Ich weiss nicht was soll es bedeuten
Dass ich so traurig bin!
Idi kinablaawan ni Padre Florentino daydi bassit a talla- ong, nagbaawen iti pungtot da a gapo iti nalabes a inda panag- susupiat. Nalabit a ti pay namagbaaw kadagiti rikrikna da isuda dagiti naragsak a balbalay ti ili a Pasig, wenno dagiti kopita ti Jerez a inin-inumda tapno maimasda ti mangan, wenno ti nasagana a nasayaat a pangaldaw; uray no ania tí pona, ti agpayso, agkakatawa ket aggaangawdan, pati payen daydi nakuttong a pransiskano, numan pay di unay natagari: ti katawa na arig na ti musiig ti agbugbugsot. ga-
-Dakes dagiti al-aldawen, dakes dagiti al-aldawen!-ki- nuna a nagkatawa ni Padre Sibyla.
-¡Ala, dikay kunkuna dayta, Bise-Rektor!,-insungbat ni kanonigo Irene, ket indurunna ti tugaw ni Padre Sibyla:-sadi Hongkong, negosio redondo ti aramid yo ket patakderkay a patakder kadagiti balbalay a...! ¡ne, ne, ne!
¡Ni, ni!-insungbatna met:-dakayo diyo makita dagiti pagbusbusbusan mi, ket dagiti mangtaltalon kadagiti dagdaga mi rugyanda ti agririn. . . - ¡Ala, isuna dagita un-unnuyen, puniales, ta no saan, ag- sangitak!-inpukkaw a siraragsak ni Padre Camorra.-Dakami dikam agasog idinto ta awan dagdaga mi, awan Banko mi. ¡Ket ammuenyo a dagiti indio rugyanda metten ti tumawar ka- dagiti singsingiren ti Simbaan ket inda pay sasairen ti taripa! Kitaenyo ta ibagbagada ita kaniak ti tripa ket ti pay met ket ngad intuyang daydi arsobispo don Basilio Sancho, ¡puniales! a kas la ket no nanipod idi ingga na ita, saan a ngimmina ti pa- teg dagiti gatgatangen! ¡Ja, ja, ja! Ania pay met ket ti gapo- na a ti maysa a buniag nalaklaka ngem ti maysa a pamusian? Ngem siak, agintutulengak, singirek ti mabalin ko ket diak agasog kaano man. Dakami saankam a naagom, ¿saan a pudno. Padre Salvi?
