Page:Tulu Patero 2017bmr.pdf/220

ತಿಕ್ಕ್‌ದ್ , ಸಾವಿರ ಸಾವಿರ ವರ್ಷದ ಅಯಿತ ಬದ್‌ಕ್‌ಡ್, ನನ ಒರಿಯ‌ಗ್ ಆಯಿನಾತ್ ಕಮ್ಮಿ, ಶಬ್ದಲೆಡ್,ಆಯಿನಾತ್ ತ್ವರೆಯಾದ್ ಪಿನ್ಪಾವುನ, ಅಯಿತ ಆಂತರಿಕ ಶಕ್ತಿ ಪಾಪೆರ್ಪಿನಾಯಗ್‌ ತಿಕ್ಕುನ ಅಗತ್ಯ. ಉದಾ: ಸಂಸ್ಕೃತ ಭಾಷೆ ವಿಪುಲ ಭಾಷೆ ಆದುಪ್ಪೊಡುಡಾ, ಇ೦ಚಿನ ವ್ಯವಸಾಯ, ಸಾಧನೆ ಸಾವಿರ ಸಾವಿರ ವರ್ಷದವು. ಅಭಿಪ್ರಾಯ ಅಭಿವ್ಯಕ್ತತೆಗ್ ಅತ್ಯಂತ ನಿರ್ದಿಷ್ಟ ರೂಪರಚನೆ ಆ ಭಾಷೆಡ್ ನಡತ್ದ್‌ಂ ಡ್; ಅಂಚಾದ ಪಾಪೆರ್ಪಿ ನಾಯಗ್ , ಮುಖ್ಯವಾದ್ ಬರೆಪಿನಾಯಗ್ ವಿಷಯ ನಿರೂಪಣೆ ಮಾಳ್ಪೆರೆ ಅತ್ಯಂತ ಸಹಕಾರಿಯಾದುಂಡು. ಅಂಚನೇ ಆಧುನಿಕ ಭಾಷೆಲೆಡ್, ನಂಕ್ ತೆರಿದುಪ್ಪುನ ಇಂಗ್ಲೀಷ್ ಭಾಷೆಡ್ ಇಂಚಿನ ಸಾಧನೆ ನಡತ್ತ್ ದುಂಡು. ಅಯಿಟತ್ರ ,ಇಂಗ್ಲೀಷ್ ಕಲ್ತಿನಕುಳೆಗ್, ಅಕುಳು ಅಭಿವ್ಯಕ್ತಿ ಮಾಳ್ಪರೆಗ್ ತಕ್ಕಂತಿನ ಭಾಷಾ ಪ್ರಯೋಗಲು ಇತ್ತ್ ದ್ , ಅಕುಳು ಪಿನ್ಪಾವುನ ಅರ್ಥದ ಮಿತ್ತ್ ಅಕುಳೆಗ್ ತೃಪ್ತಿ ಇಪ್ಪುನ ಅವಕಾಶವುಂಡು. ಅಂಚಾದ್, ಜೀವಂತ ಭಾಷೆ ಇನ್ಪಿ ವ್ಯವಹಾರದ ಭಾಷೆಡ್, ಇಂಗ್ಲೀಷ್ ಭಾಷೆ ವಿಪುಲ ಭಾಷೆಯಾದ್, ಜನಮಾನಿ ವ್ಯವಹಾರ, ಅಭಿಪ್ರಾಯ, ಅಭಿವ್ಯಕ್ತತೆ ಸಾಮರ್ಥ್ಯ ಪಡೆತ್ತೊಂದು, ವಿಜ್ಞಾನ,ಸಾಹಿತ್ಯ ಗ್ರಂಥರಚನೆಡ್ ಜಗದ ಮುಖ್ಯ ಭಾಷೆಯಾದ್ ಬೈದ್‌ಂಡ್. ಈ ವ್ಯವಸಾಯ, ಸಾಧನೆನೇ ಸದ್ಯ ಈ ಪ್ರಕರಣದ ಮುಖ್ಯ ವಸ್ತು-ವಾಕ್ಯ ರಚನೆ ಅಥವಾ ಪಾತೆರೊದ ಅಭಿವ್ಯಕ್ತತೆದ ರೀತಿ.

15.14 ಪಾತೆರ್ಪಿನಾಯೆ, ಬರೆಪಿನಾಯ ಪಾತೆರೊದ ವಾಕ್ಯಲೆಡ್ ವಾಕ್ಯಸರಣಿಲೆಡ್ ಅಭಿಪ್ರಾಯ ವ್ಯಕ್ತಿ ಮಾಳ್ವುನಯಿಟ್, ತರಬೇತಿ ಸಾಧನೆ ಎಂಚ ಸಾಧ್ಯ ಇನ್ನಗ, ಸದ್ಯ ಈತ್ ಪಣೋಲಿ, ಭಾವನೆ-ಚಿಂತನೆಲು ಆಯೆ ಎನ್ನೊಂದು ಪೊಯಿನಪಗನೇ ಪಾತೆರೊಗು ಅನುವಾದವಾಪಿನ ಕಾರ್ಯ ದಿಂಜ ಸಹಕಾರಿ , ಒಂಜಿ ರೀತಿಡ್ ಈ ಕೆಲಸಲಾ ಸಮಪರ್ಕವತ್ತ್ ಅಯಿಡ್ದತ್ರ ಈ ಭಾವನೆ-ಚಿಂತನೆಲು ಪಾತೆರೊದ ವಾಕ್ಯಲೆಡ್ ತರ್ಕಬದ್ಧವಾದ ಆಯನ ಇನ್ನಿಕೆಡ್ ಆರಂಭವಾಂಡ, ಅಭಿವ್ಯಕ್ತತೆ (ಇನ್ನಗ ಪಿನ್ಪಾವುನ) ಕೆಲಸ ಸುಗಮ, ಆಯಗ್ ತೆರಿದಿತ್ತಿನ, ಅತ್ಯಂತ ಪ್ರೀತಿದ ಒಲವು ಇತ್ತಿನ ಭಾಷೆಡೆ ಈ ವಿಚಾರ ಸರಣಿಲು, ಭಾವ-ಚಿಂತನೆಲು ಮೂಡ್ದ್ ಬರ್ಪಾ. ಈತ್ ಪಣ್ಣನಗ ನಮ್ಮ ಭಾವ-ಭಾವನೆಲು ಉಂಡಾಪಿನ ನಮ ಪರಿಸರದ ಮಿತ್ತ್ ನಮ ಚಿಂತನೆಲು ಉಂಡಾಪಿನಿ ನಮ ಸಂಸ್ಕೃತಿದ ಮಿತ್ತ್ ಇನ್ಪಿ ವಿಷಯ ಗಮನೀಯ. ಉದಾ: ಇಂಗ್ಲೀಷ್ ಭಾಷೆದ ಪರಿಜ್ಞಾನವಿಪ್ಪು, ಆ ಪರಿಜ್ಞಾನ ಬತ್ತಿನಿ ಇಂಗ್ಲೀಷ್ ಪರಿಸರ,ಯುರೋಪ್ ಸಂಸ್ಕೃತಿಡ ಮೂಡ್ದ್ ಬೈದಿನ ಚಿಂತನೆಲು ಸಿದ್ಧಮಾಳ್ತಿನಯಿಟ್, ಅಯಿತ ಪರಿಸರದ ಸಂಬಂಧವಾವಡ್, ಸಂಸ್ಕೃತಿದ ಐಕ್ಯತೆ ಆವಡ್, ನಮ ಪಾತೆರೊಗಿಜ್ಜಿ. ನಮ ನಮ ಪರಿಸರತ, ಸಂಸ್ಕೃತಿಡ್ದ್ ಪ್ರಭಾವಿತವಾದ್ ನಮ ಎನ್ನುವ ನೀತಿ, ದಾಟಿ ಇತ್ಯಾದಿ ಪ್ರಭಾವಿತವಾದಿತ್ತಿನ ನಮ ಪಾತೆರೊಡ್ದ್ . ಅಂಚಾದ್ ಸಾಮಾನ್ಯವಾದ್

219