- 75
ngumisit a balbag ti langit iti rinibo a silsilaw nga adda amin
a kita, a kasta unay a raniag da, ta kudrependa pay dagiti awan
patingga da a bitbituen, mabalinda a patta-pattaen ti buya
dagiti batbato iti daydi a pagikabilan.
Ni Simoun, a kasna itay pangnayon iti siddaaw dagiti sisasango, inna pagkutikutien dagiti batbato kadagiti kayumanggi ken nadawis a ramramay na, a kasla itay maragsakan unay iti daydi aweng da a nasinsin-aw, iti daydi naraniag a panagayos da a kasla tedted ti danom a mangted maris ti bulalayaw. Ti raniag dagiti nagkaado a ruprupa dagiti batbato ti panangpanunot iti kinangina unay ti pateg da ulawenda ti panagkita. Ni Kabesang Tales, a immasideg met a kimmita, inkidemna dagiti matmata na ket dagos a immadayo a kasna itay kayat a yaw-awanan ti maysa a dakes a panunot. Ti kasta unay a kinabaknang idadanesna piman ti rigat a pasamakenna; daydi a tao napan man sadiay nga mapan mangipasindayaw iti mangliwengliweng a saniata na idi pay met ket nga aldaw a kasangwanan ti inna panangpapanaw iti daydi balay a pinatakderna kadagiti im-ima na gapo iti kaawan ti pirakna, ken kaawan ti manaranay kenkuana.
-Kitaenyo dagitoy dua a birbrilyante a nangisit, maibi- langda kadagiti kadadaklan nga adda ditoy lubong,-kinuna daydi joyero; narigatda unay a tinikapan, ta isuda ti kata- tangkenan... Toy bato nga agarop lumabaga, brilyante met, kasta met toy naganos, (berde), a pagarupen dagiti dadduma nga esmeralda. Ni insik Quiroga tawtawaranna iti innem a ribo a pisos, ta irigaluna iti maysa a babai a mannakabalin unay... Ket saan a dagitoy naganos ti kanginginaan, no di ket dagitoy balbag, (azul).
Ket inlasinna ti tallo a batbato a saan unay a dadakkel, ngem nabengbengda, ket nasayaat unay ti pannakatikap da. nga agarup bumalbag.
Numan pay babbabassitda ngem toy naganos, -intuluy- na-mamindua ti pateg da. Kitaenyo toy kabassitan kadakuada amin, duddua a kilate ti dagsen na, - dua pulo ribo a pisos ti inggatangko ket diak ited no makurangan ti tallo pulo ribo. Ginagarak la ti nagbanyaga a napan gimmatang.
Daytoy maysa, a nasarakan kadagiti pagminasan sadi Golconda, tallo a kilate ket gudua ti bantot na ket nasurok a pito pulo ribo a pisos ti pateg na. Ti Birrey sadi India ud-ud-udanna iti sangapulo ket dua ribo a libra esterlina iti suratna a kaaw-awtko idi kasanga-aldaw.
Iti saklang ti kasta unay a kinabaknang, a natiptipon iti ikot daydi a tao, a kas la awan an-ania na nga agsasao, dagiti
