hearing)
+ ಸಾವು ಅಡ್ರೆಗ್ ( for ones worst)
← ದೆತ್ತ್ ಪಾಡಿನಾಯೆ ( worst possible fellow) ಇತ್ಯಾದಿ.
ತುಳು ಗಾದೆಲು
17.20 ಗಾದೆಲು: ಪಾತೆರೊ ಪಾತೆರೊಗು ಗಾದೆ ಪಣ್ಪಿನವು ಕೆಲವೆರೆಗ್
ದಿಂಜ ಪ್ರೀತಿದ ವಿಷಯ. ಈ ಗಾದೆಲು ಉಪಮಾನದ ಲೆಕ್ಕೊ ಪಾತೆರೊದ
ಅರ್ಥ ಎಚ್ಚಾವರೆಗ್ ಇಪ್ಪುನವಾಂಡಲಾ, ಸಮಯ ಸಂದರ್ಭ ತೂದ್,
ಪ್ರಯೋಗ ಮಾಳ್ಪೊಡು. ಪಾತೆರ್ಪಿನಾಯಡ ಗಾದೆಲೆನ ದಿಂಜ
ಸಂಗ್ರಹವಿತ್ತಂಡಲಾ, ಅಯಿಕುಳೆನ ಉಪಯೋಗ ಮಾಳ್ಪುನಗ ದಿಂಜ ಎಚ್ಚರ
ಬೋಡು. ಆಂಡಲಾ, ಸಾಮನ್ಯವಾದ್ ಈ ಗಾದೆಲೆಡ್‌ಅನುಭವ ದಿಂಜ
ಉಂಡು. ಜನಮಾನಿ ಪಿರಾಕ್‌ಡ್ದ್
ಇಂಚಿ ಅನುಭವದ ಮುಖಾಂತರ
ಪಾತೆರೊಗು
ಕೆಲವು
ವಿಶಿಷ್ಟ
ಸಂದರ್ಭಸೂಚಕವಾಂಡ, ನನ ಕೆಲವು ನಿತ್ಯ ಸತ್ಯವಾಕ್ಯೊಲು ಕೂಡಾ
ಅಂದ್. ತುಳು ಗಾದೆಲೆನ್ ಶ್ರೀ ಬಿ.ಎ.ವಿವೇಕ ರೈಕುಲು ಸಂಗ್ರಹಣ
ಮಾಳ್ತ್ ದ್ "ತೌಳವ ಸಂಸ್ಕೃತಿಡ್" ಕೆಲವೆನ್ ತೋಜಾದೆರ್.
ಅಂಚನೆ,ರೆವರೆಂಡ್ ಬ್ರಿಜೆಲೆರ್ ಕೂಡಾ ತುಳು ಗಾದೆಲೆನ್ ಮಲ್ಲ ಪಟ್ಟಿ
ಕೊರ್ತೆರ್, ಮುಲ್ಪ ಮಾದರಿಗಾದ್ ಕೆಲವೈಕುಳೆನ್ ಕೊರ್ಪಿನ ಇಯಾರಂದ್
ತೋಜುಂಡು, ಉದಾ:
೧. ಅಂದಾಯಿ ಪಾತೆರೊಗು ಸಂದಾಯ ಇಜ್ಜಿ.
೨. ಉಡಲ್ಡ್ ಪುಟ್ಟೋಡು ಬುದ್ಧಿ,ಬಿನ್ನಿಡ್ ಪುಟ್ಟೋಡು ಒರಕೊ (spring).
೩. ಅಮ್ಮೆ , ಸೈತಿ ಬೊಕ್ಕ ಅಮ್ಮ ಇಲ್ಲಾಲ್ ಉಂತರೆ ಬಲ್ಲಿ, ಬರ್ಸೊ ಬುಡಿ ಬೊಕ್ಕ
ಮರತ್ತಡಿಟ್ ಉಂತರೆ ಬಲ್ಲಿ.
೪. ಅಪ್ಪೆ ಅಪ್ಪೆನೆ ಸಿದ್ದಪ್ಪೆ ಸಿದ್ದಪ್ಪೆನೇ.
೫. ಅಪ್ಪೆಗ್ ಆವಂದಿ ಮಗೆ ಊರುಗ್ ಅವೆನೋ?
೬. ಕೃಷಿಟ್ ಸುರು ಕಷ್ಟೋ, ಸಂಸಾರೊಡು ನಡು ಕಷ್ಟೊ, ವ್ಯಾಪಾರೊಡು
ಕಡೆ ಕಷ್ಟೊ.
೭. ತಾರಿ ಕಂಡೊಡು ಮೂಜಿ ಬುಳೆ.
೮. ತಿಗಲೆಡ್ ಕುಜಲ್ ಇಜ್ಜಾಂತಿನಾಯನ್ ನಂಬರೆ ಬಲ್ಲಿ.
೯. ಒಂತೆ ಕಜಿಪು‌ಗ್ ಉಪ್ಪು ಜಾಸ್ತಿ.
೧೦. ಅಕುಳಕುಳೆನ ತರೆಕ್ ಅಕುಳಕುಳೆನ ಕೈ
೧೧. ಉಂಡಿನಾಯಗ್‌ ಬಡವು ಎಚ್ಚ, ಮೀಯಿನಾಯಗ್‌ ಕುರೆ ಎಚ್ಚ.
೧೨. ಮರತ್ತ ಪುರಿ ಮರನೆ ತಿನ್ಪುಂಡು.
೧೩. ಮಾರ್ಮಳ್ ಪುಡತ್ತಿನ ಕರ ಜಾಲ್ಡ್ ,ಮಾಮಿ ಪುಡತ್ತಿನ ಕರ ದೆಂಗಡ್.
ತುಳು ಪಾತೆರೊ
