—Mabalin a bayadan iti dua pulo, ang-ang, — kinuna ni Kapitana Tika, a kasla mannakaammo;—ti balitok na, nasayaat, ket no matunaw, ado dagiti sabsabali nga al-alajas a pagbalinanna.
—Daytoy, maysa a singsing a nalabit, kukua ni Sila,—intuloy ni Simoun.
Maysa a singsing nga akaba, balitok ainin, awan lungogna, ket adda tanda a naiburik kenkuana.
—Dayta ngata ti indeppelna a pinangtanda kadagiti kedkeddeng na a nangpapatay kadagiti ado a tattao, iti bayat ti panagturay na, — kinuna ni Kapitan Basilio a bimsag iti rag-o.
Ket inna inam-amiris ket kinayatna a binasa ti tanda a naiburik; ngem nuinan pay kasano a panagbutbutingting na, gapo ta dina met ammo ti Paleograpia, awan inna nabasa.
—Ania ket a nagdakkelen ti ramay ni Sila! —kinunana idi agangayen; —lumbot dagiti dua a ramramay tayo; tay kunakon, agbaba tayo.
—Ado pay sabsabali nga al-alajas ko. . .
—No kakastoy da amin, Dios ti agngina langen! — insungbat ni Sinang; —kaykayatko dagitay babbaro.
Tunggal maysa pimmili iti maysa nga alajas, adda nangala iti singsing, adda nangala iti relos, adda nangala iti guardapelo. Ni Kapitana Tika gimmatang iti maysa a relikario, nga adda linaunna a sangkatipping iti daydi bato a nagsadagan kano ni Apo Tayo a Jesukristo idi maikatlo a pannakaitekleb na; ni Sinang, sangaparis nga aritos, ket ni Kapitan Basilio, ti singdan ti relos a itedna iti alperes, dagiti araritos ti dunia nga itedna iti kura, ken sabsabali pay a inna iregalo; dagiti dadduma a taga Tiani, tapno dida maatiw kadagidi taga San Diego, inbukruda met ti adda kadagiti supsupot da.
Ni Simoun aggatang met kadagiti al-alajas a kadaanan. agsukat, ket dagiti nainot a inna inkuyug dagiti saan da a masapol.
—Ket, dakayo, awan ilakuyo? —sinaludsod ni Simoun ken Kabesang Tales, idi makitana a sipsiputanna kadagiti matmata na a siaapal dagidi panaggiginnatang ken panagsisinnukat.
Ni Kabesang Tales kinunana a dagiti al-alajas ti anak na nailakudan ket dagiti natedda awan pateg da.
—Ket daydi relikario ni Maria Clara? — sinaludsod ni Sinang.
