- 319
na, nagteppel ket kimmita iti lawlaw na. Awan soldado:
dagiti babaunen nga adda saan na ida nga am-ammo.
—Tuluyentay ti mangan, appo, — kinunana, — ket ditay italtalek ti maysa la a rabak!
Ngem ti timek na saan met a namagtalna, ngem ninayunanna ket di ti danag da; agpigerger ti timek na.
—Pagarupek a dayta MANE THECEL PHARES, saanna a kayat a sawen a indatay papatayen ita a rabii?—kinuna ni don Custodio.
Isuda amin napamayengda.
—Ngem mabalindatay a sabidungan. . .
Inibbatanda dagiti kubkubiertos.
Iti daydi, ti silaw nangrugi a nangin-inot a kimmapoy ti lawag na.
—Maiddep ti silaw,—kinuna ti Jeneral a sidadanag; kayatyo nga idawdaw, Padre Irene?
Iti daydi a kanito, a kasla pardas ti sal-it, adda simbrek a maysa a tao, tinuangna ti maysa a tugaw ket dinalapusna pay ti maysa a babaunen, ket, iti let-ang ti siddaaw da amin a padapada, innalana ti pagsaingan, nagtaray a napan iti ban sag ket intapuakna iti karayan. Amin daydi, naaramid iti apagdarikmat; ti panganan nabungon iti sipnget.
Ti pagsaingan naitapuaken iti danom idi dagiti baba unen nabalinda nga inpukkaw:
— Birkog, birkog!—a nagtarayda met a napan iti bansag.
— Maysa a rebolber!—inpukkaw ti maysa;—darasenyo ti mangted iti rebolber! jKamatenyo ti birkog!
Ngem daydi anniniwan, nga adadda man ti pardas nan, linayawnan ti kadang (barandilias) a ladrilio, ket idi saan da pay a nakaipan iti silaw, ti’mmapuaken iti karayan, ket nangngeg ti maysa nga awer idi nagtinnag iti danom.
