Ebanjelio ni San Juan, ket kasta da nga inda maubba nga
ipanda ida pakimisaen iti mayor nga agpaot iti nganngani
maysa nga uras, pilitenda ida nga agsagaba iti pudot ken iti
angot dagiti ado a tattao nga agdidippit ken aglinglinget, ket
no dida palualo kadakuada ti Santo Rosario, mapilitda nga
agtalna, agpungtot wenno maturog. Iti tunggal garaw wenno
alikuteg da a mabalin a makarugit iti aruaten da, maysa a
kuddot maysa nga anawa; gapo na a dida agkatawa ket dida
met naragsak, ket mabasa kadagiti nabukel a matmata da ti
iliw da iti daan a kamisola da iti patinayon nga aldaw ken ti
adi da iti kasta unay a binurdaan. Sada ipan ida yuli-uli kadagiti balbalay dagiti kakabagyan a mapan pagmanuen; sadiay, inda agsala, agkanta ken agaramid iti amin nga ammo
da a makaparagsak, nasayaat man wenno dakes ti ulo da, maaripungetda man wenno saan kadagiti naikapetda nga araruaten, ken di agkurang ti kuddot ken unget, noi kas ta
aramidenda dagiti kadkadawyan dagiti ububbing.
Dagiti
kakabagyan da ikkanda ida iti kuarta nga idulin dagiti nagannak kadakuada, kuarta nga iti kaaduan na, saan da a maalalimadamaden. Ti kakaisuna a pudno a maalada iti piesta,
iso dagiti lamlamma dagiti kudkuddot a nasaon, ti pannakaparparigat da wenno ti pannakaempatso da pay ket di gapo
kadagiti sinsinamit kada kankananen a kinkinnanda kadagiti balbalay dagiti naimbag a kakabagyan. Ngem iso dayta
ti kadawyan, ket dagiti ububbing a pilipino sumbrekda iti lubong kadagita a pagpadpadasan, a iti kamaudianan na, isuda
ket ti kabassitan iti ited a liday ken saan a karigatan a inda
lak-amen iti bayat ti panagbiag dagidiay a tattao. . .
Dagiti lumallakay bassiten, nga agbiagen nga agwaywayas, makiramanda met itoy a rambak. Inda sarungkaran dagiti nagannak kadakuada ken dagiti uuliteg ken iikit da, inda iparintumeng ti maysa a tumeng da ken mangted iti naimbag a paskua; ti aginaldo nga awatenda, maysa a sinamit, maysa a bunga sangabaso a danom, wenno uray ania a pasarabo, nga awan unay patpateg na.
Ni lakay Selo nakitana a limmabas amin dagiti gagayyem na ket panpanunutenna piman a silaladingit a iti daydi a tawen, awan pagpaaginaldo na ket ti apuko na pimmanaw pay nga awan naikuyugna, ket dina pay ket kinablaawanen iti nagasat a paskua. ?Maysa daydi a kinalinis ti awid ni Juli. wenno lipat laeng?
Idi kinayat ni lakay Selo a kamag-anen dagiti kakabagyanna a napan kenkuana kimmablaaw, a inkuyugda dagiti annak da, nasdaawan unay ta saan metten a makayebkas iti uray
