti nagangaw ket nakitana ni Padre Salvi, a nagtugaw iti makanawan ti kondesa, a bimsag a kas ti pagpunas na, idi ta inna mingmingmingan kadagiti matmata na nga arig da ti limsot, dagidi nalmeng a sasao. Ti naaramid iti yan daydi ulo nagparang iti lagip na!
—¿Ania, Padre Salvi?—sinaludsudna;—bigbigbigenyo ti pinna daydi gayyem yo?
Ni Padre Salvi saan a simmungbat; naggaraw a kas na kinayat ti nagsasao, ket, a dina ket ammo ti inna aramiden, inyaprusna ti pagpunas iti muging na.
—¿Ania ti makua yo, Reberensia? —¡Surat iSurat na nga agpayso!—insungbatna a siinayad, apaman la no naawatan;—surat ni Ibarra daytoy!
Ket, a insanggirna ti bukot na iti tugaw, pinagtinnagna dagiti taktakiag na a kas ket no itay nagpukaw ti pigsa na.
Ti danag da nagbalin a kigtot; nagkikinnitada nga awan ket nakapagsao iti uray la no maysa. Ti Kapitan Jeneral kinayatna ti timmakder, ngem ania ta inda ipagarop a buteng
