deg iti mangliwengliweng a tukok ti taaw. Kinitana ti law
law na. Maymaysa piman. Ti waywayas a igid ti taaw agpukaw sadi adayo a kas la nakudrep nga angep, a ti bulan
inna pukawen ingga na iti maitipon iti pagpatinggaan ti makita. Ti bakir ar-arasaas na dagiti sasao a di maaw-awatan.
Idi ta kasta, daydi lakay, iti pigsa dagidi nabaneg a taktakiagna, inbatuna daydi maleta iti tangatang a inpuruak na iti
taaw. Namin-ado a nagpulpuligos, ket nakaparpardas ti panagbaba na nga agarop pay nagkiet-bassit, adda nagsilap iti
nalinis a rabaw na a sumagmamano a nabessag a sinsinamar.
Daydi lakay nakitana nga addada naiwarwarsi a tedtedted ti
danom, adda nangngegna a naguped nga aweng, ket ti taaw
nagtangep a tinilmunna daydi gameng. Naguray iti sumag
mamano a kanito, ta kinitana no ti taaw adda inna isubli,
ngem dagiti daldalluyon nagsublida man a naglukuten a kas
met la idi punganay ti kinalimed da, a di man nanayunan iti
uray apagbassit ti kasla natikaptikapan a rabaw da, a kas no
maysa la a bassit a bato ti natinnag iti taaw a mangliweng
liweng.
—Ti Nakaparsuaan iso ti inda kenka mangitallimeng iti nauneg a tukok ti taaw, iti yan dagiti perperlas ken korkorales ti agnanayon a danom! —kinuna iti nadeggang daydi apo padi, nga inwayatna a siraranga dagiti taktakiag na. —Inton dagiti tattao inda ka masapol a ipaay napateg ken nasudi a banag, ni Apo Mugna ammunakanto nga aunen iti sidong dagiti daldalluyon... Ngem inggana iti saan a dumteng dayta, dita saanmunto nga aramiden ti dakes, saanmunto a killuen ti linteg, saanmunto a yubyuban ti agom!. . .
