- 69
kabagyan tayo a managbasol a rebbengtay kuma nga insure
iti kinasingpet ket ditay inaramid.
Dagiti kakabagyan a managbasol a kunana, kayatda a tuduen ni Juliana; iti daydi baket a mananglualo, ni Juli, dakkel unay a managbasol.
—Nakapuutkayon iti maysa a balasang nga as-asawaenen, a dina pay ammo ti aglualo? Jesus, ania a kinadakes? Tay awanan kaikarian dina malualo ti Dios te Salbe, Maria, a di agsardeng iti es konligo, kasta met ti Santa Maria, a di agsarugaddeng iti pekadores, kas rebbeng nga aramiden ti amin a naimbag a kristiana nga buteng na ken Apo Dios! Susmariusep! Dina ammo ti oremus gratiam ket menlibus kunana iti mentibus! Uray asino a makangngeg kenkuana, kunana la no suman de ibus ti ibagbaga na. Susmariusep!
Ket agugis a maririan unay, ket agyaman ken Apo Dios ta inpalubusna a nakayawan ti ama, tapno ti anak maipanaw iti basol ket adalenna ti kinasingpet a rebbeng a maikawes kadagiti amin a babbai a kristiana, kas kuna dagiti kukura. Ket toy iso ti gapo na a tagtagabuenna, dina palubusan nga agsubli iti away nga mapan mangaywan ken apo na a lakay. Ni Juli rebbengna ti agadal iti lualo, agbasa kadagiti babassit a pagpagbasaan a ibunbunong dagiti praile ken agbannog inggana iti inna mabayadan daydi dua gasot ket lima pulo a pisos.
Idi naammuanna a ni Basilio napan sadi Manila ta inna innala dagiti naur-urnong na a pangsubbutna ken Juli iti balay a pakatagtagabuanna, inpapan daydi naimbag a baket a ti balasang mapukawen a ingga na iti ingga na ket ti sairo agparang kenkuana babaen ti langa daydi agad-adal. Uray nakassursuron ken iso aminen, agpayso unay ti sasawen ti pagbasaan a inted kenkuana ti kura! Dagiti agtutubo a mapan sadi Manila agadal, madadaelda ket dadaelenda pay dagiti sabsabali. Ket iti panangipagarop na a maisalakan ni Juli, inna pabasa ken pabasabasa kenkuana ti pagbasaan a “Tandang Basio Makunat” (“Ni Lakay Basio a Nakulbet,”) pagbasaan nga aramid ti praile a pangirurumen unay kadagiti pilipino), ket igunamgunamna a kanayon a inna kitaen ti kura iti konbento, kas aramid daydi masarsarita a babai iti pagbasaan, iso nga ipadpadayaw unay ti praile a nagaramid.
Iti bayad dagitoy a naar-aramid, dagiti praile kasta unay a ragsak da: inabakdan a naminpinsan ti ringgor ket inkalikagumda idi adda a sikakayaw ni Kabesang Tales, a inted dagiti dagdaga na iti daydi dimmawat, nga awan man la ti bassit a ritur ti nakem na wenno sangkabassit a bain na. Idi nagsubli ti daan nga akinkukua ket naammuanna ti naaramid,
