330
kasla saan a mabalin a maaramid, iso ti inda pinati. Credo
quia absurdum (Patiek ti di mabalin a maaramid),—kinuna
ni S. Agustin.
—Ngem ni Simoun, ¿awan aya idi rabii iti pagdadayaan?—sinaludsod ni Sensia.
—Adda,—kinuna ni Momoy,—ngem ita malagipko! Pimmanaw idi isuna a rugyanmi ti mangan. Napanna kan in nala ti sagot na kadagiti nagasawa.
—Ngem, di met gayyem aya ti Jeneral? ¿di met kasugpon aya ni don Tiinoteo?
—Wen, nakisngpon, tapno maaramidna ti panagem na ket mapapatayna amin dagiti kakastila.
—¡Ay wen!—kinuna ni Sensia;—makitakon!
—Ti ania?
—Dakayo diyo kayat idi a patien ni ikit a Tentay. Ni Simoun iso ti sairo a nanggatang kadagiti karkararua dagiti amin a kakastila. . . kuna idi ni ikit a Tentay! Ni Kapitana Loleng nagugis, kinitana a di makaidna dagidi batbato iti buteng na nga agbalinda a beggang; ni Kapitan Toringgoy inikkatna ti singsing na a naggapo ken Simoun.
—Ni Simoun nagpukaw, nga awan inbatina a tugot,— innayon ni Chichoy;—sapsapulen ti Guardia Sibil.
—¡Wen!—kinuna ni Sensia;—masapulandanto ti sairo! Ket nagugis. Ita maawatanda dagiti ado nga inda nakitkita, daydi saan a makappapati a kinabaknang ni Simoun, daydi naipadpaduma nga angot ti balay na, nga aga-asupre. Ni Binday, maysa kadagiti babbalasang a Orenda, ubing pay la ti nakem na ket maysa a babai a nakaliblibnos, malagipna a nakakita iti gil-ayab ti apoy a balbag iti balay daydi joyero, iti naminsan a malem, a nagkuyugda ken inana, a napan gimmatang kadagiti batbato.
Ni Isagani siaallingag a sipapasnek, nga awan ket uray maysa a sao na.
—Iso ti gapo na nga idi rabii. . .!—intanamitim ni Momoy.
—Idi rabii?—inulit ni Sensia, a kasla adda gagar ken imon na.
Ni Momoy nagngata a nangituloy, ngem ti rupa nga inpakita kenkuana ni Sensia iso ti nangikkat iti buteng na.
—Idi rabii, idi madama kami a mangmangan, adda kibor; ti silaw iti yan ti Jeneral a mangmangan naiddep. Kunada nga adda maysa a saan nga am-ammo a tao a nangtakaw iti pagsaingan a inted ni Simoun.
