- 339
Ni Padre Florentino insardengna ti nagtugtog ket immasideg iti tawa a mangbuya iti taaw. Ti awan ania na a
rabaw ti danoin, uray la kuma no maysa a sasakayan, uray la
kuma no maysa a layag, awan man ipaltiingna kenkuana.
Ti bassit a puro a makita iti adayo, daydi puro a waywayas,
isuna la nga inna ibaga ti kinamaymaysa na ket pagbalinenna
nga adadda man la ngartiden a waywayas ti tangatang. Ti
mangliwengliweng, ti awan patingga na, no dadduma, pukawenna ti inanama iti kinaumel na.
Kayat daydi lakay a padi nga usigen daydi naliday ken nalais a isem ni Simoun idi naibaga kenkuana nga inda tiliwen. dAnia ti kayat a sawen daydi nga isem? ¿Ket daydi pay maysa nga isem na nga adadda manen a nalidliday ken nalalais, idi naammuanna a sadanto la mapan tiliwen no agpatit ti maikawalo nga uras iti rabii? ¿Ania ti kayat a sawen daydi a palimed? ¿Apay ti pagadian ni Simoun nga aglemmeng?
Immapay iti lagip na ti agdindinamag a sinao ni San Juan Crisostomo idi inna insakit ni eunuko (kapon) nga Eutropio: Kaano man awan kas ita a maitutop a panagkuna: ubbaw dagiti ub-ubbaw ket ubbaw amin nga adda!
—Wen, ni daydi Simoun a kasta unay nagbaknang, kasta unay a kinamannakabalin na, kasta unay a panangkabuteng da kenkuana itay laeng kallabes a lawas na, ita, adaddan ti kinadaksanggasat na ngem ni Eutropio, agsapol iti inna pagkamangan, ket saan a kadagiti al-altar ti maysa a simbaan, no di ket iti nakurapay a balay ti maysa a nakakaasi a padi nga indio, balay a nayaw-awan iti tengnga ti bakir, iti way wayas a igid ti taaw! Ubbaw dagiti ub-ubbaw ket ubbaw amin nga adda! Ket daydi a tao, iti uneg ti mabiit a uras, indanto tiliwen, indanto akkalen iti ikamen a nakaidasayanna, a di man la pagraeman ti adda a kasasaad na, dida man la kitaen dagiti sugsugat na, SIBIBIAG WENNO NATAY, sapulen dagiti kabusor na! ¿Kasano ti panangispal ken sao ti Obispo sadi Konstantinopla? ¿Ania ti bileg dagiti na kurapay a balbalikas na, dagiti balbalikas ti maysa a padi nga indio, a ti pannakaidadanes na, ni pay Simoun, idi karanraniag na, kasna la dinayaw ken yinubyuban?
Ni Padre Florentino saan na a malagipen daydi saan a panangitaltalek kenkuana ti joyero, idi maikadua a bulan, idi inna kinasao tapno ilusutna kuma ni Isagani, a nabalod gapo iti nalabes a kurang ti annad na; nalipatanna daydi gagar ni Simoun a nangidaras iti panagasawa ni Paulita, iso a namagliday iti napalalo ken Isagani, nga iso met ti mamag-
