This page has not been proofread.
敢勞動你、 你喜歡呌我做事、致係賞面過我呮、
昨日蒙賜個啲茶葉、味道極好、多謝多謝、 好話、我呢帳去
崇安、順便到武彝山逛嘵兩日、帶得啲茶葉、送啲咁多過去、
十分唔成敬意嘅、 好話、朋友交情緊要、重在情分啫、唔重
在野嘅、
你去邊處、 我去拜客、想去拜張老師、 噉、請你同我問候
吓張兄喇、話我極之記念佢、得閒請佢嚟坐吓、 前幾日我
去佢處之時、佢也曾囑咐我問候你嚟嚹、因爲佢夫人呢排
唔舒服、所以佢總唔便出街、
凡人講說話、總要誠實、 個啲自然喇、如果有講大話騙人
