Ti Palimed
329
Ket inna kinita ti kaayan-ayat na a makaung-unget dagiti matmata na ket pagsidsiddaawanna ti tured na. —No nagbettak laeng. . . —Awan matda nga adda biag na iti amin ti lansangan nga Anloague! —innayon ni Kapitan Toringgoy, a nagintutured ken kas na la di ibibiang daydi, iti imatang dagiti kabbalay na —Sikikigtutak a nagawid —intuloy ni Chichoy, —a sipapanunot a no adda la maysa a rissik ti apoy, maysa a sigarilyo a natnag, wenno adda nagtedted a maysa a pagsaingan, iti daytoy a kanito, awan Jeneral tayon, awan Arsobispo, kada iso amin, uray empleado laeng! Amin dagiti adda iti daydi a rabii sadiay, natumtumekda kuma! —jBirjen Santisima! Toy a lalaki. . . —jSusmariusep! — kinuna ni Kapitana Loleng; — amin dagiti nakautang kadatao addada sadiay idi; susmariusep! ket iti asideg sadiay, adda pay balay tayo! ¿Asino ngata ti . . . —Ita maammuanyunto, —innayon ni Chichoy iti nainayad, — ngem masapol a salimetmetanyo ti palimed. Itay malem adda nasarakak a maysa a geyyem, eskribiente iti maysa nga Opisina, ket itay inkam nagsaritaan ti naaramid, inna inbaga kaniak ti palimed; naammuanna kadagiti dadduma nga empleado. . . jAsino ti atapen yo a nangikabil kadagiti sinako a polbora?J Ado dagiti nangital-o iti abaga na; ni Kapitan Toring goy ti nangpaludip ken Isagani. —¿Dagiti praile? —¿Ni insik Quiroga? —¿Maysa nga agad-adal? —¿Ni Makaraig? Ni Kapitan Toringgoy naguyek ket kitkitaenna ni Isa gani. Ni Chichoy inwingiwingna ti ulo na a siisem. —jNi joyero Simoun! —Ni Simoun! Maysa nga ulimek, a pinarnuay ti siddaaw, ti simmaruno kadagitoy a sasao. Ni Simoun, ti nangisit a kararua ti Ka pitan Jeneral, ti nabaknang unay nga agtagtagilako a pappapananda ti balay na nga mapan paggatgatangan kadagiti di pay naitampok a batbato, ni Simoun a mangaw-awat iti ingget linis kadagiti babbalasang a Orenda ken mangibagbaga kadakuada kadagiti nalinis a sasao! Gapo ta daydi damag
