Dandanag Ni Ben-Zayb
325
matakaw da, kukua da. Ti pagilasinan, maysa nga uni ti paltog; ket agsipod ta awan met a naurayda, dagiti tutulisan, a inpagarupda nga inda ida nagang-angawan, adda kadakuada nagawid, adda nagsubli kadagiti banbantay ket inkarida nga indanto balsen daydi kastila, a kapaminduanan nga agkurang iti sao na. Iti kasta, isuda, dagiti birbirkog a natiliw, kinayatda ti nagaramid iti bukbukod da, ket rinautda ti balay a immuna a nasarakanda, nga inkarida nga itden ti dua nga apagkatlo ti matakaw da iti daydi kastila a nagbuok ti puraw, no kas pagarigan ta innanto dawaten. Gapo ta umad-adas ken Simoun dagiti pagilaslasinan a naibaga, ti palawag daydi birkog inawatda a di mabalin a maaramid ket inpakatda kenkuana ti amin a kita ti dusa, ti pay makina elektrika; maipuon iti kinatiri na. Ngem, gapo iti damag a panagpukaw daydi joyero, iso a dinillaw dagiti amin a tattao iti Eskolta, ken pannakasarak da iti sinako a polbora ken ado a bala iti balay na, ti palawag daydi birkog inawatda nga adda sangkabassit kinapudno na, ket iti kasta, nangrugi ti palimed a nangin-inot a nangbungon iti naaramid, a inna kinabbuyutan iti angep. Dagiti tattao, no agsasauda, aggiinnarasaasda, aguyekda, agkikinnitada iti naatap, saan a matultuloy dagiti sasao da ket ado dagiti sarsarita da a bareng-bareng kas kadawyan. Dagiti nasaritaan a tumipon iti daydi a garaw saan a mamenga ti siddaaw da, pagat-atiddagenda dagiti ruprupa da, bumsagda ket bassit la ti saan a nagmauyungan dagiti ado kadakuada idi natakuatan dagiti ado a banbanag a saan a nadnadlaw idi. —Naimbag ket di ta nailisitayo! ¿jAsino kad ti agkuna. .? Iti malem, ni Ben-Zayb, a sipupunno amin a bulsa na iti rebolber ken bala, napanna sinarungkaran ni don Custodio, iso a nadanunna a mangpanpanunot a nalaing iti maysa a gakat a maisupiat kadagiti amerikano nga aglaklako iti alajas. Adda nalimed a sao nga invarasaasna iti periodista iti kasta unay naginayad ket insalingedna pay dagiti dua a dakdakulap na. —¿Agpayso?—sinaludsod ni Ben-Zayb, a inkautna dagiti im-imana kadagiti bulbulsana, idi ta makita met ti ibebessagna. —Ket no adino ti inda kenkuana pakasarakan. . . Tinuluyna ti sao na iti maysa a garaw nga adda kayatna nga ibaga. Inngatuna dagiti dua a taktakiag na iti kasinngato ti rupa na, ti kanawan na nakukkukot ngem ti katigid, sana inyukrad dagiti dakdakulap na nga insango iti datar, pinag-
