11.11 ನನ ಪ್ರಕೃತಿ ರೂಪದ ಪ್ರಾತಿಪದಕ ಶಬ್ದಲು (ನಾಮರೂಪದವು)
ಕ್ರಿಯಾಸೂಚಕ ಪ್ರತ್ಯಯಲು ಸೇರ್ದ್ ಸಾಧಿತಶಬ್ದಲು ಅಪಾ. ಆಟ+ಗಾರೆ
(ಮಾಳ್ವುನಾಯೆ) ಇನ್ಪಿ ಸಾಧಿತ ನಾಮಪದವಾಪುಂಡು, ಆಡ್=ಗೊಬ್ಬ್ ಇನ್ಪಿ
ಧಾತುಡ್ದ್ ಆಟ ಇನ್ಪಿ ನಾಮರೂಪ ಪಡೆತ್ತ್‌‍ದ್ ಮಾಳ್ವುನಾಯೆ ಇನ್ಪಿ
ಅರ್ಥೊಡು ಗಾರೆ ಪ್ರತ್ಯಯ ಸೇರ್ದ್ ಆತಿನವು ಶಬ್ಧ- ಸಾಧಿತರೂಪದವು.
ಉದಾ: ಆಸ್ ಧಾತು ಸಂಸ್ಕೃತವು (to be) ಉಳ್ಳ ಧಾತುದ ಲೆಕ್ಕೊ
ಅರ್ಥವಿತ್ತಿನವು. ಅಯಿಟ್ ಅಸ್ತಿತ್ವ ಅಸ್ತಿಕ(ದೇವೆರೆನ್ ನಂಬುನಾಯೆ),
ನಾಸ್ತಿಕ(ನಂಬಂದಿನಾಯೆ), ಅಸ್ತಿಕ್ಯ, ಸತ್ (that which is), ಸತ್ಯ, ಸತ್ವ
ಅಸತ್ಯ, ಸತ್ಯಧರ್ಮ, ಸತ್ಯನಿಷ್ಟ, ಸತ್ಯವಾಕ್ಯ ಇನ್ನಗ ಸತ್ಯದ ಪಾತೆರೊ,
ಸತ್ಯಸಂಧ (ಸಂಧ=dedicated) ಇತ್ಯಾದಿ ಸಾಧಿತ ರೂಪಲು
ಮೂಲಧಾತುಡ್ದ್ ದುಂಬುಡು. ಪಿರಾವುಡ್ ಪ್ರತ್ಯಯ
(prefixes,suffixes) ಆತಿನವೆ ವಾಕ್ಯರಚನೆಡ್ ಮೂಲಧಾತು‌ಗ್
ಸಮಂಜಸವಾದಿತ್ತಿನ ಅರ್ಥೊಡು ಅರ್ಥವಿಸ್ತಾರ ಪಿನ್ಪಾವೊಂದು ಪೋಪಾ.
11.12 ಇಂಗ್ಲೀಷ್ ಭಾಷೆಡ್ "Jane | was singing | until her boy+friend] call+ed | for her-ಇನ್ಪಿ ಪಾತೆರೊಡು ing, ed, boy ಇತ್ಯಾದಿ ಅಕ್ಷರ ಪುಂಜಲು ಸ್ವತಂತ್ರ ಶಬ್ದಲು ಅತ್ತಾಂಡಲಾ, sing, call, friend ಇನ್ಪಿ ಕ್ರಿಯಾಪದಲು ನಾಮಪದೊಕ್ ಸೇರ್ದ್ ಪೂರ್ಣಾರ್ಥ ತೆರಿಪಾವಾ. Play+ing, play+er, sing+ing, sing+er, walk+ing ಇತ್ಯಾವಿಲೆಡ್ ing, er ಇನ್ಪಿನವು ಮಿತ್ತ್‌ಡ್ ತೆರಿಪಾಯಿನ ಒಂದು, ಗಾರೆ ಇನ್ಪಿ ಪ್ರತ್ಯಯದಂಚನೆ ಕ್ರಿಯಾಪದ ನಾಮರೂಪದ ಮಿತ್ತ್ ಪತ್ತ್‌ದ್ ಸಾಧಿತ ರೂಪವಾಪಿನಯಿಕುಳು. ಇಂದೆಕುಳೆಗ್ ಇಂಗ್ಲೀಷ್ ಭಾಷಾಶಾಸ್ತ್ರೊಡು morpheme ಇಂದ್‌‌‌ದ್‌ಲಾ. ಈ ವಿಚಾರದ ಅಧ್ಯಯನೊಗು morphology ಇಂದ್‌‌ಲಾ ಪಣ್ಪೆರ್‌, Player ಇನ್ಪಿನಯಿಟ್ er ಇನ್ಪಿನವು ಸಂಪೂರ್ಣ ಪದ, ಸ್ವತಂತ್ರ ಪದ (free morpheme), ಪದ ಇನ್ನಗ ವಾಕ್ಯದ ಕನಿಷ್ಟ ರೂಪ ಇಂದ್‌‌ದೆ ತೆರಿಯೊಡು. er ಇನ್ಪಿನವು a bound morpheme ಇಂದ್‌ದ್ ಸಂಸ್ಕೃತೊಡು ಪ್ರತ್ಯಯ ಇನ್ಪಿ ಪುದರ್ ಪಡೆತ್ತ್‌ದುಂಡು. ಈ ಪ್ರತ್ಯಯ ಅಥವಾ morpheme ಕೇವಲ ಒಂಜೆ ಧ್ವನಿಮೆ (phoneme) ಆದ್‌ಲಾ ಇಪ್ಪೊಲಿ. ಉದಾ: He went a+way - ಇಂದೆಟ್ Way ಇನ್ನಿನವು ಸಂಪೂರ್ಣ/ ಸ್ವತಂತ್ರಪದ (free morpheme), a+ ಇನ್ಪಿನವು ಪ್ರತ್ಯಯ ರೂಪದ bound morpheme, ಅಯಿಟ್ "ಎ" ಧ್ವನಿಮೆ ಒಂಜಿ ಮಾತ್ರ ಉಂಡು, ಅರ್ಥವುಂಡು ಅಯಿಕ್, ದುಂಬ‌ಗ್
ತುಳು ಪಾತೆರೊ
