Ban/Gaguritan Lutung Mungil 02

Deskripsi

Bahasa Indonesia

Lontar ini berisi tentang pupuh Durma, pupuh Smarandhana, pupuh Ginanti, dan lain-lain serta menceritakan seekor Kera yang banyak akal dan pandai dalam berbicara hingga ia pun membantu Sang Rama untuk mengalahkan Desa Alengka

Naskah

[ 1 ][Gag. Lutung Mungil.
Panjang 35 cm. 73 lb.
Kubutambhana
PERPUSTAKAAN
KTR. DOKBUD BALI
PROP. BALI
G/X/8/DOKBUD]
[᭑ 1A]
᭚ᬕᬕᬸᬭᬶᬢᬦ᭄ᬮᬸᬢᬸᬂᬫᬸᬗᬶᬮ᭄᭟
[LUTUNG Mungil
01
G/X/8] [ 2 ][᭑ 1B]
᭑᭟
᭚ᬑᬁᬅᬯᬶᬖ᭄ᬦᬫᬲ᭄ᬢᬸ᭟᭜᭟ᬧᬸᬄᬫᬕᬢ᭄ᬭᬸᬄ᭟ᬑᬁᬅᬯᬶᬖ᭄ᬦᬫᬧᬸᬚᬶᬲᬸᬦ᭄ᬤᬸᬓ᭄ᬢᭂᬫ᭄ᬩᬾᬦᬶᬂᬳᬗᬧᬸᬲ᭄᭞ᬫᭀᬖᬦᭂᬫᬸᬤᬶᬃᬖᬬᬸᬱᬵᬤᬶ᭞ᬗ᭄ᬯᬂᬤᬰᬶᬤᬶᬦᬓᬮᬗ᭄ᬓᬸᬂ᭞ᬫᬶᬦ᭄ᬢᬕᬸᬂᬋᬡᬳ
ᬫ᭄ᬧᬸᬭᬶ᭞ᬱᬸᬪᬓᬂᬘᬶᬦᬶᬢ᭄ᬢᬦᬶᬗᭀᬂ᭟᭜᭟ᬧᬸᬄᬤᬸᬃᬫ᭄ᬫ᭟᭜᭟ᬲᬓᬶᬂᬳᬶᬲᭂᬂᬫᬭᬶᬓ᭄ᬲᬢ᭄ᬯᬘᬘᬦ᭄ᬢᬸᬗᬦ᭄᭞ᬪᬲᬦ᭄ᬬᬚᬯᬩᬮᬶ᭞ᬳᬧᬂᬫᬶᬮᬸᬫᬢ᭄ᬭ᭞ᬗᬶᬭᬶᬂᬧᬫᬃᬕ᭄ᬕᬶᬮᬯᬲ᭄᭞ᬓᬭᬡ
ᬫᬶᬮᬸᬦᬸᬮᬤ᭄ᬓᬶᬥᬶᬓ᭄᭞ᬲᬸᬫᬲᬢ᭄ᬫᬮᬚᬄ᭞ᬤ᭄ᬭᭀᬧᭀᬦ᭄ᬫᬲᬶᬄᬫᬗᬯᬶ᭟᭜᭟ᬫᬶᬭᬶᬩ᭄ᬢᬢᬲ᭄ᬦᬯᬂᬧᬧᭂᬘᬄᬅᬓ᭄ᬱᬭ᭞ᬓᬶᬓᬸᬓ᭄ᬓᭂᬘᬧ᭄ᬜᬫ᭄ᬧᬶᬂ᭞ᬲᬸᬕᬮᬲᬶᬂᬫᬸᬜᬶᬬᬂ᭞ᬬᬤᬶᬦᬓᬾ
ᬢᭀᬧᬗ᭄ᬓᬄ᭞ᬫᬲᬶᬄᬫᬶᬮᬸᬗ᭄ᬕᬯᬾᬕᬸᬭᬶᬢ᭄᭞ᬦ᭄ᬤᬸᬍᬕᬶᬦ᭄ᬫᬦᬄ᭞ᬦᬸᬦ᭄ᬤᬸᬦᬶᬦ᭄ᬫᬦᬄᬕᭂᬢᬶᬂ᭟᭜᭟ᬳᬯᬓ᭄ᬓᭀᬮᬸᬕ᭄ᬢᬸᬃᬓᬢᬸᬦᬚᬷᬰᬵᬲ᭄ᬢ᭄ᬭ᭞ᬫᬲᬶᬄᬫᬶᬮᬸᬫᬧᬶᬫᬧᬶ᭞ᬳᬶᬩᬸᬓ᭄ᬲᬓᬶ
[᭒ 2A]
ᬢ᭄ᬫᬳᬶᬭᬂ᭞ᬳᬲᬶᬂᬧᬥᬫᬫᬶᬋᬗᬂ᭞ᬯᭂᬢᬸᬳᬶᬥᭂᬧ᭄ᬢ᭄ᬯᬭᬳᬶᬫ᭄ᬗᬶᬄ᭞ᬚᬗ᭄ᬓᭂᬧ᭄ᬭᬶᬭᬶᬕᬦ᭄᭞ᬲᬢ᭄ᬫᬯᬓ᭄ᬰᬵᬲ᭄ᬢ᭄ᬭᬫᬢᬶ᭟᭜᭟ᬲᬂᬳᬗᬗ᭄ᬕᬶᬢᬫᬶᬦ᭄ᬢᬕᭂᬂᬋᬡᬳᬫ᭄ᬧᬸᬭ᭞ᬭᬶᬂᬳᬶᬤᬤᬦᬾᬲᬫᬶ᭞
ᬲᬶᬂᬲᬸᬤ᭄ᬥᬶᬫᬜᬶᬗᬓ᭄᭞ᬕᬶᬸᬂᬢ᭄ᬭᬶᬸᬂᬰᬵᬲ᭄ᬢ᭄ᬭᬦᬾᬫᬳᬤᬸᬓᬦ᭄᭞ᬢᬦᬶᬧᬲᬂᬧᬸᬧᬸᬄᬕᭂᬦ᭄ᬥᬶᬂ᭞ᬲᬫᬶᬜᬸᬮᬶᬗ᭄ᬲᬂ᭞ᬲᭀᬓ᭄ᬤᬤᬶᬬᬧᬘᬳᬶᬦ᭄᭟᭜᭟ᬧᬘᬂᬳᬗ᭄ᬕᬾᬦ᭄ᬲᬢ᭄ᬯᬭᬶᬓᬵᬮᬦᬶᬂᬚᬸᬫᬄ᭞ᬫᬶᬢᬸ
ᬢᬸᬭᬶᬦ᭄ᬘᭂᬦᬶᬓ᭄ᬘᭂᬦᬶᬓ᭄᭞ᬩᬶᬮᬶᬄᬲᬶᬤ᭄ᬥᬲᬥ᭄ᬬ᭞ᬤᬗᬦ᭄ᬬᬜᬓ᭄ᬫᬮᬚᬄ᭞ᬭᬾᬄᬲᬸᬩᬦ᭄ᬤᬂᬫᬸᬭᬸᬓᬶᬦ᭄᭞ᬗ᭄ᬕᬸᬕ᭄ᬯᬦᬶᬦ᭄ᬰᬵᬲ᭄ᬢ᭄ᬭ᭞ᬧᬗᬯᭂᬓᬲᬶᬂᬢᬦ᭄ᬢ᭄ᬭᬷ᭟᭜᭟ᬳᬤᬩᭀᬚᭀᬕ᭄ᬫᬗᬶᬮ᭄ᬢᬸᬃᬘᬘᭂᬧ᭄ᬫᬓ᭄ᬭᬸ
ᬡ᭞ᬫᬸᬮᬗᬸᬧᬬᬲᬦ᭄ᬥᬶ᭞ᬢᬸᬲ᭄ᬢᬸᬲ᭄ᬦᬶᬂᬓᬶᬲ᭄ᬓᭂᬦ᭄ᬤ᭞ᬳᬶᬬᬫᬸᬮᬓᬳᬋᬧᬂ᭞ᬫ᭄ᬩᬦ᭄ᬢᬸᬯᬶᬦ᭄ᬲᬂᬭᬵᬫᬗᬹᬦᬷ᭞ᬗᬮᬳᬂᬤᬾᬰ᭞ᬍᬗ᭄ᬓᬦᬾᬮᬶᬗ᭄ᬲᭂᬫ᭄ᬩ᭄ᬭᬲᬶᬄ᭟᭜᭟ᬘᬭᬶᬢᬬᬂᬲᭂᬤᭂᬓ᭄ᬬ [ 3 ][᭒ 2B]
᭒᭟
ᬫᬮᭀᬦᬮᭀᬦ᭄᭞ᬤᬶᬢᭂᬗᬄᬳᬮᬲᬦᬸᬮᬶ᭞ᬦ᭄ᬤᬶᬗᭂᬄᬫᬸᬜᬶᬦ᭄ᬰᬢ᭞ᬓᬓ᭄ᬭᬸᬓᬶᬳᬬᬫᬮᬲ᭄᭞ᬤᬶᬘᬭᬂᬓᬬᬸᬦᬾᬜᭂᬕᬶᬃ᭞ᬭᬾᬄᬩᭂᬢᭂᬓ᭄ᬢᬸᬃᬮ᭄ᬬᬂ᭞ᬯᬸᬲᬦ᭄ᬦᭂᬥᬳᬸᬮ
ᬫ᭄ᬧᬲᬶᬄ᭟᭜᭟ᬤᭀᬦᬶᬂᬳᬶᬬᬢᭂᬓᬳᬸᬮᬶᬫᬓᬓᬭᬂ᭞ᬧᭀᬮᬶᬄᬳᬸᬮᬫ᭄ᬢᬦᬶᬓᬶᬓᬶᬢ᭄᭞ᬳᬶᬩᭀᬚᭀᬕ᭄ᬲᬵᬤᬭ᭞ᬦ᭄ᬤᭂᬲᭂᬓᬶᬳᬬᬫᬮᬲ᭄᭞ᬳᬶᬓᬾᬓᬾᬃ
ᬓᬕ᭄ᬬᬢ᭄ᬦᬸᬫᭀᬦᬶᬦ᭄᭞ᬳᬶᬮᬸᬢᬸᬂᬧ᭄ᬭᬧ᭄ᬢ᭞ᬦᬳᭂᬦ᭄ᬭᬶᬂᬓᬪᬬᬧᬢᬶ᭟᭜᭟ᬲᬤ᭠ᬳᬮᭀᬦᬶᬮᬸᬢᬸᬂᬫᬗ᭄ᬓᬶᬦᬗᬸᬘᬧ᭄᭞ᬳᬫ᭄ᬮᬤ᭄ᬧ᭄ᬭᬡᬓᭀᬮᬲᬲᬶᬄ᭞ᬉᬥᬸᬄᬰᬢ
ᬯᬦ᭞ᬧᬶᬢᬸᬮᬸᬲᬂᬚ᭄ᬯᬲᬸᬓ᭞ᬫᬲᬯᬶᬢ᭄ᬭᬢᬺᬱ᭄ᬡᬳᬲᬶᬄ᭞ᬭᬶᬂᬫᬦᬶᬭᬮᬭ᭞ᬳᬶᬤᬸᬧ᭄ᬲᬳᬶᬦᬦ᭄ᬤᬂᬲᭂᬤᬶᬄ᭟᭜᭟ᬓᬫᬸᬭᬗᬦ᭄ᬲᬳᬶᬓᬧᭂᬕᬢᬦᬫᬄ᭞ᬯᭀᬄ
[᭓ 3A]
ᬯᭀᬳᬦ᭄ᬰᬹᬦ᭄ᬬᬲᬫᬶ᭞ᬓᬾᬦᬾᬨᬮᬦ᭄ᬩ᭄ᬭᬕ᭄᭞ᬫᬦᬶᬭᬓᬢᬸᬦᬦ᭄ᬢᬥᬄ᭞ᬲᬶᬂᬜᬤᬶᬚᬤᬶᬚᬓᬧᬶ᭞ᬳᬶᬩᬗᬢᬸᬚ᭄ᬯᬂ᭞ᬦᭂᬧᬸᬓᬶᬦ᭄ᬦᬾᬧᬘᬂᬪᬸᬓ᭄ᬢᬶ᭟᭜᭟ᬩᬸᬳᬫᭀ
ᬦ᭄ᬢᭀᬳᬶᬓᬾᬓᬾᬃᬳᬗᬸᬘᬧ᭄ᬩᬦ᭄ᬩᬦ᭄᭞ᬳᬶᬩᬮᬸᬢᬸᬂᬤᭀᬂᬧᬶᬦᭂᬳᬶᬦ᭄᭞ᬫᬗ᭄ᬤᭀᬄᬲᬶᬤ᭄ᬥᬲᬥ᭄ᬬ᭞ᬳᬶᬩᬫᬲᬯᬶᬢ᭄ᬭᬳᬶᬭ᭞ᬳᬶᬩᬩᬸᬭᭀᬦᬶᬭᬧᬓ᭄ᬱᬶ᭞ᬚᭀᬘᬸᬯᬢ᭄ᬲᬯᬢ᭄᭞ᬲᬳᬶᬄ
ᬳᬶᬩᬢᭂᬓᬾᬦ᭄ᬓᬳᬶ᭟᭜᭟ᬩᬶᬸᬦᬫᬸᬮᬳᬶᬩᬢᭀᬲᬶᬦ᭄ᬩᬸᬭᭀᬦ᭄ᬤᭂᬗ᭄ᬓᬮ᭄᭞ᬤᭂᬫᭂᬦ᭄ᬗᬸᬮᬸᬓᬸᬮᬸᬓ᭄ᬲᬳᬶ᭞ᬗ᭄ᬳᬶᬂᬮᬾᬦ᭄ᬚᭀᬄᬢᬦ᭄ᬤᬶᬂᬜ᭞ᬓᬳᬶᬢᭂᬓᬾᬦ᭄ᬦᬾᬦᬾᬮ᭄ᬬᬦ᭄᭞ᬬᬦ᭄ᬩ᭄ᬯᬢ᭄ᬓᬳᬶ
ᬦᬾᬚᬦᬶ᭞ᬤᭀᬄᬧᬘᬂᬲᬶᬤ᭄ᬥ᭞ᬩᬳᬦ᭄ᬳᬶᬩᬗᬫᬯᬸᬓᬶᬦ᭄᭟᭜᭟ᬤᬾᬦᬶᬂᬓᬳᬶᬲᬸ᭠ᬩᬦᬯᬂᬲᬲᭀᬮᬳᬦ᭄᭞ᬳᬶᬩᬤᭂᬫᭂᬦ᭄ᬗᬤᬸᬭᬸᬲᬶᬢ᭄᭞ᬩᬶᬓᬲ᭄ᬗᬭᬸᬕᬥ᭞ᬫᬓᭂ [ 4 ][᭓ 3B]
᭓᭟
ᬚᬂᬢᬶᬫ᭄ᬧᬮᬾᬩᬶᬓᬲ᭄᭞ᬳᬧᬂᬫᬲᬶᬄᬫᬧᬶᬓᭀᬮᬶᬄ᭞ᬢ᭄ᬭᬜᬂᬢᭀᬮᬶᬳᬦ᭄᭞ᬢᭂᬓᬾᬦ᭄ᬲᬲᬫᬦᬶᬂᬳᬸᬭᬶᬧ᭄᭟᭜᭟ᬧᬦ᭄ᬢᭂᬲᬶᬩᬲᬢᬢᬦᭂᬫᬸᬲᬗ᭄ᬲᬭ᭞ᬤᬾᬦᬶᬂᬩᬶᬓᬲ᭄ᬮᬶᬦ᭄ᬢᬂ
ᬘᬸᬯᬶᬮ᭄᭞ᬳᬶᬮᬸᬢᬸᬂᬤᬸᬓ᭄ᬫ᭄ᬬᬃᬱ᭞ᬧᬗᬸᬫᬦᬶᬳᬬᬫᬮᬲ᭄᭞ᬚᭂᬗᬄᬫᬳᬶᬭᬂᬬᬭᬶᬂᬳᬢᬶ᭞ᬲᬳᬲᬲᬸᬫ᭄ᬩᬃ᭞ᬬᬦ᭄ᬢᭀᬂᬲᬶᬤ᭄ᬥᬩᬳᬦ᭄ᬓᬳᬶ᭟᭜᭟ᬳᬶᬤᭀᬂᬳᬶᬤᭀᬂᬓᬳᬶᬢᭀᬲᬶ
ᬦᬶᬯᬦᬭ᭞ᬳᬗ᭄ᬭᬸᬲᬓᬼᬗ᭄ᬓᬦᬾᬗᬹᬦᬷ᭞ᬗ᭄ᬕᬯᬾᬲᬶᬢᬸᬩᬦ᭄ᬥ᭞ᬧ᭄ᬭᬚᬸᬭᬶᬢᬶᬤᬲᬂᬭᬵᬫ᭞ᬫᭀᬦ᭄ᬢᭀᬬᬭᬭᬶᬲ᭄ᬓᭂᬜᬶᬃ᭞ᬮᭀᬦᬗᬸᬘᬧ᭄᭞ᬓᬤᬶᬫᬥᬸᬗᭂᬢᬸᬲ᭄ᬳᬢᬶ᭟᭜᭟ᬉᬤᬸᬄ
ᬳᬶᬩᬲᬶᬸᬂᬰᬢᬯᬦᬤᬓᬮᬶᬯᬢ᭄᭞ᬩᬗ᭄ᬕᬯᬾᬲᬓᬶᬢ᭄ᬳᬢᬶ᭞ᬫᬸᬮᬲᬗ᭄ᬲᬭ᭞ᬬᬳᬶᬩᬩ᭄ᬯᬶᬦ᭄ᬗᭂᬦ᭄ᬢᬶᬓᬂ᭞ᬓᭂᬩᬸᬲ᭄ᬗᬭᬫᬸᬗ᭄ᬕ᭄ᬯᬾᬂᬳᬢᬶ᭞ᬓᬸᬤᬢᬳᬦᬂ᭞ᬢᭀᬂᬧᬶᬦᭂᬄᬚ᭄ᬯᬭᬶᬂᬳᬢᬶ
[᭔ 4A]
᭟᭜᭟ᬫᬫᬸᬜᬶᬦᬾᬧᬢᬹᬢ᭄ᬢ᭄ᬯᬄᬲᬸᬓᬢ᭄ᬲᬸᬓᬢᬂ᭞ᬤᬶᬳᬢᬶᬬᬕᬕᬸᬮᬓᬶᬦ᭄᭞ᬧᬶᬮᬶᬄᬦᬾᬦᬾᬤᬤ᭄ᬯ᭞ᬧᬲᬚᬫᬶᬯᬄᬦᬾᬮᭀᬫ᭄ᬧᬂ᭞ᬩᬓᬮᬧᬮᬶᬬᬸᬫᬸᬜᬶ᭞ᬳᬤᬮ
ᬦ᭄ᬢ᭄ᬯᬭ᭞ᬳᭂᬦ᭄ᬢᭀᬦᬾᬜᬦ᭄ᬤᬂᬓᬸᬓᬸᬳᬶᬦ᭄᭟᭜᭟ᬳᬗ᭄ᬕᭀᬫᬧᬜᬫ᭄ᬩᬢ᭄ᬦᬾᬦᬾᬢ᭄ᬯᬭᬢᬯᬂ᭞ᬓᬮᬶᬄᬢᭀᬂᬢᬳᬾᬦ᭄ᬦᭂᬧᬸᬓᬶᬦ᭄᭞ᬳᭂᬤᬫᬗᬸᬕᬸᬳᭀᬃᬣᬦᬾᬳᭀᬃ
ᬣᬾᬦᭀᬃᬣᬦᬦ᭄᭞ᬦᬾᬳᬩᭂᬲᬶᬓ᭄ᬧᬢ᭄ᬧᬢ᭄ᬤᬤᬶ᭞ᬫᬾᬄᬮᬗ᭄ᬓᬸᬗᬤᬰ᭞ᬗᬸᬤᬦᬾᬳᭂᬦ᭄ᬢᭀᬕᬸᬕᭀᬦᬶᬦ᭄᭟᭜᭟ᬲᬮ᭄ᬯᬶᬃᬫᬸᬜᬶᬓᬯᭂᬤᬃᬲᬓᬶᬂᬯᭀᬂᬮ᭄ᬬᬦ᭄᭞ᬤᬳᬢ᭄ᬲᭂᬗ᭄ᬓᬢ᭄ᬯᬄ
ᬫᬦᬫ᭄ᬧᬶ᭞ᬚᬢ᭄ᬤᬤᬶᬧᬶᬲᬸᬦ᭞ᬳᭂᬦ᭄ᬢᭀᬦᬾᬢᬗᬭᬶᬦ᭄ᬧᬶᬲᬦ᭄᭞ᬳᬧᬂᬤᬦᬦ᭄ᬓᬢᬶᬩᬦᬶ᭠ᬦ᭄᭞ᬧᬶᬮᬶᬄᬗᬶᬤᭂᬧᬂ᭞ᬧᬯᬭᬄᬚᬦᬦᬾᬲᬫᬶ᭟᭜᭟ᬲᬥᬸᬥᬃᬫ᭄ᬫᬳᭂᬦ᭄ᬢᭀᬦᬾᬜᬦ᭄ᬤᬂ [ 5 ][᭔ 4B]
᭔᭟
ᬭᬚᭂᬕᬂ᭞ᬳᬗ᭄ᬕᭀᬕᭂᬮᬃᬧᬢᬶᬳᬸᬭᬶᬧ᭄᭞ᬧᭂᬤᬲᬾᬚᬮᬦᬂ᭞ᬫᬢᬦᬾᬤᬤ᭄ᬯᬗᭂᬦᭀᬢᬂ᭞ᬤᬶᬢᬸᬫᬭᬫᬵᬤᬦ᭄ᬚᬵᬢᬶ᭞ᬢᭀᬦᬾᬲᭂᬤᭂᬂᬢᬸᬮᬤ᭄᭞ᬲᬗ᭄ᬓᬦ᭄ᬚᬦᬶᬦᬄᬧᬶᬦ᭄ᬢᭀᬦᬶᬦ᭄
᭟᭜᭟ᬬᬦᬶᬂᬲᬚᬳᬶᬮᬸᬢᬸᬂᬜᬓ᭄ᬧᬘᬂᬮᭀᬫ᭄ᬧᬂ᭞ᬢᭂᬓᬾᬦᬶᬂᬲᬯᬶᬢ᭄ᬭᬢᬸᬯᬶ᭞ᬦᬾᬦᬾᬓᬲᬸᬰᬷᬮᬦ᭄᭞ᬭᬓᭂᬢ᭄‌ᬭᬸᬫᬓᭂᬢᬶᬂᬢᬺᬱ᭄ᬡ᭞ᬤᬚᬩᬸᬯᬶᬦ᭄ᬫᬫᬶᬦ᭄ᬤᭀᬯᬶᬦ᭄᭞ᬲᬸᬂᬳᭀᬮᬲ᭄ᬭᬶᬂ᭠
ᬳᬶᬭ᭞ᬤᬳᬶᬩᬩᬸᬯᬶᬦ᭄ᬦᭀᬮᬶᬄ᭟᭜᭟ᬳᬶᬩᬳᬬᬫ᭄ᬓᬤᬾᬦ᭄ᬓᬾᬧᬓᬃᬤ᭄ᬥᬶᬦᬶᬦ᭄ᬤ᭄ᬭ᭞ᬧᬫᬶᬚᬶᬮᬦ᭄ᬤᬳᬢᬼᬯᬶᬄ᭞ᬧᬦ᭄ᬢᭂᬲ᭄ᬫᬗ᭄ᬮᬭᬂ᭞ᬲᬹᬓ᭄ᬱ᭄ᬫᬓᬧᬭᬫᬃᬣᬦ᭄᭞ᬜᬦ᭄ᬤᬂᬫᬤᭂ
ᬕ᭄ᬯᬶᬓᬸᬍᬯᬶᬄ᭞ᬥᬦᬢᬸᬃᬥᬃᬫ᭄ᬫ᭞ᬓᬲᬸᬂᬲᬸᬂᬩᬳᬦ᭄ᬧᬭᬧᬓ᭄ᬱᬶ᭟᭜᭟ᬚᬦᬶᬳᬶᬭᬫᬓᭂᬦᭂᬄᬜᬶᬯᬶᬭᬶᬂᬳᬶᬩ᭞ᬳᬶᬩᬢ᭄ᬯᬄᬗᬯᬶᬰᬾᬱᬦᬶᬦ᭄᭞ᬲᬲᬳᬶᬮ᭄ᬯᬦᬶᬂᬓ᭄ᬭᬫ᭞
[᭕ 5A]
ᬚᭂᬮᬾᬫᭂᬮᬄᬫᬗᬋᬗᬦ᭄᭞ᬢ᭄ᬯᬭᬳᬶᬭᬧᬘᬂᬕᬶᬗ᭄ᬲᬶᬃ᭞ᬢᬺᬱ᭄ᬡᬜᬶᬯᬶᬢ᭞ᬤ᭄ᬬᬲ᭄ᬢᬸᬦ᭄ᬜᬓᬪᬬᬫᬢᬶ᭟᭜᭟ᬭᬾᬄᬳᬦᬾᬢᭀᬦᬸᬜᬶᬦ᭄ᬜᬦᬾᬳᬶᬯᬦᬭ᭞ᬳᬶᬓᬾᬓᬾᬃᬲᭂᬓ᭄ᬱᭂ
ᬓ᭄ᬫᬶᬦᭂᬳᬶᬦ᭄᭞ᬧᬲ᭄ᬢᬶᬬᬧᬲᬚ᭞ᬲᭀᬓ᭄ᬓᬾᬯᬮᬦ᭄ᬤᬶᬗᭂᬄᬳᭀᬃᬣ᭞ᬩ᭄ᬯᬢ᭄ᬲᭀᬮᬄᬳᬶᬮᬸᬢᬸᬂᬘᬸᬯᬶᬮ᭄᭞ᬲᬸᬚᬵᬢᬶᬢᬦ᭄ᬧᭂᬲᬦ᭄᭞ᬫᬢᬦᬾᬤᬤ᭄ᬯᬗᭂᬦᭀᬢᬶᬦ᭄᭟᭜᭟ᬤᬤᬶ
ᬯᭂᬢᬸᬳᬶᬥᭂᬧ᭄ᬜᬦᬾᬓᬩ᭄ᬬᬧᬭ᭞ᬮᬶᬧ᭄ᬬᬢᭂᬓᬾᬦ᭄ᬕᬶᬸᬦ᭄‌ᬰ᭄ᬮᭀᬓᬦ᭄ᬕᬸᬫᬶ᭞ᬩᬶᬩᬶᬳᬾᬓ᭠ᬚᬸᬭᬸᬳᬦ᭄᭞ᬚᬶᬢᬾᬓᬩᬦ᭄ᬢᬶᬮᬦ᭄᭞ᬤᬤᬶᬓᭂᬦᬕᭂᬦ᭄ᬢᬸᬄᬕᭂᬦ᭄ᬤᬶᬲ᭄᭞ᬳᬦ᭄ᬢᬸᬓ᭄ᬯᬦᬭ᭞ᬢᬸ
ᬫᬸᬮᬶᬳᬗᬸᬘᬧ᭄ᬓᭂᬜᬶᬃ᭟᭜᭟ᬮᬫᬸᬦ᭄ᬓᬾᬦ᭄ᬢᭀᬳᬶᬩᬮᬸᬢᬸᬂᬳᭂᬤᬫᬶᬢ᭄ᬬ᭞ᬳᭂᬮᭀᬂᬢᭂᬓᬾᬦ᭄ᬧᬭᬚᬜ᭄ᬚᬶ᭞ᬦᬄᬦᬾᬧᬤᬶᬗᭂᬳᬂ᭞ᬦᬾᬳᬶᬢᬸᬦᬶᬓᬳᬶᬮᬸᬯᬲ᭄᭞ᬫᬓᬓ [ 6 ][᭕ 5B]
᭕᭟
ᬭᬶᬢᭂᬗᬳᬶᬂᬧᬲᬶᬄ᭞ᬫᬗᬮᬶᬄᬳᬸᬮᬫ᭄᭞ᬤᬶᬢᬸᬤᬶᬧᬲᬶᬄᬓᬗᬶᬦ᭄᭟᭜᭟ᬦᬾᬩᬸᬯᬶᬦ᭄ᬫᬦᬶᬚᬮᬦᬶᬩᬫᬩᬋᬗᬦ᭄᭞ᬓᭂᬫᬮᬸᬯᬲ᭄ᬗᬚᬓ᭄ᬓᬳᬶ᭞ᬳᬶᬮᬸᬢᬸᬂᬫᬲᬯᬸᬢ᭄ᬦᬄ᭞ᬕ᭄ᬮᬶ
ᬲᬶᬂᬲᬢ᭄ᬯᬘᬭᬶᬢ᭞ᬲᭂᬫᭂᬂᬩᬯᬸᬕᬮᬂᬓᬗᬶᬦ᭄᭞ᬳᬶᬮᬸᬢᬸᬂᬬᬧ᭄ᬭᬧ᭄ᬢ᭞ᬗᬮᬶᬄᬳᬶᬓᬾᬓᬾᬃᬗᬚᬓᬶᬦ᭄᭟᭜᭟ᬢᬸᬃᬫᬚᬮᬦᬶᬓᬾᬓᬾᬃᬢᬦ᭄ᬤᭀᬄᬯᬦᬭ᭞ᬢᬦᬸᬘᬧᬦ᭄ᬬᬭᬶᬂᬫᬃᬕ᭄ᬕᬶ᭞ᬭᬶᬂ
ᬧᬲᬶᬲᬶᬢᭂᬓ᭞ᬲᬵᬕᬭᬦᬾᬳᬲᬢ᭄ᬧᬸᬭᬲ᭄᭞ᬢᬸᬫᬸᬮᬶᬬᬫᬓᬓᬮᬶᬄ᭞ᬗᬢᭂᬗᬄᬢᭂᬗᬳᬂ᭞ᬗᬮᬶᬄᬳᬸᬮᬫ᭄ᬤᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬶᬓ᭄᭟᭜᭟ᬓᬤᬸᬂᬓᬮᬗᭂᬦᬶᬓᬾᬓᬾᬃᬫᬶᬯᬄᬦᬭ
᭞ᬤᬾᬦᬶᬂᬳᬸᬮᬫ᭄ᬢᬦᬶᬓᬶᬓᬶᬢ᭄᭞ᬧᬮᬦ᭄ᬤᭀᬄᬗᬢᭂᬗᬳᬂ᭞ᬤᬶᬤᬸᬯᬸᬃᬧᬭᬂᬧᬭᬗᬦ᭄᭞ᬳᬶᬓᬾᬓᬾᬃᬢᬦ᭄ᬲᬸᬫ᭄ᬮᬂᬳᬢᬶ᭞ᬧᬦ᭄ᬩᬶᬲᬗ᭄ᬕᬕᬡ᭞ᬦᬗ᭄ᬳᬶᬂᬳᬶᬮᬸᬢᬸᬂᬬᬯ᭄ᬭᬶᬦ᭄᭟᭜᭟ᬦᬸ
[᭖ 6A]
ᬮᬶᬗᬸᬘᬧᬶᬮᬸᬢᬸᬂᬢᭂᬓᬾᬦ᭄ᬢᬶᬫ᭄ᬧᬮ᭄ᬜ᭞ᬳᬶᬄᬓᬾᬓᬾᬃᬦᬄᬚᬮᬦ᭄ᬫᬸᬮᬶᬄ᭟ᬩᬲᬂᬲᬸᬩᬩᭂᬗ᭄ᬓᬂ᭞ᬧᬲᬗᬾᬲᬸᬩᬫᬭ᭞ᬦ᭄ᬤᬾᬦ᭄ᬫᬮᬸᬧᬲᬯᬸᬢ᭄ᬧᬓ᭄ᬱᬶ᭞ᬩᬾᬦᬾᬗᬮ᭄ᬬᬸᬦᬂ᭞ᬚᬦᬶᬦ᭄ᬢᭀ
ᬳᭀᬜᬂᬤᬶᬦᬶ᭟᭜᭟ᬓᬘᬭᬶᬢᬳᬶᬮᬸᬢᬸᬂᬩᭂᬗᬶᬮ᭄ᬮᬸᬘᬸᬢᬦ᭄᭞ᬤᬸᬯᬸᬃᬧᬭᬗᬦᬾᬗᬶᬮ᭄ᬕᬶᬮ᭄᭞ᬭᬾᬄᬬᬓᬤᬶᬗᬶᬦᬦ᭄᭞ᬧᬲᬶᬳᬾᬲᬵᬫ᭄ᬧᬸᬦ᭄ᬧᬘᬂ᭞ᬳᬶᬩᭀᬚᭀᬕ᭄ᬓᬚᭂᬗᬢ᭄ᬓᬚᭂᬗᬶᬢ᭄
᭞ᬤᬸᬯᬸᬃᬩᬢᬸᬦᬾᬦᭂᬕᬓ᭄᭞ᬳᬶᬓᬾᬓᬾᬃᬓᭂᬫᬫᬳᬓᬶᬦ᭄᭟᭜᭟ᬓᭂᬜᬶᬃᬜᭂᬜᭂᬧᬶᬓᬾᬓᬾᬃᬫᬸᬜᬶᬦᬾᬩᬦ᭄ᬩᬦ᭄᭞ᬫᬢᬶᬳᬶᬩᬮᬸᬢᬸᬂᬚᬦᬶ᭞ᬤᬶᬦᬶᬓᬸᬢᬂᬕᭂᬮᬄ᭞ᬳᬶᬩᭀᬚᭀᬕ᭄ᬚᭂᬚᭂᬄ
ᬗᭂᬄᬕᭂᬳᬂ᭞ᬲᬓᬶᬢ᭄ᬚᭂᬗᬄᬬᬭᬶᬂᬳᬢᬶ᭞ᬭᬭᬶᬲᬗᬸᬘᬧ᭄᭞ᬕᭂᬫᭂᬲᬶᬩᬢᭂᬓᬾᬦ᭄ᬓᬳᬶ᭟᭜᭟ᬫᬢᬫ᭄ᬩ᭄ᬯᬲᬦ᭄‌ᬬᬾᬄᬫᬢᬦᬶᬮᬸᬢᬸᬂᬫᭂᬫ᭄ᬩᬄ᭞ᬳᬶᬓᬾᬓᬾᬃᬩᬸᬗ᭄ᬓᬸᬢ᭄ᬗᭂᬤᬾᬓᬶᬦ᭄᭞ᬓ [ 7 ][᭖ 6B]
᭖᭟
ᬳᬶᬫᬕᬕᬸᬬ᭄ᬬᬦ᭄᭞ᬳᭂᬤᬦ᭄ᬤᬾᬦ᭄ᬲᬗᭂᬢ᭄ᬜᭂᬩᭂᬢᬂ᭞ᬧᬶᬮᬶᬄᬧᬶᬮᬶᬳᬶᬦ᭄‌ᬫᬦᬫ᭄ᬧᬶ᭞ᬉᬘᬧᬾᬤᬤ᭄ᬯ᭞ᬢᭂᬍᬩ᭄ᬕᬸᬬᬸᬦᬾᬳᬶᬗᭂᬢᬶᬦ᭄᭟᭜᭟ᬚᬮᬦ᭄ᬫᬸᬮᬶᬄᬦᬾᬩᬢᬶᬲ᭄ᬕᭂᬮᬳᬾ
ᬕᬶᬲᬶᬬᬂ᭞ᬕᭂᬮᬄᬫᬗᭂᬩᭂᬭᬂᬘᬳᬶ᭞ᬳᬶᬮᬸᬢᬸᬂᬕᬃᬚ᭄ᬚᬶᬢ᭞ᬢᬸᬫᬸᬮᬶᬫᬦᬾᬗ᭄ᬓᭀᬮᬾᬗ᭄ᬕᬮ᭄᭞ᬤᬶᬩᬢᬶᬲ᭄ᬓᬾᬓᬾᬭᬾᬦᬸᬗ᭄ᬕᬶᬂ᭞ᬫᬓᭂᬚᬶᬢ᭄ᬗᬶᬜ᭄ᬘᬂ᭞ᬩᬸᬗᬸᬢ᭄ᬦᬾᬓᬫᬓ᭄ᬫᬓ᭄ᬓᬫᬶᬓ᭄ᬫᬶ
ᬓ᭄᭟᭜᭟ᬕ᭄ᬮᬶᬲᬶᬂᬘᬭᬶᬢᬳᬶᬓᬾᬓᬾᬃᬦᬫ᭄ᬩᬸᬂᬫᬗ᭄ᬮᬬᬂ᭞ᬭᬶᬂᬚᬮᬦ᭄ᬢᬦ᭄ᬓᬯᬶᬦᬃᬡ᭄ᬦᬶ᭞ᬭᬶᬂᬧᬲᬶᬲᬶᬓᭀᬘᬧ᭄᭞ᬓᬼᬲᭀᬓᬶᬓᬾᬓᬾᬃᬫᭂᬜ᭄ᬘᭂᬕᬦ᭄᭞ᬤᬶᬩ᭄ᬬᬲᬾᬓᬩᭂᬦᭂᬗᬶᬦ᭄᭞ᬢᬸᬃᬫᬧᬗ᭄ᬲᭂ᭞
ᬕᬦ᭄᭞ᬳᬶᬮᬸᬢᬸᬂᬬᬫᬘᭂᬍᬗᬶᬢ᭄᭟᭜᭟ᬮᬯᬸᬢ᭄ᬗᬸᬘᬧᬶᬓᬾᬓᬾᬃᬫᬸᬜᬶᬦᬾᬩᬦ᭄ᬩᬦ᭄᭞ᬦᬄᬓᬾᬲᬸᬩᬢᬸᬯᬸᬦ᭄ᬘᬳᬶ᭞ᬳᭂᬦᬾᬲᬸᬩᬩ᭄ᬬᬲ᭄᭞ᬳᬶᬩᭀᬚᭀᬕ᭄ᬗᬶᬲᬶᬦᭂᬓᭂᬓᬂ
[᭗ 7A]
᭞ᬳᬶᬓᬾᬓᬾᬃᬩᬸᬯᬶᬦ᭄ᬫᬫᬸᬜᬶ᭞ᬳᭂᬦᬾᬓᬾᬦ᭄ᬓᬾᬦᬶᬩ᭞ᬮᬸᬢᬸᬂᬤᭀᬂᬮᬾᬩᬗᬶᬦ᭄ᬓᬳᬶ᭟᭜᭟ᬳᬶᬯᬦᬭᬫᬗᬶᬲᬶᬲᬬᬦ᭄ᬦᭂᬓᭂᬓᬂ᭞ᬩᬢᭂᬲ᭄ᬜᬦᬾᬳᬶᬓᬾᬓᬾᬃᬧᬓ᭄ᬱᬶ᭞ᬓᬳᬶ
ᬫ᭄ᬧᬸᬲ᭄ᬫᬓᬤᬤ᭄ᬯ᭞ᬲᬃᬯ᭄ᬯᬫᬸᬜᬶᬦᬾᬩᬗ᭄ᬭᬲ᭄᭞ᬳᬶᬄᬳᬶᬄᬓᬾᬓᬾᬃᬫᬢᬶᬚᬦᬶ᭞ᬢᬸᬃᬓᬩᬺᬓ᭄ᬱᭂᬓᬂ᭞ᬩᬸᬮᬸᬦ᭄ᬜᬦᬾᬓᬩᬸᬢ᭄ᬩᬸᬢᬶᬦ᭄᭟᭜᭟ᬬᬳᬶᬓᬾᬓᬾᬃᬗᬭᬲᬭᬶᬂᬓᬪᬬᬵᬦ᭄ᬢᬓ᭞
ᬭᬭᬶᬲ᭄ᬗᬾᬓᭀᬧᬬᬲᬦ᭄ᬥᬶ᭞ᬫᬗ᭄ᬤᬾᬲᬶᬤ᭄ᬥᬮᬸᬯᬃ᭞ᬢᭂᬓᬾᬦᬶᬂᬪᬬᬅᬦ᭄ᬢᬓ᭞ᬭᬭᬶᬲ᭄‌ᬬᬵᬫᭂᬥᭂᬫ᭄ᬗᬸᬮᬶᬦ᭄ᬢᬶᬓ᭄᭞ᬗᬶᬥᭂᬫᬂᬫᬢ᭞ᬳᬸᬮᬢ᭄ᬫᬶᬭᬶᬩ᭄ᬲᬸᬩᬫᬢᬶ᭟᭜᭟ᬤᬶᬲᬸᬩᬦᬾᬩᬸᬮᬸ
ᬦ᭄ᬜᬦᬾᬢᭂᬮᬄᬮᬕ᭄ᬮᬕ᭄᭞ᬳᬶᬮᬸᬢᬸᬂᬓᭂᬤᬾᬓ᭄ᬫᬗ᭄ᬭᬶᬓ᭄ᬕᬶᬓ᭄᭞ᬢᬸᬃᬫᬸᬤᬂᬫᬤᬶᬗᬂ᭞ᬳᬶᬳᬶᬳᬶᬓ᭄ᬦᬾᬲᬸᬩᬓᭂᬤᬲ᭄᭞ᬓᬮᬶᬄᬳᬶᬩᬲᬸᬩᬫᬢᬶ᭞ᬚᬦᬶᬳᬶᬭᬮᬸᬯᬲ᭄᭞ᬫᬗᬮᬶᬳᬂᬳᬶᬩᬳᬧᬶ᭟᭜᭟ [ 8 ][᭗ 7B]
᭗᭟
ᬳᬾᬜ᭄ᬘᭀᬂᬫᬗ᭄ᬓᬶᬦᬶᬮᬸᬢᬸᬂᬫᬚᬮᬦ᭄ᬮᬸᬯᬲ᭄᭞ᬓᬤᬸᬓᬸᬳᬦ᭄ᬗᬮᬶᬄᬳᬧᬶ᭞ᬧᬘᬂᬓᬵᬗ᭄ᬕᭀᬦ᭄ᬫᬗ᭄ᬕᬂ᭞ᬳᬶᬮᬸᬢᬸᬂᬢᬦ᭄ᬓᬘᬭᬶᬢ᭞ᬳᬶᬓᬾᬓᬾᬃᬓᭀᬘᬧᬦ᭄ᬫᬗ᭄ᬓᬶᬦ᭄᭞ᬩᬯᬸᬬᬗᭂᬤᬢ᭄᭞
ᬳᬶᬮᬸᬢᬸᬂᬢ᭄ᬯᬭᬤᬓᬭᬶ᭟᭜᭟ᬧᬸᬄᬲ᭄ᬫᬭᬦ᭄ᬤᬦ᭟᭜᭟ᬕᭂᬮᬶᬲ᭄ᬩᬗᬸᬦ᭄ᬢᬸᬃᬜᬮᬶᬲᬶᬄ᭞ᬓᬳᭂᬩᭂᬢᬾᬬᬫᬲᬗᬶᬤᬦ᭄᭞ᬓᬮᬶᬦ᭄ᬢᬂᬲᬓᬶᬢ᭄ᬭᬲᬦᬾ᭞ᬭᬾᬄᬩᬸᬮᬸᬦᬾᬫᬢᬄ ᬲ᭄ᬫᬭᬦ᭄ᬤᬦ
ᬫᬢᬄ᭞ᬲᬫᬶᬢᭂᬮᬲ᭄ᬓᬩᬸᬢ᭄ᬩᬸᬢᬦ᭄᭞ᬳᬦ᭄ᬢᬸᬓᬶᬮᬸᬢᬸᬂᬢᬦ᭄ᬢᬶᬭᬸᬦ᭄᭞ᬢ᭄ᬯᬭᬩᬶᬲᬗᬲᬹᬓ᭄ᬱ᭄ᬫᬂ᭟᭜᭟ᬩᬲ᭄ᬲᬗᭂᬢᬂᬩᬶᬲᬢᬫ᭄ᬧᬶ᭞ᬢᭂᬓᬾᬦᬶᬂᬧᬶᬳᭀᬮᬲ᭄ᬢᬶᬫ᭄ᬧᬮ᭄᭞ᬲᭀᬓ᭄ᬗᬸ
ᬮᬄᬫᭂᬩᬳᬦ᭄ᬧᬶᬓᭂᬦᭀᬄ᭞ᬢ᭄ᬯᬭᬫᬗᬶᬢᬸᬂᬓᬳᬸᬘᬧ᭄᭞ᬲᬶᬦᭂᬲᭂᬮᬶᬂᬤᬸᬦ᭄ᬬᬧᬤ᭞ᬳᭂᬦ᭄ᬢᭀᬳᬢᬶᬦ᭄ᬩᬸᬭᭀᬦ᭄ᬢᬸᬳᬸ᭞ᬢᭀᬂᬩᬶᬲᬓᬧᬶᬯᭂᬮᬲᬦ᭄᭟᭜᭟ᬘᬭᬶᬢᬳᬶ
[᭘ 8A]
ᬓᬾᬓᬾᬃᬫᬗ᭄ᬓᬶᬦ᭄᭞ᬧᬦ᭄ᬮᬭᬢᬦ᭄ᬲᬦ᭄ᬤᬂᬲᬦ᭄ᬤᬂ᭞ᬫᬗᭂᬮᬶᬂᬫᬗᬭᭀᬤᬭᭀᬤ᭄᭞ᬓᬾᬦᬾᬲᬦ᭄ᬓᭀᬢᬶᬢ᭄ᬬᬂᬤᬾᬯ᭞ᬳᬫ᭄ᬧᬳᬾᬢ᭄ᬯᬶᬫᬓᬤ᭞ᬓᬮᬶᬄᬫᬢᬢᭂᬕᬃᬜᬸᬕ᭄ᬚᬸᬕ᭄
᭞ᬳᬸᬭᬶᬧᬾᬳᬗ᭄ᬕᭀᬦ᭄ᬧᬮᬮ᭄ᬬᬦ᭄᭟᭜᭟ᬤᬤᬶᬫᬩᬸᬤ᭄ᬥᬶᬗᬸᬕᭀᬦᬶᬦ᭄᭞ᬳᬶᬸᬂᬬᬓᬧᬚ᭄ᬯᬫᬗᭀᬕ᭞ᬲᬗ᭄ᬓᬦ᭄ᬢᬶᬢ᭄ᬬᬂᬓᬤᬭᭀᬧᭀᬦ᭄᭞ᬩᬲ᭄ᬓᬃᬯ᭄ᬯᬦᬶᬮᬸᬢᬸᬂᬩᬗ᭄ᬲ
ᬢ᭄᭞ᬕᬸᬫᬶᬦᬾᬗᬸᬘᬧᬂᬚᬳᬢ᭄᭞ᬫᬲᬶᬄᬢᬶᬢ᭄ᬬᬂᬳᭂᬜᬓ᭄ᬢᬸᬭᬸᬢ᭄᭞ᬢᭂᬓᬾᬦᬶᬂᬫᬸ᭠ᬜᬶᬦ᭄ᬩᬩᭂᬤᬕ᭄᭟᭜᭟ᬚᬦᬶᬢᬶᬢ᭄ᬬᬂᬫᬗᭂᬫᬲᬶᬦ᭄᭞ᬧᬶᬢ᭄ᬯᬲ᭄ᬢᬶᬢ᭄ᬬᬗᬾᬳᭀᬮ
ᬲ᭄᭞ᬫᬗᭀᬮᬲᬶᬦ᭄ᬳᬢᬶᬲᬢᭀ᭞ᬫᬓᬵᬤᬶᬰ᭄ᬮᭀᬓᬦᬶᬂᬚᬕᬢ᭄᭞ᬗᭀᬮᬲᬶᬦ᭄ᬘᬶᬘᬶᬂᬫᬘᬂᬘᬂ᭞ᬢᬦ᭄ᬯᬗ᭄ᬤᬾᬧᬘᬂᬓᬘᭂᬕᬸᬢ᭄᭞ᬓᬾᬦ᭄ᬢᭀᬧᬶᬲᬦ᭄ᬧᬶᬢᬸᬯᬶᬦ᭄ᬜ᭟ [ 9 ][᭘ 8B]
᭘᭟
᭟᭜᭟ᬳᬧᬤᬤᬶᬦ᭄ᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬧᬓ᭄ᬱᬶᬦᬗ᭄ᬳᬶᬂᬲᬵᬫ᭄ᬧᬸᬦ᭄ᬮᬕ᭄ᬮᬕ᭄᭞ᬥᬸᬄᬤᬾᬯᬲᬂᬓᬯᬶᬓᬯᭀᬢ᭄᭞ᬘᬶᬗᬓᬶᬦ᭄ᬲᬶᬄᬳᬸᬕᬶᬢᬶᬢ᭄ᬬᬂ᭞ᬮᬶᬦ᭄ᬢᬂᬮᬭᬓᬚᬵ
ᬦ᭄ᬢᬓ᭞ᬓᬪᬶᬲᬾᬓᬳᬦ᭄ᬢᬸᬓ᭄ᬮᬸᬢᬸᬂ᭞ᬗᬤᬓᬂᬲᬦ᭄ᬫᬓᬓᬲᬶᬳᬦ᭄᭟᭜᭟ᬧᭂᬢᭂᬂᬍᬫᬄᬬᬫᬗᭂᬮᬶᬂ᭞ᬳᬶᬓᬾᬓᬾᬃᬤᬶᬢᭂᬗᬄᬳᬮᬲ᭄᭞ᬫᬦ᭄ᬤᬸᬮᬫᬾᬲᬲᬵᬫ᭄ᬩ
ᬢᬾ᭞ᬓᬲᬶᬄᬳᬲᬶᬄᬓᬯᭂᬮᬲᬦ᭄᭞ᬘᬭᬶᬢᬳᬶᬩᬦ᭄ᬢᬾᬂᬳᬮᬲ᭄᭞ᬦ᭄ᬤᬶᬗᭂᬄᬲᬲᬵᬫ᭄ᬩᬢ᭄ᬓᬯᭂᬮᬲ᭄ᬳ᭄ᬬᬸᬦ᭄᭞ᬦᬗ᭄ᬳᬶᬂᬲᬓᬶᬂᬫᬦ᭄ᬤᬭᬯ᭟᭜᭟ᬢᬸᬫᬸᬮᬶᬬᬗᬯᬲ᭄ᬯ
ᬲᬶᬦ᭄᭞ᬢᬫᬦᬲ᭄ᬯᬾᬲᬵᬫ᭄ᬧᬸᬦ᭄ᬜᬢ᭞ᬲᬲᬵᬫ᭄ᬩᬢᬶᬧᬸᬦᬶᬓᬾᬓᬾᬃ᭞ᬳᬶᬩᬦ᭄ᬢᬾᬂᬳᬮᭀᬦᬗᬸᬘᬧ᭄᭞ᬳᭂᬦ᭄ᬢᭀᬳᬧᬲᬶᬄᬓᬭᬡᬦ᭄ᬜ᭞ᬲᬗ᭄ᬓᬦᬶᬩᬢᬦ᭄ᬧᬩᬸᬮᬸ᭞ᬓᬮᬶᬄ
[᭙ 9A]
ᬲᬸᬗ᭄ᬲᬸᬢᬫᭂᬮᬤᬃᬱ᭟᭜᭟ᬳᬶᬓᬾᬓᬾᬃᬳᬮᭀᬦ᭄ᬜᬯᬸᬭᬶᬦ᭄᭞ᬫᬸᬜᬶᬦ᭄ᬜᬦᬾᬳᬫᭂᬮᬤ᭄ᬧ᭄ᬭᬡ᭞ᬳᬧᬓᭂᬫᬦᬶᬭᬩᬦ᭄ᬢᬾᬂ᭞ᬳᬶᬭᬲᬓᬶᬂᬓᭂᬦᬓᬩᬶᬓᬲ᭄᭞
ᬩᬳᬦᬶᬯᬦᬭᬩᬗ᭄ᬲᬢ᭄᭞ᬦᬸᬮᬶᬓᬤᬃᬣᬬᬂᬲᬤᬵᬭᬸᬫ᭄᭞ᬲᬓᬶᬂᬗᬯᬶᬢ᭄ᬗᬦ᭄ᬢᬶᬢᭂᬮᬄ᭟᭜᭟ᬓᬳᭀᬮᬲᬦᬶᬩᬦ᭄ᬢᬾᬂᬤᬸᬓ᭄ᬫ᭄ᬬᬃᬱᬶ᭞ᬲᬢᬶᬗ᭄ᬓᬄᬳᬶᬳᬬᬫᬮᬲ᭄
᭞ᬳᬦᬸᬮᬶᬳᬭᬹᬫᬸᬚᬭᬾ᭞ᬳᬸᬥᬸᬄᬳᬶᬩᬰᬢᬯᬦ᭞ᬳᭂᬤᬲᬗᭂᬢ᭄ᬲᬸᬫᭂᬮᬗᬶᬂ᭠ᬢᬸᬯᬲ᭄᭞ᬯᬶᬥᬶᬦᬾᬫᬲᬜᬓᭀᬮᬸᬕ᭄᭞ᬫᬫ᭄ᬩᬯᭀᬲ᭄ᬗᬶᬯᬂᬫᬢᬹᬢᬂ᭟᭜᭟ᬳᬶ
ᬤᬢᬸᬯᬄᬜᬦ᭄ᬤᬂᬓᬸᬓᬸᬳᬶᬦ᭄᭞ᬚᭂᬮᬾᬫᭂᬮᬄᬲᬸᬓ᭄ᬱ᭄ᬭᬳᬂ᭞ᬳᭂᬤᬲᬗᭂᬢ᭄ᬧᬜᭂᬮ᭄ᬲᭂᬮᬾ᭞ᬓᬵᬮᬓᬾᬦᬾᬓᬚᬵᬦ᭄ᬢᬓ᭞ᬓᬮᬶᬄᬳᭂᬤᬫᬗᭂᬗ᭄ᬲᬧᬂ᭞ᬭᬶᬓᬵᬮᬲᬸᬓ [ 10 ][᭙ 9B]
᭙᭟
ᬭᬳᬬᬸ᭞ᬅᬲ᭄ᬣᬶᬢᬶᬪᬓ᭄ᬢᬶᬧᬕᭂᬳᬂ᭟᭜᭟ᬦᬾᬚᬦᬶᬳᬶᬭᬦᭂᬕᬭᬶᬦ᭄᭞ᬳᬶᬲᭂᬂᬳᬶᬲᭂᬂᬫᬗᬯᬍᬲᬂ᭞ᬜᬫ᭄ᬧᭀᬮᬶᬳᬶᬦ᭄‌ᬬᬳᬶᬩᭀᬚᭀᬕ᭄᭞ᬦᬗ᭄ᬳᬶᬂᬳᭂᬤᬲᬓᬭᬶᬂ
ᬳᬶᬩ᭞ᬭᬾᬄᬓᬾᬢᭀᬉᬘᬧᬶᬂᬰᬵᬲ᭄ᬢ᭄ᬭ᭞ᬲᬥᬸᬥᬃᬫ᭄ᬫᬦᬾᬚ᭄ᬯᬧᬸᬧᬸ᭞ᬢᬦ᭄ᬯᭂᬦᬂᬫᬫᬍᬲ᭠ᬮ᭟᭜᭟ᬳᬬᬸᬳᬗ᭄ᬕᭀᬦ᭄ᬫᬲᬶᬮᬶᬳᬶᬦ᭄᭞ᬓᬾᬢᭀᬧᬢᬹᬢ᭄ᬜᬦᬾᬧᬶᬲᬦ᭄᭞ᬳᬶ
ᬭᬧᬘᬂᬧᬫ᭄ᬩᬾᬮᬦᬾ᭞ᬧᬦ᭄ᬧᬢᬹᬢᬶᬩᬦᬾᬮᬶᬦ᭄ᬢᬂ᭞ᬢ᭄ᬯᬭᬕᬶᬗ᭄ᬲᬶᬃᬳᬶᬭᬧᭂᬚᬄ᭞ᬬ᭠ᬦ᭄ᬗᭂᬫᬲᬶᬦ᭄ᬦᬾᬧᬢᬹᬢ᭄᭞ᬳᬶᬓᬾᬓᬾᬃᬲᬸᬫᬯᬸᬃᬩᬦ᭄ᬩᬦ᭄᭟᭜᭟ᬮᬶᬦ᭄ᬢᬂᬲᬹᬓ᭄ᬱ᭄ᬫ
ᬧᬶᬢ᭄ᬯᬶ᭞ᬧ᭄ᬯᭀᬮᬲᬶᬩᬭᬶᬂᬳᬶᬭ᭞ᬳᬶᬤᬲᬂᬳ᭄ᬬᬂᬯᬶᬥᬶᬓᬯᭀᬢ᭄᭞ᬧᬘᬂᬲᬸᬂᬮᬸᬕ᭄ᬭᬳᬯᭂᬓᬲ᭄᭞ᬤᬾᬦᬶᬂᬳᬶᬭᬢᬦ᭄ᬜᬶᬤᬬᬂ᭞ᬗᬤᬓᬂᬧᬫᬍᬲ᭄ᬗᬾᬲᬸᬓ᭄᭞ᬓᬾᬯᬮᬳᬶᬤᬳ᭄ᬬᬂ
[᭑᭐ 10A]
ᬢᬶᬢᬄ᭟᭜᭟ᬳᬸᬦᬶᬂᬭᬶᬂᬦᬾᬜᬦ᭄ᬤᬂᬢ᭄ᬯᬶ᭞ᬳᬧᬫᬓᬧᬗ᭄ᬭᬸᬬᬕ᭞ᬳᬶᬩᬦ᭄ᬢᬾᬂᬲᬸᬫᬯᬸᬃᬳᬮᭀᬦ᭄᭞ᬓᭂᬫᬲᬸᬩᬳᬶᬩ᭄ᬦᬓᬾᬲᬄ᭞ᬳᬶᬭᬦᬾᬚᬦᬶᬗᬭᬸᬭᬸᬄ᭞ᬳᬧᬂᬢᬸ
ᬲᬶᬂᬢᬯᬗ᭞ᬳᬶᬓᬾᬓᬾᬃᬜᬮᬶᬲᬶᬄᬳᬾᬗ᭄ᬕᬮ᭄᭟᭜᭟ᬳᬶᬩᬦ᭄ᬢᬾᬂᬦᬸᬮᬶᬫᬫᬃᬕ᭄ᬕᬶ᭞ᬗᬭᬸᬭᬸᬄᬳᬶᬮᬸᬢᬸᬂᬤᭂᬗ᭄ᬓᬮ᭄᭞ᬢᬦᬲᬸᬯᬾᬭᬶᬂᬫᬃᬕ᭄ᬕᬶᬦᬾ᭞ᬳᬶᬮᬸᬢᬸᬂᬭᬭᬶᬲ᭄ᬓᬘᬦ᭄ᬤᬓ᭄᭞ᬳᬶ
ᬭᬶᬓᬭᬶᬂᬢᭂᬧᬶᬦ᭄ᬢᭂᬮᬸᬓᬦ᭄᭞ᬳᬶᬮᬸᬢᬸᬂᬜᬫ᭄ᬩ᭄ᬭᬫᬳᬮᬸᬲ᭄᭞ᬳᬶᬄᬓᭀᬬᬓᭀᬩᬦ᭄ᬢᬾᬂᬧ᭄ᬭᬧ᭄ᬢ᭟᭜᭟ᬳᬶᬩᬮᬓᬃᬓᭂᬚᬳᬚᬦᬶ᭞ᬳᬶᬩᬦ᭄ᬢᬾᬂᬫᬲᬯᬸᬢ᭄ᬦᬶᬫ᭄ᬩᬮ᭄᭞ᬳᬶᬭᬮᬓᬃ
ᬓᬳᬮᬲᬾᬦ᭄ᬢᭀ᭞ᬦᬾᬗᭂᬦᬄᬲᭂᬮᬢ᭄ᬲᬵᬕᬭ᭞ᬓᭀᬘᬧ᭄ᬳᭂᬦ᭄ᬢᭀᬳᬮᬲ᭄ᬭᬫ᭄ᬬ᭞ᬲᬃᬯᬲᬃᬯ᭄ᬯᬦᭂᬤᭂᬂᬤᬶᬢᬸ᭞ᬢᬺᬡᬓᬮᬯᬦ᭄ᬯᭀᬄᬯᭀᬳᬦ᭄᭟᭜᭟ᬳᬶᬮᬸᬢᬸᬂᬉᬘᬧᬾ [ 11 ][᭑᭐ 10B]
᭑᭐᭟
ᬫᬦᬶᬲ᭄᭞ᬗᬲᬶᬄᬳᬲᬶᬄᬳᬫᭂᬮᬲᬃᬱ᭞ᬗᬍᬫᭂᬲᬶᬦ᭄‌ᬬᬳᬶᬩᬦ᭄ᬢᬾᬂ᭞ᬉᬥᬸᬄᬩᬦ᭄ᬢᬾᬂᬬᬦ᭄ᬢᬸᬯᬄᬲᬚ᭞ᬳᬶᬩᬢᬺᬱ᭄ᬡᬓᬸᬫᬜᬫ᭞ᬳᬶᬭᬳᬚᬓ᭄ᬓᭂᬫᬫᬶᬮᬸ᭞ᬳᬶᬩᬦ᭄ᬢᬾᬂᬫᬲ
ᬯᬸᬢ᭄ᬦᬄ᭟᭜᭟ᬳᬶᬭᬤᬶᬦᬶᬫᬗᬫ᭄ᬩᬳᬶᬦ᭄᭞ᬳᬧᬂᬳᬾᬗ᭄ᬕᬮ᭄ᬢᭂᬓᭂᬤ᭄ᬓᭂᬫ᭞ᬳᬶᬩᬓᬾᬦ᭄ᬓᬾᬦᬂᬗᬭᭀᬩᭀᬓ᭄᭞ᬳᬶᬬᬾᬄᬜᬦᬾᬥᬍᬫ᭄ᬧᬶᬲᬦ᭄᭞ᬳᬶᬮᬸᬢᬸᬂᬳᬗᬸᬘᬧ᭄ᬩ
ᬦ᭄ᬩᬦ᭄᭞ᬕᬦ᭄ᬤᭀᬂᬳᬶᬭᬚᬂᬤᬶᬢᬸᬦ᭄ᬤᬸᬦ᭄᭞ᬬᬦ᭄ᬢᬸᬯᬄᬳᬶᬩᬢᬺᬱ᭄ᬡ᭟᭜᭟ᬳᭂᬦ᭄ᬢᭀᬫᭂᬮᬄᬲᬯᬸᬢ᭄ᬲᬫ᭄ᬧᬶ᭞ᬫᬳᬶᬢᬾᬳᬾᬗ᭄ᬕᬮ᭄ᬫᭂᬦᬾᬓᬂ᭞ᬳᬶᬩᭀᬚᭀᬕ᭄ᬮᬦ᭄ᬢᬲ᭄ᬫᬓᭂ
ᬘᭀᬲ᭄᭞ᬳᬶᬩᬦ᭄ᬢᬾᬂᬦᬸᬮᬶᬚᬚᬮᬦ᭄᭞ᬓᭀᬘᬧᬦ᭄ᬢᭂᬗᬄᬚᬮᬦ᭄᭞ᬯᬾᬦ᭄ᬢᭂᬦ᭄ᬩᬢᬸᬢᭂᬕᭂᬄᬗᬸᬗ᭄ᬕᬸᬮ᭄᭞ᬳᬶᬩᬦ᭄ᬢᬾᬂᬭᬭᬶᬲ᭄ᬫᬓ᭄ᬭᬸᬡ᭟᭜᭟ᬳᬶᬄᬩᭀᬚᭀᬕ᭄ᬫᬭᬾ
[᭑᭑ 11A]
ᬭᬾᬦ᭄ᬤᬶᬦᬶ᭞ᬳᬯᬓᬶᬭᬓᭂᬩᬸᬲ᭄ᬧᬶᬲᬦ᭄᭞ᬳᬶᬭᬧᬘᬂᬫᬜ᭄ᬚᬸᬲ᭄ᬜᭀᬗ᭄ᬓᭀᬓ᭄᭞ᬦᬄᬲᬯᬸᬢᬶᬩᭀᬚᭀᬕᬾᬗ᭄ᬕᬮ᭄᭞ᬮᬦ᭄ᬢᬲᬶᬮᬸᬢᬸᬂᬢᬸᬳᬸᬦᬦ᭄᭞ᬫᬜᭀᬗ᭄ᬓᭀᬓ᭄ᬤᬶᬤᬸ
ᬯᬸᬃᬩᬢᬸ᭞ᬳᬶᬩᬦ᭄ᬢᬾᬂᬬᬫᬘᭂᬍᬩᬦ᭄᭟᭜᭟ᬕᬕᭂᬮᬶᬲᬦ᭄ᬢᬸᬢᬸᬃᬫᬗ᭄ᬓᬶᬦ᭄᭞ᬢᭀᬬᬦᬾᬲᬵᬫ᭄ᬧᬸᬦ᭄ᬗᭂᬤᬾᬦᬂ᭞ᬳᬶᬩᬦ᭄ᬢᬾᬂᬩᬗᬸᬦ᭄ᬜᬮᭀᬲᭀᬃ᭞ᬜᬭᬸᬢ᭄ᬘᬸᬢ᭄ᬮᬦ᭄ᬢᬲ᭄ᬗ
ᬲᬶᬲ᭄ᬬᬂ᭞ᬳᬶᬮᬸᬢᬸᬂᬳᭂᬦᬸᬤᬶᬢᭂᬗᬄ᭞ᬓᬮᬜ᭄ᬘᬓᬮᬶᬜ᭄ᬘᬶᬘᭂᬗᬓ᭄ᬘᭂᬗᬸᬓ᭄᭞ᬘ᭄ᬭᬸᬯᬢ᭄ᬘ᭄ᬭᬸᬯᬾᬢ᭄ᬫᬘ᭄ᬭᬄᬘᬸᬳᬦ᭄᭟᭜᭟ᬩᬢᬸᬦᬾᬫᬓᬶᬓᬾᬦᬶᬮᬤ᭄᭞ᬳᬶᬮᬸᬢᬸᬂᬬᬲᭂᬤᬶᬄ
ᬚᭂᬗᬄ᭞ᬧᬦᭂᬲ᭄ᬩᬭᬩᬓᬩᭀᬃᬩᭀᬃ᭞ᬦᬳᭂᬦ᭄ᬢᭂᬓᬾᬦ᭄ᬧᬘᬂᬪᬬ᭞ᬢᬦ᭄ᬯᬗ᭄ᬤᬾᬗᭂᬫᬲᬶᬦ᭄ᬧᭂᬚᬄ᭞ᬓᬪᬶᬲᬾᬓᬩᬳᬦᬶᬍᬫ᭄ᬩᬸ᭞ᬧᬶᬢ᭄ᬯᬲᬾᬗᬭᬸᬕᬥ᭟᭜᭟ [ 12 ][᭑᭑ 11B]
᭑᭑᭟
ᬲᬓᬶᬂᬫᬸᬮᬶᬕᭂᬂᬲᬶᬄᬯᬶᬥᬶ᭞ᬤᬸᬓ᭄ᬧᬸᬦᬶᬓᬧᭂᬜᬸᬧ᭄ᬭᬧ᭄ᬢ᭞ᬧᭂᬜᬸᬳᬗᬸᬘᬧᬮᭀᬦ᭄᭞ᬳᬾᬮᬸᬢᬸᬂᬢᬸᬫ᭄ᬩᬾᬦ᭄ᬧᬶᬲᬦ᭄᭞ᬤᬶᬦᬷᬩᬓᬢᭂᬧᬸᬓ᭄ᬗᬶᬜᬄ᭞ᬧᬦᬾᬲᬗᭂᬢ᭄ᬫᬓᬮᬗᬸᬦ᭄᭞
ᬳᬸᬮᬶᬳᬾᬢᭂᬓᬾᬦᬶᬂᬳᬶᬩ᭟᭜᭟ᬳᬸᬄᬳᬧᬲᬶᬓᬾᬦ᭄ᬢᭂᬦ᭄ᬓᬳᬶ᭞ᬫᬧᭂᬢᬓᬧᬶᬦᬶᬂᬳᬶᬩ᭞ᬓᬳᬶᬲᬓᬶᬂᬓᭂᬧᬾᬢ᭄ᬲᬶᬗ᭄ᬲᬾ᭞ᬩᬳᬦ᭄ᬬᬳᬶᬍᬫ᭄ᬩᬸᬘᭀᬭᬄ᭞ᬦᬸᬮᬶᬓᬢᬸᬢᬸᬭᬂᬢᭂ
ᬮᬄ᭞ᬢᬸᬫᬸᬮᬶᬬᬗᬶᬤᬶᬄᬢᬸᬮᬸᬂ᭞ᬓᬾᬦᬾᬫᬸᬜᬶᬦ᭄ᬜᬲᬤᬭᬡ᭟᭜᭟ᬢᬸᬮᬸᬲᬂᬚ᭄ᬯᬍᬕᬦ᭄ᬘᬳᬶ᭞ᬓᬸᬫᬜᬫᬢᭂᬓᬾᬦᬶᬭ᭞ᬬᬾᬦᬶᬂᬲᬸᬩᬩᬸᬓᬓᬾᬦ᭄ᬢᭀ᭞ᬤᬶᬢᬸᬯᬳᬧᬸᬡ᭄ᬬ
ᬦᬶᬭ᭞ᬫᬶᬦᬓᬫᬓᬤᬓ᭄ᬱᬶᬡ᭞ᬧᭀᬦ᭄ᬤᭀᬂᬳᬶᬭᬳᬩᬧᭂᬲᬸ᭞ᬤᬶᬢᬸᬮᬦ᭄ᬢᬲ᭄ᬢᬫ᭄ᬧᬶᬳᬸᬧᬄ᭟᭜᭟ᬳᬶᬧᭂᬜᬸᬫᬸᬜᬶᬦᬾᬫᬦᬶᬲ᭄᭞ᬳᬧᬩ᭄ᬯᬶᬦ᭄ᬧᬘᬂᬫᬳᬸᬧᬄ᭞ᬤ᭄ᬬᬲ᭄ᬢᬢᬦ
[᭑᭒ 12A]
ᬫᬧᬶᬓᭂᬦᭀᬄ᭞ᬳᬶᬭᬲᬸᬓᬳᬲᬸᬂᬯᭂᬮᬲ᭄᭞ᬦᬄᬫᬳᬶᬮᬦ᭄ᬢᬲᬾᬗ᭄ᬕᬮᬂ᭞ᬤᬶᬢᬸᬦ᭄ᬤᬸᬦᬶᬭᬦᬾᬫᬸᬗ᭄ᬕᬸᬄ᭞ᬳᬶᬮᬸᬢᬸᬂᬫᬓᭂᬘᭀᬲᬾᬗ᭄ᬕᬮ᭄᭟᭜᭟ᬓᬧᭀᬦ᭄ᬤᭀᬂ
ᬳᬶᬮᬸᬢᬸᬂᬕᭂᬮᬶᬲ᭄᭞ᬭᬶᬂᬧᬲᬶᬲᬶᬲᬵᬫ᭄ᬧᬸᬦ᭄ᬢᬶᬩ᭞ᬲᬕᬾᬢ᭄ᬲᬸᬩᬤᬶᬩ᭄ᬬᬲᬾ᭞ᬳᬶᬮᬸᬢᬸᬂᬬᬤᬶᬗ᭄ᬓᭂᬮᬓ᭄ᬤᬶᬗ᭄ᬓᭂᬮᬓ᭄᭞ᬮ᭄ᬬᬂᬢᬦ᭄ᬲᬧᬶᬭᬧᬶᬭ᭞ᬳᬶᬧᭂᬜᬸᬭᬭᬶᬲᬫᬸᬯᬸ᭠
ᬲ᭄᭞ᬚᬦᬶᬳᬶᬭᬦᬕᬶᬄᬳᬸᬧᬄ᭟᭜᭟ᬳᬶᬩᭀᬚᭀᬕ᭄ᬓᭂᬜᬶᬃᬜᬯᬸᬭᬶᬦ᭄᭞ᬳᬸᬧᬄᬳᬶᬭᬳᭂᬦᬸᬚᬸᬫᬄ᭞ᬳᬧᬂᬳᬶᬩᬤᬶᬦᬶᬗᬦ᭄ᬢᭀᬲ᭄᭞ᬳᬶᬭᬫᬸᬮᬶᬄᬗᬮᬶᬄᬳᬸ
ᬧᬄ᭞ᬳᬶᬧᭂᬜᬸᬫᬸᬜᬶᬦᬾᬕᭂᬢᬃ᭞ᬕᬢ᭄ᬬᬂᬓᭂᬫᬳᬶᬩᬮᬸᬢᬸᬂ᭞ᬳᬶᬮᬸᬢᬸᬂᬫᬮᬶᬄᬳᬗᬸᬘᬧ᭄᭟᭜᭟ᬳᭂᬤᬳᬶᬩᬫᬗᬮᬳᬶᬦ᭄᭞ᬲᬢᭀᬦ᭄ᬤᬾᬦᬶᬭᬦᬾᬧ᭄ᬭᬧ᭄ᬢ᭞ [ 13 ][᭑᭒ 12B]
᭑᭒᭟
ᬳᬶᬧᭂᬜᬸᬳᬮᬸᬲᬸᬚᬭᬾ᭞ᬓᭂᬫᬓᬶᬳᬾᬜ᭄ᬘᭀᬮᬾᬜ᭄ᬘᭀᬮᬂ᭞ᬳᬶᬭᬢ᭄ᬯᬭᬧᬘᬂᬓᬾᬲᬄ᭞ᬩᭀᬕ᭄ᬩᭀᬕᬶᬩᬲᬯᬸᬢ᭄ᬮᬸᬢᬸᬂ᭞ᬲᬶᬂᬩᬸᬯᬸᬂᬳᬶᬩᬫᬢᬶᬗ᭄ᬕᬮ᭄᭟᭜᭟
ᬳᬧᬂᬤᬦᬦ᭄ᬫᬶᬭᬶᬩ᭄ᬓᬳᬶ᭞ᬘᭂᬤᭀᬓ᭄ᬢᭂᬓᬾᬦ᭄ᬧᬲᬗ᭄ᬓᬾᬢ᭞ᬳᬭᬢ᭄ᬯᬭᬩᬶᬲᬮᬶᬜᭀᬓ᭄᭞ᬚᬦᬶᬧᬂᬧᬥᬲᬸᬫ᭄ᬧᬳᬦ᭄᭞ᬬᬦᬶᬭᬧᬘᬂᬮᭀᬫ᭄ᬧᬂ᭞ᬳᬧᬂᬳᬶᬭ
ᬫᬢᬶᬩᭂᬭᬸᬂ᭞ᬓᬾᬦ᭄ᬢᭀᬲᬸᬫ᭄ᬧᬄᬳᬶᬭᬧ᭄ᬭᬕᬢ᭄᭟᭜᭟ᬳᬶᬩᬧᭂᬜᬸᬓᬾᬦ᭄ᬓᬾᬦ᭄ᬩᬦᬶ᭞ᬳᬶᬧᭂᬜᬸᬫᬲᬯᬸᬢ᭄ᬦᬶᬫ᭄ᬩᬮ᭄᭞ᬲᬓᬮ᭄ᬯᬶᬭᬶᬂᬧᬭᬲᭀᬲᭀᬢ᭄᭞ᬳᬶᬭᬧ
ᬲ᭄ᬢᬶᬢ᭄ᬯᬭᬮᭀᬫ᭄ᬧᬂ᭞ᬳᬓᬾᬢᭀᬦᬄᬲᬸᬩᬧ᭄ᬭᬕᬢ᭄᭞ᬕᬢ᭄ᬬᬂᬫᬸᬮᬶᬄᬳᬶᬩᬮᬸᬢᬸᬂ᭞ᬩᬲ᭄ᬫᬓᭂᬮᭀᬫᬓᬓᭂᬜ᭄ᬘᬦ᭄᭟᭜᭟ᬳᬶᬧᭂᬜᬸᬲᬺᬗᭂᬦ᭄ᬜᬯᬸᬭᬶᬦ᭄
[᭑᭓ 13B]
ᬜᬸᬳᬧᬓ᭄ᬭᬡ᭞ᬲᬗ᭄ᬓᬦᬶᬩᬭᬶᬭᬶᬄᬗᭀᬦᭀᬂ᭞ᬳᬧᬳᬗ᭄ᬕᭀᬦᬶᬩᬢᬢᬓᬦ᭄᭞ᬢᬸᬢᬸᬭᬶᬦ᭄ᬚᬳᬶᬭᬫᬢ᭄ᬭ᭞ᬳᬧᬂᬳᬶᬭᬲᬶᬄᬢᬳᬸ᭞ᬢᭂᬓᬾᬦ᭄ᬓᬯᬶᬰᬾᬱᬦᬶ
ᬩ᭟᭜᭟ᬳᬶᬧᭂᬜᬲᬺᬗᭂᬦ᭄ᬜᬯᬸᬭᬶᬦ᭄᭞ᬲᭀᬓ᭄ᬓᬾᬯᬮᬢᬗ᭄ᬓᬄᬤᭀᬯᬂ᭞ᬫᬶᬦᬓᬵᬤᬶᬤᬬᬸᬂᬓᬾᬧᬾᬲᬾ᭞ᬳᭀᬳᭀᬳᭀᬫᬸᬜᬶᬦ᭄ᬯᬦᬭ᭞ᬳᬗᭀ
ᬩ᭄ᬲᬦᬶᬭᬦ᭄ᬤᬶᬗᭂᬳᬂ᭞ᬓᬰᬓ᭄ᬢ᭄ᬬᬦᬶᬩᬦᬾᬧᭂᬜᬸ᭞ᬲᬸᬫᬲᬢ᭄ᬨᬮ᭄ᬯᬲᬓᬮ᭟᭜᭟ᬳᬧᬤᬤᬶᬗᭀᬂᬗᬶᬯᬲᬶᬦ᭄᭞ᬓᬾᬦ᭄ᬓᬾᬦ᭄ᬲᬶᬄᬓᬧᬶᬢ᭄ᬯᬶᬦ᭄ᬜ᭞ᬕᭀᬩᬦ᭄ᬢᭀ
ᬢᬗ᭄ᬓᬄᬳᬶᬩᬦᬾ᭞ᬳᬧᬂᬳᬶᬭᬧᭂᬤᬲ᭄ᬦᬯᬂ᭞ᬳᬶᬧᭂᬜᬸᬫᬲᬯᬸᬢ᭄ᬕᬜ᭄ᬘᬂ᭞ᬦᬄᬧᬳᭂᬓᬂᬳᬶᬩᬮᬸᬢᬸᬂ᭞ᬤᬶᬦᬶᬫᬢᬦᬾᬧᭂᬮᬸᬤᬂ᭟᭜᭟ᬳᬶᬮᬸᬢᬸᬂᬓᭂᬤᬾᬦ᭄ᬫᬗᬶᬗ᭄ᬕᬶ [ 14 ][᭑᭓ 13A]
᭑᭓᭟
ᬓ᭄᭞ᬳᬶᬳᬶᬳᬶᬳᬶᬓ᭄ᬲᬶᬂᬦᭀᬢ᭄ᬕᭂᬮᬄ᭞ᬩᬤᬶᬗᬂᬢᬸᬯᬄᬳᬯᬓᬾ᭞ᬳᬧᬂᬳᬶᬭᬧᭂᬤᬲ᭄ᬦᬯᬂ᭞ᬳᬶᬧᭂᬜᬸᬭᬭᬶᬲᬗᬸᬘᬧ᭄᭞ᬤᭀᬂᬢᬸᬮᬸᬗᬶᬦ᭄ᬕᭂᬮᬄᬮᬸᬢᬸᬂ᭞ᬩ
ᬤᬶᬗᬂᬳᬧᬂᬦᬸᬗ᭄ᬓᬬᬓ᭄᭟᭜᭟ᬳᬶᬮᬸᬢᬸᬂᬭᬭᬶᬲ᭄ᬫᬗᬸᬗ᭄ᬓᬶᬢ᭄᭞ᬳᭂᬗ᭄ᬕᬂᬳᭂᬗ᭄ᬕᬶᬂᬳᭂᬗ᭄ᬓᭀᬕᭂᬗ᭄ᬓᭀᬕ᭄᭞ᬕᭂᬩ᭄ᬯᬕᬶᬧᭂᬜᬸᬦᬸᬗ᭄ᬓᬬᬓ᭄᭞ᬳᬶᬮᬸᬢᬸᬂᬓᭂᬤᬾᬓ᭄ᬫᬗᬮ᭄ᬓᬮ᭄᭞ᬳᬳ
ᬳᬓᬶᬳᬶᬓᬸᬳᬸᬳᬸᬓ᭄᭞ᬩᬢᬶᬲ᭄ᬦᬾᬜᬭᬢ᭄ᬘᬸᬓ᭄ᬫᬦᬸᬜ᭄ᬚᬂ᭞ᬚᬦᬶᬓᬳᬶᬗᬮᬶᬄᬳᬸᬧᬄ᭟᭜᭟ᬳᬸᬧᬄᬩᬭᭀᬂᬫᬘᬦ᭄ᬮᬯᬶᬄ᭞ᬳᬳᬾᬂᬢ᭄ᬯᬭᬧᬥᬧᬥ᭞ᬦᬗ᭄ᬳᬶᬂᬳᬶᬩ
ᬧᬘᬂᬧᭂᬮᭀᬢ᭄᭞ᬳᬶᬮᬸᬢᬸᬂᬜᬭᬶᬚᬶᬕ᭄ᬕᬜ᭄ᬘᬂ᭞ᬫᬘᭂᬮᬸᬧ᭄ᬓᬢᭂᬗᬄᬳᬮᬲ᭄᭞ᬫᬗᬮᬶᬄᬲᬂᬯ᭄ᬬᬕ᭄ᬭᬳᬰ᭄ᬭᬸ᭞ᬢᬦᬸᬘᬧᬦ᭄‌ᬬᬭᬶᬂᬤᬮᬦ᭄᭟᭜᭟ᬘᬭᬶᬢᬳᬶᬧᬜᬸ
[᭑᭔ 14A]
ᬗᭂᬮᬶᬂ᭞ᬗᬲᬶᬄᬳᬲᬶᬄᬢᬦ᭄ᬧᭂᬕᬢᬦ᭄᭞ᬲᬗᭂᬢ᭄ᬫᬜᭂᬮ᭄ᬲᭂᬮᬯᬓᬾ᭞ᬚᬦᬶᬲᭂᬮ᭄ᬲᭂᬮ᭄ᬓᬤᬸᬂᬮᬶᬯᬢ᭄᭞ᬧᭂᬤᬲ᭄ᬢ᭄ᬯᬭᬤᬕᬸᬡᬦ᭄ᬜ᭞ᬳᬯᬓ᭄ᬲᬸᬩᬩᭂᬮᬸᬲ᭄ᬮᬸᬘᬸᬢ᭄᭞ᬚᬦᬶ
ᬫᬭᬫᬘᬶᬂᬘᬶᬗᬦ᭄᭟᭜᭟ᬓᬾᬦ᭄ᬢᭀᬰᬮᭀᬓᬦᬶᬂᬕᬸᬫᬶ᭞ᬲᬗ᭄ᬓᬦ᭄ᬚᬦᬶᬧᬮᬧᬦᬂ᭞ᬲᬢᭀᬦ᭄ᬤᬾᬦᬸᬮᬸᬂᬳᬸᬚᬦᬾ᭞ᬬᬾᬦ᭄ᬕᬸᬍᬫ᭄ᬧᬚᭂᬂᬓᭂᬩᬢᬂ᭞ᬳᬧᬂᬳᭂᬤ
ᬓᬳᬸᬚᬦᬦ᭄᭞ᬢᭀᬧᬢᬹᬢᬶᬂᬲᭀᬮᬄᬮᬓᬸ᭞ᬳᬧᬂᬫᬗ᭄ᬕᬶᬄᬓᬭᬳᬬ᭄ᬯᬦ᭄᭟᭜᭟ᬘᬭᬶᬢᬳᬶᬮᬸᬢᬸᬂᬫᬗ᭄ᬓᬶᬦ᭄᭞ᬳᬶᬫᬘᬦ᭄ᬯᬸᬲ᭄ᬢᭂᬧᬸᬓᬶᬦ᭞ᬲᭂᬤᭂᬓ᭄ᬫᭂᬤᭂᬫ᭄ᬲᭀᬃᬓ
ᬬᬸᬦᬾ᭞ᬳᬶᬫᬘᬦ᭄ᬫᬢᬓᭀᬦ᭄ᬲᭂᬗᬧ᭄᭞ᬳᬶᬩᬮᬸᬢᬸᬂᬩᬓᬮ᭄ᬓᬶᬚ᭞ᬳᬶᬮᬸᬢᬸᬂᬳᬸᬘᬧᬾᬳᬮᬸᬲ᭄᭞ᬳᬶᬭᬫᬳᬶᬗᬮᬶᬄᬳᬶᬩ᭟᭜᭟ᬚᬶᬸᬂᬮᬶᬸᬂᬦ᭄ᬓᬶᬸᬂᬫᬶᬸᬂᬧᬶᬸᬂᬢᬶᬸᬂᬚᬶᬸᬂᬦᬶᬸᬂ᭞ [ 15 ][᭑᭔ 14B]
᭑᭔᭟
ᬚᬮᬦ᭄ᬓᬾᬫᬧᬢᬸᬂᬚᬦᬶ᭞ᬫᬧᬢᬸᬂᬳᬾᬩᬢᬾᬩᬢᬦ᭄᭞ᬳᬶᬭᬲᬸᬩᬫᬧᭂᬗᬩᬾ᭞ᬤᬶᬧᬲᬶᬲᬶᬬᬓᬧᭂᬚᬂ᭞ᬳᭂᬩᬾᬧᭂᬜᬸᬕᭂᬥᬾᬧᭂᬲᬦ᭄᭞ᬳᬶᬫᬘᬦ᭄ᬮ᭄ᬬᬂᬫᬲᬯᬸ
ᬢ᭄᭞ᬬᬦ᭄ᬧᬶᬢ᭄ᬯᬶᬲᬚᬚᬮᬦ᭄᭟᭜᭟ᬲᬂᬓᬮᬶᬄᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬦ᭄ᬓᬘᬭᬶᬢᬤᬶᬚᬮᬦ᭄᭞ᬤᬶᬧᬲᬶᬲᬶᬯᬸᬲ᭄ᬢᭂᬓᭂᬤᬾ᭞ᬲᬶᬕᬶᬧᭂᬜᬸᬦᬾᬦᬸᬗ᭄ᬓᬬᬓ᭄᭞ᬳᬶᬫᬘ
ᬦ᭄‌ᬬᬚᬶᬩ᭄ᬭᬕ᭄ᬚᬶᬩ᭄ᬭᬕ᭄᭞ᬢ᭄ᬯᬭᬕᬶᬕᬶᬲ᭄ᬓᭂᬦ᭄ᬤᭂᬮᬶᬧᬸᬦ᭄᭞ᬧᬘᬂᬫᬳᭀᬮᬳᭀᬮᬳ᭠ᬦ᭄᭟᭜᭟ᬮᬸᬢᬸᬂᬳᬶᬩᬗᬮᬶᬄᬳᬧᬶ᭞ᬳᬶᬭᬤᬶᬦᬶᬫᬸᬓᬂᬫᬸᬓᬂ᭞ᬚᬮᬦ᭄ᬫᬗ᭄ᬕᬯᬾ
ᬲᬲᬢᬾ᭞ᬳᬶᬮᬸᬢᬸᬂᬳᬾᬗ᭄ᬕᬮ᭄ᬫᬚᬮᬦ᭄᭞ᬘᬭᬶᬢᬦᬾᬕᬕᭂᬮᬶᬲᬦ᭄᭞ᬫᬗ᭄ᬕᬂᬲᬲᬢᬾᬓᬯᬸᬯᬸᬲ᭄᭞ᬫᬓᬤᬤ᭄ᬯᬮᬶᬦ᭄ᬢᬂᬍᬕ᭟᭜᭟ᬧᬸᬄᬧᬸᬘᬸᬂ᭟᭜᭟ᬓᬩᬢ᭄ᬓᬸ
[᭑᭕ 15A]
ᬩᬸᬢ᭄᭞ᬫᬸᬜᬶᬦᬧᬶᬧ᭄ᬮᬓ᭄ᬧ᭄ᬮᬓ᭄ᬧ᭄ᬮᬸᬓ᭄ᬧ᭄ᬮᬸᬓ᭄᭞ᬲᬢᬾᬦᬾᬩᬤᬶᬗᬂ᭞ᬫᬭᬬᬍᬩᭂᬂᬳ᭠ᬓᬢᬶᬄ᭞ᬮᬸᬢᬸᬂᬫᬸᬯᬸᬲ᭄᭞ᬦᬾᬮᬓᬃᬓᬧᭂᬦᬾᬓᬂ᭟᭜᭟ᬫᭀᬗᬫᬸᬯᬸᬲ᭄᭞ᬲᬗ᭄ᬓ
ᬦ᭄ᬬᬳᬩᬤᬶᬤᬸᬯᬸᬃ᭞ᬳᬧᬲᬶᬄᬓ᭄ᬭᬡᬦ᭄ᬜ᭞ᬳᬶᬩᭀᬚᭀᬕ᭄ᬫᬲᬯᬸᬢ᭄ᬜᭂᬗ᭄ᬓᬶᬂ᭞ᬩᭂᬮᭀᬕ᭄ᬲᬶᬕᬸᬕ᭄᭞ᬬᬦ᭄ᬤᬶᬦᬶᬬᬩᭂᬢᬾᬦ᭄ᬧᭂᬚᬂ᭟᭜᭟ᬳᬫᬄᬍᬕᬸ᭞ᬩᬓᬮ᭄ᬢᭂᬮᬄᬳᬫᬄᬲᭂ
ᬫᬸᬢ᭄᭞ᬩᬶᬓᬸᬮ᭄ᬜᬶᬂᬜᬶᬂᬗᬫᬄ᭞ᬩᬮᬂᬚᬗ᭄ᬓ᭄ᬭᬶᬓ᭄ᬫᬶᬯᬄᬜᬶᬜᬶᬓ᭄᭞ᬳᬫᬄᬘᬧᬸᬂ᭞ᬮ᭄ᬬᬸᬩ᭠ᬜ᭄ᬘᬦᬦᬾᬢᭂᬓ᭟᭜᭟ᬦᬄᬧᬲᬯᬸᬢ᭄᭞ᬳᬶᬫᬘᬦᬶᬢᭂᬧ᭄ᬫᬦᬸᬦᬸ᭞ᬍᬩᭂᬂᬓᬢᬶᬄᬫᬸ
ᬗ᭄ᬕᬄ᭞ᬘᬭᬶᬢᬧᬸᬧᬸᬢᬼᬩᭂᬂᬲᬫᬶ᭞ᬬᬤᬶᬤᬸᬯᬸᬃ᭞ᬳᬶᬩᭀᬚᭀᬕ᭄ᬤᬶᬢᬸᬦᬫ᭄ᬩᬸᬦᬂ᭟᭜᭟ᬲᬸᬩᬲᬸᬯᬸᬤ᭄᭞ᬳᬶᬫᬘᬦᬮᭀᬦᬫᬸᬯᬸᬲ᭄᭞ᬤᭀᬂᬓᭂᬫᬢᬸᬯᬸᬦᬂ᭞ᬚᬮᬦ᭄ᬤᬶᬦᬶᬩᭂ [ 16 ][᭑᭕ 15B]
᭑᭕᭟
ᬢᬾᬦ᭄ᬧᬶᬲᬶ᭞ᬲᬯᬸᬢ᭄ᬮᬸᬢᬸᬂ᭞ᬦᬄᬚᬦᬶᬩᬓᬮ᭄ᬢᬸᬯᬸᬦᬂ᭟᭜᭟ᬫᬜᬘᬸᬢ᭄ᬘᬸᬢ᭄᭞ᬳᬶᬩᭀᬚᭀᬕ᭄ᬫᭂᬦᬾᬓ᭄ᬗᬮᬬᬸᬢ᭄᭞ᬢᭂᬓᭂᬤ᭄ᬲᬶᬕ᭄ᬢᭀᬗᭀᬲ᭄ᬜ᭞ᬮᬦ᭄ᬢᬲ᭄ᬬᬗᬓ᭄ᬗᬧᬶᬓᬶᬦ᭄᭞
ᬫᬜᬸᬓ᭄ᬜᬸᬓ᭄᭞ᬩᬸᬗᬸᬢ᭄ᬦᬾᬗᬾᬯᬾᬭᬶᬦ᭄ᬫᬘᬦ᭄᭟᭜᭟ᬭᬭᬶᬲ᭄ᬯᬸᬯᬸᬲ᭄᭞ᬲᬢᬾᬦᬾᬲᬫ᭄ᬩᬶᬮᬂᬳᬯᬸᬤ᭄᭞ᬦᬄᬫᬘᬦ᭄ᬓᬢᬶᬓ᭞ᬦᬗ᭄ᬳᬶᬂᬦᬾᬫᬭᬳᬓᬢᬶᬄ᭞ᬳᬦ᭄ᬢᬶᬫᬮᬸ᭞ᬩᬶ
ᬦ᭄ᬲᭂᬧᬦ᭄ᬕᭂᬮᬄᬗᬸᬮᬸᬗᬂ᭟᭜᭟ᬳᬶᬫᭀᬂᬦᬸᬗ᭄ᬓ᭄ᬭᬸᬓ᭄᭞ᬚᭂᬗᬄᬫᬿᬭᬂᬮᬶᬦ᭄ᬢᬂᬓᭂᬩᬸᬲ᭄᭞ᬓᬤᬸᬫᬦ᭄ᬓᬢᬶᬓᬿ᭞ᬮᬸᬢᬸᬂᬬᬫᭂᬩᭂᬄᬗᬸᬮᬸᬗᬶᬦ᭄᭞ᬢᬸᬭᬫᬸᬯᬸᬲ᭄᭞ᬢᭂᬮᬳᬂᬲᬸᬩ
ᬢᭀᬢᭀᬦᬦ᭄᭟᭜᭟ᬳᬶᬗ᭄ᬕᬶᬄᬧᬸᬧᬸᬢ᭄᭞ᬲᬢᬾᬦᬾᬢᭂᬮᬄᬓᬳᬶᬫᬸᬢ᭄᭞ᬳᬶᬮᬸᬢᬸᬂᬩᭂᬢᭂᬓᬦ᭄᭞ᬧᭂᬲᬸᬳᬸᬯᬩ᭄ᬲᬤᬢᬶᬢᬶᬃ᭞ᬗᬸᬦ᭄ᬤᬧ᭄ᬗᬸᬬᬸᬓ᭄᭞ᬫᬢᬦᬾᬲᬬᬦ᭄ᬗ
[᭑᭖ 16A]
ᬭᬶᬬᭂᬧᬂ᭟᭜᭟ᬳᬗ᭄ᬕᬸᬢᬗ᭄ᬕᬸᬢ᭄᭞ᬮᬦ᭄ᬢᬲ᭄ᬬᬧᬸᬍᬲ᭄ᬫᬜᬶᬗ᭄ᬓ᭄ᬭᬸᬢ᭄᭞ᬳᭂᬗ᭄ᬲᬧ᭄ᬢᭂᬓᬾᬦᬯᬓ᭄᭞ᬳᬶᬫᬘᬦ᭄ᬫᬕ᭄ᬭᬸᬯᬾᬂᬜ᭄ᬚ᭄ᬭᬶᬢ᭄᭞ᬬᬳᬶᬮᬸᬢᬸᬂ᭞ᬢᬗ᭄ᬓᭂᬚᬸᬢ᭄ᬮᬶᬫᬦᬾᬓᭂᬧᬃ᭟᭜᭟ᬮ
ᬯᬸᬢᬸᬮᬸᬂ᭞ᬳᬶᬩᭀᬚᭀᬕ᭄ᬬᬫᬘᭂᬍᬩᬸᬕ᭄᭞ᬳᬶᬫᬘᬦ᭄ᬗᬾᬗ᭄ᬕᬮᬂ᭞ᬜᬕᬺᬧᬶᬮᬸᬢᬸᬂᬗᬚᭂᬗᬶᬢ᭄᭞ᬳᬶᬫᭀᬂᬗᭂᬮᬸᬃ᭞ᬫᬢᬶᬳᬶᬩᬘᬧ᭄ᬮᭀᬓ᭄ᬕᭂᬮᬄ᭟᭜᭟ᬬᬳᬶᬮᬸᬢᬸᬂ᭞ᬕᭂᬢᬃ
ᬫᬸᬜᬶᬦ᭄ᬜᬦᬾᬧᭂᬲᬸ᭞ᬳᬶᬄᬳᬶᬩᬯ᭄ᬬᬕ᭄ᬭ᭞ᬳᬶᬩᬧᬓ᭄ᬱᬗᬫᬄᬓᬳᬶ᭞ᬢᬸᬲᬶᬂᬧᭂᬮᬸᬢ᭄᭞ᬓᬳᬶᬫᬢᬶᬩᬳᬦᬶᬩ᭟᭜᭟ᬤᬾᬦᬶᬂᬢᬸᬳᬸ᭞ᬓᬳᬶᬢᭀᬲ᭄ᬯᬦᬭᬓ
ᬲᬸᬩ᭄᭞ᬭᬶᬂᬭᬵᬫᬬᬡᬘᬭᬶᬢ᭞ᬳᬶᬭᬵᬯᬡᬲᬗ᭄ᬓᬦ᭄ᬫᬢᬶ᭞ᬦᬾᬗᬋᬩᬸᬢ᭄᭞᭠ᬮᬮᬗᬶᬢ᭄ᬓᬳᬶᬦᬾᬲᬸᬩ᭟᭜᭟ᬓᬳᬶᬦᭂᬫ᭞ᬦᬾᬚᬦᬶᬯᬶᬰᬾᬱᬦ᭄ᬭᬸᬲ᭄᭞ᬚ [ 17 ][᭑᭖ 16B]
᭑᭖᭟
ᬢᬶᬤᬳᬢ᭄ᬲᭂᬗ᭄ᬓ᭞ᬧᬫᬢᬶᬦ᭄ᬓᬳᬶᬦᬾᬳᬮᬶᬄ᭞ᬬᬦ᭄ᬢᬦ᭄ᬯ᭄ᬭᬸᬄ᭞ᬢ᭄ᬯᬭᬩᬶᬱᬫᬗᬫᬢ᭄ᬬᬂ᭟᭜᭟ᬳᬶᬫᭀᬂᬫᬸᬯᬸᬲ᭄᭞ᬦᬄᬮᬯᬸᬢᭀᬭᬳᬂᬮᬸᬢᬸᬂ᭞ᬚᬦᬶᬳᬧᬂᬢ᭄ᬭᬂ᭞ᬕᭂᬦᬄᬧ᭄ᬭᬡᬦᬶ
ᬩᬦᬾᬢᬸᬯᬶ᭞ᬢᬸᬲᬶᬂᬩᬸᬯᬸᬂ᭞ᬓᬳᬶᬩᬓᬮ᭄ᬦᬥᬄᬳᬶᬩ᭟᭜᭟ᬲᬯᬸᬢ᭄ᬮᬸᬢᬸᬂ᭞ᬤᬶᬢᬸᬓ᭄ᬢᬸᬓᬶᬓᬸᬄᬳᬸᬫᬸᬗ᭄ᬕᬸᬄ᭞ᬬᬦ᭄ᬲᬸᬩᬳᭂᬦ᭄ᬢᭀᬧᭂᬕᬢ᭄᭞ᬧᭂᬤᬲ᭄ᬓᬳᬶᬩᬶᬱᬫᬢᬶ᭞ᬳᭂᬦ᭄ᬢᭀᬲᭂ
ᬕᬸᬢ᭄᭞ᬳᬶᬫᬘᬦ᭄ᬜᬧ᭄ᬮᭀᬓ᭄ᬗᬾᬗ᭄ᬕᬮᬂ᭟᭜᭟ᬤᬤᬶᬮᬸᬧᬸᬢ᭄᭞ᬳᬶᬓᬸᬢ᭄ᬦᬾᬢᭀᬂᬩᬓᬢ᭄ᬩᬸᬭᬸ᭞ᬳᬯᬓ᭄ᬜᬦᬾᬮᬾᬩᬂ᭞ᬳᬶᬓᬸᬢ᭄ᬦᬾᬲᬳᬢᬂᬳᬮᬶᬄ᭞ᬚᬗ᭄ᬓ᭄ᬯᬓ᭄ᬲᬯᬸᬤ᭄᭞ᬳᬶᬮᬸ
ᬢᬸᬂᬫᬓᭂᬘᭀᬲ᭄ᬫᬸᬗ᭄ᬕᬄ᭟᭜᭟ᬬᬗᬭᬸᬓ᭄ᬕᬸᬓ᭄᭞ᬳᬶᬮᬸᬢᬸᬂᬓᭂᬤᬾᬓ᭄ᬤᬶᬓᬬᬸ᭞ᬮᬦ᭄ᬢᬲ᭄ᬗᬫᭂᬦᬾᬓᬂ᭞ᬤᬶᬘᬭᬂᬓᬬᬸᬦᬾᬗᬮᬦ᭄ᬢᬶᬂ᭞ᬘᭂᬗᬸᬘᭂᬗᬸ᭞ᬗᭂᬤᬾᬓᬶᬦ᭄ᬬᬲᬂᬯ᭄ᬬᬕ᭄ᬭ
[᭑᭗ 17A]
᭟᭜᭟ᬚᭂᬗᬄᬓᭂᬩᬸᬲ᭄᭞ᬳᬶᬫᬘᬦ᭄ᬓᬮᬳᬂᬮᬸᬢᬸᬂ᭞ᬭᬭᬶᬲ᭄ᬫᬸᬭᬂᬮᬫ᭄ᬧᬄ᭞ᬲᬢᬶ᭠ᬩᬧᬭᬦ᭄ᬫᬫᬃᬕ᭄ᬕᬶ᭞ᬲᬕᬾᬢ᭄ᬫᬗ᭄ᬕᬸᬄ᭞ᬲᬫ᭄ᬧᬶᬲᭂᬤᭂᬓᬦ᭄ᬫᬘᬂᬘᬂ᭟᭜᭟ᬫᬘᬦ᭄ᬫᬸᬯᬸ
ᬲ᭄᭞ᬳᬶᬄᬳᬶᬩᬩᬦ᭄ᬢᬾᬂᬫᬢᭂᬕᬸᬮ᭄᭞ᬳᭂᬜᬾᬦ᭄ᬦᭂᬕᬸᬮᬶᬩ᭞ᬢᬦ᭄ᬧᬤᭀᬦ᭄ᬢᬦ᭄ᬤᬸᬓᬾᬮᬜᬶᬂ᭞ᬤᬤᬶᬦᬸᬗ᭄ᬓᬸᬮ᭄᭞ᬢ᭄ᬯᬭᬩᬶᬱᬦᬯᬂᬚᭂᬗᬄ᭟᭜᭟ᬭᬭᬶᬲ᭄ᬫᬸᬯᬸᬲ᭄᭞ᬳᬶ
ᬍᬫ᭄ᬩᬸᬦᬸᬢᬸᬭᬂᬳᬸᬦ᭄ᬤᬸᬓ᭄᭞ᬳᭂᬤᬳᬶᬩᬮᬗ᭄ᬕᬄ᭞ᬫᬧᭂᬢᬢᬦ᭄ᬧᬵᬧᬓᬾᬭᬶᬂ᭞ᬬᬳᬶᬤᬸᬓᬸᬄ᭞ᬦᬾᬫᬵᬤᬦ᭄ᬤᬸᬓᬸᬄᬚᬗ᭄ᬕᬭᬦ᭄᭟᭜᭟ᬳᭂᬦ᭄ᬢᭀᬓᬲᬸᬩ᭄᭞ᬤᬶᬩᬢᬦ᭄ᬮᬗᬶ᭠
ᬢ᭄ᬓᬯᬸᬯᬸᬲ᭄᭞ᬰᬓ᭄ᬢᬶᬢᬸᬃᬯᬶᬰᬾᬱ᭞ᬢᬦ᭄ᬧᬥᬧᬥᬤᬶᬕᬸᬫᬶ᭞ᬤᬦᬾᬗᬸᬩᬸᬄ᭞ᬤᭀᬦ᭄ᬓᬳᬶᬤᬶᬦᬶᬫᬘᬂᬘᬂ᭟᭜᭟ᬫᭀᬂᬫᬲᬯᬸᬢ᭄᭞ᬤᬶᬚᬢᭀᬗᭀᬲ᭄ᬬᬳᬶᬤᬸᬓᬸᬄ᭞ [ 18 ][᭑᭗ 17B]
᭑᭗᭟
ᬓᬳᬶᬧᬂᬮᬯᬦ᭞ᬩᬳᬦ᭄ᬬᬳᬶᬤᬸᬓᬸᬄᬰᬓ᭄ᬢᬶ᭞ᬓᬳᬶᬫᬕᬸᬢ᭄᭞ᬓᬰᬓ᭄ᬢ᭄ᬬᬦᬾᬳᬶᬚᬗ᭄ᬕᬭᬦ᭄᭟᭜᭟ᬤᬶᬢᬸᬭᬸᬭᬸᬄ᭞ᬓᬾᬦ᭄ᬢᭀᬲᬯᬸᬢ᭄ᬜᬳᬶᬍᬫ᭄ᬩᬸ᭞ᬲᬃᬯ᭄ᬯᬶᬫᬢᬸᬚᬸᬯᬂ᭞ᬤᬶᬧᬸ
ᬜᬦ᭄ᬚᬓᬦᬾᬩᬤᬗᬶᬦ᭄᭞ᬳᬶᬬᬤᬶᬢᬸ᭞ᬗᬶᬭᬶᬲᬶᬦ᭄ᬫᬗ᭄ᬕᬯᬾᬢᬸᬯᬓ᭄᭟᭜᭟ᬢᬦ᭄ᬧᬲᬯᬸᬢ᭄᭞ᬳᬶᬫᬘᬦ᭄ᬮᬦ᭄ᬢᬲ᭄ᬜᬭᬸᬢ᭄ᬘᬸᬢ᭄᭞ᬗᬸᬗ᭄ᬲᬶᬧᬸᬜᬦ᭄ᬚᬓ᭞ᬳᬶᬤᬸᬓᬸᬄᬲᭂᬤᭂᬓ᭄ᬗᬶ
ᬭᬶᬲᬶᬦ᭄᭞ᬬᬤᬶᬤᬸᬯᬸᬃ᭞ᬳᬶᬫᬘᬦ᭄ᬩᭂᬢᬾᬦ᭄ᬦᬸᬗᬤᬄ᭟᭜᭟ᬫᬘᬦ᭄ᬗᭂᬮᬸᬃ᭞ᬦᬾᬓᭀᬬᬲᬶᬳᬶᬩᬤᬸᬓᬸᬄ᭞ᬳᬶᬩᬓᬲᬸᬩ᭄ᬧᬶᬲᬦ᭄᭞ᬯᬶᬰᬾᬱᬓᬮᬶᬯᬢ᭄ᬰᬓ᭄ᬢᬶ᭞ᬲᬚᬤᬸᬓᬸᬄ᭞ᬬ
ᬦ᭄ᬧᬲᬚᬳᬶᬭᬮᬯᬦ᭄᭟᭜᭟ᬧᬸᬄᬫᬶᬚᬶᬮ᭄᭟᭜᭟ᬲᬶᬂᬚᬩᬸᬯᬸᬂᬳᬶᬩᬮᬓᬃᬫᬢᬶ᭞ᬫᬧ᭄ᬭᬂᬮᬯᬦᬶᬗᭀᬂ᭞ᬫᬘᬦ᭄ᬫᬸᬮᬫᬵᬦᬸᬱᬫᬗ᭄ᬲᬦᬾ᭞ᬬᬳᬶᬤᬸᬓᬸᬄ᭞ᬫᬦᭀᬮᬶᬄ
[᭑᭘ 18A]
ᬰᬩ᭄ᬤᬭᬭᬶᬲ᭄᭞ᬳᬾᬄᬫᬘᬦ᭄ᬧᬶᬢ᭄ᬯᬶ᭞ᬕᬸᬂᬉᬚᬃᬫᬭᬾᬂᬳᬶᬗ᭄ᬲᬸᬦ᭄᭟᭜᭟ᬓᬳᬶᬤᬸᬓᬸᬄᬚᬵᬢᬶᬯᬶᬰᬾᬱᬰᬓ᭄ᬢᬶ᭞ᬭᬶᬂᬚᬕᬢ᭄ᬢᬦ᭄ᬲᬾᬯᭀᬲ᭄᭞ᬫᬸᬮᬳᬶᬭᬓᬯᬸᬯᬸᬲᬾᬂᬭᬵᬢᬾ᭞
ᬢᬦᬧᬥᬧᬥᬭᬶᬂᬓᬰᬓ᭄ᬢᬶᬦ᭄᭞ᬳᬶᬩᬢᬦ᭄ᬤ᭄ᬭᬸᬄᬢᬸᬯᬶ᭞ᬚᬦᬶᬳᬧᬂᬯ᭄ᬭᬸᬄ᭟᭜᭟ᬬᬦ᭄ᬧᬶᬢᬸᬳᬸᬳᬶᬩᬧᬘᬂᬩᬦᬶ᭞ᬦᬄᬤᬶᬢᬸᬓᬾᬳᬦ᭄ᬢᭀᬲ᭄᭞ᬦᬗ᭄ᬳᬶᬂᬳᭂᬤᬓᬸᬭᬂᬲᬬᬕᬦᬾ᭞
ᬳᬧᬂᬓᬸᬓᬸᬄᬳᭂᬤᬳᬶᬩᬫᬮᬳᬶᬩ᭄᭞ᬬᬾᬦ᭄ᬭᬶᬂᬲᬸᬩᬫᬶᬚᬶᬮ᭄᭞ᬯᬶᬰᬾᬱᬦᬶᬭᬾᬓᬸ᭟᭜᭟ᬫᬲᬳᬸᬭᬸᬂᬳᬶᬩᬢᬸᬫ᭄ᬧᬸᬃᬪᬱ᭄ᬫᬶ᭞ᬯ᭄ᬬᬕ᭄ᬭᬫᬸᬯᬸᬲᬮᭀᬦ᭄᭞ᬳᬶᬭᬢ᭄ᬯᬭᬕᬶᬗ᭄ᬲᬶᬃᬭᬶᬂᬧᬢᬶᬦᬾ᭞
ᬦᬄᬮᬯᬸᬢᬂᬗᭀᬂᬲᬥ᭄ᬬᬗᬶᬯᬲᬶᬦ᭄᭞ᬧᬂᬧᭂᬤᬲ᭄ᬫᬫᬗ᭄ᬕᬶᬄ᭞ᬫᬲᬯᬸᬢᬶᬭᬤᬸᬓᬸᬄ᭟᭜᭟ᬦᬄᬤᭀᬂᬢᭂᬕᬸᬮᬯᬓᬾᬩᬸᬢᬶᬢᬶ᭞ᬤᬶᬓᬬᬸᬦᬾᬳᭂᬦ᭄ᬢᭀ᭞ᬧᬂᬤᬶᬸᬂᬳᭂᬤᬳᬶᬩᬫᬮᬳᬶ [ 19 ][᭑᭘ 18B]
᭑᭘᭟
ᬩ᭄ᬤᬶᬲᬸᬩᬦᬾ᭞ᬤᬶᬮᬩ᭄ᬧᭂᬲᬸᬓᬯᬶᬰᬾᬱᬦ᭄ᬓᬳᬶ᭞ᬦ᭄ᬢᭀᬢᬗᬭᬶᬦ᭄ᬓᬳᬶ᭞ᬲᬗ᭄ᬓᬦ᭄ᬚᬦᬶᬢᭂᬕᬸᬮ᭄᭟᭜᭟ᬦᬄᬧᬲᬯᬸᬢᬶᬫᬘᬦ᭄ᬬᬭᬭᬶᬲ᭄᭞ᬦᭂᬕᬸᬮ᭄ᬤᬾᬯᬾᬓᬾᬧᭀᬢ᭄᭞ᬲᬸ
ᬩᬧ᭄ᬭᬕᬢ᭄ᬓᬸᬓᬸᬄᬢᬢᬦ᭄ᬦᬾ᭞ᬉᬚᬃᬤᬸᬓᬸᬄᬳᬧᬂᬓᬸᬯᬢ᭄ᬩᬸᬯᬶᬦ᭄᭞ᬳᬶᬫᬘᬦ᭄ᬜᬯᬸᬭᬶᬦ᭄᭞ᬦᬄᬚᬦᬶᬲᬸᬩᬓᬸᬓᬸᬄ᭟᭜᭟ᬤᬶᬢᬸᬮᬯᬸᬢᬶᬤᬸᬓᬸᬄᬢᬸᬯᬸᬦ᭄ᬕᭂᬮᬶᬲ᭄᭞ᬳᬶᬫᬘ
ᬦ᭄ᬓᬳᭀᬚᭀᬕ᭄᭞ᬲᬃᬯ᭄ᬯᬶᬤᬦᬾᬗᬗ᭄ᬕᬃᬧᬗᬶᬭᬶᬲ᭄ᬦᬾ᭞ᬢᬸᬃᬳᬫᬸᬯᬸᬲ᭄᭞ᬦᬄᬦᬾᬲᬸᬩᬚᬦᬶ᭞ᬩᬓᬮ᭄ᬗᬮᬲ᭄ᬳᬸᬭᬶᬧ᭄᭞ᬢᭂᬦ᭄ᬤᬲᬾᬩᬓᬮ᭄ᬳᭂᬫ᭄ᬧᬸᬕ᭄᭟᭜᭟ᬧᬗᬫᬸᬫ᭄ᬩᬸᬮ᭄ᬧᭀ
ᬮᭀᬦᬾᬫᬓᬘ᭄ᬭᬶᬢ᭄᭞ᬳᬶᬫᬘᬦ᭄ᬬᬗᭂᬢᭀᬃ᭞ᬜᬸᬫ᭄ᬩᬄᬜᬸᬫ᭄ᬩᬄᬫᬦᬸᬦᬲ᭄ᬳᬸᬭᬶᬧᬾ᭞ᬢ᭄ᬬᬂᬓᬧᭀᬓ᭄ᬢ᭄ᬯᬭᬧᬘᬂᬩᬦᬶ᭞ᬲᬢᬺᬄᬢᬦ᭄ᬤᬤᬶ᭞ᬫᬘᬶᬸᬂᬦᬶᬸᬂᬜ᭄ᬘᬦᬳᬶᬤᬸᬓᬸᬄ᭟᭜᭟
[᭑᭙ 19A]
ᬓᬾᬦ᭄ᬢᭀᬧᬸᬧᬸᬢ᭄ᬦᬸᬮᬶᬬᬓᬮᬾᬩᬶᬦ᭄᭞ᬳᬶᬫᬘᬦ᭄ᬫᬢᬾᬤᭀᬄ᭞ᬫᬵᬢᬸᬃᬲᭂᬫ᭄ᬩᬄᬧᬗᬲ᭄ᬢᬸᬗ᭄ᬓᬭᬦᬾ᭞ᬚ᭄ᬭᭀᬤᬸᬓᬸᬄᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬫᬶᬢ᭄᭞ᬳᬗᬸᬮᬢᬶᬪᬸᬓ᭄ᬢᬶ᭞ᬦᬄᬲᬯᬸᬢᬶᬤᬸ
ᬓᬸᬄ᭟᭜᭟ᬮᬦ᭄ᬢᬲ᭄ᬦᬲᬸᬧ᭄ᬬᬳᬶᬫᬘᬦ᭄ᬕᭂᬮᬶᬲ᭄᭞ᬦᬾᬚᬦᬶᬓᬭᬯᭀᬲ᭄᭞ᬧᬢᭂᬫᬸᬦᬾᬢᭂᬓᬾᬦᬶᬚᬭᬦᬾ᭞ᬤᬶᬳᬮᬲᬾᬩᬸᬓᬲᬫᬬᬳᬶᬦ᭄᭞ᬳᬶᬫᬘᬦ᭄ᬦᬸᬮ᭄ᬬᬗᭂᬮᬶᬂ᭞ᬳᬶᬄᬚᬭ᭠
ᬦ᭄ᬓᬢᭂᬧᬸᬓ᭄᭟᭜᭟ᬲᭂᬤᭂᬂᬩᬕᬸᬲ᭄ᬓᬳᬶᬮᬬᬄᬕᬢᬶ᭞ᬳᬧᬚᬦᬶᬳᬗ᭄ᬕᭀᬦ᭄᭞ᬫ᭠ᬗᬶᬮᬗᬂᬩᬲ᭄ᬲᬗᭂᬢ᭄ᬲᭂᬤᬸᬓᬾ᭞ᬲᬚᬯᬶᬦᬶᬂᬳᬶᬩᬳᬫᬄᬓᬳᬶ᭞ᬳᬧᬗᬫᬍᬦ᭄ᬢᬶᬂᬩ
ᬲᬂᬳᬶᬭᬜᬦ᭄ᬢᬸᬂ᭟᭜᭟ᬲᬤᬳᬮᬸᬲᬶᬚᬭᬦ᭄ᬜᬯᬸᬭᬶᬦ᭄᭞ᬫᬸᬜᬶᬫᬦᬶᬲᬮᭀᬦ᭄᭞ᬳᬶᬭᬢ᭄ᬯᬭᬧᬜ᭄ᬚᬂᬧᬗᬸᬘᬧᬾ᭞ᬮᬫᬸᬦ᭄ᬲᬸᬩᬤᬦᬾᬤᬸᬓᬸᬄᬰᬓ᭄ᬢᬶ᭞ᬗᬮᬸᬕ᭄ᬭᬳᬶ [ 20 ][᭑᭙ 19B]
᭑᭙᭟
ᬦ᭄ᬘᬳᬶ᭞ᬳᬶᬭᬜᬥ᭄ᬬᬢᬶᬦᬹᬢ᭄᭟᭜᭟ᬫᬘᬦ᭄ᬫᬸᬯᬸᬲᬶᬭᬦᬾᬦᬾᬚᬦᬶ᭞ᬧᬘᬂᬦᬸᬦᬲ᭄ᬭᬯᭀᬲ᭄᭞ᬢᭂᬓᬾᬦ᭄ᬤᬦᬾᬚ᭄ᬭᭀᬤᬸᬓᬸᬄᬰᬓ᭄ᬢᬶᬦᬾ᭞ᬮᬦ᭄ᬢᬲ᭄ᬜᬭᬸᬢ᭄ᬘᬸᬢᬶᬫᬘᬦ᭄ᬫᬫᬃ
ᬕ᭄ᬕᬶ᭞ᬢᬦ᭄ᬓᭀᬘᬧ᭄ᬭᬶᬂᬫᬃᬕ᭄ᬕᬶ᭞ᬭᬶᬂᬤᬸᬓᬸᬳᬦ᭄ᬭᬯᬸᬄ᭟᭜᭟ᬧᬸᬄᬧᬸᬘᬸᬂ᭟᭜᭟ᬫ᭠ᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬚ᭄ᬭᭀᬤᬸᬓᬸᬄᬲᭂᬤᭂᬓ᭄ᬫᬮᬸᬗ᭄ᬕᬸᬄ᭞ᬳᬶᬫᬘᬦ᭄ᬧ᭄ᬭᬧ᭄ᬢ᭞ᬤᬶᬳᬚᭂᬂᬚ᭄ᬭᭀᬤᬸᬓᬸᬄ
ᬦᬗ᭄ᬓᬶᬮ᭄᭞ᬤᬸᬓᬸᬄᬫᬸᬯᬸᬲ᭄᭞ᬳᬧᬲᬥ᭄ᬬᬦ᭄ᬫᬘᬦ᭄ᬢᭂᬓ᭟᭜᭟ᬳᬶᬫᭀᬂᬫᬢᬸᬃ᭞ᬦ᭄ᬤᬯᭂᬕᬂᬚ᭄ᬭᭀᬦᬾᬤᬸᬓᬸᬄ᭞ᬦᬾᬫᬓᬳᬯᬦᬦ᭄᭞ᬭᬯᬸᬄᬢᬶᬢ᭄ᬬᬗᬾᬫᬦᬗ᭄ᬓᬶᬮ᭄᭞ᬢᬶᬢ᭄ᬬᬂ
ᬗᬮᬸᬗ᭄ᬲᬸᬃ᭞ᬫᬗ᭄ᬤᬢᬸᬯᬶᬚ᭄ᬭᭀᬦᬾᬲᬸᬯᬾᬘ᭟᭜᭟ᬲᬸᬂᬧᬶᬢᬸᬤᬸᬄ᭞ᬦᬾᬫᬯᬱ᭄ᬝᬳᬶᬯᬂᬧᬢᬹᬢ᭄᭞ᬦᬾᬜ᭄ᬘᬾᬦ᭄ᬓᬤᬤᭀᬲᬂ᭞ᬧᬓ᭄ᬱᬦ᭄ᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬫᬗ᭄ᬤᬦᭂᬭᬸᬲ᭄᭞
[᭒᭐ 20A]
ᬭᬳᬬᬸᬦᬾᬢᬫᬢᬶᬢ᭄ᬬᬂ᭟᭜᭟ᬲᬯᬸᬃᬤᬸᬓᬸᬄ᭞ᬬᬦ᭄ᬲᬸᬩᬳᬕᬸᬗᬶᬂᬮᬸᬧᬸᬢ᭄᭞ᬩᬸᬯᬶᬦ᭄ᬓᭂᬦᬉᬧᬢ᭞ᬳᭂᬦ᭄ᬢᭀᬯᭂᬦᬂᬧᬓ᭄ᬱᬓᬶᬸᬂᬳᬶᬸᬂᬘᬳᬶ᭞ᬬᬦ᭄ᬓᬲᬥᬸᬦ᭄᭞ᬳᭂ
ᬦ᭄ᬢᭀᬢ᭄ᬯᬭᬯᭂᬦᬂᬧᬶᬲᬦ᭄᭟᭜᭟ᬓᬾᬦ᭄ᬢᭀᬧᬸᬧᬸᬢ᭄᭞ᬳᬶᬯ᭄ᬬᬕ᭄ᬭᬓᬲᭂᬍᬓ᭄ᬫᬫᬸᬢ᭄ᬭᬸ᭞ᬤᬾᬦᬶᬂᬳᭂᬜᬸᬤ᭄ᬧᬶᬲᬦ᭄᭞ᬤᬤᬶᬗᬾᬓᬉᬧᬬᬲᬦ᭄ᬤᬶ᭞ᬮᬯᬸᬢ᭄ᬫᬢᬸᬃ᭞ᬢᬶᬢ᭄ᬬᬂᬫᬦᬸᬦᬲᬂᬳᬶᬧ᭄ᬬᬦ᭄
᭟᭜᭟ᬯᭂᬗᬶᬯᬯᬸ᭞ᬳᬶᬧᬾᬦ᭄ᬢᬶᬢ᭄ᬬᬂᬋᬓᬾᬫᬸᬗ᭄ᬕᬸᬄ᭞ᬢᬶᬢ᭄ᬬᬂᬜᬭᬧ᭄ᬓᬸᬤ᭞ᬦᬶᬓᬢᭂᬥᬦ᭄ᬢᬶᬢ᭄ᬬᬂᬭᬭᬶᬲ᭄᭞ᬓᬾᬦ᭄ᬢᭀᬫᬸᬗ᭄ᬕᬸᬄ᭞ᬧᬸᬦᬶᬓᬢᬸᬦᬲᬂᬢᬶᬢ᭄ᬬᬂ᭟᭜᭟ᬧᬢᬹᬢ᭄ᬢᬦ᭄ᬧᬢᬹᬢ᭄᭞
ᬢᬶᬢ᭄ᬬᬂᬗᬫᬃᬕ᭄ᬬᬂᬧᬸᬦᬶᬓᬸ᭞ᬳᬶᬤᬸᬓᬸᬄᬳᬗᬸᬘᬧ᭄᭞ᬳᭂᬦ᭄ᬢᭀᬤᬤᬶᬧᬓ᭄ᬱᬘᬳᬶ᭞ᬓᬾᬦ᭄ᬢᭀᬫᬸᬗ᭄ᬕᬸᬄ᭞ᬫᬯᬓ᭄ᬫᬦᭂᬫᬸᬤᬶᬓᬃᬫ᭄ᬫ᭟᭜᭟ᬫᭀᬂᬫᬲᬯᬸᬃ᭞ᬢᬶᬢ᭄ᬬᬂᬧᬫᬶᬢ᭄ᬚ᭄ᬭᭀᬤᬸᬓᬸᬄ᭞ᬗ [ 21 ][᭒᭐ 20B]
᭒᭐᭟
ᬋᬋᬄᬳᬶᬓᬸᬤ᭞ᬦᬄᬲᬯᬸᬢᬶᬤᬸᬓᬸᬄᬰᬓ᭄ᬢᬶ᭞ᬫᭀᬂᬮᬸᬫᬓᬸ᭞ᬢᬦ᭄ᬓᬘᬭᬶᬢᬤᬶᬚᬮᬦ᭄᭟᭜᭟ᬦᬾᬓᬯᬸᬯᬸᬲ᭄᭞ᬳᬶᬚᬭᬦ᭄ᬲᬵᬫ᭄ᬧᬸᬦ᭄ᬓᬢᭂᬧᬸᬓ᭄᭞ᬳᬶᬫᬘᬦᬗᬸ
ᬘᬧ᭄᭞ᬚᬦᬶᬧᬬᬸᬳᬶᬩᬫᬢᬶ᭞ᬚ᭄ᬭᭀᬤᬸᬓᬸᬄ᭞ᬤᬦᬾᬲᬸᬩᬲᬸᬂᬮᬸᬕ᭄ᬭᬳ᭟᭜᭟ᬚᬭᬦ᭄ᬢᬗ᭄ᬓᭂᬚᬸᬢ᭄᭞ᬧᭂᬮᬸᬳᬾᬫᬫᭀᬢᭀᬃᬧᭂᬲᬸ᭞ᬢᬸᬫᬸᬮᬶᬳᬗᬸᬘᬧ᭄᭞ᬫᬸᬜᬶᬦᬾ
ᬫᬤᬸᬮᬸᬃᬳᭂᬮᬶᬂ᭞ᬳᭂᬦ᭄ᬤᬾᬦ᭄ᬫᬮᬸ᭞ᬳᬶᬭᬓᭂᬫᬫᬦᬸᬦᬲᬂ᭟᭜᭟ᬦᬄᬧᬲᬯᬸᬢ᭄᭞ᬳᬶᬫᬘᬦ᭄ᬦᬸᬮᬶᬫᬦᬸᬦ᭄ᬤᬸᬂ᭞ᬓᭂᬫᬓᬾᬳᬾᬗ᭄ᬕᬮᬂ᭞ᬓᬳᬶᬲᬸᬩᬮᬬᬄᬕᬢᬶ᭞ᬫᬜ
ᬭᬸᬢ᭄ᬘᬸᬢ᭄᭞ᬳᬶᬚᬭᬦ᭄ᬳᭂᬗ᭄ᬲᭂᬓ᭄ᬭᬶᬂᬫᬦᬄ᭟᭜᭟ᬕᭂᬮᬶᬲ᭄ᬭᬯᬸᬄ᭞ᬚᬸᬫᬄᬤᬦᬾᬚ᭄ᬭᭀᬤᬸᬓᬸᬄ᭞ᬤᬾᬤᬸᬓᬸᬄᬜᬫ᭄ᬩ᭄ᬭᬫ᭞ᬳᬶᬩᬚᬭᬦ᭄ᬢᬸᬫ᭄ᬩᬾᬦ᭄ᬫᬳᬶ᭞ᬳᬧᬭᬸᬭᬸᬄ᭞
[᭒᭑ 21A]
ᬳᬶᬚᬭᬦ᭄ᬫᬲᬯᬸᬃᬲᭂᬫ᭄ᬩᬄ᭟᭜᭟ᬳᬸᬄᬚ᭄ᬭᭀᬤᬸᬓᬸᬄ᭞ᬓ᭄ᬭᬡᬢᬶᬢ᭄ᬬᬂᬢᭂᬫ᭄ᬩᬾᬭᬯᬸᬄ᭞ᬢᬶᬢ᭄ᬬᬂᬦᬸᬦᬲ᭄ᬕᬢ᭄ᬭ᭞ᬦᬧᬶᬤᭀᬱᬦ᭄ᬢᬶᬢ᭄ᬬᬂᬳᬶᬗ᭄ᬕᬶᬄ᭞ᬚ᭄ᬭᭀᬦᬾᬮᬚᬸ᭞ᬫᬳᬶ
ᬘ᭄ᬘᬬᬂᬭᬶᬂᬳᬶᬫᬘᬦ᭄᭟᭜᭟ᬲᬯᬸᬃᬤᬸᬓᬸᬄ᭞ᬓ᭄ᬭᬡᬓᬳᬶᬲᬚᬮᬚᬸ᭞ᬤᬾᬦᬶᬂᬲᬸᬩᬓᬃᬫ᭄ᬫ᭞ᬳᬶᬫᬘᬦ᭄ᬫᬫᬓ᭄ᬱᬘᬳᬶ᭞ᬓᬾᬦ᭄ᬢᭀᬧᬢᬹᬢ᭄᭞ᬭᬾᬄᬘᬳᬶᬲᬸᬩᬳᬶᬧ᭄ᬬᬗ᭟᭜᭟
᭟ᬗᬸᬯᭀᬦ᭄ᬩᬬᬸ᭞ᬳᬶᬚᬭᬦ᭄ᬫᬭᬗᬭᬸᬗᬸ᭞ᬦᬾᬚᬦᬶᬬᬲᬶᬦᬄ᭞ᬢ᭄ᬯᬭᬦᬸᬯᬸᬂᬧᬘᬂᬫᬢᬶ᭞ᬭᬶᬸᬂᬭᬭᬶᬲᬶᬧᬸᬦ᭄᭞ᬫᬧᬫᬶᬢᬦᬸᬮᬶᬩᬸᬤᬮ᭄᭟᭜᭟ᬲᬕᬾᬢ᭄ᬮᬸᬢᬸᬂ᭞ᬓᬢᭂᬧᬸᬓ᭄ᬤᬶᬚᬮ
ᬦ᭄ᬦᬸᬗ᭄ᬓ᭄ᬭᬸᬓ᭄᭞ᬳᬶᬩᭀᬚᭀᬕ᭄ᬫᬜᬧ᭞ᬳᬶᬩᬚᬭᬦ᭄ᬗᬸᬤᬲᭂᬤᬶᬄ᭞ᬓᬸᬤᬫᬸᬯᬸᬲ᭄᭞ᬓᬳᬶᬧᬘᬂᬢᬥᬄᬫᬘᬦ᭄᭟᭜᭟ᬦᬸᬮᬶᬗᬮᬦ᭄ᬢᬸᬃ᭞ᬓᬢᬸᬢᬸᬭᬂᬲᬧᬭᬶᬳᬸᬦ᭄ᬤᬸᬓ᭄᭞ᬗᬦ᭄ᬢᬶ [ 22 ][᭒᭑ 21B]
᭒᭑᭟
ᬧᬫ᭄ᬭᬕᬢ᭄ᬜ᭞ᬳᬶᬩᭀᬚᭀᬕ᭄ᬓᭂᬜᬶᬃᬜᬯᬸᬢᬶᬦ᭄᭞ᬳᭂᬤᬲᬸᬗ᭄ᬲᬸᬢ᭄᭞ᬓᬳᬶᬧᬘᬂᬗᬯᬶᬭᬗᬂ᭟᭜᭟ᬧᭂᬤᬲ᭄ᬩᬸᬯᬸᬂ᭞ᬳᬶᬩᬫᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬗ᭄ᬳᬶᬂᬬᬾᬦ᭄ᬲᬸᬩᬧ᭄ᬭᬕᬢ᭄᭞
ᬳᬧᬫᬓᬳᬸᬧᬄᬓᬳᬶ᭞ᬩᬾᬜ᭄ᬚᬂᬩᬾᬲᬸᬓ᭄᭞ᬳᬶᬚᬭᬦᬮᭀᬦᬗᬸᬘᬧ᭄᭟᭜᭟ᬳᬶᬩᬮᬸᬢᬸᬂ᭞ᬳᬭᬫᭀᬦ᭄ᬤᭀᬂᬜᬸᬗ᭄ᬕᬶᬜᬸᬯᬸᬦ᭄᭞ᬳᬶᬭᬢ᭄ᬯᬭᬧᬲᬄ᭞ᬫᬲᬯᬶᬢ᭄ᬭᬢᬺᬱ᭄ᬡ
ᬳᬲᬶᬄ᭞ᬢᬸᬭᬸᬦ᭄ᬢᭂᬫᬸᬭᬸᬦ᭄᭞ᬓᬳᬶᬫᬗ᭄ᬕᭂᬄᬫᬲᬯᬶᬢ᭄ᬭ᭟᭜᭟ᬬᬳᬶᬮᬸᬢᬸᬂ᭞ᬜᬭᬸᬢ᭄ᬘᬸᬢ᭄ᬓᬳᬸᬫᬄᬚ᭄ᬭᭀᬤᬸᬓᬸᬄ᭞ᬘᬭᬶᬢᬲᬸᬩᬧ᭄ᬭᬧ᭄ᬢ᭞ᬳᬶᬩᭀᬚᭀᬕ᭄ᬫᭂᬦᬾᬓᬂᬭᬭᬶᬲ᭄᭞ᬜᬭᬸ
ᬜᬭᬸ᭞ᬤᬶᬢᬤᬧᬓ᭄ᬱᬶᬦᬾᬦᭂᬕᬓ᭄᭟᭜᭟ᬤᬦᬾᬤᬸᬓᬸᬄ᭞ᬲᭂᬤᭂᬓᬦ᭄ᬫᭂᬋᬫ᭄ᬫᬮᬶᬗ᭄ᬓᬸᬄ᭞ᬢ᭄ᬯᬭᬗᬢᬗᭂᬳᬂ᭞ᬳᬶᬮᬸᬢᬸᬂᬓᭂᬫᬜᬮᬶᬕ᭄ᬘᬶᬕ᭄᭞ᬤᬦᬾᬤᬸᬓᬸᬄ᭞ᬢ᭄ᬯᬭᬢᬗᭂᬄ
[᭒᭒ 22A]
ᬳᬶᬮᬸᬢᬸᬂᬢᭂᬓ᭟᭜᭟ᬚᬕ᭄ᬫᬘᭂᬧᬸᬕ᭄᭞ᬳᬶᬮᬸᬢᬸᬂᬤᬶᬳᬚᭂᬂᬚ᭄ᬭᭀᬤᬸᬓᬸᬄ᭞ᬚ᭄ᬭᭀᬤᬸᬓᬸᬄᬗᬦ᭄ᬤᬶᬓ᭞ᬳᭂᬦ᭄ᬢᭀᬓᬾᬦ᭄ᬓᬾᬦᬶᬩᬩᭂᬗᬶᬮ᭄᭞ᬤᬤᬶᬮᬩᬸᬄ᭞ᬳᬶᬮᬸᬢᬸᬂᬫᬲᬯᬸᬃ
ᬲᭂᬫ᭄ᬩᬄ᭟᭜᭟ᬲᬶᬗ᭄ᬕᬶᬄᬚ᭄ᬭᭀᬤᬸᬓᬸᬄ᭞ᬢᬶᬢ᭄ᬬᬂᬧᬸᬍᬲ᭄ᬲᬦᬾᬯᬯᬸ᭞ᬢᬸᬃᬗᬶᬧᬶᬲᬜᬢ᭞ᬭᬶᬂᬳᬶᬧᬾᬦᬺᬓᬾᬫᬩᬸᬜ᭄ᬘᬶᬂ᭞ᬭᬶᬂᬚ᭄ᬭᭀᬳᬬᬸ᭞ᬧᬸᬢ᭄ᬭᬦ᭄ᬚ᭄ᬭᭀᬤᬸᬓᬸᬄᬯᬦᭀᬥ᭄ᬬ᭟᭜᭟ᬳᭂ
ᬗ᭄ᬲᭂᬓ᭄ᬫᬋᬗᬸᬢ᭄᭞ᬤᬾᬤᬸᬓᬸᬄᬫᬶᬋᬗᬂᬢᬸᬢᬸᬃ᭞ᬳᬶᬮᬸᬢᬸᬂᬩᬸᬯᬶᬦ᭄ᬗᬸᬘᬧ᭄᭞ᬢᬶᬢ᭄ᬬᬂᬤᬸᬭᬸᬲ᭄ᬚ᭄ᬯᬫᬩᬸᬜ᭄ᬘᬶᬂ᭞ᬤᬾᬦᬶᬂᬫᬸᬗ᭄ᬕᬸᬄ᭞ᬧᬸᬦᬶᬓᬦᭂᬫᬸᬤᬶᬓᬃᬫ᭄ᬫ᭟᭜᭟ᬤᬦᬾᬲᬸᬓᬸᬄ᭞ᬓᬮᬶᬦ᭄ᬢᬂᬲᭂ
ᬓ᭄ᬱᭂᬓ᭄ᬭᬶᬂᬓᬬᬸᬦ᭄᭞ᬢᬸᬫᬸᬮᬶᬗᬦ᭄ᬤᬶᬓ᭞ᬧᬗᬦ᭄ᬤᬶᬓᬦ᭄ᬤᬦᬾᬜᭂᬗ᭄ᬓᬶᬂ᭞ᬳᬶᬩᬮᬸᬢᬸᬂ᭞ᬲᬶᬂᬧ᭄ᬭᬄᬗᬸᬕᭀᬦᬶᬦᬶᬧ᭄ᬬᬦ᭄᭟᭜᭟ᬤᬶᬚᬫᬸᬗ᭄ᬕᬸᬄ᭞ᬢᬸᬢᬸᬭᬦᬾᬘᬳᬶᬫᬗ᭄ᬕᬸᬄ᭞ᬲᬳᬦᬦ᭄ᬢᬸᬫᬶᬢ [ 23 ][᭒᭒ 22B]
᭒᭒᭟
᭞ᬜᬮᬦᬶᬦ᭄ᬩᬸᬓᬤᬶᬳᬶᬧᬶ᭞ᬲᬯᬸᬃᬮᬸᬢᬸᬂ᭞ᬢᬶᬢ᭄ᬬᬂᬫᬫᬗ᭄ᬕᬶᬄᬢᬸᬢᬸᬭᬦ᭄᭟᭜᭟ᬳᬶᬫᭀᬂᬳᬶᬧᬸᬦ᭄᭞ᬜᬮᬦᬶᬦᬶᬧ᭄ᬬᬦ᭄ᬜᬢᬸᬳᬸ᭞ᬫᬫᬓ᭄ᬱᬳᬶᬚᬭᬦ᭄᭞ᬳᭂᬦ᭄ᬢᭀᬢᬸ
ᬮᬤ᭄ᬢᬶᬢ᭄ᬬᬂᬚᬦᬶ᭞ᬮᬫᬸᬦ᭄ᬤᬸᬭᬸᬲ᭄᭞ᬳᬶᬚᬭᬦ᭄ᬗᭂᬫᬲᬶᬦ᭄ᬧᭂᬚᬄ᭟᭜᭟ᬢᬶᬢ᭄ᬬᬂᬤᬸᬭᬸᬲ᭄᭞ᬫᬩᬸᬜ᭄ᬘᬶᬂᬭᬶᬂᬚ᭄ᬭᭀᬳᬬᬸ᭞ᬳᬶᬤᬸᬓᬸᬄᬓᬳᬶᬫᭂᬗᬦ᭄᭞ᬗᬭᬲᬭᬲᬤᬶᬳᬢᬶ᭞ᬭᬭᬶᬲ᭄ᬫᬸ᭠
ᬯᬸᬲ᭄᭞ᬳᬮᬶᬄᬳᬶᬫᭀᬂᬫ᭄ᬯᬂᬳᬶᬫᬘᬦ᭄᭟᭜᭟ᬢᬶᬢ᭄ᬬᬂᬳᬦᬹᬢ᭄᭞ᬦᬸᬮᬶᬬᬫᬧᬫᬶᬢ᭄ᬧᭂᬲᬸ᭞ᬫᬗᬮᬶᬄᬳᬶᬫᬘᬦ᭄᭞ᬳᬶᬚᬭᬦ᭄ᬫᬮᬸᬓᬳᬮᬶᬄ᭞ᬲᬸᬩᬢᭂᬧᬸᬓ᭄᭞ᬳᬶᬮᬸᬢᬸᬂᬫᬸᬜᬶᬦᬾ᭠
ᬕᭂᬢᬃ᭟᭜᭟ᬧᬸᬄᬕᬶᬦᬤ᭟᭜᭟ᬳᬶᬩᬚᬭᬦ᭄ᬓᭂᬫᬮᬸᬯᬲ᭄᭞ᬳᬶᬫᬘᬦᬮᬶᬄᬦᬾᬚᬦᬶ᭞ᬳᬚᬓ᭄ᬫᬦᬗ᭄ᬓᬶᬮ᭄ᬓᬚ᭄ᬭᭀ᭞ᬓᬚ᭄ᬭᭀᬤᬦᬾᬚ᭄ᬭᭀᬤᬸᬓᬸᬄ᭞ᬳᬶᬚᬭᬦ᭄ᬫᬗᬸᬘᬧ᭄ᬩᬦ᭄ᬩᬦ᭄᭞
[᭒᭓ 23A]
ᬦᬄᬦᬾᬚᬦᬶ᭞ᬳᬶᬭᬫᬮᬶᬸᬂᬗᬮᬶᬄᬳᬶᬫᬘᬦ᭄᭟᭜᭟ᬢᬸᬫᬸᬮᬶᬮᬯᬸᬢ᭄ᬫᬚᬮᬦ᭄᭞ᬢᬦ᭄ᬓᭀᬘᬧᬦ᭄‌ᬬᬭᬶᬂᬫᬃᬕ᭄ᬕᬶ᭞ᬳᬶᬫᬘᬦ᭄ᬓᬢᭂᬧᬸᬓ᭄ᬜᭀᬗ᭄ᬓᭀᬓ᭄᭞ᬤᬶᬩᬢᬦ᭄ᬓᬬᬸᬦᬾᬗ
ᬋᬫ᭄ᬩᬸᬦ᭄᭞ᬳᬶᬚᬭᬦᬗᬸᬘᬧ᭄ᬩᬦ᭄ᬩᬦ᭄᭞ᬫᭀᬂᬦᬾᬚᬦᬶ᭞ᬚᬮᬦ᭄ᬦᬗ᭄ᬓᬶᬮ᭄ᬓᬧᬓᭂᬜ᭄ᬘᬦ᭄᭟᭜᭟ᬢᭂᬓᬾᬦ᭄ᬚ᭄ᬭᭀᬤᬸᬓᬸᬄᬚᬗ᭄ᬕᬭᬦ᭄᭞ᬳᬶᬫᬘᬦ᭄ᬫᬲᬯᬸᬢ᭄ᬩ᭄ᬭᬗ᭄ᬢᬶ᭞ᬫᬳᬷᬩᬢᬥᬄᬳᬶᬗᭀᬂ᭞ᬳᬶᬚ
ᬭᬦ᭄ᬦᬶᬫ᭄ᬩᬮ᭄ᬫᬲᬯᬸᬢ᭄᭞ᬜᬦᬦ᭄ᬤᬶᬢᬸᬗᭀᬂᬧ᭄ᬭᬕᬢᬂ᭞ᬢᬸᬃᬫᬫᬃᬕ᭄ᬕᬶ᭞ᬲᬂᬓᬮᬶᬄᬦᬗ᭄ᬓᬶᬮ᭄ᬓᬓᬺᬢ᭟᭜᭟ᬓᭀᬘᬧ᭄ᬚ᭄ᬭᭀᬤᬸᬓᬸᬄᬚᬗ᭄ᬕᬭᬦ᭄᭞ᬲᭂᬤᭂᬓ᭄ᬦᭂᬕᬓ᭄ᬕᭂᬚᬶᬃᬕᭂᬚᬶᬃ᭞ᬳᬶᬚᬭᬦ᭄ᬗᬚᬓᬶᬲ᭠
ᬫᭀᬂ᭞ᬭᬶᬂᬳᬚᭂᬂᬬᬲᬵᬫ᭄ᬧᬸᬦ᭄‌ᬬᬭᬯᬸᬄ᭞ᬲᬂᬓᬮᬶᬄᬫᬦᬩ᭄ᬤᬫ᭄ᬰᬷᬮ᭞ᬬᬫᬦᬗ᭄ᬓᬶᬮ᭄᭞ᬚ᭄ᬭᭀᬤᬸᬓᬸᬄᬭᬭᬶᬲ᭄ᬗᬦ᭄ᬤᬶᬓ᭟᭜᭟ᬳᬶᬩᬫᬘᬦ᭄ᬧᬂᬩᬸᬯᬸᬗᬂᬦᬶᬸᬂ᭞ᬫᬗᬫᬄᬳᬶᬚᬭᬦ᭄ᬚᬦᬶ᭞ᬤᬾᬦᬶᬂ [ 24 ][᭒᭓ 23B]
᭒᭓᭟
ᬢ᭄ᬭᬤᬰᬵᬲ᭄ᬢ᭄ᬭᬋᬓᭀ᭞ᬤᬶᬢᬸᬢᬸᬃᬢ᭄ᬯᬭᬤᬫᬸᬗ᭄ᬕᬸᬄ᭞ᬢᬶᬗ᭄ᬓᬄᬫᬜᬮᬦᬶᬦᬶᬧ᭄ᬬᬦ᭄᭞ᬲᬦᬾ᭠ᬦᬶᬩᬸᬯᬸᬗᬂᬗᬫᬄᬳᬶᬚᬭᬦ᭄᭟᭜᭟ᬧᬸᬧᬸᬢ᭄ᬧ᭄ᬭᬓᬭᬧᬸᬦᬶᬓ᭞ᬲᬂᬓᬮᬶᬄᬦᬸᬦᬲ᭄ᬫᬧᬫᬶᬢ᭄᭞
ᬢᬦ᭄ᬓᬘᬭᬶᬢᬳᬫᬗ᭄ᬓᭀ᭞ᬓᭀᬘᬧᬦ᭄ᬫᬗ᭄ᬓᬶᬦᬶᬮᬸᬢᬸᬂ᭞ᬓᬮᬸᬗᬂᬮᬸᬗᬂᬫᬚᬮᬦ᭄᭞ᬕᭂᬮᬶᬲ᭄ᬫᬗ᭄ᬓᬶᬦ᭄᭞ᬢᭂᬧᬸᬓᬶᬦᬦᬶᬫᬾᬲᬪ᭟᭜᭟ᬳᬶᬮᬸᬢᬸᬂᬳᬮᭀᬦᬗᬸᬘᬧ᭄᭞ᬳᬶᬄᬓᭀᬬᬲᬶᬳᬶᬩ
ᬓᬫ᭄ᬩᬶᬂ᭞ᬚᬮᬦ᭄ᬓᬾᬫᬲᭂᬓᬫᬗ᭄ᬓᭀ᭞ᬗᬯᬾᬳᬩ᭄ᬬᬦ᭄ᬓᬘᬂᬮᬶᬦ᭄ᬤᬸᬂ᭞ᬳᬧᬂᬫᬲᬶᬄᬗᭂᬮᬄᬮᬪ᭞ᬳᬗ᭄ᬕᭀᬦ᭄ᬪᬸᬓ᭄ᬢᬶ᭞ᬳᬶᬓᬫ᭄ᬩᬶᬂᬫᬸᬜᬶᬦᬾᬩᬦ᭄ᬩᬦ᭄᭟᭜᭟ᬓᬾᬦ᭄ᬓᬾᬦᭂᬦ᭄ᬢᭀᬩᬦ᭄ᬦᬓᭂᬳᬂ᭞ᬧᬩᬳ
ᬦᬾᬧᬂᬜᬓ᭄ᬲᬫᬶ᭞ᬳᬧᬂᬤᬲᭀᬃᬲᬶᬗ᭄ᬕᬶᬄᬋᬓᭀ᭞ᬳᬶᬮᬸᬢᬸᬂᬳᬮᭀᬦᬫᬸᬯᬸᬲ᭄᭞ᬲᬮ᭄ᬯᬶᬭᬶᬂᬤᭀᬦᬶᬩᬗᭂᬮᬄ᭞ᬤᬸᬫᬦ᭄ᬓᬳᬶ᭞ᬲᬓᬜ᭄ᬘᬦ᭄ᬩᬸᬯᬄᬩᬸᬯᬄᬜ᭟᭜᭟ᬧᬸᬧᬸᬢ᭄ᬲᬸᬩ᭠
[᭒᭔ 24A]
ᬫᬳᬸᬪᬬ᭞ᬦᬗ᭄ᬳᬶᬂᬳᬧᬂᬧᬥᬢᬶᬦ᭄ᬤᬶᬄ᭞ᬢ᭄ᬯᬭᬤᬤᬶᬫᬗᬮᬶᬜᭀᬓ᭄᭞ᬲᬶᬂᬮᬶᬜᭀᬓ᭄ᬢᬦ᭄ᬦᭂᬫᬸᬭᬳᬬᬸ᭞ᬦᬄᬓᬾᬦ᭄ᬢᭀᬮᬦ᭄ᬢᬲ᭄ᬫᬚᬮᬦ᭄᭞ᬫᬗᬯᬶᬢᬶᬦ᭄᭞ᬫᬫᬓᬮ᭄ᬢᬦᬄᬳᬩ᭄ᬬ
ᬦ᭄᭟᭜᭟ᬳᬶᬮᬸᬢᬸᬂᬗᬮᬶᬄᬢᬗ᭄ᬕᬮ᭞ᬕᭂᬮᬶᬲ᭄ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬧᭀᬮᬶᬄ᭞ᬳᬶᬓᬫ᭄ᬩᬶᬂᬫᬗᭂᬤᭂᬂᬋᬓᭀ᭞ᬳᬶᬮᬸᬢᬸᬂᬗᬢᭂᬄᬤᬶᬧᬸᬗ᭄ᬓᬸᬃ᭞ᬳᬶᬓᬫ᭄ᬩᬶᬂᬢᭂᬮᬄᬓᬧᭂᬘᬸᬢᬦ᭄᭞ᬩᬮ
ᬦ᭄ᬲᬫᬶ᭞ᬲᬯᬂᬕᭂᬢᬶᬄᬲᬸᬯᬢ᭄ᬲᬸᬯᬢ᭄᭟᭜᭟ᬓᭀᬘᬧ᭄ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬮᬜᬄ᭞ᬮᬦ᭄ᬢᬲ᭄‌ᬬᬓᬧᬫᬸᬮᬳᬶᬦ᭄᭞ᬲᬓᬶᬂᬕᭂᬍᬂᬦᬾᬲᬂᬓᬭᭀ᭞ᬕᬯᬾᬦ᭄ᬦᬾᬲᬶᬤ᭄ᬥᬭᬳ
ᬬᬸ᭞ᬧ᭄ᬭᬕᬢ᭄‌ᬬᬲᬸᬩᬫᬫᬸᬮ᭞ᬓᬧᬺᬢᬾᬦᬶᬦ᭄᭞ᬢᬦ᭄ᬲᬄᬩᬋᬂᬧᬤᬤ᭄ᬯᬦᬦ᭄᭟᭜᭟ᬘᬭᬶᬢᬲᬵᬫ᭄ᬧᬸᬦ᭄ᬗᭂᬮᬄᬳᬩ᭄ᬬᬦ᭄᭞ᬳᬲᬶᬂᬫᭂᬤᭀᬦᬫᬄᬓᬫ᭄ᬩᬶᬂ᭞ᬳᬶᬮᬸᬢᬸᬂᬓᬤᭀ [ 25 ][᭒᭔ 24B]
᭒᭔᭟
ᬗᭂᬜ᭄ᬘᭀᬗᭀᬮ᭄᭞ᬤᬶᬚᬩᬸᬯᬄᬓᬘᬗᬾᬳᬸᬲᬸᬤ᭄᭞ᬳᬲ᭄ᬮᬫᭂᬤᭀᬦ᭄ᬲᬸᬩᬢᭂᬮᬄ᭞ᬧᬬᬸᬫᬢᬶ᭞ᬳᬶᬮᬸᬢᬸᬂᬬᬚᭂᬗᬄᬫᬳᬶᬭᬂ᭟᭜᭟ᬢᬦ᭄ᬲᬸᬭᬸᬤ᭄ᬲᬸᬭᬸᬤ᭄ᬫᬦᬄᬜ
ᬧᬘᬂᬫᬗᬯᬍᬲᬂᬳᬸᬕᬶ᭞ᬢᭀᬂᬩᬶᬱᬲᬸᬓᬳᬶᬩᭀᬚᭀᬕ᭄᭞ᬬᬦ᭄ᬢᭀᬦ᭄ᬤᬾᬦᬶᬓᬫ᭄ᬩᬶᬂᬫᬫ᭄ᬧᬸᬲ᭄᭞ᬚᬦᬶᬬᬗᬮᬶᬄᬳᬶᬫᬘᬦ᭄᭞ᬳᬗ᭄ᬕᭀᬦ᭄ᬓᬦ᭄ᬢᬶ᭞ᬳᬶᬓᬫ᭄ᬩᬶᬂᬧᬂᬩᬶᬱᬧᭂᬚᬄ
᭟᭜᭟ᬳᬶᬩᭀᬚᭀᬕ᭄ᬭᬭᬶᬲ᭄ᬫᬚᬮᬦ᭄᭞ᬗᬸᬮᬢᬶᬳᬶᬫᬘᬦ᭄ᬚᬦᬶ᭞ᬢᬦ᭄ᬓᭀᬘᬧᬦ᭄ᬤᬶᬚᬮᬦᬺᬓᭀ᭞ᬓᬘᬭᬶᬢᬲᭂᬤᭂᬓᬶᬮᬸᬢᬸᬂ᭞ᬓᬗ᭄ᬕᭂᬓ᭄‌ᬬᬫᬩᬮᬶᬄᬢᬩ᭄ᬯᬦ᭄᭞ᬲᬕᬾ
ᬢ᭄ᬧ᭄ᬭᬧ᭄ᬢᬶ᭞ᬳᬶᬘᬶᬘᬶᬂᬳᬮᬲ᭄ᬦᭂᬢᭂᬲᬂ᭟᭜᭟ᬧᬢᬓᭀᬦᬾᬲᬤᬩᬦ᭄ᬩᬦ᭄᭞ᬳᬶᬮᬸᬢᬸᬂᬗᬸᬤᬤᬶᬦᬶ᭞ᬳᭂᬜᬾᬦ᭄ᬲᬶᬄᬤᬶᬦᬶᬓᬳᬦ᭄ᬢᭀᬲ᭄᭞ᬳᬧᬓᬕᭂᬩᬕᬶᬦ᭄ᬮᬸᬢᬸᬂ᭞
[᭒᭕ 25A]
ᬦᬄᬮᬯᬸᬢ᭄ᬓᬸᬤᬢᬸᬢᬸᬭᬂ᭞ᬢᭂᬓᬾᬦ᭄ᬓᬳᬶ᭞ᬳᬶᬮᬸᬢᬸᬂᬫᬲᬯᬸᬢ᭄ᬦᬶᬫ᭄ᬩᬮ᭄᭟᭜᭟ᬧᬓᬾᬦ᭄ᬢᭀᬦ᭄ᬓᬳᬶᬭᬶᬂᬳᬶᬩ᭞ᬓᬳᬶᬓᬳᬸᬢᬸᬲ᭄ᬦᬾᬫᬦᬶ᭞ᬳᬦ᭄ᬢᬸᬓ᭄ᬲᬂᬳ᭄ᬬᬂᬇᬦ᭄ᬤ᭄ᬭ
ᬓᬯᭀᬢ᭄᭞ᬭᬢᬸᬦ᭄ᬲ᭄ᬯᬃᬕ᭄ᬕᬦᬾᬓᬲᬸᬩ᭄᭞ᬓᬦ᭄ᬤᬶᬓᬬᬂᬗᭂᬫᬶᬢᬫᬺᬢ᭞ᬫᬺᬢᬦ᭄ᬕᬸᬫᬶ᭞ᬦᬾᬫᬦᬶᬳᬧᬂᬓᬩᭂᬜ᭄ᬘᬄ᭟᭜᭟ᬳᬦ᭄ᬢᬸᬓᬶᬤᬲᬂᬳ᭄ᬬᬂᬇᬦ᭄ᬤ᭄ᬭ᭞ᬲᬓᬜ᭄ᬘ
ᬦ᭄ᬩᬸᬭᭀᬦᬾᬲᬫᬶ᭞ᬧᬘᬂᬓᬲᬶᬭᬵᬢᬦᬺᬓᭀ᭞ᬳᬶᬸᬂᬳᬧᬂᬧᬥᬦᭂᬫᬸᬭᬳᬬᬸ᭞ᬓᬾᬦ᭄ᬢᭀᬳᬲᬸᬳᬧᬂᬢᬯᬂ᭞ᬬᬳᬶᬘᬶᬘᬶᬂ᭞ᬫᬢᬓᭀᬦ᭄ᬫᬮᬶᬄᬫᭂᬤᭂᬲᬂ᭟᭜᭟ᬬ
ᬦ᭄ᬲᬸᬩᬓᬓᭂᬦᬦᬫᬺᬢ᭞ᬓᬾᬦ᭄ᬓᬾᬦ᭄ᬧᬦ᭄ᬤᬤ᭄ᬬᬦ᭄ᬜᬘᬳᬶ᭞ᬭᬳᬬᬸᬳᬓᬾᬦ᭄ᬓᬾᬦᭂᬦ᭄ᬢᭀ᭞ᬳᬶᬮᬸᬢᬸᬂᬮᬦ᭄ᬢᬲ᭄ᬫᬲᬯᬸᬢ᭄᭞ᬬᬾᬦ᭄ᬲᬸᬩᬓᬓᭂᬦᬦᬫ᭄ᬭᬢ᭞ᬧᭂᬤ [ 26 ][᭒᭕ 25B]
᭒᭕᭟
ᬲ᭄ᬘᬳᬶ᭞ᬢᬸᬲᬶᬂᬩᬶᬱᬮᬬᬄ᭟᭜᭟ᬓᬮᬶᬄᬬᬦ᭄ᬳᭂᬦᬸᬓᬵᬫᬺᬢᬦ᭄᭞ᬲᬶᬦᬄᬢᬸᬲᬶᬂᬩᬶᬱᬫᬢᬶ᭞ᬳᬦᬾᬩ᭄ᬭᬕ᭄ᬤᬤᬶᬫᭀᬓᭀᬄ᭞ᬓᬾᬦ᭄ᬢᭀᬘᬳᬶᬲᬸᬩᬧᬸᬧᬸᬢ᭄᭞
ᬳᬶᬘᬶᬘᬶᬂᬳᬮᭀᬦᬗᬸᬘᬧ᭄᭞ᬳᭂᬜ᭄ᬘᬾᬦ᭄ᬤᬶᬦᬶ᭞ᬅᬫᬺᬢᬦᬾᬕᭂᬩᬕᬶᬩ᭟᭜᭟ᬳᬶᬩᭀᬚᭀᬕ᭄ᬮᬯᬸᬢ᭄ᬦᬸᬤᬶᬗᬂ᭞ᬳᭂᬦ᭄ᬢᭀᬓᬢᭀᬦᬸᬮᬶᬤᬶᬦᬶ᭞ᬳᬶᬘᬶᬘᬶᬂᬬᬮᬶᬦ᭄ᬢᬂᬳᭂ
ᬗᭀᬦ᭄᭞ᬩᬳᬦ᭄ᬦᬾᬓᬢᬸᬫ᭄ᬩᬾᬦᬦ᭄ᬤᬸᬮᬸ᭞ᬳᬶᬩᭀᬚᭀᬩᬸᬯᬶᬦᬗᬸᬘᬧ᭄᭞ᬳᬸᬤᬸᬄᬘᬶᬘᬶᬂ᭞ᬓᬳᬶᬢᬸᬯᬄᬗᬶᬤᬶᬄᬢᬸᬮᬸᬗᬦ᭄᭟᭜᭟ᬦᬾᬚᬦᬶᬓᬳᬶᬓᬢᬸᬓᬤ᭄᭞
ᬳᬶᬩᬜᬕᬫᬮᬸᬤᬶᬦᬶ᭞ᬢᬸᬲᬶᬂᬚᬓᬳᬶᬫᬓᭂᬮᭀ᭞ᬓᬳᬶᬓᭂᬫᬲᬥ᭄ᬬᬫᬜ᭄ᬚᬸᬲ᭄᭞ᬦᬄᬧᬲᬯᬸᬢᬶᬘᬶᬘᬶᬂᬦᬶᬫ᭄ᬩᬮ᭄᭞ᬤᭀᬂᬳᬾᬗ᭄ᬕᬮᬶᬦ᭄᭞ᬳᬶᬮᬸᬢᬸᬂᬜᬭᬸᬢ᭄ᬘᬸᬢ᭄ᬫ
[᭒᭖ 26A]
ᬚᬮᬦ᭄᭟᭜᭟ᬕᭂᬮᬶᬲᬶᬂᬲᬢ᭄ᬯᬢᬦ᭄ᬓᭀᬘᬧ᭄᭞ᬳᬶᬘᬶᬘᬶᬂᬫᬧᬶᬦᭂᬄᬚᬦᬶ᭞ᬳᬶᬮᬸᬢᬸᬂᬫᬸᬮᬢᬸᬯᬄᬩᭂᬮᭀᬕ᭄᭞ᬫᬺᬢᬦᬾᬢᬶᬍᬳᬂᬳᭂᬦᬸ᭞ᬫᬶᬮᬳᬦ᭄ᬳᬗ᭄ᬕᭀᬦ᭄ᬧᬤᬶᬤ᭄ᬬᬦ᭄
᭞ᬚᬦᬶᬓᬳᬶ᭞ᬗᬫᬄᬬᬳᬧᬗᬢᭂᬮᬄ᭟᭜᭟ᬓᬾᬢᭀᬳᬢᬶᬦ᭄ᬘᬶᬘᬶᬂᬳᬮᬲ᭄᭞ᬦᬸᬮᬲᬳᬲᬬᬚᬦᬶ᭞ᬗᭀᬜᬂᬳᬲᬬᬫᬓᭂᬘᭀᬲ᭄᭞ᬢᬩ᭄ᬯᬦᬾᬓᬘᬧ᭄ᬮᭀᬓ᭄ᬢᬸ
ᬓᬸᬂ᭞ᬢᬹᬢᬶᬂᬳᬶᬦᬳᬘᭂᬧᭀᬓᬦ᭄᭞ᬓᬕᬘᬶᬸᬂᬮᬶᬸᬂᬦᬶᬸᬂᬘᭂᬮᬶᬦ᭄᭞ᬳᬶᬘᬶᬘᬶᬂᬳᬦ᭄ᬢᬸᬓᬶᬢᬩ᭄ᬯᬦ᭄᭟᭜᭟ᬓᬶᬂᬓᬶᬂᬓᬶᬂᬓᭂᬦᬵᬫᬺᬢ᭞ᬩᬲ᭄ᬧᬩᭂᬢᬦ᭄ᬓᬲᬸᬲᬸᬧᬶᬦ᭄᭞ᬓᭀᬯᬂᬓᭀ
ᬯᬂᬓᬯᭀᬂᬓᬯᭀᬂ᭞ᬫᬧ᭄ᬮᬶᬲᬳᬦ᭄ᬕᬮᬮᬓ᭄ᬕᬮᬸᬮᬸᬓ᭄᭞ᬩᬸᬗᬸᬢ᭄ᬫᬤᬶᬤᬶᬄᬓᭀᬲᭀᬤᬂ᭞ᬓᬸᬘᬲ᭄ᬓᬘᬶᬲ᭄᭞ᬳᬶᬮᬸᬢᬸᬂᬬᬲᬕᬾᬢ᭄ᬢᭂᬓ᭟᭜᭟ᬩᬸᬗ᭄ᬓᬸᬢ᭄‌ᬬᬓᭂᬤᬾ [ 27 ][᭒᭖ 26B]
᭒᭖᭟
ᬓ᭄ᬗᭂᬦᭀᬢᬂ᭞ᬳᬳᬶᬓᬳᬶᬓᬦᬾᬗᭂᬦᭂᬲᬶᬦ᭄᭞ᬳᬸᬮᬢ᭄ᬜᬭᬸᬬᬫᬢᬓᭀᬦ᭄᭞ᬓᭂᬦᬳᬧᬳᬶᬩᬳᬲᬸ᭞ᬳᬶᬘᬶᬂᬘᬶᬂᬢᭀᬂᬤᬤᬶᬗᬸᬘᬧ᭄᭞ᬓᭂᬩᬸᬲ᭄ᬲᬓᬶᬢ᭄᭞ᬚᭂᬗᬄ
ᬢ᭄ᬯᬭᬤᬕᬶᬕᬶᬲᬦ᭄᭟᭜᭟ᬓᬦᬸᬘᬧᭂᬦᬲᬸᬳᬮᬲ᭄᭞ᬳᬶᬮᬸᬢᬸᬂᬘᬭᬶᬢᬬᬂᬫᬗ᭄ᬓᬶᬦ᭄᭞ᬤᬶᬲᬶᬲᬶᬦ᭄ᬢᬸᬓᬤᬾᬜᭀᬗ᭄ᬓᭀᬓ᭄᭞ᬤᬾᬦᬶᬂᬢ᭄ᬭᬜᬶᬤᬬᬂᬗᬭᬸᬂ᭞ᬫᭂᬦ᭄ᬢᬲ᭄ᬧ
ᬘᬂᬗᬮᬶᬯᬢ᭄ᬢᬸᬓᬤ᭄᭞ᬢᬸᬓᬤ᭄ᬢᬸᬯᬶ᭞ᬮᬶᬗ᭄ᬕᬶᬄᬥᬍᬤᬺᬲᬶᬮᬶᬃᬜ᭟᭜᭟ᬓᬲᬸᬯᬾᬦ᭄‌ᬬᬤᬶᬢᬸᬦᭂᬕᬓ᭄᭞ᬦᬸᬚᬸᬳᬤᬩ᭄ᬯᬬᬧ᭄ᬭᬧ᭄ᬢᬶ᭞ᬳᬶᬩ᭄ᬯᬬᬳᬮᭀᬦ᭄ᬫᬢᬓᭀᬦ᭄᭞ᬳᬶᬄ
ᬗᬸᬤᬲᬶᬄᬤᬶᬸᬢᬶᬸᬳᭂᬦ᭄ᬢᭀᬤᬶᬢᬸ᭞ᬳᬶᬮᬸᬢᬸᬂᬫᬲᬯᬸᬢ᭄ᬩᬦ᭄ᬩᬦ᭄᭞ᬩ᭄ᬯᬬᬘᬳᬶ᭞ᬦᬾᬫᬸᬜᬶᬕᭂᬮᬳᬾᬭᬸᬗᬸᬯᬂ᭟᭜᭟ᬚᬦᬶᬳᬤᬲᬥ᭄ᬬᬦᬶᬭ᭞ᬓᬯᬶᬢ᭄ᬫᬸᬮᬲᬓᬶᬂᬭᬶᬭᬶᬄ᭞ᬤᬤᬶ
[᭒᭗ 27A]
ᬳᬤᬩᭂᬲ᭄ᬮᬶᬢ᭄ᬗᭀᬚᭀᬕ᭄᭞ᬕᭂᬮᬄᬫᬸᬮᬢ᭄ᬯᬄᬓᬢᬸᬚᬸ᭞ᬫᭂᬦᬾᬓ᭄ᬧᬗ᭄ᬓᬢ᭄ᬫᬦ᭄ᬢ᭄ᬭᬷᬘᬘᬃ᭞ᬚᬸᬭᬸᬘᬸᬓᬶᬢ᭄᭞ᬓᬾᬦ᭄ᬢᭀᬳᬧᬂᬦᬯᬂ᭟᭜᭟ᬚᬦᬶᬳᬶᬭᬓᬦ᭄ᬤᬶᬓᬬᬂ᭞ᬫᬜᬸᬓᬶ
ᬢ᭄ᬲᬜᬫᬦ᭄ᬘᬳᬶ᭞ᬓᭂᬫᬘᬳᬶᬗᬸᬦ᭄ᬤᬂᬳᬾᬜ᭄ᬘᭀᬮ᭄᭞ᬳᬧᬗᬤᬶᬦᬶᬫᬢᬫ᭄ᬩᬸᬦ᭄᭞ᬕᭂᬮᬄᬧᬘᬂᬜᬸᬓᬶᬢ᭄‌ᬬ᭞ᬘᬯᬸᬃᬳᬶᬗ᭄ᬕᬶᬄ᭞ᬳᬶᬤᬸᬢᬦᬸᬮᬶᬫᬚᬮᬦ᭄᭟᭜᭟ᬢᬦ᭄ᬓᭀ
ᬘᬧᬦ᭄‌ᬬᬤᬶᬚᬮᬦ᭄᭞ᬓᭀᬘᬧ᭄ᬲᬓᬜ᭄ᬘᬦ᭄ᬜᬲᬫᬶ᭞ᬩ᭄ᬯᬬᬦᬾᬢᭂᬓᬧᬘ᭄ᬭᭀᬗᭀᬢ᭄᭞ᬳᬶᬮᬸᬢᬸᬂᬳᬮᭀᬦᬫᬸᬯᬸᬲ᭄᭞ᬳᬸᬮᬶᬤᬶᬢᬸᬓᬾᬭᬾᬭᭀᬤᬂ᭞ᬦᭂᬓᭂᬤ᭄ᬫᬳᬶ᭞ᬦ
ᬗ᭄ᬳᬶᬂᬓᬾᬳᬧᬂᬓᬦ᭄ᬤᬲᬦ᭄᭟᭜᭟ᬕᭂᬮᬄᬜᬸᬓᬶᬢ᭄ᬲᬃᬯ᭄ᬯᬶᬫᬚᬮᬦ᭄᭞ᬳᬸᬮᬶᬤᬶᬦᬶᬓᭂᬫᬭᬭᬶᬲ᭄᭞ᬳᬤᬳᭂᬤᬓᬳᬶᬘᭂᬤᭀᬓ᭄᭞ᬧᬜᬸᬓᬶᬢᬢ᭄ᬯᬄᬤᬶᬢᬸᬦ᭄ᬤᬸᬦ᭄᭞ᬲᬯᬸᬃᬫᬦᬸᬓ᭄ᬫᬗᬶ [ 28 ][᭒᭗ 27B]
᭒᭗᭟
ᬭᬶᬗᬂ᭞ᬦᬸᬮᬶᬕᭂᬮᬶᬲ᭄᭞ᬩᭀᬚᭀᬕ᭄ᬗᬮᬶᬄᬤᬸᬯᬶᬦ᭄ᬲᬮᬓ᭄᭟᭜᭟ᬢᬦᬶᬓᬶᬓᬶᬢ᭄‌ᬬᬫᬩᬳᬦ᭄᭞ᬳᬶᬩᭀᬚᭀᬕ᭄ᬮᬦ᭄ᬢᬲ᭄ᬫᬜᬸᬓᬶᬢ᭄᭞ᬤᬶᬢᬸᬦ᭄ᬤᬸᬦ᭄ᬩᬸᬯᬬᬦᬾᬦᭀᬗ᭄ᬓ᭄ᬭᭀᬓ᭄
᭞ᬤᬸᬯᬶᬦᬾᬓᬢᭂᬩᭂᬓᬂᬤᬶᬢᬸ᭞ᬲᬸᬩᬗᬜ᭄ᬘᭂᬂᬭᬭᬶᬲ᭄ᬓᬸᬢᬂ᭞ᬓᬾᬦ᭄ᬢᭀᬲᬫᬶ᭞ᬓᬓᬃᬬ᭄ᬬᬦᬂᬩᬳᬦ᭄ᬯᬦᬭ᭟᭜᭟ᬧᭂᬧᭂᬓ᭄ᬩᬳᬦᬜᬓᬳᬸᬓᬸᬤᬂ᭞ᬦᭂᬓᭂᬤᬶᬮᬸᬢᬸᬂᬤᬶᬲᬶᬲᬶ᭞ᬕᭂᬮᬶᬲ᭄‌ᬬ
ᬮᬦ᭄ᬢᬲ᭄ᬫᬓᭂᬘᭀᬲ᭄᭞ᬓᬩᬶᬩᬶᬄᬢᬸᬓᬤᬾᬮᬯᬸᬢ᭄᭞ᬳᬶᬩ᭄ᬯᬬᬳᭀᬜᬓᬲᬓᬶᬢᬦ᭄᭞ᬳ᭄ᬮᬮᬂᬕ᭄ᬮᬶᬮᬶᬂ᭞ᬧᬤᬸᬯᬸᬢ᭄ᬫᬸᬜᬶᬦᬾᬭᬫ᭄ᬬ᭟᭜᭟ᬢᬦ᭄ᬓᬘᬭᬶᬢᬧᬸᬦᬶᬓ᭞ᬳᬶᬮᬸᬢᬸᬂᬯᬯᬦᬶ
ᬦ᭄ᬫᬮᬶᬄ᭞ᬚᬦᬶᬧᬗ᭄ᬕᬸᬄᬭᬶᬂᬲᬫᭀᬂ᭞ᬳᬶᬫᬘᬦ᭄ᬲᭂᬤᭂᬓ᭄ᬫᬦᬸᬗ᭄ᬓ᭄ᬭᬸᬓ᭄᭞ᬳᬶᬮᬸᬢᬸᬂᬲᬕᬾᬢ᭄ᬧ᭄ᬭᬧ᭄ᬢ᭞ᬳᬶᬫᭀᬂᬩ᭄ᬭᬗ᭄ᬢᬶ᭞ᬲᬳᬲᬦ᭄ᬤᬓᭂᬧ᭄ᬯᬦᬭ᭟᭜᭟ᬧᬸᬄᬲᬶᬦᭀᬫ᭄᭟᭜᭟ᬳᬶᬮᬸ
[᭒᭘ 28A]
ᬢᬸᬂᬓᬩᬺᬲᭂᬓᬂ᭞ᬦᬗ᭄ᬳᬶᬂᬬᬓᭂᬤᬾᬓ᭄ᬗᬚᭂᬗᬶᬢ᭄᭞ᬧᭂᬲᬸᬫᬸᬜᬶᬦ᭄ᬜᬦᬾᬳᬮᭀᬦ᭄᭞ᬗ᭄ᬕᬯᬾᬤᬬᬲᬓᬶᬂᬲᬶᬗᬶᬤ᭄᭞ᬭᬭᬶᬲ᭄‌ᬬᬜᬯᬂᬫᬫᬸᬜᬶ᭞ᬘᬶᬗᬓ᭄ᬢᬶᬢ᭄ᬬᬂᬭᬢᬸᬳᬕᬸᬂ
᭞ᬧᬸᬢᬸᬲᬦ᭄ᬤᬺᬯᬾᬦ᭄ᬪᬝᬭ᭞ᬓᬩᬜ᭄ᬘᬦᬦᬾᬦᬾᬫᬗ᭄ᬓᬶᬦ᭄᭞ᬢ᭄ᬯᬭᬩᬸᬯᬸᬂ᭞ᬓᬫᬢ᭄ᬬᬂᬳᬦ᭄ᬢᬸᬓᬶᬫᬘᬦ᭄᭟᭜᭟ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬫᬤᭀᬱ᭞ᬤᬤᬶᬢᬶᬢ᭄ᬬᬂᬓᭂᬧᬾᬢ᭄ᬧᬢᬶ᭞
ᬦᬗ᭄ᬳᬶᬂᬢᬶᬢ᭄ᬬᬂᬢ᭄ᬯᬭᬳᬾᬯᭂᬄ᭞ᬤᬾᬦᬶᬂᬓᬮᬶᬦ᭄ᬢᬂᬲᬸᬪᬓ᭄ᬢᬶ᭞ᬢ᭄ᬯᬭᬕᬶᬗ᭄ᬲᬶᬃᬧᬘᬂᬫᬢᬶ᭞ᬳᬸᬭᬶᬧ᭄ᬢᬶᬢ᭄ᬬᬂᬧᬘᬂᬦᬯᬸᬃ᭞ᬳᭂᬦ᭄ᬢᭀᬦᬾᬉᬧᬢ᭄ᬬᬂᬢᬶᬢ᭄ᬬ᭞ᬧᬂᬢᬶᬢ᭄ᬬᬂᬢ᭄ᬭᬸᬲ᭄ᬫᬗ᭄ᬕᬶᬳᬶᬦ᭄᭞ᬦᬾᬭ
ᬳᬬᬸ᭞ᬭᬶᬂᬯᭂᬓᬲ᭄ᬭᬶᬂᬓᬤᬶᬢᬸᬯᬦ᭄᭟᭜᭟ᬦᬾᬫᬗ᭄ᬓᬶᬦᬶᬧᬸᬦ᭄ᬫᬳᬸᬢᬂ᭞ᬩᭂᬦ᭄ᬓᬯᭂᬓᬲ᭄ᬢᬶᬢ᭄ᬬᬂᬦᬕᬶᬄ᭞ᬫᬭᬶᬂᬳᬶᬧᬸᬦᬶᬲᬫᭀᬂ᭞ᬳᬧᬦ᭄‌ᬬᬫᬫᬢᬶᬫᬢᬶ᭞ᬤᬤᬶᬬᬫᬳᬸᬢᬂᬧ [ 29 ][᭒᭘ 28B]
᭒᭘᭟
ᬢᬶ᭞ᬢᬦ᭄ᬮ᭄ᬬᬦ᭄ᬫᬓᬧᬦᬯᬸᬃ᭞ᬧᬢᬶᬳᬗ᭄ᬕᬾᬦᬶᬧᬸᬦ᭄ᬫᬬᬄ᭞ᬢᬶᬢ᭄ᬬᬂᬫᬮᬸᬗᬫᬃᬕ᭄ᬕᬶᬦᬶᬦ᭄᭞ᬩᬾᬜ᭄ᬚᬂᬩᬾᬲᬸᬓ᭄᭞ᬧᬂᬳᬶᬧᬸᬦ᭄ᬤᬶᬢᬸᬫᬦᬢᬓ᭄᭟᭜᭟ᬲᬤᬸᬓᬶᬫᬘᬦ᭄ᬤᬶᬗᭂᬳᬂ᭞ᬤ
ᬤᬶᬬᬫ᭄ᬭᬲᬭᬶᬂᬳᬢᬶ᭞ᬮᬦ᭄ᬢᬲ᭄‌ᬬᬳᬲ᭄ᬭᬸᬫᬢᬓᭀᬦ᭄᭞ᬳᬧᬧᬶᬢᭂᬕᭂᬲ᭄ᬜᬢᬸᬯᬶ᭞ᬫᬸᬜᬶᬦᬶᬩᬦᬾᬩᭂᬗᬶᬮ᭄᭞ᬳᬧᬲᬥ᭄ᬬᬦᬶᬩᬮᬸᬢᬸᬂ᭞ᬳᬶᬩᬮᬓᬃᬳᬫᬄᬕᭂᬮᬄ᭞ᬤᬾᬦᬶᬂ
ᬍᬯᬶᬄᬯᭂᬭᬢ᭄ᬧᬢᬶ᭞ᬦᬾᬦᬾᬫᬮᬸ᭞ᬤᭀᬱᬦᬶᬩᬢᭂᬓᬾᬦ᭄ᬕᭂᬮᬄ᭟᭜᭟ᬚᬦᬶᬳᬶᬩᬲᬶᬂᬩᬸᬯᬸᬗᬦ᭄᭞ᬮᬶᬸᬂᬮᬓᬃᬫᬗᭂᬫᬲᬶᬦ᭄ᬫᬢᬶ᭞ᬕᭂᬢᬶᬄᬩᬦᬾᬮᬓᬃᬳᭀᬬᭀᬢ᭄᭞ᬳᬢᬶ
ᬧᬧᬭᬸᬦᬾᬧᬶᬲᬶ᭞ᬳᭂᬦ᭄ᬢᭀᬦᬾᬳᬸᬮᬳᬂᬓᬳᬶ᭞ᬩᬲᬂᬦᬾᬩᬤ᭄ᬩᬤ᭄ᬧᬂᬧᭂᬲᬸ᭞ᬧᭀᬮᭀᬦᬾᬧᬘᬂᬓᭂᬘᭀᬢᬂ᭞ᬳᭂᬜᬾᬦ᭄ᬗᬯᬶᬭᬗᬂᬘᬳᬶ᭞ᬬᬳᬶᬮᬸᬢᬸᬂ᭞ᬫᬲᬯᬸᬢ᭄ᬫᬓᭂᬚᬶᬢ᭄ᬗᬶ
[᭒᭙ 29A]
ᬜ᭄ᬘᬂ᭟᭜᭟ᬧᬸᬄᬓᬸᬫᬫ᭄ᬩᬂ᭟᭜᭟ᬉᬥᬸᬄᬫᬘᬦ᭄᭞ᬓᬳᬶᬫᬦᬸᬢᬸᬃᬦᬾᬚᬦᬶ᭞ᬳᬤᬧ᭄ᬭᬪᬸᬫᬸᬮ᭄ᬬ᭞ᬯᬶᬪᬸᬄᬜᬓ᭄ᬭᬭᬵᬢ᭄ᬓᬪᬓ᭄ᬢᬶ᭞ᬰᬓ᭄ᬢᬶᬢᬸᬃᬮᬶᬦ᭄ᬢᬂᬯᬰᬾᬱ᭟᭜᭟
ᬲᬓᬾᬄᬭᬢᬸ᭞ᬲᬫᬶᬳᬫᭂᬓᬮ᭄ᬗᬪᬓ᭄ᬢᬶ᭞ᬢᭂᬓᬾᬂᬤᬾᬯᬤᬾᬯᬢ᭞ᬲᬫᬶᬧᬥᬚ᭄ᬭᬶᬳᬗᬶᬮᬶ᭞ᬲᬓᬾᬳᬾᬢᭀᬂᬩᬦᬶᬫᬸᬮᬢ᭄᭟᭜᭟ᬳᬶᬤᬲᬂᬧ᭄ᬭᬪᬸ᭞ᬓᬲᬸᬩ᭄ᬓ
ᬲᬸᬪᬕᬾᬂᬕᬸᬫᬶ᭞ᬭᬶᬂᬦᬵᬕᬭᬍᬗ᭄ᬓ᭞ᬳᬶᬤᬳᬸᬫᬤᭂᬕ᭄ᬪᬸᬧᬢᬶ᭞ᬧᭂᬲᬾᬗᬦ᭄ᬧ᭄ᬭᬪᬸᬭᬵᬯ᭠ᬡ᭟᭜᭟ᬳᬶᬤᬦᬾᬫᬮᬸ᭞ᬗᬫᬢ᭄ᬬᬂᬧᬸᬢᬸᬲᬦᬼᬯᬶᬄ᭞ᬚᬵᬢᬶᬢᬦ᭄ᬧᬤᭀᬱ᭞
ᬢᬸᬮᬸᬲᬶᬤᬫᬗᭂᬫᬲᬶᬦ᭄᭞ᬤᬸᬄᬓᬶᬢᬓᬯᭂᬓᬲ᭄ᬯᭂᬓᬲ᭄᭟᭜᭟ᬓᬭᬸᬲᬓᬂ᭞ᬳᬦ᭄ᬢᬸᬓ᭄ᬲᬂᬭᬵᬫᬦᬾᬗᬹᬦᬷ᭞ᬓᬾᬦ᭄ᬢᭀᬳᬶᬩᬫᬘᬦ᭄᭞ᬚᬦᬶᬳᬧᬂᬢᬯᬂᬘᬳᬶ᭞ᬳᬶ [ 30 ][᭒᭙ 29B]
᭒᭙᭟
ᬭᬳᬸᬢᬸᬲᬦ᭄ᬪᬝᬭ᭟᭜᭟ᬲᬂᬳ᭄ᬬᬂᬰᬶᬯᬫᬗᬸᬢᬸᬲ᭄ᬫᬗᬮᬶᬄᬘᬳᬶ᭞ᬘᬳᬶᬓᬦ᭄ᬤᬶᬓᬬᬂ᭞ᬗᬫᬢ᭄ᬬᬂᬬᬳᬶᬓᬫ᭄ᬩᬶᬂ᭞ᬤᬾᬦᬶᬂᬬᬳᬕᬸᬗᬶᬂᬤᭀᬱ᭟᭜᭟ᬓᬾᬦ᭄ᬢᭀᬘᬳᬶ
ᬗᬶᬭᬶᬂᬢᬦ᭄ᬗᬶᬭᬶᬂᬦᬾᬚᬦᬶ᭞ᬳᭀᬭᬳᬂᬭᬶᬂᬕᭂᬮᬄ᭞ᬳᬧᬂᬕᭂᬮᬄᬳᬾᬗ᭄ᬕᬮ᭄ᬦᬗ᭄ᬓᬶᬮ᭄᭞ᬗᬸᬦᬶᬗᬂᬭᬶᬂᬲᬂᬳ᭄ᬬᬂᬰᬶᬯ᭟᭜᭟ᬬᬳᬶᬫᬘᬦ᭄᭞ᬗᬮᬾᬩᬂᬳᬶᬮᬸᬢᬸᬂᬕᭂᬮᬶᬲ᭄᭞ᬲᬃᬯ᭄ᬯᬶ
ᬫᬦᬓᭀᬦᬂ᭞ᬤᬶᬚᬢᭀᬗᭀᬲ᭄ᬦᬾᬳᬶᬓᬫ᭄ᬩᬶᬂ᭞ᬳᬶᬭᬗᬶᬭᬶᬂᬧᬓᬬᬸᬦᬦ᭄᭟᭜᭟ᬦᬄᬢᬸᬚᬸᬯᬂ᭞ᬳᬧᬂᬳᬾᬗ᭄ᬕᬮ᭄ᬓᬳᬶᬗᬮᬶᬄ᭞ᬳᬶᬮᬸᬢᬸᬂᬦᬸᬤᬶᬗᬂ᭞ᬤᬶᬢᬸᬚᬮᬦ᭄ᬓᭂᬫᬚᬦᬶ᭞
ᬲᬂᬓᬮᬶᬄᬦᬸᬮᬶᬫᬚᬮᬦ᭄᭟᭜᭟ᬬᬳᬶᬮᬸᬢᬸᬂ᭞ᬗᬭᬦ᭄ᬫᬚᬮᬦ᭄ᬤᬶᬳᬸᬭᬶ᭞ᬳᬶᬫᬘᬦ᭄ᬫᬚ᭄ᬭᬶᬢᬦ᭄᭞ᬳᬶᬄᬳᬾᬗ᭄ᬕᬮᬂᬢᬸᬢᬸᬕ᭄ᬓᬳᬶ᭞ᬳᬶᬮᬸᬢᬸᬂᬗᭂᬮᬸᬃᬗᬦ᭄ᬤᭂᬕᬂ᭟᭜᭟ᬳᬶᬩᬫ
[᭓᭐ 30A]
ᬘᬦ᭄᭞ᬗᭀᬬᭀᬂᬤᬶᬢᬸᬳᬦ᭄ᬢᬶᬓᬳᬶ᭞ᬳᬶᬫᬘᬦ᭄ᬗᬦ᭄ᬢᭀᬲᬂ᭞ᬳᬶᬮᬸᬢᬸᬂᬢᭂᬓᬫᬳᬓᬶᬦ᭄᭞ᬲᬫ᭄ᬩᬶᬮ᭄ᬧᬗᬸᬘᬧᬾᬩᬦ᭄ᬩᬦ᭄᭟᭜᭟ᬬᬦ᭄ᬓᬓᬾᬦᬾᬫᬓᭂᬮᭀᬩᬳ
ᬦ᭄ᬜᬤᬶᬫᬃᬕ᭄ᬕᬶ᭞ᬚᬦᬶᬳᬤᬤᬬ᭞ᬬᬦ᭄ᬢᬸᬯᬄᬳᬶᬩᬗᬦᬹᬢᬶᬦ᭄᭞ᬳᬶᬫᬘᬦ᭄ᬫᬲᬯᬸᬢ᭄ᬕᭂᬢᬃ᭟᭜᭟ᬓᬾᬦ᭄ᬓᬾᬦ᭄ᬮᬓᬃ᭞ᬤᬬᬦᬶᬩᬮᬸᬢᬸᬂᬩᭂᬗᬶᬮ᭄᭞ᬦᬄᬮᬯᬸᬢᬾᬤᬾᬗᬂ᭞ᬓᬳᬶ
ᬲᬥ᭄ᬬᬫᬦᬶᬦᬹᬢᬶᬦ᭄᭞ᬳᬶᬯᬦᬭᬩᬸᬯᬶᬦ᭄ᬦᬶᬫ᭄ᬩᬮ᭄᭟᭜᭟ᬳᬶᬩᬫᬘᬦ᭄᭞ᬧᬢᬹ᭠ᬢᬶᬩᬗᬦ᭄ᬤᭀᬂᬓᬳᬶ᭞ᬬᬦᬓᬾᬦ᭄ᬢᭀᬩᬳᬦ᭄᭞ᬧᭂᬤᬲᬾᬗ᭄ᬕᬮ᭄ᬩᬜᬭᬶᬂᬫᬃᬕ᭄ᬕᬶ᭞ᬳᬶ
ᬫᬘᬦ᭄ᬫᬲᬯᬸᬢ᭄ᬦᬕ᭄᭟᭜᭟ᬮᬦ᭄ᬢᬲ᭄ᬦᭂᬗ᭄ᬓᭀᬮ᭄᭞ᬳᬶᬮᬸᬢᬸᬂᬤᬶᬢᬸᬦ᭄ᬤᬸᬦ᭄ᬕᭂᬮᬶᬲ᭄᭞ᬳᬶᬫᬘᬦ᭄ᬫᬓᬲ᭄ᬯᬓ᭄᭞ᬲᬳᬲᬫᬮᬳᬶᬩ᭄ᬩᬶᬦ᭄ᬢᬶᬢ᭄᭞ᬳᬶᬮᬸᬢᬸᬂᬫᬍᬓᭀᬃᬦᭂᬓᭂᬓᬂ᭟ [ 31 ][᭓᭐ 30B]
᭓᭐᭟
᭟᭜᭟ᬕᭂᬮᬶᬲᬶᬂᬲᬢ᭄ᬯ᭞ᬤᬶᬚᬮᬦ᭄ᬢᬦ᭄ᬓᬯᬶᬦᬃᬡ᭄ᬦᬶ᭞ᬤᬶᬢᭀᬗᭀᬲᬶᬓᬫ᭄ᬩᬶᬂᬢᭂᬓ᭞ᬳᬶᬮᬸᬢᬸᬂᬫᬸᬜᬶᬦᬾᬳᬭᬶᬲ᭄᭞ᬦᬄᬤᬶᬦᬶᬕᭂᬮᬄᬭᬾᬭᬾᬦᬂ᭟᭜᭟ᬫᬗᬮᬦ᭄ᬢᬶᬂ
᭞ᬳᬶᬮᬸᬢᬸᬂᬢᬸᬯᬸᬦᬂᬭᬭᬶᬲ᭄᭞ᬗᬶᬸᬂᬗᬶᬸᬂᬲᬶᬸᬂᬳᬶᬸᬂᬓᬶᬸᬂᬫ᭄ᬩᬶᬸᬂᬗᬶᬸᬂᬭᬶᬸᬂᬭᬶᬸᬂᬲᬶᬸᬂ᭄᭞ᬳᬶᬫᬘᬦ᭄ᬲᬳᬲ᭞ᬗᬸᬗ᭄ᬲᬶᬳᬶᬓᬫ᭄ᬩᬶᬂᬗᬭᬭᬶᬲ᭄᭞ᬲᬳᬧᬗᬸᬘᬧᬾᬩᬗ᭄ᬕ᭄ᬭᬲ᭄᭟᭜᭟ᬳᬶᬄᬩᬓᬫ᭄ᬩᬶᬂ
᭞ᬲᬥ᭄ᬬᬦ᭄ᬓᬳᬶᬢᭂᬓᬫᬳᬶ᭞ᬮᬓᬃᬗᬫᬄᬳᬶᬩ᭞ᬤᭀᬱᬦᬶᬩᬯ᭄ᬭᬢ᭄ᬧᬢᬶ᭞ᬍᬯᬶᬄᬤᬦ᭄ᬥᬓᬸᬭᬂᬧᭂᬚᬄ᭟᭜᭟ᬬᬳᬶᬓᬫ᭄ᬩᬶᬂ᭞ᬫᬋᬗᭂᬢ᭄ᬲᬳᬲᬯᬸᬢ᭄ᬩ᭄ᬭᬗ᭄ᬢᬶ᭞ᬳᬶᬄᬯ᭄ᬬᬕ᭄ᬭ
ᬤᭂᬕᬕ᭄᭞ᬕᭂᬥᬾᬧᭂᬢᬢᭂᬓᬾᬦ᭄ᬓᬳᬶ᭞ᬢᭀᬦ᭄ᬤᭀᬦ᭄ᬓᬃᬯ᭄ᬯᬦ᭄ᬩᬜᬶᬤᬬᬂ᭟᭜᭟ᬓ᭄ᬭᬡᬓᬾᬦ᭄ᬢᭀ᭞᭞ᬧᬦ᭄ᬫᬸᬮᬢᬸᬭᬸᬦᬦ᭄ᬗᬸᬦᬶ᭞ᬫᬫᬓ᭄ᬱᬩᬾᬫᬘᬦ᭄᭞ᬢᬫᬓᬳᬶᬓᬬᬂ
[᭓᭑ 31A]
ᬚᬦᬶ᭞ᬲᬵᬲᬦᬦ᭄ᬤᬦᬾᬳᬶᬓᭀᬫ᭄ᬧ᭄ᬬᬂ᭟᭜᭟ᬲᬦᬾᬳᬶᬩᬶ᭞ᬓᬳᬶᬫᬩᬳᬦ᭄ᬢᬸᬯᬄᬳᬤᬶᬭᬶ᭞ᬫᬘᬦ᭄ᬜᬫᬦᬶᬩ᭞ᬲᬸᬩᬢᭂᬮᬄᬳᬫᬄᬓᬳᬶ᭞ᬢᭂᬗ᭄ᬕᭂᬓ᭄ᬜᬦᬾᬓᬸᬢᬂᬕᭂ
ᬮᬄ᭟᭜᭟ᬤᬶᬲᬾᬫᬾᬭᬾ᭞ᬚᬮᬦ᭄ᬚᬦᬶᬓᭂᬫᬤᭂᬮᭀᬓᬶᬦ᭄᭞ᬳᬧᬂᬳᬶᬩᬧᭂᬤᬲ᭄᭞ᬧᬂᬤᬫᬶᬭᬶᬩ᭄ᬓᬳᬶᬗᬯᬶ᭞ᬗᭀᬭᬳᬂᬦᬾᬢ᭄ᬯᬭᬲᬚ᭟᭜᭟ᬫᬢᬓᬮᬶᬄ᭞ᬳᭂᬦ᭄ᬢᭀ
ᬢᬸᬯᬄᬦᬾᬳᬗ᭄ᬕᭀᬦ᭄ᬲᬓ᭄ᬱᬶ᭞ᬤᬶᬢᬸᬜᬦᬦ᭄ᬤᭂᬮᬶᬓᬂ᭞ᬳᬧᬂᬳᬶᬩᬢᬢᬲᬸᬦᬶᬂ᭞ᬢᬸᬯᬶᬲᬚᬳᬧᬩᭀᬩᬩ᭄᭟᭜᭟ᬦᬾᬳᬶᬯᬲᬶᬦ᭄᭞ᬲᬸᬯᬸᬦ᭄ᬕᭂᬮᬄᬦᬾᬓᬓᬮᬶᬄ᭞
ᬓᬮᬶᬦ᭄ᬢᬂᬯᬶᬰᬾᬱ᭞ᬩᬶᬲᬗᬸᬯᬸᬕᬂᬧᬺᬣᬶᬯᬷ᭞ᬢ᭄ᬭᬶᬰᬓ᭄ᬢᬶᬦᬾᬳᬤᬦ᭄ᬜ᭟᭜᭟ᬳᬲᬶᬂᬩᬦᬶ᭞ᬭᬸᬲᬓ᭄ᬢᬦ᭄ᬧᬰᬾᬱᬳᭂᬜᬶ᭞ᬭᬾᬄᬫᬸᬮᬧᬳᬶᬘ᭞ᬲᬂᬳ᭄ᬬᬂᬢᬸᬗ᭄ᬕᬮ᭄ᬫᬗᬶᬘᬾᬦᬶ [ 32 ][᭓᭑ 31B]
᭓᭑᭟
ᬦ᭄᭞ᬲᬶᬓᭂᬧᬂᬓᬳᬶᬢᬸᬫᬶᬢᬄ᭟᭜᭟ᬳᬶᬯ᭄ᬬᬕ᭄ᬭ᭞ᬭᬶᬫ᭄ᬭᬶᬫᬶᬥᭂᬧ᭄ᬜᬫᬶᬭᬕᬶ᭞ᬢᬸᬫᬸᬮᬶᬦᬓᭀᬦᬂ᭞ᬳᭂᬜ᭄ᬘᬾᬦ᭄ᬢᭀᬗᭀᬲ᭄ᬜᬦᬾᬤᬶᬦᬶ᭞ᬳᬶᬩᬗᬸᬢᬂᬢᭂᬗ᭄ᬕᭂᬓ᭄ᬫᬘᬦ᭄᭟᭜᭟
ᬓᬳᬢᭂᬳᬶᬦ᭄᭞ᬳᬶᬫᬘᬦ᭄ᬓᭂᬫᬦᭂᬮᭀᬓᬶᬦ᭄᭞ᬳᬶᬓᬫ᭄ᬩᬶᬂᬦᬸᬤᬶᬗᬂ᭞ᬤᬶᬲᬾᬫᬾᬭᬾᬳᭂᬦ᭄ᬢᭀᬤᭂᬗᭀᬓᬶᬦ᭄᭞ᬳᬶᬫᬘᬦ᭄‌ᬬᬫᬲᭂᬳᭂᬩᬦ᭄᭟᭜᭟ᬗᭂᬦᬄᬗᬶᬮᬶ
ᬲ᭄᭞ᬢᭂᬗ᭄ᬕᭂᬓ᭄ᬫᬘᬦᬾᬜᬍᬗᬶᬂ᭞ᬳᬶᬫᬘᬦ᭄‌ᬬᬩᬩᬂ᭞ᬫᬮᬳᬶᬩ᭄ᬢ᭄ᬯᬭᬫᬦᭀᬮᬶᬄ᭞ᬢᬦ᭄ᬓᭀᬘᬧᬶᬓᬫ᭄ᬩᬶᬂᬫᬘᬦ᭄᭟᭜᭟ᬓᬯᬮᬶᬦᬶᬦ᭄᭞ᬳᬶᬮᬸᬢᬸᬂᬓᬘ᭄ᬭᬶᬢᬩᬸᬯᬶᬦ᭄᭞
ᬳᬫᬸᬭᬂᬫᬚᬮᬦ᭄᭞ᬳᬶᬓᬓ᭄ᬯᬓᬢᭂᬧᬸᬓᬶᬦ᭄᭞ᬲᭂᬥᭂᬓ᭄ᬤᬶᬳᬩᬶᬗᬾᬗᬶᬜᬄ᭟᭜᭟ᬬᬳᬶᬮᬸᬢᬸᬂ᭞ᬫᬢᬓᭀᬦ᭄ᬫᬸᬜᬶᬦᬾᬫᬦᬶᬲ᭄᭞ᬳᬶᬄᬳᬶᬩᬓᬓ᭄ᬯ᭞ᬳᬧᬕᬯᬾᬘ
[᭓᭒ 32A]
ᬳᬶᬤᬶᬦᬶ᭞ᬲᬯᬸᬢᬶᬓᬓ᭄ᬯᬦᬶᬫ᭄ᬩᬮ᭄᭟᭜᭟ᬳᬶᬭᬗᬶᬜᬄ᭞ᬤᬾᬦᬶᬂᬳᬯᬓᬶᬭᬤᬶᬗᬶᬦ᭄᭞ᬲᬸᬯᬸᬤ᭄ᬫᬍᬩᬼᬩᬦ᭄᭞ᬓ᭄ᬭᬡᬳᬶᬭᬫᬜᭂᬫᬸᬳᬶᬦ᭄᭞ᬳᬧᬂᬤᬤᬶᬬ
ᬳᬗᭂᬢᬦ᭄᭟᭜᭟ᬩᬮᬶᬓ᭄ᬚᬦᬶ᭞ᬳᬶᬭᬫᬢᬓᭀᬦ᭄ᬭᬶᬂᬘᬳᬶ᭞ᬘᬳᬶᬩᬓᬮ᭄ᬓᬶᬚ᭞ᬳᬸᬚᬘᬳᬶᬳᬶᬦᬸᬦᬶ᭞ᬳᭂᬦ᭄ᬢᭀᬢᬾᬫᭂᬮᬄᬢᬸᬢᬸᬭᬂ᭟᭜᭟ᬳᬶᬯᬦᬭ᭞ᬳᬮᭀ
ᬦ᭄ᬫᬸᬜᬶᬦ᭄ᬜᬜᬯᬸᬢᬶᬦ᭄᭞ᬳᬶᬭᬫᬗᬸᬫ᭄ᬩᬭ᭞ᬫᬗᬸᬮᬢᬶᬧᬘᬂᬪᬸᬓ᭄ᬢᬶ᭞ᬲᬕᭂᬦᬄᬧᬭᬦᬾᬢᬶᬩ᭟᭜᭟ᬚᬦᬶᬤᬶᬦᬶ᭞ᬲᭂᬥᭂᬂᬫᭂᬮᬄᬓᬢᭂᬧᬸᬓᬶᬦ᭄᭞ᬩᬳᬦᬶᬓᬓ᭄ᬯ᭞
ᬚᬮᬦ᭄ᬓᬾᬫᬜᬫᬚᬦᬶ᭞ᬚᭂᬮᬾᬫᭂᬮᬄᬳᬚᬓ᭄ᬤᬤ᭄ᬯ᭟᭜᭟ᬘ᭄ᬭᬶᬢᬧᬸᬧᬸᬢ᭄᭞ᬧᬲᬗ᭄ᬓᬾᬢᬦ᭄ᬜᬲᬂᬓᬮᬶᬄ᭞ᬓᬲᬶᬄᬓᬶᬦᬲᬶᬳᬦ᭄᭞ᬓᭀᬘᬧᬶᬯᬦᬭᬚᬦᬶ [ 33 ][᭓᭒ 32B]
᭓᭒᭟
᭞ᬢᬦ᭄ᬤᭀᬄᬤᬦᬾᬳᬶᬓᬓ᭄ᬯ᭟᭜᭟ᬧᬸᬄᬥᬸᬃᬫ᭄ᬫ᭟᭜᭟ᬳᭂᬦ᭄ᬢᭀᬧᬶᬲᬦ᭄ᬓᬳᬶᬗᭂᬢᬂᬩᬦ᭄ᬯᬦᬭ᭞ᬧᬓᬓᬲᬶᬳᬦ᭄ᬜᬚᬦᬶ᭞ᬭᬶᬂᬤᬦᬾᬓᬓ᭄ᬯ᭞ᬢᬺᬱ᭄ᬡᬓᬤᬶ
ᬫᬜᬫ᭞ᬫᬓᬶᬮᬶᬢ᭄ᬲᬮᬶᬂᬲᬸᬓᬦᬶᬦ᭄᭞ᬬᬳᬶᬯᬦᬭ᭞ᬫᬾᬲᭂᬫ᭄ᬫᬫᬸᬜᬶᬓᭂᬜᬶᬂ᭟᭜᭟ᬥᬸᬄᬓᬓ᭄ᬯᬚᬮᬦ᭄ᬓᬸᬤᬩᬋᬂᬮᬸᬯᬲ᭄᭞ᬘᭂᬓᬸᬄᬚᬳᬾᬦᭂᬦ᭄ᬤᬤᬶ᭞ᬫᬲᬯᬸ
ᬢᬶᬓᬓ᭄ᬯ᭞ᬤᬶᬚᬳᬤᬧᬸᬜᬦ᭄ᬜ᭞ᬳᬶᬮᬸᬢᬸᬂᬩᬗ᭄ᬭᬲ᭄ᬫᬫᬸᬜᬶ᭞ᬤᬢᬢᬓᭀᬦᬂ᭞ᬚᬮᬦ᭄ᬧᬮᬶᬂᬦᬾᬦᬾᬚᬦᬶ᭟᭜᭟ᬲᬂᬓᬓ᭄ᬯᬫᬲᬶᬄᬲᭂᬤ᭄ᬲᭂᬤ᭄ᬫᬦᬓᭀᬦᬂ᭞ᬳᬶᬮᬸ
ᬢᬸᬂᬫᬜᬯᬸᬢᬶᬦ᭄᭞ᬤᬾᬤᬸᬓᬸᬄᬓᬦ᭄ᬢ᭄ᬭᬸᬗᬦ᭄᭞ᬕᭂᬮᬄᬓᬮᬶᬮᬶᬭᬦ᭄ᬜ᭞ᬓᬸᬫ᭄ᬧᬶᬦ᭄ᬜᬬᬦᬫ᭄ᬬᬂᬚᬦᬶ᭞ᬮᬯᬸᬢ᭄ᬫᬚᬮᬦ᭄᭞ᬫᬭᬾᬭᭀᬤ᭄ᬲᬋᬂᬓᬓᬮᬶᬄ᭟᭜᭟ᬘᬭᬶ᭠
[᭓᭓ 33A]
ᬢᬬᬂᬲᬸᬩᬢᭂᬓᭂᬤ᭄ᬚ᭄ᬭᭀᬦᬶᬂᬳᬩ᭄ᬬᬦ᭄᭞ᬳᬕᭂᬢ᭄ᬫᬦᬸᬚᬸᬲᭂᬧᬶ᭞ᬳᬶᬮᬸᬢᬸᬂᬗᬾᬗ᭄ᬕᬮᬂ᭞ᬗᬾᬓᬾᬄᬗᭂᬲᭀᬧ᭄ᬗᬍᬧᬾᬳᬂ᭞ᬳᬭᬸᬄᬮᬮᬄᬲᬦ᭄ᬚᬓᬳᬶ᭞ᬳᬶᬓᬓ᭄ᬯᬜᬫ᭄ᬧ᭄ᬭᬕ᭄
᭞ᬤᬤᬶᬫᬓ᭄ᬭᬄᬫᬫᬮᬶᬂ᭟᭜᭟ᬓᬕᬾᬢ᭄ᬢᭂᬓᬤᬾᬤᬸᬓᬸᬄᬫᬗᬗ᭄ᬕᬃᬢᬸᬫ᭄ᬩᬓ᭄᭞ᬫᬵᬦ᭄ᬤᬸᬧᬦ᭄ᬤᬸᬧ᭄ᬦᬶᬫ᭄ᬧᬸᬕᬶᬦ᭄᭞ᬲᬂᬮᬸᬢᬸᬂᬬᬫᬩ᭄ᬯᬂ᭞ᬫᭂᬦᬾᬓ᭄ᬤᬶᬓᬬᬸᬦᬾᬳᬾᬗ᭄ᬕᬮ᭄᭞ᬲᬂᬓᬓ᭄ᬯ
ᬘᭂᬮᬂᬜᬮᬶᬲᬶᬄ᭞ᬩᬢᬦ᭄ᬢᬗ᭄ᬓᬸᬮᬓ᭄᭞ᬤᬾᬤᬸᬓᬸᬄᬫᬜᬮᬓ᭄ᬱᬓᬶᬦ᭄᭟᭜᭟ᬮᬯᬸᬢ᭄ᬫᬓᭂᬚᬶᬢᬶᬮᬸᬢᬸᬲᬃᬯ᭄ᬯᬶᬗᭂᬦ᭄ᬤᬶᬗᬂ᭞ᬳᬶᬓᬓ᭄ᬯᬬᬫᬜᬶᬗᬶᬤ᭄᭞ᬤᬶᬩᬢᬦ᭄ᬢᬗ᭄ᬓᬸᬮ
ᬓ᭄᭞ᬲᬂᬮᬸᬢᬸᬂᬬᬫᬩᬸᬯᬂ᭞ᬫᭂᬦᬾᬓ᭄ᬤᬶᬓᬬᬸᬫᬜᬶᬗᬶᬤ᭄᭞ᬤᬾᬤᬸᬓᬸᬄᬳᬾᬫᭂᬗᬦ᭄᭞ᬫᬶᬭᬕᬶᬫᬸᬜᬶᬦ᭄ᬯᬦᬭᬶ᭟᭜᭟ᬤᬤᬶᬦᭂᬕᬓ᭄ᬤᬾᬤᬸᬓᬸᬄᬗᬶᬗᭂᬃᬗᬋᬲᭂᬧᬂ᭞ [ 34 ][᭓᭓ 33B]
᭓᭓᭟
ᬫᬸᬜᬶᬦᬾᬳᬶᬯ᭄ᬭᬾᬳᬓᬶᬓ᭄᭞ᬢᬸᬃᬗᬸᬗ᭄ᬓᬩ᭄ᬢᬗ᭄ᬓᬸᬮᬓ᭄᭞ᬲᬂᬓᬓ᭄ᬯᬫᬧᬶᬦᬶᬤ᭄ᬭ᭞ᬓᬚᭂᬫᬓ᭄ᬢᬸᬃᬓᬓᬶᬲᬳᬶᬦ᭄᭞ᬤᬾᬤᬸᬓᬸᬄᬳᬾᬗ᭄ᬕᬮ᭄᭞ᬦᬢᬤ᭄ᬫᬗᬩᬫᬸᬮᬶᬄ᭟᭜᭟ᬢᭂ
ᬓᭂᬤ᭄ᬚᬸᬫᬄᬤᬾᬤᬸᬓᬸᬄᬜᭂᬭᬶᬢᬶᬦ᭄ᬧ᭄ᬬᬦᬓ᭄ᬜ᭞ᬳᬬᬸᬫᬳᬶᬢᬾᬕᭂᬮᬶᬲ᭄᭞ᬦᬾᬩᬧᬫᬩᬳᬦ᭄᭞ᬧᬘᬂᬩᬾᬚᬳᭂᬦ᭄ᬧᭂᬲᬦ᭄᭞ᬩᬲᬦᬾᬕᬳᬾᬦᬂᬭᬭᬶᬲ᭄᭞ᬲᬦ᭄ᬢᭂᬦᬾ
ᬮᬶᬬᬸᬦᬂ᭞ᬳᬧᬂᬮᬸᬯᬸᬂᬩᭂᬩᭂᬓᬶᬦ᭄᭟᭜᭟ᬬᬦᬷᬬᬸᬓᬦ᭄ᬢ᭄ᬭᬸᬗᬦ᭄ᬗᬶᬸᬂᬦ᭄ᬤᬶᬸᬂᬓᬶᬸᬂᬦ᭄ᬫᬢᬸᬃᬲᬦ᭄ᬤᬶᬓ᭞ᬦ᭄ᬤᭂᬲᭂᬓ᭄ᬕᬸᬭᬸᬦᬾᬕᭂᬮᬶᬲ᭄᭞ᬮᬯᬸᬢ᭄ᬫᬦᬸᬦᬲᬂ᭞ᬧᬸᬦᬧᬶᬲᬶᬄᬧᬸᬦᬶᬓ᭞ᬕᬸᬭᬸᬦᬾᬮᬯᬸᬢ᭄ᬫ
ᬜᬯᬸᬭᬶᬦ᭄᭞ᬦᬾᬫᬤᬦ᭄ᬓᬓ᭄ᬯ᭞ᬳᬸᬮᬫ᭄ᬜᬦᬾᬫᬸᬮᬸᬓ᭄ᬫᬦᬶᬲ᭄᭟᭜᭟ᬢᬶᬫ᭄ᬩᬸᬂᬩᬗ᭄ᬓᬶᬢ᭄ᬮᬯᬦ᭄ᬓᭀᬫᭀᬄᬜᬦᬾᬫᭂᬮᬄ᭞ᬢᬶᬫ᭄ᬧᬮᬂᬳᬭᬓᬦᬶᬲ᭄᭞ᬦᬲᬶᬩᬳᬲ᭄ᬩᬭᬓ᭄᭞ᬮᬯᬸᬢ᭄ᬓ
[᭓᭔ 34A]
ᬭᬗ᭄ᬓᬾᬗᬶᬦᬾᬗ᭄ᬕᬮ᭄᭞ᬤᬾᬤᬸᬓᬸᬄᬭᬭᬶᬲ᭄ᬦᬓᭀᬦᬶᬦ᭄᭞ᬳᬧᬳᬫᬄᬳᬶᬩ᭞ᬲᬂᬓᬓ᭄ᬯᬫᬜᬯᬸᬭᬶᬦ᭄᭟᭜᭟ᬳᬶᬗ᭄ᬕᬶᬄᬚ᭄ᬭᭀᬓᬸᬮᬶᬢ᭄ᬩᬦ᭄ᬢᬮ᭄ᬢᭂᬤᬦ᭄ᬢᬶᬢ᭄ᬬᬂ᭞ᬢᭂᬓᬦᬶᬂᬩ᭄ᬬᬸᬓᬸᬦᬶᬂ᭞ᬬ
ᬦ᭄ᬲᬶᬤ᭄ᬥᬳᬓᬾᬳᬂ᭞ᬫᬗ᭄ᬤᬾᬢᬶᬢ᭄ᬬᬂᬲᭂᬕᭂᬭᬦ᭄᭞ᬯᬦ᭄ᬢᬄᬓᬾᬢᭀᬲᬳᬶᬲᬳᬶ᭞ᬦᬾᬢᭂᬤ᭠ᬦ᭄ᬢᬶᬢ᭄ᬬᬂ᭞ᬳᬶᬤᬸᬓᬸᬄᬓᬦ᭄ᬢ᭄ᬭᬸᬗᬦ᭄ᬕᭂᬮᬶᬲ᭄᭟᭜᭟ᬮᬸᬯᬲ᭄ᬗᬮᬶᬄᬩ᭄ᬬᬸᬫᬶᬯᬄᬓᬸᬮᬶᬢ᭄ᬩᬦ᭄ᬢᬮ᭄
᭞ᬧᭀᬮᬶᬄᬳᬓᬶᬲᬜᭂᬤᬶᬢ᭄᭞ᬮᬯᬸᬢ᭄ᬫᬸᬮᬶᬄᬗᬾᬗ᭄ᬕᬮᬂ᭞ᬮᬦ᭄ᬢᬲ᭄ᬤᬦᬾᬜᭂᬭᬳᬂ᭞ᬧᬦᬓᬾᬗᬩᬬᬂᬕᭂᬮᬶᬲ᭄᭞ᬳᬶᬓᬓ᭄ᬯᬗᬓᬓ᭄᭞ᬩᬳᬦᬼᬕᬦᬾᬢᬶᬤᭀᬂᬕᬶᬕᬶᬲ᭄᭟᭜᭟
ᬧᭂᬤᬲ᭄ᬲᬶᬤ᭄ᬥᬩᬳᬦ᭄ᬜᬗᬍᬗ᭄ᬓᬭᬉᬧᬬ᭞ᬫᬶᬖ᭄ᬦᬳᬶᬯᬦᬭᬶ᭞ᬭᬾᬄᬫᬸᬮᬓᬲ᭄ᬢᬯ᭞ᬗ᭄ᬕ᭠ᬯᬾᬧᬢᬶᬦᬶᬂᬭᭀᬯᬂ᭞ᬦᬾᬚᬦᬶᬳᬶᬩᬢᬦ᭄ᬤᬗᬶᬦ᭄᭞ᬓᬳᬶᬫᬲᬗᬂ᭞ᬉᬧᬬᬲᬶᬮᬶᬩ᭄ᬢᬸᬃ [ 35 ][᭓᭔ 34B]
᭓᭔᭟
ᬫᬦ᭄ᬤᬶ᭟᭜᭟ᬢᬜ᭄ᬘᬭᬶᬢᬦᭂᬦ᭄ᬓᬓ᭄ᬯᬤᬾᬤᬸᬓᬸᬄᬓᭀᬘᬧ᭄᭞ᬦᬸᬦ᭄ᬤᬾᬦ᭄ᬧ᭄ᬬᬦᬓᬾᬗᬸᬮᬶᬕ᭄᭞ᬩᬲᬲᬸᬩᬧ᭄ᬭᬕᬢ᭄᭞ᬦᬶᬳᬬᬸᬮᬦ᭄ᬢᬲ᭄ᬦᭂᬕᬓ᭄᭞ᬤᬶᬦᬢᬳᬾᬫᬋᬧ᭄ᬓᬗᬶᬦ᭄᭞ᬭᬾᬄᬢᬗ᭄ᬓᭂᬧ᭄ᬩ
ᬚᬂ᭞ᬩᬩᬶᬓᬲᬦᬾᬋᬱ᭄ᬧᬢᬶ᭟᭜᭟ᬘᬭᬶᬢᬬᬂᬚᬦᬶᬳᬶᬮᬸᬢᬸᬂᬗᬮᬯᬤ᭄᭞ᬳᬶᬓᬓ᭄ᬯᬓᬲ᭄ᬬᬲᬶᬄ᭞ᬫᬭᬫᬲᭂᬳᭂᬩᬦ᭄᭞ᬗᬦ᭄ᬢᭂᬦᬂᬥᬳᬩᬚᬂ᭞ᬭᬹᬧᬳᬬᬸᬓᬤᬶᬤᬶᬢᬸᬮᬶᬲ᭄᭞ᬳᬶ
ᬮᬸᬢᬸᬂᬫᬸᬮᬶᬳᬦ᭄᭞ᬫᬲᬶᬄᬬᬫᬜᬶᬗ᭄ᬲᬾᬲᬶᬗᬶᬤ᭄᭟᭜᭟ᬢᭂᬓᭂᬤ᭄ᬤᬶᬢᬸᬤᬶᬚ᭄ᬭᭀᬤᬾᬤᬸᬓᬸᬄᬓᬦ᭄ᬢ᭄ᬭᬸᬗᬦ᭄᭞ᬮᬦ᭄ᬢᬲ᭄ᬲᬸᬩᬓᬧᬗ᭄ᬕᬶᬄ᭞ᬢᭂᬓᬾᬦ᭄ᬲᬂᬓᬓ᭄ᬯ᭞ᬳᬶᬮᬸᬢᬸᬂᬫᬓᭂᬚᬶᬢ᭄ᬗᬶᬜ᭄ᬘᬂ᭞ᬫ
ᬜᬗ᭄ᬓᬓᭂᬤᬾᬓ᭄ᬫᬗᬶᬓᬶᬓ᭄᭞ᬓᬤᬾᬦᬂᬩᬗ᭄ᬓ᭞ᬓᬭᬡᬓᬳᬶᬦᭂᬮᭀᬓᬶᬦ᭄᭟᭜᭟ᬲᬂᬓᬓ᭄ᬯᬫᭂᬦ᭄ᬤᭂᬧ᭄ᬭᬾᬄᬕᭂᬤᭂᬕᬾᬮᬶᬦ᭄ᬢᬂ᭞ᬳᬶᬗᭂᬢ᭄ᬢᭂᬓᬾᬦ᭄ᬓᬤᬤᬶᬦ᭄᭞ᬭᬾᬄᬧᬥᬧ᭄ᬭᬯᬶᬭ᭞ᬦ᭄ᬢᭀᬳᬶᬩ
[᭓᭕ 35A]
ᬦᬯᬂᬦᬮ᭞ᬲᬶᬤ᭄ᬥᬦ᭄ᬤᬲᬭᬶᬦ᭄ᬕᬸᬫᬶ᭞ᬩᬳᬦ᭄ᬓᬥᬃᬫ᭄ᬫᬦ᭄ᬜ᭞ᬬᬾᬦᬶᬂᬲᬶᬤ᭄ᬥᬳᭂᬦ᭄ᬢᭀᬳᬶᬭᬶᬂ᭟᭜᭟ᬳᬶᬓᬓ᭄ᬯᬳᬮᬸᬲ᭄ᬫᬸᬜᬶᬦ᭄ᬜᬦᬾᬩᬦ᭄ᬩᬦ᭄᭞ᬳᭀᬩᭀᬚᭀᬕ᭄ᬢᭂᬓᬫᬳᬶ᭞ᬢᬓᭂᬄᬩᬦᬾ
ᬳᬶᬯᬂ᭞ᬳᭂᬤᬳᬶᬩᬩᬳᬲᬫ᭄ᬧᬄ᭞ᬗᬤᬾᬦ᭄ᬓᬳᬶᬲᬸᬩᬫᬢᬶ᭞ᬦᬾᬚ᭄ᬜᬳᬶᬧᭂᬤᬲᬂ᭞ᬩᬸᬯᬢᬫᬄᬓᬳᬶᬦᬾᬤᬶᬦᬶ᭟᭜᭟ᬩᬦ᭄ᬢᬮ᭄ᬩᬶᬬᬸᬜᬩ᭄ᬭᬦ᭄ᬓᬳᬶᬳᬮᬶᬳᬗ᭞ᬓᬮᬶᬄᬜᬓ
ᬳᬶᬦᬾᬚᬦᬶ᭞ᬧᬘᬂᬳᬦ᭄ᬢᬾᬦᬗ᭞ᬭᬶᬂᬦᬶᬮᬸᬄᬓᬓ᭄ᬢ᭄ᬭᬗᬦ᭄᭞ᬳᭂᬦ᭄ᬢᭀᬳᬶᬯᬲᬶᬦᬸᬮᬶᬤᬶᬦᬶ᭞ᬬᬗᬸᬮᬶᬕ᭄ᬯᭂᬤᬓ᭄᭞ᬢᭂᬓᬾᬦᬸᬭᬩ᭄ᬲᬺᬩᬸᬓ᭄ᬫᬶᬬᬶᬓ᭄᭟᭜᭟ᬓᬳᬶᬓᬲᬬᬂᬘᬶᬭᬾᬦᬦ᭄ᬩᬳᬦᬶ
ᬩᬧ᭞ᬲᬕᭂᬮᬄᬤᬦᬾᬦᬾᬲᬫᬶ᭞ᬓᬲᬸᬓ᭄ᬱ᭄ᬭᬄᬫᬓᭂᬚᬂ᭞ᬘᬭᬶᬓ᭄ᬫᬶᬯᬄᬳᬩ᭄ᬬᬦ᭄᭞ᬓᬮᬶᬄᬢᭀᬗᭀᬲᬾᬫᬫᬮᬶᬂ᭞ᬓᬳᬶᬗᭂᬮᬳᬂ᭞ᬳᬶᬮᬸᬢᬸᬂᬦᬸᬮᬶᬜᬯᬸᬭᬶᬦ᭄᭟᭜᭟ᬥᬸᬄ [ 36 ][᭓᭕ 35B]
᭓᭕᭟
ᬓᬓ᭄ᬯᬍᬕᬦᬾᬚᬦᬶᬢᬸᬢᬸᬕᬂ᭞ᬓᬸᬫᬜᬫᬢᭂᬓᬾᬦ᭄ᬓᬳᬶ᭞ᬳᬶᬗᭂᬢᬂᬳᭂᬤᬳᭂᬗ᭄ᬲᬧ᭄᭞ᬤᬶᬦᬶᬤᬶᬢᬸᬩᬋᬂᬤᭀᬯᬂ᭞ᬕᭂᬮᬄᬳᬶᬩᬕᭂᬮᬄᬓᬳᬶ᭞ᬢᬸᬯᬄᬓᬾᬢᭀᬧᬶᬲ
ᬦ᭄᭞ᬢᬺᬱ᭄ᬡᬦᬾᬳᬸᬮᬶᬭᬶᬳᬶᬦ᭄᭟᭜᭟ᬩ᭄ᬭᬶᬬᬓ᭄ᬩ᭄ᬭᬶᬬᬸᬓ᭄ᬩᬋᬂᬓᬫᬚᭂᬮᬾᬫᭂᬮᬄ᭞ᬲᬧᬳᬾᬮ᭄ᬯᬦᬾᬲᬫᬶ᭞ᬲᬵᬫ᭄ᬧᬸᬦ᭄ᬓᬧᬺᬢᬶᬗ᭄ᬓᬄ᭞ᬫᬮᬓ᭄ᬱᬡᬳᬚᬓ᭄ᬤᬤ᭄ᬯ᭞ᬳᬶᬓᬓ᭄ᬯᬦᬶᬫ᭄ᬩᬮ᭄ᬳ
ᬭᬶᬲ᭄᭞ᬩᬳᬦ᭄ᬳᭂᬦ᭄ᬢᭀᬲᬚ᭞ᬳᬶᬗᭂᬢ᭄ᬓᬳᬶᬦᬾᬭᬶᬳᬶᬦ᭄᭟᭜᭟ᬲᬤᬸᬓᬸᬭᬦᬾᬦᭂᬧᬸᬓᬶᬦ᭄ᬤᬸᬄᬓᬶᬢ᭞ᬳᬶᬩᬗᬮᬶᬦ᭄ᬢᬗᬂᬓᬳᬶ᭞ᬦᬄᬲᬸᬩᬤᭂᬧᬂᬧᬶᬲᬦ᭄᭞ᬓᬳᬶᬩᬸᬯᬸᬂᬫᬦᬶᬓᬄ
᭞ᬚᬦᬶᬳᬶᬩᬤᬤᬶᬯᬓᬶᬮ᭄᭞ᬗᭂᬦ᭄ᬢᭀᬲᬶᬦᬶᬭ᭞ᬦᬄᬤᭀᬂᬧᭂᬲᬸᬯᬂᬓᬳᬶ᭟᭜᭟ᬬᬳᬶᬮᬸᬢᬸᬂᬳᬾᬜ᭄ᬘᭀᬂᬓᬭᬗ᭄ᬓᬾᬗᬾᬩᬸᬓᬬᬂ᭞ᬳᬶᬓᬓ᭄ᬯᬧᭂᬲᬸᬕᭂᬮᬶᬲ᭄᭞ᬳᬩᭀ
[᭓᭖ 36A]
ᬚᭀᬕ᭄ᬫᬸᬮᬶᬳᬦ᭄‌᭞ᬳᬶᬓᬓ᭄ᬯᬗᬜ᭄ᬘᬶᬂᬳᬾᬗ᭄ᬕᬮ᭄᭞ᬲᬫ᭄ᬩᬶᬮ᭄ᬫᬢ᭄ᬩᬢ᭄‌ᬬᬫᬫᬸᬜᬶ᭞ᬩᭀᬚᭀᬕ᭄ᬩᬩᭂᬤᬕ᭄᭞ᬩᬗ᭄ᬓᬳᬶᬩᬦᬾᬚᬦᬶ᭟᭜᭟ᬦᬸᬮᬶᬄᬓᬲᬄᬳᬶᬓᬓ᭄ᬯ᭠
ᬮᬸᬢᬸᬂᬓᭀᬘᬧ᭄᭞ᬚᭂᬚᭂᬄᬳᬶᬥᭂᬫᬶᬸᬂᬧᬾᬫᬶᬃᬫᬶᬃ᭞ᬕᭂᬤᭂᬕ᭄ᬲᬓᬶᬢ᭄ᬫᬳᬶᬭᬂ᭞ᬩᬳᬦᬾᬓᭂᬦᬉᬧᬬ᭞ᬓᭂᬦᭂᬄᬜᬗᬯᬍᬲᬂᬩᬸᬯᬶᬦ᭄᭞ᬤᬾᬤᬸᬓᬸᬄᬓᭀᬘᬧ᭄᭞ᬦᬶᬮᬸᬄᬓᬢ᭄ᬭᬸ
ᬦᬚ᭄ᬭᬶᬢᬶᬦ᭄᭟᭜᭟ᬧᬸᬄᬧᬗ᭄ᬓᬃ᭟᭜᭟ᬓᭀᬘᬧ᭄ᬤᬦᬾᬮᬸᬄᬓᬦ᭄ᬢ᭄ᬭᬸᬗᬦ᭄᭞ᬧᬧᬬᬲᬾ᭞ᬧᬦ᭄ᬢᭂᬲᬬᬸᬤᬶᬬᬸᬓ᭄ᬢᬶ᭞ᬲᬶᬂᬩᬶᬓᬲᬂᬢᭂᬓᬳᬢᬹᬢ᭄᭞ᬲ᭄ᬮᬾᬬᬕ᭄ᬲ᭄ᬮᬾᬬᭀᬕ᭄‌ᬬᬫᬚᬮᬦ᭄᭞
ᬳᬬᬸᬗᬬᬂ᭞ᬫᬶᬭᬶᬩ᭄ᬧᬸᬃᬡ᭄ᬦᬫᬓᬘᬢᬸᬃ᭞ᬳᬶᬮᬸᬢᬸᬂᬫᬓᭂᬚᬶᬢ᭄ᬗᬶᬜ᭄ᬘᬂ᭞ᬗᬯᭂᬢᬸᬯᬂᬓᬯ᭄ᬭᬢᬦ᭄ᬕᬶᬮᬶᬲ᭄᭟᭜᭟ᬫᬫᬸᬜᬶᬚᬗᬶᬄᬫᬓᭂᬫ᭄ᬧ᭄ᬬᬂ᭞ᬕᬸᬭᬸᬦ᭄ᬤᬦᬾ᭞ᬦᬸᬦ᭄ᬤᬾᬦᬾᬗ᭄ᬕᬮ᭄ᬢᬾᬫ [ 37 ][᭓᭖ 36B]
᭓᭖᭟
ᬳᬶ᭞ᬓᬓ᭄ᬯᬦᬾᬚᭂᬫᬓ᭄ᬮᬯᬸᬢ᭄᭞ᬚᬦᬶᬧᬘᬂᬢᬫ᭄ᬧᬄᬩᬧ᭞ᬧᬦᬷᬳᬬᬸ᭞ᬜᬭᬾᬕ᭄ᬲᬾᬕ᭄ᬜᬕ᭄ᬚᬕᬶᬦ᭄ᬕᬸᬧᬸᬄ᭞ᬳᬶᬮᬸᬢᬸᬂᬍᬕᬦᬾᬮᬶᬦ᭄ᬢᬂ᭞ᬦᬄᬚᬦᬶᬧᬬᬸᬫᬩᬸᬜ᭄ᬘᬶᬂ᭟᭜᭟ᬳᬶᬮᬸ
ᬢᬸᬂᬜᬫ᭄ᬩ᭄ᬭᬫᬳᬾᬗ᭄ᬕᬮ᭄᭞ᬕᭂᬮᬶᬲᬸᬕᬶ᭞ᬤᬭᬶᬓᬶᬕᬸᬲ᭄ᬢᬶᬫᬮᬶᬗ᭄ᬕᬶᬄ᭞ᬢᬶᬢ᭄ᬬᬂᬫᬗᬶᬭᬶᬂᬳᬶᬭᬢᬸ᭞ᬧᬜ᭄ᬚᬓᬂᬳᬶᬯᬦᬭ᭞ᬚᬸᬭᬸᬜᬸᬗ᭄ᬕᬶ᭞ᬭᬶᬓᬵᬮᬕᬸᬲ᭄ᬢᬶᬫᬓᬮᬗᬸᬦ᭄᭞ᬦᬷᬳᬬᬸᬓᬦ᭄ᬢ᭄ᬭᬸᬗ
ᬦ᭄ᬫᬓᭂᬲ᭄ᬬᬩ᭄᭞ᬦ᭄ᬤᬶᬗᭂᬄᬫᬸᬜᬶᬦᬶᬯᬦᬭᬶ᭟᭜᭟ᬮᬯᬸᬢ᭄‌ᬬᬢᬸᬮᬓ᭄ᬫᬳᭀᬭᬳᬦ᭄᭞ᬦᬶᬓᬶᬩᬧ᭞ᬮᬸᬢᬸᬂᬳᬶᬧᬸᬦ᭄ᬫᬗ᭄ᬓᬶᬦ᭄᭞ᬓᬓ᭄ᬯᬦᬾᬳᬶᬮᬂᬳᬶᬧᬸᬦ᭄᭞ᬚ᭄ᬭᭀᬤᬸᬓᬸᬄᬳᬾ᭠
ᬗ᭄ᬕᬮ᭄ᬜᬕ᭄ᬚᬕ᭄᭞ᬫᬫᭂᬤᬲᬂ᭞ᬲᬚᬮᬸᬢᬸᬂᬗᭂᬦᬄᬗᭂᬫᬸᬓ᭄᭞ᬕᭂᬥᬾᬫᭀᬓᭀᬄᬘᬾᬗᭀᬮᬦ᭄᭞ᬬᬾᬦ᭄ᬗᭀᬮᬄᬲᭂᬤᭂᬂᬳᬧᬶᬓᬶᬦ᭄᭟᭜᭟ᬤᬾᬤᬸᬓᬸᬄᬫᬯᬸᬯᬸᬄᬳᬾ
[᭓᭗ 37A]
ᬕᬃ᭞ᬗᬫ᭄ᬩᬶᬮ᭄ᬕᭀᬮᭀᬓ᭄᭞ᬧᬗᬺᬩ᭄ᬭᬭᬶᬲ᭄ᬜᬜᬗᬶᬄ᭞ᬧᬘᬂᬦᬫ᭄ᬧᬄᬳᬶᬮᬸᬢᬸᬂ᭞ᬓᬾᬢᭀᬓᭂᬜᭂᬢᬾᬭᬶᬂᬫᬦᬄ᭞ᬳᬧᬮᬯᬕᬶ᭞ᬧᭂᬲᬸᬫᬸᬜᬶᬦ᭄ᬜᬦᬾᬜᬸᬜᬸᬃ᭞ᬧᬘᬂ
ᬓᬸᬤᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬤᬾᬤᬸᬓᬸᬄᬳᬾᬗ᭄ᬕᬮ᭄ᬜᬯᬸᬭᬶᬦ᭄᭟᭜᭟ᬩᬓᬮ᭄ᬢᬫ᭄ᬧᬄᬳᬾᬩᬢ᭄ᬮᬯᬢ᭄᭞ᬲᬲᬢᬾᬬᬂ᭞ᬮᬫ᭄ᬧ᭄ᬬᭀᬗᬾᬧᬘᬂᬧᬍᬘᬶᬂ᭞ᬩᬲᬗᬾᬚᬚ᭄ᬭᬸᬓ᭄ᬮᬸᬯᬸᬂ᭞ᬧᭀᬮᭀᬦᬾ
ᬫᭂᬫ᭄ᬩᬭᬚᬂ᭞ᬢᬶᬫ᭄ᬧᬮᬂᬳᬭᬓ᭄᭞ᬦᬾᬫᬗᬜ᭄ᬘᬸᬄᬩᬳᬦᬗ᭄ᬕᬸᬃ᭞ᬳᬶᬮᬸᬢᬸᬂᬭᬭᬶᬲᬗᬸᬘᬧ᭄᭞ᬳᬸᬮᬢ᭄ᬚᭂᬚᭂᬄᬗ᭄ᬕᬯᬾᬢᬗ᭄ᬓᬶᬲ᭄᭟᭜᭟ᬗᬶᬓᭂᬢᬂᬧᬗᬶᬦ᭄ᬤ᭄ᬭᬚᬮ᭞ᬫᬯᬶᬯᬾᬓ᭞ᬫ᭠
ᬗ᭄ᬤᬾᬲᬶᬤ᭄ᬥᬫᬩᬬᬦᬶᬦ᭄᭞ᬳᬶᬗ᭄ᬕᬶᬄᬚ᭄ᬭᭀᬢᬶᬢ᭄ᬬᬂ᭞ᬧᬂᬚ᭄ᬭᭀᬦᬾᬢ᭄ᬭᬂᬯᬶᬓᬦ᭄᭞ᬫᬳᬶᬮᬶᬂᬫᬳᬶᬮᬶᬂ᭞ᬢᭂᬓᬾᬦᬶᬂᬳᬸᬘᬧᬦ᭄ᬢᬸᬢᬸᬃ᭞ᬮᬫᬸᬦ᭄ᬚ᭄ᬭᭀᬦᬾᬤᬸᬭᬸᬂᬯᬶᬓᬦ᭄᭞ᬫᬗ᭄ᬓᬶᬦ᭄ᬓᬶ [ 38 ][᭓᭗ 37B]
᭓᭗᭟
ᬢ᭄ᬬᬂᬫᬜᬢ᭄ᬯᬳᬶᬦ᭄᭟᭜᭟ᬤᬾᬤᬸᬓᬸᬄᬓᬦ᭄ᬢ᭄ᬭᬸᬗᬦ᭄ᬗᬸᬘᬧ᭄᭞ᬦᬄᬮᬯᬸᬢᬂ᭞ᬢᬸᬢᬸᬭᬂᬚᬦᬶᬓᬧᬶ᭞ᬳᬧᬂᬳᬶᬭᬤᬤᬶᬢᬳᬸ᭞ᬢᭂᬓᬾᬦᬶᬂᬓᬢᬢ᭄ᬯᬦᬶᬩ᭞ᬲᬤᬧᬦ᭄ᬢᭂᬲ᭄᭞ᬳᬶ
ᬩᭀᬚᭀᬕ᭄ᬦᬸᬢᬸᬭᬶᬦ᭄ᬤᬸᬓᬸᬄ᭞ᬭᬵᬫᬬᬡᬦᬾᬓᬢᬸᬢᬸᬭᬂ᭞ᬚ᭄ᬭᭀᬤᬸᬓᬸᬄᬩᭂᬗᭀᬂᬫᬶᬭᬕᬶ᭟᭜᭟ᬭᬶᬂᬕᬸᬦᬸᬂᬓᬶᬲ᭄ᬓᭂᬦ᭄ᬥᬓᭀᬘᬧ᭄᭞ᬧᬜᭂᬦᭂᬗᬾ᭞ᬯᬦᬭᬤᬳᬢ᭄ᬰᬓ᭄ᬢᬶ᭞ᬫᬧᬢᬶᬄᬢᭂᬮᬸᬂᬤ
ᬰᬢᭂᬮᬸ᭞ᬲᬫᬶᬕᬕᬄᬧ᭄ᬭᬓᭀᬰ᭞ᬫᬧᬧᬲᬶᬄ᭞ᬲᬂᬲᬸᬕ᭄ᬭᬶᬯᬲᬦᬾᬓᬲᬸᬩ᭄᭞ᬭᬵᬓᬦ᭄ᬤᬲᬂᬩᬮᬶᬭᬵᬚ᭞ᬯᬸᬲ᭄ᬓᬦᬸᬕ᭄ᬭᬳᬦ᭄ᬩᬳᬦ᭄ᬯᬶᬥᬶ᭟᭜᭟ᬭᬾᬄᬢᬶᬢ᭄ᬬᬂᬧᬋᬓᬦ᭄ᬲᬬᬂ᭞ᬢᬸᬃᬓᬳᬶ
ᬘᬾᬦ᭄᭞ᬓᬧᬸᬢᬸᬲᬦ᭄ᬲᬦᬾᬍᬯᬶᬄ᭞ᬘᬦ᭄ᬥᬸᬰᬓ᭄ᬢᬶᬯᬱ᭄ᬝᬦᬶᬧᬸᬦ᭄᭞ᬓᬯᬰᬗᭂᬗ᭄ᬓᭂᬩᬂᬚᬷᬯ᭞ᬩᭂᬲᬶᬯᬚ᭞ᬫᬮᬾᬮᬫᬓᭂᬚᬂᬢᬸᬫ᭄ᬧᬸᬂ᭞ᬢ᭄ᬯᬭᬫᬢᬶᬩᬳᬦ᭄ᬲᬦ᭄ᬚᬢ᭞ᬲᬵᬫ᭄ᬧᬸ
[᭓᭘ 38A]
ᬦ᭄ᬲ᭄ᬭᬶᬂᬓᬧᬶᬤᬾᬦᬶᬦ᭄᭟᭜᭟ᬲᬤᬸᬓᬾᬓᬳᬸᬢᬸᬲ᭄ᬮᬸᬯᬲ᭄᭞ᬓᬸᬫ᭄ᬧᬶᬦ᭄ᬢᬶᬢ᭄ᬬᬂ᭞ᬲᬂᬦᬶᬮᬵᬢ᭄ᬫᬚᬰᬓ᭄ᬢᬶ᭞ᬫᬗᬫ᭄ᬩᬤᬶᬳᬯᬂᬳᬸᬯᬸᬂ᭞ᬯ᭄ᬬᬓ᭄ᬢᬶᬲᬶᬤ᭄ᬥᬲᬘᬶᬢ᭞ᬢᭂᬓᭂᬤ᭄ᬤᬶᬢᬸ᭞ᬤᬶᬍ
ᬗ᭄ᬓᬧᬸᬭᬦᬾᬤᬸᬫᬸᬦ᭄᭞ᬓᭀᬘᬧ᭄ᬤᬶᬢᬫᬦᬗ᭄ᬲᭀᬓ᭞ᬕᭂᬦᬄᬲᬂᬲᬶᬢᬓᬧᬗ᭄ᬕᬶᬄ᭟᭜᭟ᬯᬢ᭄ᬭᬩᬳᬦ᭄ᬤᬦᬾᬗᬢᬸ᭞ᬲᬯᬶᬭᬯᭀᬲ᭄᭞ᬓᬧᬭᬶᬢᭂᬢᭂᬲ᭄ᬲᬫᬶ᭞ᬫᬓᬵᬤᬶᬲᬸᬭ
ᬢ᭄ᬯᬸᬲ᭄ᬓᬢᬸᬃ᭞ᬮᬯᬸᬢ᭄ᬤᬶᬢᬸᬓᬧᬶᬘᬬᬂ᭞ᬘᬶᬳ᭄ᬦᬯ᭄ᬬᬓ᭄ᬢᬶ᭞ᬲᬶᬫ᭄ᬲᬶᬫ᭄ᬫᬳᭂᬫ᭄ᬩᬦᬦ᭄ᬢᬢᬸᬃ᭞ᬫᬲᭀᬘᬳᬶᬦ᭄ᬢᭂᬦ᭄ᬤᬸᬫᬶᬮᬄ᭞ᬲᬂᬦᬶᬮᬲᬸᬦᬸᬫᬧᬫᬶᬢ᭄᭟᭜᭟ᬲᬳᬲᬤᬦᬾᬗᬋᬩᬄ
᭞ᬫᬗᭂᬮᬸᬂᬮᬸᬗᬂ᭞ᬓᬮ᭄ᬧᬢᬭᬸᬦᬾᬩᬺᬱᬶᬄ᭞ᬯᭀᬄᬯᭀᬳᬦ᭄ᬧᬸᬱ᭄ᬧᬶᬢᬳᬭᬹᬫ᭄᭞ᬯᬸᬲᬓ᭄ᬩᭂᬓ᭄ᬧᬲᬮᬾᬗ᭄ᬓᬢ᭄᭞ᬩᬸᬭᭀᬦ᭄ᬓᭂᬤᬶᬲ᭄᭞ᬲᬫ᭄ᬩᭂᬄᬧᬮᬶᬂᬧᬢᬶᬧᬦ᭄ᬢᬸᬃ᭞ᬮᬾᬦ [ 39 ][᭓᭘ 38B]
᭓᭘᭟
ᬤᬜᬸᬮᬸᬦ᭄ᬭᭀᬯᬗ᭞ᬮᬾᬦ᭄ᬫᬦ᭄ᬢᭂᬧ᭄ᬫᬢᬶᬧᬕ᭄ᬮᬶᬮᬶᬂ᭟᭜᭟ᬭᬵᬓ᭄ᬱᬲᬧᬦᬸᬗ᭄ᬕᬸᬦ᭄ᬢᬫᬦ᭄᭞ᬮᬸᬄᬫᭀᬯᬦᬶ᭞ᬫᬳᬤᬸᬓᬦ᭄ᬚᭂᬭᬢ᭄ᬚᭂᬭᬶᬢ᭄᭞ᬳᬸᬫᬸᬂᬤᬶᬢᬫᬦ᭄ᬧᬩ᭄ᬬᬬᬸᬢ᭄᭞
ᬧᬕ᭄ᬮᬶᬯᬶᬃᬢᬦᬶᬓᬃᬯ᭄ᬯᬦ᭄᭞ᬓᬫᭂᬫᭂᬕᬦ᭄᭞ᬧᬢᬶᬕᬕᬧ᭄ᬧᬢᬶᬳᬸᬲᬸᬤ᭄᭞ᬳᬤᬮᬩᬸᬄᬢᬩ᭄ᬮᬸᬓ᭄ᬢᬶᬫ᭄ᬧᬮ᭄᭞ᬳᬤᬗᭂᬮᬶᬂᬦᬕᬶᬄᬳᬩᬶᬦ᭄᭟᭜᭟ᬭᬵᬓ᭄ᬱᬲᬮᬸᬄᬩᬚᬂᬩᬚᬂ᭞
ᬧᬗᬶᬤ᭄ᬧᬗᬸᬲ᭄᭞ᬧᬓ᭄ᬭᬯᬸᬓ᭄ᬧᬥᬫᬗᭂᬮᬶᬂ᭞ᬦᬕᬶᬄᬲᬶᬗᬮ᭄ᬦᬕᬶᬄᬕᭂᬮᬸᬢ᭄᭞ᬳᬾᬩᭂᬓᬦ᭄ᬫᬭᬶᬂᬢᬫᬦ᭄᭞ᬓᬤᬶᬓᬶᬮᬧ᭄᭞ᬫᬸᬜᬶᬦ᭄ᬳᭂᬮᬶᬗᬾᬧᬕᭂᬮᬸᬃ᭞ᬫᬮᬶᬄᬮᬾᬦᬤᬭᬵᬓ᭄ᬱ
ᬲ᭞ᬫᭀᬯᬦᬶᬬᬫᬮᬳᬶᬩ᭄ᬩᬶᬦ᭄ᬢᬶᬢ᭄᭟᭜᭟ᬗᬢᬸᬭᬂᬓᬍᬗ᭄ᬓᬧᬸᬭ᭞ᬧ᭄ᬭᬪᬸᬤᬰᬫᬸᬓᬫᭂᬗ᭄ᬕᬄᬢᬦ᭄ᬲᬶᬧᬶ᭞ᬢᭂᬗᭂᬭᬦ᭄ᬫᬕᭂᬩᬸᬕ᭄ᬲᬵᬫ᭄ᬧᬸᬦ᭄᭞ᬭᬵᬓ᭄ᬱᬲᬦᬾᬫᬩ᭄ᬬᬬᬸ᭠
[᭓᭙ 39A]
ᬳᬦ᭄᭞ᬧᬥᬜᭂᬭᬶᬢ᭄᭞ᬫᬸᬜᬶᬦ᭄ᬜᬦᬾᬢᬸᬮ᭄ᬬᬓᭂᬭᬸᬕ᭄᭞ᬮᬾᬦ᭄ᬩᬸᬓᬓᬶᬮᬧ᭄ᬓᬲᬗ᭞ᬫᬳᬫ᭄ᬩᬮᬫ᭄ᬩᬮ᭄ᬫᬫᬃᬕ᭄ᬕᬶ᭟᭜᭟ᬩᬯᬸᬢᭂᬓᭂᬤ᭄ᬤᬶᬚᭂᬩᬕ᭄ᬢᬫᬦ᭄᭞ᬲᬂᬦᬶᬮᬧᬸᬢ᭄ᬭ
ᬲᬬᬕᬗᬦ᭄ᬢᬶ᭞ᬫᬲᬶᬓᭂᬧ᭄ᬘᬦ᭄ᬤᬦᬳᬕᬸᬂ᭞ᬫᬮᬦ᭄ᬢᬂᬲᬢᬸᬲ᭄ᬤᭂᬧ᭞ᬭᬵᬓ᭄ᬱᬲᬦᬾ᭞ᬲᬶᬂᬢᭂᬦᬦᬶᬯᬓᬶᬦ᭄ᬳᭂᬮᬸ᭞ᬧᭂᬢᭂᬂᬤᭂᬤᭂᬢ᭄ᬩᬸᬓᬳᬸᬚᬦ᭄᭞ᬲᬂᬩᬬᬸᬧᬸᬢ᭄ᬭᬢᬦ᭄ᬕᬶᬗ᭄ᬲᬶᬃ᭟᭜᭟ᬯᬾ
ᬦ᭄ᬢᭂᬦ᭄ᬓᬧᬺᬦᬄᬓᬧᬸᬢ᭄ᬭ᭞ᬩᬳᬦ᭄ᬲᬂᬤᬰᬲ᭄ᬬᬜᬾᬦᬧᬢᬶ᭞ᬲᬂᬬᬓ᭄ᬱᬯ᭄ᬱ᭄ᬝᬦᬶᬧᬸᬦ᭄᭞ᬓᬧᬶᬮᬗᬶᬦ᭄ᬩᬳᬦ᭄ᬕᬥ᭞ᬢᬶᬕᬂᬳᬯᬓ᭄᭞ᬭᬵᬓ᭄ᬱᬲᬦᬾᬫᬥᭂᬫᭂᬮᬸᬂ᭞ᬳᬗᭀᬩ᭄ᬤᬾᬤᬸᬓᬸᬄᬫᬶ
ᬭᬕ᭄ᬬᬂ᭞ᬢᬸᬢᬸᬃᬜᬦᬾᬳᬶᬯᬦᬭᬶ᭟᭜᭟ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬢᬸᬭᬂ᭞ᬢᬢᬶᬗ᭄ᬓᬳᬦ᭄᭞ᬳᬧᬂᬚ᭄ᬭᭀᬦᬾᬳᬸᬦᬶᬂ᭞ᬧᬘᬂᬦᬩ᭄ᬤᬩ᭄ᬩᬾᬦᬶᬂᬮᬸᬢᬸᬂ᭞ᬩᬳᬦ᭄ᬭᬲᬦ᭄ᬜᬦᬾᬢᬯᬄ᭞ᬗᬦ᭄ᬢᬯᬮᬶ᭞ [ 40 ][᭓᭙ 39B]
᭓᭙᭟
ᬓᭂᬘᬧ᭄ᬲᭂᬧᭂᬢ᭄ᬜᬭᬓᬶᬦ᭄ᬢᬸᬓ᭄᭞ᬧᬳᬶᬢ᭄ᬧᭂᬗᬄᬫᬮᬾᬦ᭄ᬮᬾᬦᬦ᭄᭞ᬫᬓᬵᬤᬶᬗᬭᬦᬬᬂᬫᬢᬶ᭟᭜᭟ᬤᬾᬤᬸᬓᬸᬄᬓᬦ᭄ᬢ᭄ᬭᬸᬗᬦ᭄ᬗᬸᬘᬧ᭄᭞ᬦᬄᬩᬸᬯᬶᬦ᭄ᬓᬾ᭞ᬢᬸᬢᬸᬭᬶᬦᬶᬭᬚᬦᬶ᭞ᬢᬶ
ᬗ᭄ᬓᬳᬾᬫᬦᬫ᭄ᬧᬄᬮᬸᬢᬸᬂ᭞ᬳᬧᬂᬳᭂᬤᬬᬫᬶᬭᬸᬤ᭞ᬳᬧᬂᬲᬶᬤ᭄ᬥ᭞ᬤᬶᬃᬖᬬᬸᬰᬢᬸᬃᬭᬳᬬᬸ᭞ᬳᬶᬮᬸᬢᬸᬂᬫᬸᬜᬶᬦᬾᬕᭂᬢᬃ᭞ᬓᬾᬦᬾᬓᬢᬢ᭄ᬯᬦ᭄ᬜᬦᬾᬚᬵᬢᬶ᭟᭜᭟ᬳᬧᬂᬚ᭄ᬭᭀᬦᬾ
ᬢᬢᬲ᭄ᬯᬶᬓᬦ᭄᭞ᬢᭂᬓᬾᬦ᭄ᬢᭀᬗᭀᬲ᭄᭞ᬚᬷᬯᬦ᭄ᬢᬶᬢ᭄ᬬᬗᬾᬲᬶᬗᬶᬤ᭄᭞ᬫᬦᭀᬗᭀᬲ᭄ᬤᬶᬢᬸᬓ᭄ᬢᬸᬓᬶᬓᬸᬄ᭞ᬓ᭄ᬭᬡᬦᬾᬫᬗ᭄ᬓᬶᬦ᭄ᬤᬩ᭄ᬤᬩᬂ᭞ᬧᬓᬓᬲᬶᬦ᭄᭞ᬭᬶᬂᬳᬶᬓᬸᬄᬢᬶᬢ᭄ᬬᬗᬾᬓᬧᬸᬢ᭄᭞ᬫ
ᬰ᭄ᬭᬡᬳᬦ᭄ᬢᬸᬓ᭄ᬕᬶᬮᬶᬗᬦ᭄᭞ᬳᬓᬾᬳᬂᬲᬵᬫ᭄ᬧᬸᬦᬂᬓᬶᬥᬶᬓ᭄᭟᭜᭟ᬢᭂᬓᬦᬶᬂᬤᬸᬓ᭄ᬳᬩᬦ᭄ᬳᬓᬓᬩ᭄᭞ᬳᬗ᭄ᬕᭀᬦ᭄ᬚ᭄ᬭᭀ᭞ᬦᬾᬫᬗᬧᬸᬢᬶᬦ᭄ᬤᬶᬲᬶᬲᬶ᭞ᬬᬾᬦᬶᬂᬲᬵᬫ᭄ᬧᬸᬦ᭄ᬧ᭄ᬭᬕᬢ᭄ᬲᭂᬤᬸᬢ᭄᭞
[᭔᭐ 40A]
ᬢᬶᬢ᭄ᬬᬂᬤᬶᬢᬸᬗ᭄ᬕᭂᬍᬗᬂ᭞ᬧᬘᬂᬫᬢᬶ᭞ᬫᬫᬸᬱ᭄ᬝᬶᬫᬦᬸᬧ᭄ᬢᬸᬧ᭄ᬗᬬᬸ᭞ᬗ᭄ᬕᬶᬦᭂᬗᬂᬳ᭄ᬬᬂᬧ᭄ᬭᬡᬜ᭄ᬚᬦ᭞ᬫᬢᬶᬢᬶᬲ᭄ᬫᬃᬕ᭄ᬕᬦᬾᬍᬯᬶᬄ᭟᭜᭟ᬬᬾᬦ᭄ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬫᬢᬶᬗ᭄ᬕᬮ᭄᭞ᬚᬦ᭄ᬢᭂᬦ᭄ᬭᬯᬸᬄ
᭞ᬪᬝᬭᬰᬶᬯᬵᬕ᭄ᬦᬶ᭞ᬚ᭄ᬭᭀᬦᬾᬗᬾᬗ᭄ᬕᬮᬂᬜᬯᬸᬧ᭄᭞ᬩᬗ᭄ᬓᬾᬦ᭄ᬢᬶᬢ᭄ᬬᬗᬾᬘᬶᬗᬓ᭄᭞ᬢᬓᭂᬄᬢᬶᬢ᭄ᬬᬂ᭞ᬧᬓᬬᬸᬦ᭄‌ᬚ᭄ᬭᭀᬦᬾᬘᬸᬫ᭄ᬧᬸ᭞ᬓᬤᬶᬩᬾᬢᬗ᭄ᬕᬶᬭᬶᬮᬦ᭄ᬤᬓ᭄᭞ᬫᬸᬮᬸᬓ᭄ᬜᬗ᭄ᬕᭂᬮᬸᬄᬓᭂ
ᬘᬧ᭄ᬗᬗ᭄ᬓᬶᬢ᭄᭟᭜᭟ᬧᬸᬄᬫᬲ᭄ᬓᬸᬫᬫ᭄ᬩᬂ᭟᭜᭟ᬢᬸᬯᬄᬳᬓᬾᬢᭀ᭞ᬳᬶᬩᭀᬚᭀᬕ᭄‌ᬬᬫᬶᬢᬸᬢᬸᬭᬶᬦ᭄᭞ᬚ᭄ᬭᭀᬤᬸᬓᬸᬄᬘᬮᬸᬮᬸᬓᬦ᭄᭞ᬗᭂᬦ᭄ᬤᭂᬮᬂᬓᭂᬦᭂᬳᬾᬧᬮᬶᬂ᭞ᬢ᭄ᬯᬭ
ᬳᬶᬗᭂᬢ᭄ᬢᭂᬓᬾᬦ᭄ᬪᬬ᭟᭜᭟ᬮᬯᬸᬢ᭄ᬤᬶᬢᬸ᭞ᬚ᭄ᬭᭀᬤᬸᬓᬸᬄᬓᬦ᭄ᬢ᭄ᬭᬸᬗᬦ᭄ᬕᭂᬮᬶᬲ᭄᭞ᬗᬮᬶᬳᬂᬕᬶᬮᬶᬗᬦ᭄᭞ᬧᭀᬮᬶᬄᬳᬧᬦᬭᬓ᭄ᬜᭂᬤᬶᬢ᭄᭞ᬫᬶᬯᬄᬳᭂᬤᬸᬓ᭄ᬳᬓᬓᬩ᭄᭟᭜᭟ᬩᬯᬸᬗᭂ᭠ [ 41 ][᭔᭐ 40B]
᭔᭐᭟
ᬦᬄ᭞ᬤᭂᬤᬸᬓᬸᬄᬳᬶᬩᭀᬚᭀᬜ᭄ᬭᬶᬢ᭄᭞ᬤᭀᬂᬳᬶᬗ᭄ᬕᬶᬄᬕᭂᬮᬶᬲᬂ᭞ᬧᬶᬦᬄᬫᬓ᭄ᬮᭀᬢᬶᬢ᭄ᬬᬂᬗᬦ᭄ᬢᬶ᭞ᬓᭂᬦᬶᬚ᭄ᬭᭀᬦᬾᬳᬾᬗ᭄ᬕᬮ᭄ᬫᬳᬶᬦᬓᬦ᭄᭟᭜᭟ᬢᬦ᭄ᬘᬭᬶᬢ᭞ᬧ᭄ᬭᬕᬢ᭄ᬬ
ᬓᬧᬓᬓᬲᬶᬦ᭄᭞ᬳᬶᬮᬸᬢᬸᬂᬳᬗᬸᬘᬧ᭄᭞ᬲᭂᬤᬸᬢ᭄ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬕᭂᬮᬶᬲ᭄᭞ᬲᬂᬳ᭄ᬬᬂᬕ᭄ᬦᬶᬳᬶᬭᬶᬂᬢᬶᬢ᭄ᬬᬂ᭟᭜᭟ᬩᬸᬓᬲᭂᬤᬸᬢᬼᬗᬶᬲ᭄ᬓᬩ᭄ᬯᭀᬓᬶᬦ᭄ᬕᭂᬮᬶᬲ᭄᭞ᬩᬋᬂᬥᬫᬃᬲᬾᬮ᭞
ᬳᬯᬶᬦᬾᬲᬸᬩᬦᬶᬓᭂᬮᬶᬦ᭄᭞ᬳᬶᬩᭀᬚᭀᬕ᭄ᬫᬗ᭄ᬮᬜ᭄ᬘᬧᬸᬫᬄ᭟᭜᭟ᬫᬩ᭄ᬯᭀᬬᭀᬗᬦ᭄᭞ᬤᬾᬤᬸᬓᬸᬄᬕᬾᬯᬃᬫᬜ᭄ᬚ᭄ᬭᬶᬢ᭄᭞ᬫᬦᬕᬶᬄᬢᬸᬮᬸᬗᬦ᭄᭞ᬳᬓᬶᬚᬧᬦ᭄ᬮᬶ
ᬗ᭄ᬲᭂᬫ᭄ᬩᬺᬲᬶᬄ᭞ᬢᬹᬢᬶᬂᬢᬶᬢᬶᬄᬩ᭄ᬭᬱ᭄ᬝᬓᭂᬤᬲ᭄᭟᭜᭟ᬬᬦᬶᬳᬬᬸ᭞ᬢᭂᬓᬳᬸᬮᬶᬫᬜ᭄ᬚᬸᬲ᭄ᬫᬮᬳᬶᬩ᭄᭞ᬫᬓᬫ᭄ᬩᭂᬦᬩᬶᬤᬂ᭞ᬩᭀᬓ᭄ᬜᬦᬾᬲᬸᬫ᭄ᬩ᭄ᬭᬂᬲᬫ᭄ᬩ᭄ᬭᬶᬂ᭞ᬧᬮᬶᬂᬤᬤᬶᬧᬢᬸᬩ
[᭔᭑ 41A]
ᬩᬃ᭟᭜᭟ᬫᬾᬦ᭄ᬓᬦ᭄ᬢ᭄ᬭᬸᬗᬦ᭄᭞ᬫᬜ᭄ᬭᬶᬢ᭄᭞ᬬᬢᬸᬗ᭄ᬕᬂᬢᬸᬗ᭄ᬕᬶᬂ᭞ᬳᬸᬬᬸᬢ᭄ᬫᬩ᭄ᬬᬬᬸᬢᬦ᭄᭞ᬩᬸᬓᬩᭀᬚᭀᬕᬾᬩᭀᬭᭀᬲᬶᬦ᭄᭞ᬗᬘᬶᬕ᭄ᬘᬶᬕ᭄ᬫᬓᬘᬶᬕ᭄ᬘᬕᬦ᭄᭟᭜᭟ᬲ
ᬕᬾᬢ᭄ᬢᭂᬓ᭞ᬤᬾᬤᬸᬓᬸᬄᬓᬕᭂᬮᬦ᭄ᬢᬶᬗᬶᬦ᭄᭞ᬩᭂᬮᬶᬕᬦ᭄ᬤᭀᬂᬢᬶᬢ᭄ᬬᬂ᭞ᬓᬶᬚᬧᬘᬂᬮᬓᬸᬚᬦᬶ᭞ᬚ᭄ᬭᭀᬤᬸᬓᬸᬄᬫᬓᭂᬫᭂᬕᬦ᭄᭟᭜᭟ᬘᬭᬶᬢᬬᬂ᭞ᬧᬢᬸᬮᬸᬗᬾᬮ᭄ᬬᬸᬦᬦᬚ᭄ᬭᬶᬄ
᭞ᬗᬮᬦ᭄ᬢᬲ᭄ᬫᬮᬶᬳᬦ᭄᭞ᬚ᭄ᬭᭀᬤᬸᬓᬸᬄᬩᬶᬗᬸᬂᬫᬗ᭄ᬓᬶᬦ᭄᭞ᬳᬸᬫᬳᬾᬢᭂᬮᬲ᭄ᬲᬧᬶᬲᬦ᭄᭟᭜᭟ᬳᭂᬦᭂᬗᬓ᭄ᬦ᭞ᬳᬶᬮᬸᬢᬸᬂᬓᭀᬘᬧᬦ᭄ᬫᬗ᭄ᬓᬶᬦ᭄᭞ᬫᬮᬳᬶᬩ᭄ᬗᬾᬗ᭄ᬕᬮᬂ᭞ᬓᬢᭂ
ᬩᬦᬾᬬᬫᬜ᭄ᬮᬶᬲᬶᬄ᭞ᬦᭂᬧᬸᬓᬶᬦ᭄‌ᬬᬾᬄᬫᬓᬫ᭄ᬩᭂᬗᬦ᭄᭟᭜᭟ᬳᭂᬦ᭄ᬢᭀᬢᭀᬗᭀᬲ᭄᭞ᬜᬳᬶᬮᬸᬢᬸᬂᬫᬓᬸᬘᬲ᭄ᬓᬘᬶᬲ᭄᭞ᬬᬫᬜ᭄ᬭᬾᬢᬸᬳᬯᬓ᭄᭞ᬗᬫᬢ᭄ᬬᬂᬳᬧᬶᬭᬶᬂ [ 42 ][᭔᭑ 41B]
᭔᭑᭟
ᬤᬶᬭᬶ᭞ᬯᬸᬲ᭄ᬧᬥᭂᬫ᭄ᬕᭂᬮᬶᬲ᭄ᬮᬸᬫᬫ᭄ᬧᬄ᭟᭜᭟ᬧᬸᬄᬲ᭄ᬫᬭᬦ᭄ᬤᬦ᭟᭜᭟ᬳᬶᬩᭀᬚᭀᬕ᭄ᬓᭀᬘᬧ᭄ᬦᬾᬚᬦᬶ᭞ᬳᬶᬓᬓ᭄ᬯᬩᬸᬯᬶᬦ᭄ᬳᬮᬶᬳ᭞ᬜᭂᬮᬸᬧᬶᬦ᭄ᬳᬩ᭄ᬬᬦ᭄ᬢᭂᬕᬮᬾ᭞ᬘᬭᬶ
ᬓ᭄ᬲᬸᬩᬓᬮᬶᬯᬢᬦ᭄᭞ᬧᬚᬮᬦᬾᬫᬸᬭᬂᬫᬦᬄ᭞ᬢᬸᬓᬤ᭄ᬥᬍᬫ᭄ᬩᬸᬯᬶᬦ᭄ᬓᬢᭂᬧᬸᬓ᭄᭞ᬳᭂᬦ᭄ᬢᭀᬦᬾᬓᭀᬘᬧ᭄ᬢᬸᬳᬸᬢ᭟᭜᭟ᬩᬸᬯᬶᬦ᭄‌ᬬᬦᭂᬧᬸᬓᬶᬦ᭄ᬢᬗ᭄ᬓᬶᬤ᭄᭞ᬕᭀᬯᭀ
ᬓ᭄ᬫᭂᬮᬄᬫᬘᬶᬮᬸᬓᬦ᭄᭞ᬢᭀᬗᭀᬲ᭄ᬗᭂᬢᬶᬲ᭄ᬫᬳᬓᬮᬗᭃᬦ᭄᭞ᬓᬓ᭄ᬯᬲᬸᬓᬫᬗ᭄ᬭᬫ᭄ᬩᬂ᭞ᬲᬫ᭄ᬩᬶᬮ᭄‌ᬬᬫᭂᬥᭂᬫ᭄ᬫᭂᬥᭂᬫᬦ᭄᭞ᬲᬕᬾᬢᬦ᭄ᬢᭂᬓᬳᬶᬮᬸᬢᬸᬂ᭞ᬳᬶᬓᬓ᭄ᬯᬜᬫ᭄ᬩ᭄ᬭᬫ
ᬳᬾᬗ᭄ᬕᬮ᭄᭟᭜᭟ᬫᬭᬢᭂᬓᬳᬶᬧᬮᬯᬗ᭄ᬕᬶ᭞ᬓᬾᬦ᭄ᬓᬾᬓ᭄ᬭᬡᬳᬶᬩᬢᬸᬮᬓ᭄᭞ᬚᭂᬦᭂᬂᬲᭂᬩᭂᬂᬬᬦᬾᬓᬤᭀ᭞ᬓᭂᬘᬸᬤ᭄ᬮᬾᬫ᭄ᬮᬾᬫ᭄ᬢᬦ᭄ᬧᬤᬶᬧ᭄ᬢ᭞ᬓᬾᬦ᭄ᬓᬾᬦ᭄ᬳᭂᬦ᭄ᬢᭀᬚ᭄ᬭᭀ
[᭔᭒ 42A]
ᬦᬾᬫᬢ᭄ᬯ᭞ᬳᬶᬘᬦ᭄ᬤᬦᬾᬓᬧᬶᬢᬸᬮᬸᬲ᭄᭞ᬦᬶᬮᬸᬄᬕᬫ᭄ᬩᬃᬫᬵᬲ᭄ᬓᬦ᭄ᬢ᭄ᬭᬸᬗᬦ᭄᭟᭜᭟ᬳᬶᬩᭀᬚᭀᬕ᭄ᬗᬋᬋᬱ᭄ᬜᬯᬸᬭᬶᬦ᭄᭞ᬳᬥᬸᬄᬳᬾᬫᭂᬂᬲᬦ᭄ᬚᬳᬶᬭ᭞ᬫᬦᬫ᭄ᬧᬶᬓ
ᬬᬸᬦ᭄ᬤᬦᬾᬦᬾ᭞ᬯᬦ᭄ᬢᬄᬢᬾᬳᬬᬸᬢᬸᬃᬩᬚᬂ᭞ᬦᬗ᭄ᬳᬶᬂᬳᭂᬦᬸᬳᬤᬘᬾᬤ᭞ᬳᬦ᭠ᬓᬾᬫᬫ᭄ᬩᬸᬬᬸᬂᬚᭂᬫᬸᬢ᭄᭞ᬫᬭᬕᬸᬤᬶᬕᬂᬫᬫᬾᬦ᭄ᬢᭀᬲᬂ᭟᭜᭟ᬢᬃᬓ᭄ᬓᬳᬶᬭᬳᭂ
ᬦᬸᬕᬢᬶ᭞ᬓᭂᬦᭂᬳᬫᬤᬍᬫᬶᬭ᭞ᬯᬶᬭᬾᬄᬳᬶᬭᬓᬤᭀᬂᬮᭀᬮᭀᬲ᭄᭞ᬧᬬᬸᬦᬾᬤᬤᬶᬢ᭄ᬯᬭ᭞ᬳᬶᬓᬓ᭄ᬯᬓᭂᬤᬾᬓ᭄ᬗᬮ᭄ᬓᬮ᭄᭞ᬓᬾᬢᭀᬲᬢ᭄ᬯᬦ᭄ᬳᬶᬩᬮᬸᬢᬸᬂ᭞ᬲᬚᬦ᭄ᬜ᭞
ᬦᬾᬢ᭄ᬯᬭᬳᬤ᭟᭜᭟ᬳᬶᬮᬸᬢᬸᬂᬕᭂᬤᬶᬕ᭄ᬢᬦ᭄ᬲᬶᬧᬶ᭞ᬲᬫ᭄ᬩᬶᬮ᭄ᬗᬫᭀᬮ᭄ᬫᭀᬮ᭄ᬫᬚᬮᬦ᭄᭞ᬳᬶᬓᬓ᭄ᬯᬜᬕ᭄ᬚᬕ᭄ᬳᬾᬜ᭄ᬘᭀᬮ᭄᭞ᬓᬚᭂᬫᬓ᭄ᬭᬭᬶᬲ᭄ᬓᬤᬦ᭄ᬤᬦ᭄᭞ᬫᬗ᭄ᬮᬯᬸᬢ᭄ᬓᬚ [ 43 ][᭔᭒ 42B]
᭔᭒᭟
ᬓ᭄ᬦᭂᬕᬓ᭄᭞ᬦᬄᬳᭂᬦ᭄ᬢᭀᬳᬶᬭᬫᬸᬮᬕᬸᬬᬸ᭞ᬳᬶᬬᬳᭂᬤᬫᬗᭂᬤᭂᬕᬂ᭟᭜᭟ᬚᬮᬦ᭄ᬩᬋᬂᬳᬶᬭᬚᬦᬶ᭞ᬳᬶᬗᭂᬢᬂᬓᬤᬶᬦᬾᬲᬸᬩ᭞ᬳᭂᬤᬳᭂᬗ᭄ᬲᬧ᭄ᬤᬸᬓ᭄ᬫᬮᬸᬦᬾ᭞ᬩᬋᬂᬦ᭠
ᬫᬚᭂᬮᬾᬫᭂᬮᬄ᭞ᬳᬤᬢ᭄ᬯᬭᬳᬚᬓ᭄ᬤᬤ᭄ᬯ᭞ᬓᭂᬜᬶᬃᬳᬶᬮᬸᬢᬸᬂᬫᬲᬯᬸᬢ᭄᭞ᬫᬸᬮᬲᬓᬶᬂᬗᬸᬮ᭄ᬕᬸᬮ᭄‌ᬬ᭟᭜᭟ᬢᬦ᭄ᬓᭀᬘᬧ᭄ᬩᬸᬯᬶᬦ᭄ᬫᬓᬶᬮᬶᬢ᭄᭞ᬗᬶᬗᭂᬢᬂᬩᬸᬓᬦᬾᬲᬸ᭠
ᬩ᭞ᬳᬶᬩᭀᬚᭀᬕ᭄ᬭᬸᬓᬸᬦ᭄ᬳᬶᬥᭂᬧᬾ᭞ᬗᬭᬶᬫ᭄ᬧ᭄ᬬᬂᬗᬶᬓᭂᬢᬸᬧᬬ᭞ᬳᬶᬮᬸᬢᬸᬂᬫᬚ᭄ᬭᬶᬢ᭠ᬦ᭄᭞ᬓᬓ᭄ᬯᬫᬳᬶᬓᬾᬫᬮᬸ᭞ᬦᬶᬭᬩᬋᬂᬗᬶᬦ᭄ᬫᬦᭂᬕᬓ᭄᭟᭜᭟ᬧᬸᬄᬥᬂᬥᬂᬕᬸ᭠
ᬮ᭟᭜᭟ᬥᬂᬥᬂᬕᬸᬮᬳᭀᬮᬶᬄᬳᬶᬭᬫᬶᬭᬕᬶ᭞ᬘᬘ᭄ᬭᬶᬢᬬᬦ᭄᭞ᬳᬶᬬᬓᭀᬘᬧ᭄ᬗᭂᬮᬄ᭞ᬳᬶᬓᬓᬶᬓᬓᬶᬘᬦᬺᬓᬾ᭞ᬯᬶᬱ᭄ᬡᬸᬫᬸᬮᬾᬯᬱ᭄ᬝᬦᬶᬧᬸᬦ᭄᭞ᬫᬯᬶ
[᭔᭓ 43A]
ᬰᬾᬱᬤᬳᬢᬶᬂᬍᬯᬶᬄ᭞ᬓ᭄ᬭᬡᬲᬶᬤ᭄ᬥᬲᬘᬶᬢ᭞ᬧᬶᬲᬦᬶᬤᬳ᭄ᬬᬂᬫᬦᭀᬪᬸᬄ᭞ᬭᬶᬂᬓ᭄ᬮᬪᬤᬯᬂᬦᬮ᭞ᬲᬗ᭄ᬓᬦ᭄ᬲᬶᬤ᭄ᬥ᭞ᬩᬳᬦ᭄ᬤᬦᬾᬗᭂᬘᭀᬢ᭄‌ᬬᬄᬧᬲᬶᬄ᭞ᬩᬳ
ᬦ᭄ᬓᬪᬓ᭄ᬢᬲᬢᬢ᭟᭜᭟ᬳᬶᬓᬓ᭄ᬯᬕᬜ᭄ᬘᬂᬧᬶᬲᬦ᭄ᬫᬜᬯᬸᬭᬶᬦ᭄᭞ᬩᬦ᭄ᬢᭀᬲᬚ᭞ᬫᬮᬸᬦᬾᬦᬾᬲᬶᬸᬂᬩᬶᬸᬂᬓᬸᬦ᭞ᬚᬦᬶᬳᬶᬭᬲᬶᬤ᭄ᬥᬶᬦ᭄ᬜᬦᬾ᭞ᬓᬕᭂᬦ᭄ᬢᭀᬲᬶᬦ᭄ᬩᬳᬦ᭄ᬩᬶ
ᬬᬸ᭞ᬓ᭄ᬭᬡᬲᬫ᭄ᬩᭂᬦ᭄ᬫᬤᬸᬓ᭄ᬲᬫᬶ᭞ᬗᬯᬕᬯᬕ᭄ᬧᬶᬲᬦ᭄᭞ᬮᬶᬬᬸᬦᬦ᭄ᬫᬜᬓᬶᬢ᭄ᬩᬬᬸ᭞ᬩᬳᬦᬾᬫᬗᭂᬦ᭄ᬤᭂᬮᬂᬳᭀᬃᬣ᭞ᬩᬸᬓᬳᬶᬩ᭞ᬩᬲ᭄ᬲᬗᭂᬢ᭄ᬫᬤᬬᬤᭂᬓᬶᬮ᭄᭞ᬦᬸ
ᬧ᭄ᬢᬸᬧᬂᬤᬬᬦᬾᬘᭀᬭᬄ᭟᭜᭟ᬤᬶᬢᬸᬚᭂᬗᬄᬲᭂᬩᭂᬂᬳᬶᬮᬸᬢᬸᬗᬾᬲᭂᬗᬶᬢ᭄᭞ᬩᬦ᭄ᬩᭂᬲ᭄ᬩᭂᬲᬦ᭄᭞ᬧᬗ᭄ᬯᬂᬯᬂᬳᬶᬓᬓ᭄ᬯ᭞ᬩᬲ᭄ᬲᬗᭂᬢ᭄ᬗᬮᬶᬦ᭄ᬢᬂᬲᬶᬓᬸᬢᬶᬸᬂᬢᬾ᭞ᬳᬶᬮᬸᬢᬸᬂ [ 44 ][᭔᭓ 43B]
᭔᭓᭟
ᬫᬲᬯᬸᬢ᭄ᬚᭂᬦ᭄ᬤᬸᬮ᭄᭞ᬦᬄᬮᬯᬸᬢ᭄ᬧᭂᬢᬸᬓᬂᬚᬦᬶ᭞ᬭᬾᬄᬳᬶᬩᬯᬶᬰᬾᬱ᭞ᬤᭂᬧᬂᬓᬳᬶᬗᬮᬮᬸ᭞ᬬᬤᬶᬦ᭄ᬫᬢᬶᬲᬸᬩᬲ᭄ᬯᬃᬕ᭄ᬕ᭞ᬤᬶᬲᬓᬮ᭞ᬜᬾᬦ᭄ᬫᬫ᭄ᬧᬸᬄᬫᬗᬺᬢ᭄ᬩᬸᬤ᭄ᬥᬶ᭞ᬓ
ᬩᬢᭂᬓ᭄ᬩᬳᬦ᭄ᬓ᭄ᬭᭀᬥᬦ᭄ᬫᬦᬄ᭟᭜᭟ᬳᬧᬂᬢᬳᭂᬦ᭄ᬲᬮᬶᬂᬢᬸᬜ᭄ᬚᭂᬮ᭄ᬚᬦᬶ᭞ᬳᬧᬂᬓᬃ᭠ᬯ᭄ᬯᬦ᭄᭞ᬬᬾᬦ᭄ᬓᬳᬶᬓᬸᬘᬶᬯ᭞ᬓᬳᬶᬳᭂᬮᬲ᭄ᬢᭂᬓᬾᬦᬸᬭᬶᬧᬾ᭞ᬬᬾᬦᬶᬩᬓᬮᬄᬤᬶᬢᬸ᭞
ᬓᬳᬶᬧᬘᬂᬗᭂᬢᬸᬲ᭄ᬳᬸᬭᬶᬧ᭄᭞ᬳᬶᬩᬩᬓᬮ᭄ᬳᭂᬦ᭄ᬢᬸᬗᬂ᭞ᬓᬢᭂᬗᬄᬲᬵᬕᬭᬳᬕᬸᬂ᭞ᬳᬧᬂᬳᬶᬩᬧᬶᬲᬦ᭄ᬫᬸᬱ᭄ᬡ᭞ᬓᬮ᭄ᬧ᭄ᬭᬮᬷᬦ᭞ᬫᬗ᭄ᬤᬾᬳᬶᬩᬲᬶᬤ᭄ᬥᬫᬳᭀᬮᬶᬄ᭞ᬓᬲᬗ᭄ᬓᬦ᭄ᬧ
ᬭᬦ᭄ᬫᬢᬸᬮᬓ᭄᭟᭜᭟ᬓᬓ᭄ᬯᬳᬶᬩᬫᬮᬸᬢᬸᬜ᭄ᬚᭂᬮ᭄ᬓᬳᬶ᭞ᬭᬧᬸᬗ᭄ᬓᬸᬭᬦ᭄᭞ᬓᬳᬶᬫᬗᭂᬤᬸᬓ᭄ᬩᬂᬩᬂ᭞ᬲᬂᬓᬓ᭄ᬯᬧᬲᬯᬸᬭᬾ᭞ᬬᬤ᭄ᬬᬧᬶᬦ᭄ᬳᬓᬾᬦ᭄ᬢᭀᬧᬬᬸ᭞ᬓᬾᬯᬮᬧᬂᬧᬥᬢᬶ
[᭔᭔ 44A]
ᬦ᭄ᬤᬶᬄ᭞ᬳᬶᬩᭀᬚᭀᬕ᭄ᬗᬮᬶᬄᬲᬳᬂ᭞ᬳᬶᬓᬓ᭄ᬯᬢᬸᬯᬸᬦ᭄᭞ᬭᬶᬂᬩᬂᬩᬗᬾᬗᬭᬾᬓᬤᬬ᭞ᬲᬸᬩᬧᬰ᭄ᬘᬤ᭄᭞ᬳᬶᬮᬸᬢᬸᬂᬢᭂᬓᬦᬸᬕ᭄ᬤᬸᬕᬶᬦ᭄᭞ᬳᬾᬗ᭄ᬕᬮ᭄ᬗᬚᬂᬲᬳᬂᬧ᭄ᬭᬕᬢ᭄᭟᭜᭟
᭟ᬲᬂᬓᬓ᭄ᬯᬲᭀᬩᬬᬦᬾᬧᬂᬧᬥᬢᬶᬦ᭄ᬤᬶᬄ᭞ᬧᬓᭀᬦ᭄ᬢ᭄ᬭᬓᬦ᭄᭞ᬢ᭄ᬯᬭᬤᬤᬶᬳᭀᬩᬄ᭞ᬬᬾᬦ᭄ᬫᬶᬢ᭄ᬬᬓᬤᬦ᭄ᬥᬕᭂᬥᬾ᭞ᬲᭀᬩᬬᬦᬶᬭᬮᬸᬢᬸᬂ᭞ᬫᬕᬶᬮᬶᬃᬧᬘᬂᬤᬤᬭᬶᬦ᭄᭞
ᬳᬧᬂᬓᬃᬯ᭄ᬯᬦ᭄ᬓᬮᬄᬫᭂᬦᬂ᭞ᬩᬓᬮ᭄ᬫᬢᬦ᭄ᬤᬶᬂᬧᬗᬯ᭄ᬭᬸᬄ᭞ᬲᬫ᭄ᬩᬶᬮ᭄ᬗᬯᭂᬢ᭄ᬯᬂᬫᬦ᭄ᬢ᭄ᬭ᭞ᬓᬧᬸᬢᬸ᭠ᬲᬦ᭄᭞ᬧᬶᬘᬦ᭄ᬲᬂᬪᬤᬯᬂᬕ᭄ᬦᬶ᭞ᬓᬾᬦ᭄ᬢᭀᬲᬗ᭄ᬓᬾᬢᬦᬾᬧ᭄ᬭᬕᬢ᭄᭟᭜᭟ᬳᬶᬩᭀᬚᭀᬕ᭄ᬫᬸ
ᬜᬶᬦᬾᬗᬾᬕᬾᬮᬾᬕᬾᬮᬶᬦ᭄᭞ᬲᬓᬋᬧ᭄ᬦ᭞ᬳᬶᬭᬫᬦᬶᬦ᭄ᬤᬶᬳᬂ᭞ᬳᭂᬤᬮᬶᬬᬸᬫᬸᬜᬶᬦ᭄ᬩᬗ᭄ᬓᬾᬦᬾ᭞ᬢᬶᬫ᭄ᬩᬸᬗᬦ᭄ᬫᬸᬗ᭄ᬕᬸᬳᬶᬂᬚᭂᬫ᭄ᬩᬸᬂ᭞ᬤᬾᬂᬤᬾᬂᬩ᭄ᬭᬾᬗ᭄ᬓᬾᬲ᭄ᬦᬗ᭄ᬢᬂᬕᭂᬦᬶ᭞ᬚᬦᬶᬕᬶᬮᬶᬭᬦ᭄ᬫᭀ [ 45 ][᭔᭔ 44B]
᭔᭔᭟
ᬢᬄ᭞ᬢᬦ᭄ᬯᬗ᭄ᬤᬾᬫᬢᬫ᭄ᬩᬸᬲ᭄᭞ᬳᬸᬮᬶᬳᬶᬮᬸᬩᬳᬦᬶᬭ᭞ᬫᬗᬸᬧᬬ᭞ᬫᬗ᭄ᬤᬳᬶᬩᬲᬶᬤ᭄ᬥᬫᬢᬶ᭞ᬚᬦᬶᬕᬦ᭄ᬢᬶᬫᬜᬶᬤᬬᬂ᭟᭜᭟ᬚᬦᬶᬗᬮᬯᬸᬢᬶᬮᬸᬢᬸᬂᬫᬦᬓᭀᬦᬶ
ᬦ᭄᭞ᬳᬶᬄᬓᬓ᭄ᬯ᭞ᬲᬸᬩᬚᬦᬶᬜᬦ᭄ᬤᬂ᭞ᬓᬳᬶᬫᬜᭂᬤᬸᬢ᭄ᬲᬳᬗᬾ᭞ᬳᬶᬓᬓ᭄ᬯᬫᬲᬯᬸᬢ᭄᭞ᬳᭂᬦᬸᬗᬲ᭄ᬕᬲ᭄ᬳᬯᬓ᭄ᬕᭂᬦᬶᬢ᭄᭞ᬳᬶᬮᬸᬢᬸᬂᬭᬭᬶᬕᭂᬢᬦ᭄᭞ᬜᭂᬫᬓ᭄ᬳᬧᬶᬜᭂᬤᬸᬢ᭄᭞ᬳᬧᬶ
ᬦᬾᬕᭂᬮᬶᬲ᭄ᬫᬦᬶᬮᬧ᭄᭞ᬳᬶᬓᬓ᭄ᬯ᭞ᬤᬶᬕᭀᬯᭀᬓᬾᬜᬫ᭄ᬧᬶᬂᬗᭂᬲᬶᬮ᭄᭞ᬳᬧᬶᬦᬾᬕᭂᬥᬾᬤᬸᬫᬶᬮᬄ᭟᭜᭟ᬤᬶᬢᬸᬳᬶᬩᭀᬚᭀᬕ᭄ᬫᬲᬲᬸᬫ᭄ᬩᬃᬩᬮᬶ᭞ᬮᬾᬦ᭄ᬮᬯᬦ᭞ᬜᬦ᭄ᬤᬂᬓ
ᬓᬯᭀᬦᬂ᭞ᬫᬗ᭄ᬤᬾᬳᬭᬶᬲ᭄ᬧᬚᬮᬦᬾ᭞ᬢᬶᬢ᭄ᬬᬂᬦᬯᭂᬕᬂᬫᬗ᭄ᬮᬸᬗ᭄ᬲᬸᬃ᭞ᬭᬶᬂᬳᬶᬤᬳ᭄ᬬᬂᬰᬶᬯᬕ᭄ᬦᬶ᭞ᬩᬗ᭄ᬓᬾᬦᬶᬧᬸᬦᬶᬓᬓ᭄ᬯ᭞ᬢᬶᬢ᭄ᬬᬂᬫᭂᬍᬤ᭄ᬫᬸᬧᬸᬢ᭄᭞ᬓᬤᬸᬂᬓᬾᬲᬲᬗᬶᬦ᭄ᬢᬶᬢ᭄ᬬᬂ᭞ᬫ᭞
[᭔᭕ 45A]
ᬗ᭄ᬓᬶᬦ᭄ᬲᬶᬤ᭄ᬥ᭞ᬫᬥᭂᬫ᭄ᬳᬦ᭄ᬢᬸᬓ᭄ᬲᬂᬳ᭄ᬬᬂᬕ᭄ᬦᬶ᭞ᬢᬶᬢ᭄ᬬᬂᬚᬶᬸᬂᬫᭀᬢᬄᬚᬦᬶᬜᬫ᭄ᬩᬮ᭄᭟᭜᭟ᬳᭂᬦᭂᬗᬓ᭄ᬦᬧᭀᬮᬳᬾᬲᬂᬯᬦᬭᬶ᭞ᬘᬭᬶᬢᬬᬂ᭞ᬭᬾᬄᬲᬳᬗᬾᬢᭂᬮᬄ᭞ᬤᬤᬶᬫᬢᬶ
ᬳᭂᬦ᭄ᬤᬶᬳᬦᬾ᭞ᬳᬓᬓ᭄ᬯᬫᬘᬍᬧᬸᬲ᭄᭞ᬩᬩᬂᬓᭂᬧᬃᬳᬶᬧ᭄ᬮᬯᬗ᭄ᬕᬶ᭞ᬳᬶᬗᭂᬢ᭄‌ᬬᬢᭂᬓᬾᬦ᭄ᬓᭀᬦ᭄ᬢ᭄ᬭᬓ᭄᭞ᬤᬾᬦᬶᬂᬧᬲᬸᬪᬬᬧᬸᬧᬸᬢ᭄᭞ᬲᬶᬂᬤᬤᬶᬧᬘᬂᬩᬭᭀᬩᬄ᭞ᬳᭂᬦ᭄ᬢᭀᬫ
ᬯᬦᬦ᭄᭞ᬳᬶᬥᭂᬧ᭄ᬳᬶᬮᬸᬢᬸᬗᬾᬫᬶᬃᬫᬶᬃ᭞ᬓᬤᭀᬂᬲᬸᬩᬦᬄᬮᬮ᭄ᬯᬂ᭟᭜᭟ᬳᬶᬓᬓ᭄ᬯᬧᭂᬲᬸᬫᬸᬜᬶᬦ᭄ᬜᬦᬾᬫᬦᬶᬲ᭄᭞ᬥᬸᬄᬯᬦᬭ᭞ᬦᬄᬓᬾᬫᬤᬩ᭄ᬤᬩᬦ᭄᭞ᬳᬾᬗ᭄ᬕᬮ᭄ᬢᬸᬯᬸ
ᬦᬶᬦ᭄ᬩᬂᬩᬗᬾ᭞ᬚᬦᬶᬫᬕᬶᬮᬶᬃᬜᭂᬤᬸᬢ᭄᭞ᬳᭀᬜᬂᬓᬧᬢ᭄ᬬᬦᬾᬚᬦᬶ᭞ᬧᬶᬘᬦ᭄ᬲᬂᬯᬦᬭᬭᬵᬚ᭞ᬫᬳᬵᬚ᭄ᬜᬵᬦᬯ᭄ᬭᬸᬄ᭞ᬘᬦ᭄ᬥᬸᬰᬓ᭄ᬢᬶᬦᬾᬧᭂᬲ᭄ᬯᬂ᭞ᬬᬳᬶᬩᭂᬗ [ 46 ][᭔᭕ 45B]
᭔᭕᭟
ᬮ᭄᭞ᬓᭂᬤᬾᬓᬶᬭᬧᬮᬶᬂ᭞ᬩᬮᬶᬮᬸᬢ᭄ᬢᬸᬃᬳᬩᬗ᭄ᬓ᭄ᬭᬸᬢᬦ᭄᭟᭜᭟ᬤᬤᬶᬗᬾᬜᭀᬃᬳᬶᬩᭀᬚᭀᬕ᭄ᬫᬸᬜᬶᬦᬾᬫᬦᬶᬲ᭄᭞ᬥᬸᬄᬓᬓ᭄ᬯ᭞ᬳᭂᬤᬫᬜᭂᬩᭂᬢᬂ᭞ᬫᬸᬜᬶᬦᬶ
ᬭᬦᬾᬦᬾᬚᭂᬮᬾ᭞ᬳᬦᬾᬫᭂᬮᬄᬫᭂᬮᬄᬧᬸᬧᬸ᭞ᬲᬯᬸᬢ᭄ᬳᬶᬓᬓ᭄ᬯᬕᭂᬮᬶᬲ᭄᭞ᬬᬾᬦ᭄ᬢᭀᬦᬾᬚᬮᬦᬂ᭞ᬢᬸᬲᬶᬂᬓᭀᬫᬯᬱ᭄ᬝᬧᬢᬹᬢ᭄᭞ᬯᬶᬭᬾᬄᬮᭀᬫ᭄ᬧᬂᬭᬶᬂᬳᬸᬪᬬ᭞
ᬲᬳᬸᬭᬶᬧᬦ᭄᭞ᬗᭀᬮᬄᬢᬶᬫ᭄ᬧᬮ᭄ᬗᬮᬶᬄᬪᬸᬓ᭄ᬢᬶ᭞ᬤᭀᬂᬓᭀᬢᭀᬲᬶᬦ᭄ᬯᬦᬭ᭟᭜᭟ᬧᬸᬄᬕᬶᬦᬦ᭄ᬢᬶ᭟᭜᭟ᬯᬃᬡ᭄ᬦᬦᭂᬦ᭄ᬓᭂᬦᭂᬄᬳᬶᬮᬸᬢᬸᬂ᭞ᬳᬾᬫᭂᬂᬲᭂᬓ᭄ᬱᭂᬓ᭄ᬚ᭄ᬭᭀᬦᬶᬂᬳ
ᬢᬶ᭞ᬳᬸᬫᬮᬃᬲᬶᬄᬳ᭄ᬬᬂᬲᬹᬓ᭄ᬱ᭄ᬫ᭞ᬳᭂᬗ᭄ᬓᬾᬦ᭄ᬚᬯᬶᬥᬶᬦᬾᬳᬲᬶᬄ᭞ᬳᬗᬲᬸᬂᬫᬦᬄᬲᬸᬢᬺᬧ᭄ᬢ᭄ᬬ᭞ᬫᬗ᭄ᬤᬾᬦᬾᬮᬦᬫᬳᬸᬭᬶᬧ᭄᭟᭜᭟ᬲᬶᬕ᭄ᬲᬶᬕᬦ᭄ᬳᬶᬧᬸᬦ᭄ᬳᬶᬮᬸᬢᬸᬂ᭞ᬲᬶᬂᬩᬶᬓ
[᭔᭖ 46A]
ᬲᬂᬫ᭄ᬭᬲᬧᭂᬮᬶᬄ᭞ᬳᬶᬥᭂᬧ᭄ᬜᬦᬾᬓᬤᬸᬂᬭᬸᬲᬓ᭄᭞ᬤᬤᬶᬳᬾᬗ᭄ᬕᬮ᭄‌ᬬᬫᬫᬸᬜᬶ᭞ᬫᬢᬗ᭄ᬕᭂᬄᬭᬶᬂᬳᬶᬓᬓ᭄ᬯ᭞ᬓᬳᬶᬳᭂᬦᬸᬗᬍᬓᬲ᭄ᬚᬦᬶ᭟᭜᭟ᬲᬂᬓᬓ᭄ᬯᬳᬾᬗ᭄ᬕᬮ᭄ᬫᬦᬸᬦ᭄ᬤᬸᬂ
᭞ᬳᬶᬮᬸᬢᬸᬂᬗᬋᬕᭂᬧ᭄ᬫᬫᬸᬱ᭄ᬝᬶ᭞ᬫᬢᬶᬗ᭄ᬓᬄᬗᬋᬧᬶᬦ᭄ᬩᬂᬩᬂ᭞ᬳᬸᬮᬢ᭄ᬲᬥᬸᬦᬗ᭄ᬳᬶᬂᬘᬸᬯᬶᬮ᭄᭞ᬚᬢᬶᬦ᭄ᬜᬦᬾᬬᬗᬭᬶᬜ᭄ᬘ᭄ᬬᬂ᭞ᬤᬬᬦᬾᬧᬂᬩᬸᬯᬸᬂᬫᬢᬶ᭟᭜᭟ᬳᬶᬮᬸᬢᬸᬂᬲᬸᬯᬾᬫᬚᬸᬚᬸ
ᬓ᭄᭞ᬲᬶᬂᬮᬓᬸᬫᬦᭂᬫ᭄ᬯᬂᬧᭂᬮᬶᬄ᭞ᬓᭂᬦᭂᬄᬓᬤᬸᬂᬓᬧᭂᬲᭂᬮᬦ᭄᭞ᬢ᭄ᬯᬭᬓᭀᬜᬓ᭄ᬲᬶᬤ᭄ᬥᬶ᭞ᬓᬶᬓᬸᬓ᭄ᬧᬗ᭄ᬭᬲᬦᬾᬲᬮ᭄ᬲᬮ᭄᭞ᬦᬄᬲᬸᬩᬪᬬᬕᬦ᭄ᬢᬶ᭟᭜᭟ᬧ᭄ᬭᬕᬢ᭄‌ᬬᬗᬍᬓᬲ᭄ᬤᬶ
ᬢᬸ᭞ᬭᬭᬶᬲ᭄ᬳᬶᬮᬸᬢᬸᬂᬫᬓᬶᬦ᭄ᬓᬶᬦ᭄᭞ᬫᬢᬦ᭄ᬤᬂᬢᬶᬦ᭄ᬤᬓᬾᬕᬧᬄ᭞ᬗᬾᬩ᭄ᬭᬲᬂᬲᬫ᭄ᬩᬶᬮ᭄ᬫᬫᬸᬜᬶ᭞ᬓᬾᬦᬾᬢᬶᬗ᭄ᬓᬄᬲᬂᬧ᭄ᬭᬯᬶᬭ᭞ᬲᬶᬤ᭄ᬥᬫᬗ᭄ᬕᬶᬄᬫᬃᬕ᭄ᬕᬶᬍᬯᬶᬄ᭟᭜᭟ᬳᬶᬓᬓ᭄ᬯᬗᬸ [ 47 ][᭔᭖ 46B]
᭔᭖᭟
ᬘᬧ᭄ᬕᬸᬬᬸ᭞ᬳᭀᬭᬭᬲ᭄ᬳᬶᬩᬦᬾᬤᭂᬓᬶᬮ᭄᭞ᬚᬗ᭄ᬓᬢᬸᬬᬸᬄᬫᬗᬦ᭄ᬢᭀᬲᬂ᭞ᬳᬶᬩᭀᬚᭀᬕ᭄ᬢᬸᬯᬸᬦ᭄ᬫᬗ᭄ᬭᬭᬶᬲ᭄᭞ᬳᬶᬓᬓ᭄ᬯᬦᬸᬕ᭄ᬤᬸᬕᬶᬦ᭄ᬲᬳᬂ᭞ᬲᬳᬫᬸᬜᬶᬫᬦᬓᭀᬦᬶᬦ᭄᭟᭜᭟
ᬮᬸᬢᬸᬂᬲᭂᬤᭂᬂᬓᬾᬬᬲᭂᬤᬸᬢ᭄᭞ᬳᬶᬩᭀᬚᭀᬕ᭄ᬕᭂᬮᬶᬲ᭄ᬜᬯᬸᬢᬶᬦ᭄᭞ᬢᬦ᭄ᬤ᭄ᬭᬸᬄᬲᬚᬳᬶᬓᬓ᭄ᬯ᭞ᬦ᭄ᬢᭀᬓᭀᬦᬾᬢ᭄ᬯᬭᬚᬚᬳᬶᬮ᭄᭞ᬮᬾᬦ᭄ᬲᬚᬩᬶᬓᬲ᭄ᬳᬶᬩ᭞ᬦᬸᬫᬤᬓᬂᬓᬳᬶᬫ᭠
ᬢᬶ᭟᭜᭟ᬓᬳᬶᬓᭀᬦ᭄ᬤᬾᬦ᭄ᬫᬭᬦᬸᬧ᭄ᬢᬸᬧ᭄᭞ᬦᬸᬗ᭄ᬕᬮᬂᬩᬬᬸᬗᬲ᭄ᬢᬸᬭᬶ᭞ᬗᬍᬓᬲᬂᬫᬦ᭄ᬢ᭄ᬭᬧᬜᬶᬗ᭄ᬕᭂᬮᬃ᭞ᬳᬶᬓᬯᬕᭂᬤᭂᬕ᭄ᬢᬸᬃᬗᭂᬜ᭄ᬘᬶᬢ᭄᭞ᬲᬸᬩᬗᭂᬦ᭄ᬤᬶᬄᬗᬩᬃᬳᬩᬃ᭞ᬳᬧᬶᬦᬾᬗᬸᬮᬄ
ᬗᬫᬳᬶᬦ᭄᭟᭜᭟ᬳᬶᬮᬸᬢᬸᬂᬫᬗ᭄ᬭᬲᬓᭂᬩᬸᬲ᭄᭞ᬲᬶᬲᬸᬬᬫᬗᬮᬶᬄᬫᬃᬕ᭄ᬕᬶ᭞ᬤᬶᬲᭂᬮᬕᬦ᭄ᬲᬳᬗᬾᬗᬫ᭄ᬩᬄ᭞ᬫᬓᭂᬘᭀᬲ᭄ᬳᭂᬩᬄᬫᬧᬸᬕ᭄ᬮᬶᬂ᭞ᬜᭂᬍᬓᬾᬢᬾᬓ᭄ᬫᬶᬭᬶᬩ᭄ᬯᬸᬲ᭄ᬧᭂᬚᬄ᭞
[᭔᭗ 47A]
ᬓᬾᬯᬮᬫᬗ᭄ᬲᭂᬗᬦ᭄ᬓᬭᬶ᭟᭜᭟ᬫᬭᬳᬶᬗᭂᬢ᭄ᬗᭂᬤᬢ᭄ᬳᬶᬮᬸᬢᬸᬂ᭞ᬮᬶᬬᬢᬶᬦ᭄ᬩᬸᬮᬸᬦᬾᬮᬶᬕ᭄ᬮᬶᬕ᭄᭞ᬫᬸᬭᬾᬗᬂᬫᬮᬳᬶᬩ᭄ᬗᬗ᭄ᬲᭂᬳᬂ᭞ᬩᭂᬮᬲ᭄ᬫᬓᬓᬲᬶᬳᬦ᭄ᬚᬦᬶ᭞ᬳᭂᬦᭂ
ᬗᬓ᭄ᬦᬧᬸᬦᬶᬓ᭞ᬲᬂᬮᬦ᭄ᬤᬾᬬᬦ᭄ᬓᬳᬸᬘᬧ᭄ᬫᬗ᭄ᬓᬶᬦ᭄᭟᭜᭟ᬧᬸᬄᬲᬶᬦᭀᬫ᭄᭟᭜᭟ᬓᭀᬘᬧ᭄ᬤᬦᬾᬲᬂᬮᬦ᭄ᬤᬾᬬᬦ᭄᭞ᬢᬗ᭄ᬓᭂᬧ᭄ᬚᬾᬕᭀᬲᬤᬚᭂᬕᬶᬕ᭄᭞ᬗᭂᬮᬄᬧᬜ᭄ᬚᬓ᭄ᬮᬶᬬᬸᬧᬶᬲᬦ᭄
᭞ᬫᬕᬶᬮᬶᬃᬗᬬᬳᬶᬦ᭄ᬲᬳᬶ᭞ᬫᬜᬤᬾᬕ᭄ᬓᭂᬋᬂᬕᬢᬶ᭞ᬫᬗᭀᬜᬂᬢ᭄ᬯᬓ᭄ᬳᬓ᭄ᬮᬸᬓᬸᬄ᭞ᬳᬸᬮᬫᬾᬓᬲᭂᬦᭂᬗᬦ᭄᭞ᬳᬸᬮᬦ᭄ᬳᬫᬾᬢ᭄ᬢᬸᬯᬄᬓᬧᬸᬚᬶ᭞ᬢᭂᬮᬲ᭄ᬳᬦ᭄ᬢᬸᬓ᭄᭞ᬤᬦᬾᬳᬩᭀᬜ᭄ᬚᭀᬃ
ᬗᬭᬕ᭟᭜᭟ᬳᬦᬹᬢ᭄ᬯᬃᬡ᭄ᬦᬤᬦᬾᬳᬗ᭄ᬓ᭄ᬭᬓ᭄᭞ᬥᭂᬥᭂᬕᬾᬫᬗᬸᬫᬃᬫᬥᬶ᭞ᬰᬶᬭᬄᬍᬗᬃᬫᬧᬾᬮ᭄ᬧᭂᬮᬦ᭄᭞ᬳᭂᬩᭀᬓᬾᬲᬫᬄᬤᬶᬳᬸᬭᬶ᭞ᬓᬸᬫᬶᬲ᭄ᬩᬭᬓ᭄ᬜᬋᬕᬶᬢ᭄᭞ᬓᬧᬾᬂ [ 48 ][᭔᭗ 47B]
᭔᭗᭟
ᬚᬾᬗ᭄ᬕᭀᬢ᭄ᬜᬦᬾᬳᬢᬸᬩ᭄᭞ᬘᬸᬗᬸᬄᬓᬤᬶᬜᬫ᭄ᬩᬸᬭᬵᬓ᭄ᬢ᭞ᬓᬸᬧᬶᬂᬧᬶᬬᬸᬂᬩᬸᬓᬧᭂᬦ᭄ᬢᬶᬮ᭄᭞ᬮᬶᬦ᭄ᬢᬂᬳᬦᬹᬢ᭄᭞ᬩᬲᬂᬩᬾᬬᭀᬤ᭄ᬫᬕᬾᬦ᭄ᬤᬾᬳᬦ᭄᭟᭜᭟ᬕᬗ᭄ᬲᬸᬄᬧᬗ᭄ᬭᬯᭀ
ᬲᬾᬕᭂᬢᬃ᭞ᬫᬶᬭᬶᬩ᭄ᬢ᭄ᬯᬭᬓᬸᬯᬂᬦᬧᬶ᭞ᬓᬭᬾᬡᭀᬳᬦ᭄ᬢᬶᬦ᭄ᬤᬓ᭄ᬕᬧᬄ᭞ᬯᬦᬭᬓᭀᬩᭀᬃᬗᬭᬗ᭄ᬲᬸᬓᬶᬦ᭄᭞ᬩᬗ᭄ᬕᬫᬯᭀᬓ᭄ᬫᬫᬸᬜᬶ᭞ᬲᬦᬾᬳᬦ᭄ᬚᬤᭂᬫᭂᬦ᭄ᬓᬚᬸᬫ᭄᭞ᬳᬶᬮᬸᬢᬸᬂᬫᬦᬶ᭠
ᬗᭂᬄᬳᭀᬃᬣ᭞ᬩᬳᬦ᭄ᬲᬂᬮᬦ᭄ᬤᬾᬬᬦᬾᬧᬮᬶᬂ᭞ᬢᭂᬓᬳᬮᬸᬄ᭞ᬩᬳᬦ᭄ᬜᬫᬗᭂᬦ᭄ᬢᬸᬗᬶᬦ᭄ᬤᬬ᭟᭜᭟ᬤᬶᬢᬸᬬᬳᬶᬮᬸᬢᬸᬂᬳᬾᬗ᭄ᬕᬮ᭄᭞ᬤᬶᬳᬩ᭄ᬬᬦᬾᬗᬮᬶᬄᬢᬶᬬᬶᬂ᭞ᬗ᭄ᬕ
ᬯᬾᬩᬸᬂᬩᬸᬂᬧᬘᬂᬯᬥᬄ᭞ᬦᬫ᭄ᬩᬸᬦᬂᬢᬾᬗᬾᬲ᭄ᬜᬚᬦᬶ᭞ᬧ᭄ᬭᬕᬢ᭄ᬲᬸᬩᬓᬕᬭᬧᬶᬦ᭄᭞ᬳᬶᬮᬸᬢᬸᬂᬜᭀᬗ᭄ᬓᭀᬓ᭄ᬫᬦᬾᬗ᭄ᬓᭂᬮᬸᬓ᭄᭞ᬢᭂᬗᬾᬲ᭄ᬢᭂᬗᬾᬲ᭄ᬫᬗᬾᬗᬾᬲᬦ᭄᭞ᬫᬲᬾ
[᭔᭘ 48A]
ᬧᬓ᭄ᬗᬶᬯᬦᭂᬗᭂᬦᬶᬦ᭄᭞ᬫᬗ᭄ᬤᬾᬤᬸᬭᬸᬲ᭄᭞ᬫᬩᬳᬦ᭄ᬳᬩᬸᬂᬩᬸᬂᬤᭀᬯᬂ᭟᭜᭟ᬘᬭᬶᬢᬬᬂᬮᬯᬸᬢ᭄ᬫᬚᬮᬦ᭄᭞ᬕᬧᬄᬗᬾᬕᬄᬢᭀᬮᬄᬢᭀᬮᬶᬄ᭞ᬳᬶᬓᬸᬳᬾᬫ
ᬲᬶᬄᬳᭀᬦ᭄ᬧᬾᬳᬂ᭞ᬘᬶᬭᬶᬢᬗ᭄ᬓᭂᬧ᭄ᬢᬫᬧᬗᬶᬤ᭄᭞ᬢᬦᬸᬘᬧᬦ᭄ᬭᬶᬂᬫᬃᬕ᭄ᬕᬶ᭞ᬕᭂᬮᬶᬲ᭄ᬘᬭᬶᬢᬬᬂᬲᬵᬫ᭄ᬧᬸᬦ᭄᭞ᬧᬋᬓ᭄ᬭᬶᬂᬤᬦᬾᬲᬂᬮᬦ᭄ᬤᬾᬬᬦ᭄᭞ᬫᬦᭂᬕᬓ᭄ᬢᬗ᭄ᬓᭂᬧ᭄ᬘᬮᬶᬭᬶᬂ᭞ᬫ
ᬢᬸᬃᬳᬮᬸᬲ᭄᭞ᬢᬶᬢ᭄ᬬᬂᬫᬦᬸᬦᬲ᭄ᬮᬸᬕ᭄ᬭᬳ᭟᭜᭟ᬲᬂᬮᬦ᭄ᬤᬾᬬᬦ᭄ᬫᬢᭀᬮᬶᬳᬦ᭄᭞ᬜᬭᬾᬭᬾᬮᬶᬬᬢ᭄ᬓᬲᬫ᭄ᬧᬶᬂ᭞ᬳᬶᬄᬘᬳᬶᬓᭀᬳᬶᬯᬦᬭ᭞ᬳᬧᬲᬥ᭄ᬬᬦ᭄ᬘ᭠
ᬳᬶᬫᬳᬶ᭞ᬳᬶᬮᬸᬢᬸᬂᬳᬸᬫᬢᬸᬃᬳᬭᬶᬲ᭄᭞ᬢᬶᬢ᭄ᬬᬂᬯᬦ᭄ᬢᬄᬳᬦᬓ᭄ᬳᬕᬸᬂ᭞ᬜᬥ᭄ᬬᬧᬘᬂᬫᬳᬢᬸᬭᬦ᭄᭞ᬧᭀᬮᬶᬄᬳᬸᬮᬫ᭄ᬯᬦ᭄ᬢᬄᬓᬶᬥᬶᬓ᭄᭞ᬫᬫ᭄ᬤᬤᬸᬭᬸᬲ᭄᭞ᬲᬫ [ 49 ][᭔᭘ 48B]
᭔᭘᭟
ᬢ᭄ᬭᬧᭀᬮᬶᬄᬫᬢᬸᬭᬦ᭄᭟᭜᭟ᬲᬂᬮᬦ᭄ᬤᬾᬬᬦ᭄ᬲᬸᬓ᭄ᬱ᭄ᬫᬧᬶᬲᬦ᭄᭞ᬫᬶᬋᬂᬫᬸᬜᬶᬦᬶᬯᬦᬭᬶ᭞ᬳᬢ᭄ᬕᬶᬦ᭄ᬤᬶᬬᬦ᭄ᬤᬶᬗᭂᬳᬂ᭞ᬫᬶᬭᬶᬩ᭄ᬫᬢᬧᬓᬦ᭄ᬕᬜ᭄ᬚᬶᬄ᭞ᬓᬓᭂᬘᬧ᭄ᬜ
ᬦᬾᬫᬦᬶᬲ᭄᭞ᬧᬧᭂᬲᭀᬦ᭄ᬫᬸᬮᬸᬓ᭄ᬢᬸᬃᬳᬮᬸᬲ᭄᭞ᬕᭂᬢᬃᬢᬗ᭄ᬓᭂᬧᬾᬦᬧ᭄ᬢᬧ᭄᭞ᬲᭀᬮᬄᬮᬶᬦ᭄ᬢᬂᬧᬗᬸᬲ᭄ᬳᬰ᭄ᬭᬶ᭞ᬜᬦ᭄ᬤᬂᬓᬲᬸᬩ᭄᭞ᬫᬳᬤᬦ᭄ᬳᬶᬮᬸᬮᬸᬢ᭄ᬲ᭄ᬫᬭ᭟᭜᭟ᬲᬶᬂ
ᬜᬮᬳᬂᬲᬂᬮᬦ᭄ᬤᬾᬬᬦ᭄᭞ᬓᭂᬦᭂᬳᬲᬓᬶᬂᬢ᭄ᬯᬲ᭄ᬚᬵᬢᬶ᭞ᬳᬸᬮᬫᬾᬮᬦ᭄ᬢᬲ᭄ᬓᬢᬗ᭄ᬕᬧ᭄᭞ᬦᬄᬚᬦᬶᬓᬳᬶᬳᬶᬤᬶᬳᬶᬦ᭄᭞ᬲᬳᬤᬦ᭄ᬜᬦᬾᬤᬶᬦᬶ᭞ᬓᬳᬶᬯᬦ᭄ᬢᬄ
ᬫᬫᬶᬢᬸᬳᬸ᭞ᬲᬸᬓᬫᬫ᭄ᬩᬳᬂᬳᬶᬩ᭞ᬓᬳᬶᬫᬍᬍᬲ᭄ᬦᬾᬚᬦᬶ᭞ᬯᬶᬭᬾᬄᬢᬸᬳᬸ᭞ᬳᬶᬩᬲᬸᬓᬓᬸᬫᬜᬫ᭟᭜᭟ᬳᬶᬮᬸᬢᬸᬂᬫᬢᬸᬃᬫᬓᭂᬫ᭄ᬧ᭄ᬬᬂ᭞ᬯᬶᬢ᭄ᬲᬥ᭄ᬬᬦ᭄ᬢᬶ
[᭔᭙ 49A]
ᬢ᭄ᬬᬂᬫᬭᬶᬓᬶ᭞ᬓᬸᬦᬲ᭄ᬘᬾᬂᬘᬾᬂᬫᬶᬯᬄᬓᭂᬦ᭄ᬤᬂ᭞ᬫᬮᬶᬄᬧᬗᬶᬦᬳᬲᬶᬓᬶ᭞ᬧᬘᬂᬧᬗᬾᬮᬶᬗᬾᬮᬶᬂ᭞ᬓᬮᬶᬄᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬸᬧᬸᬄ᭞ᬗᬦᬸᬢᬂᬕᬕᭂᬦ᭄ᬤᬶᬗᬦ᭄᭞ᬫ
ᬗ᭄ᬤᬾᬦᬾᬳᭂᬜᬓ᭄ᬫᬓᬶᬮᬶᬢ᭄᭞ᬫᬗ᭄ᬤᬫᬦᬹᬢ᭄᭞ᬩᬭᭀᬂᬢᬾᬗ᭄ᬓᬾᬓ᭄ᬢᬢᬸᬭᬳᬦ᭄᭟᭜᭟ᬩᬗ᭄ᬕᬬᬂᬓᬾᬲᬓᬶᬂᬧ᭄ᬭᬲᬓ᭄᭞ᬓᬾᬦ᭄ᬓᬾᬦ᭄ᬓᬾᬲᭂᬦᭂᬂᬳᬶᬕᬸᬲ᭄ᬢᬶ᭞ᬳᬦᬹᬢ᭄ᬕᭂᬦ᭄ᬤᬶᬂᬭ
ᬭᬕ᭄ᬭᬳᬦ᭄᭞ᬢ᭄ᬬᬂᬤᬸᬯᭂᬕ᭄ᬫᬗᬗ᭄ᬲᭂᬮᬶᬦ᭄᭞ᬫᬗ᭄ᬤᬾᬦ᭄ᬜᬲᬶᬤ᭄ᬥᬫᬓᬶᬮᬶᬢ᭄᭞ᬓᭂᬦ᭄ᬤᬂᬘᬾᬂᬘᬾᬂᬳᬦᬹᬢ᭄ᬧᬸᬧᬸᬄ᭞ᬓᬺᬦ᭄ᬢᭂᬦᬾᬲᬂᬮᬦ᭄ᬤᬾᬬᬦ᭄᭞ᬓᬳᬶᬯᬦ᭄ᬢᬄᬫᬦ᭄ᬤᬕᬶᬗᬶᬦ᭄᭞ᬲᬧᬗ᭄ᬮᬸᬗ᭄ᬲᬸᬃ᭞
ᬳᬶᬩᬮᬸᬢᬸᬂᬢᭂᬓᬾᬦᬶᬭ᭟᭜᭟ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄ᬓᬧᬶᬘᬬᬂ᭞ᬓᬤᬶᬧᬶᬦᬸᬦᬲ᭄ᬜᬲᬫᬶ᭞ᬳᬶᬮᬸᬢᬸᬂᬍᬕᬦᬭᬶᬫ᭞ᬳᬶᬗ᭄ᬕᬶᬄᬕᬸᬲ᭄ᬢᬶᬢᬶᬢ᭄ᬬᬂᬧᬫᬶᬢ᭄᭞ᬤᬾᬦᬶᬂᬲᬫᬶᬲᬵᬫ᭄ᬧᬸᬦ᭄ᬧᭀ [ 50 ][᭔᭙ 49B]
᭔᭙᭟
ᬮᬶᬄ᭞ᬦᬄᬮᬯᬸᬢᬂᬫᬸᬮᬶᬄᬮᬸᬢᬸᬂ᭞ᬳᬶᬗᭂᬢᬂᬧᬗᭂᬲᭂᬦᬶᬭ᭞ᬫᬦᬶᬧ᭄ᬯᬦ᭄ᬲᬶᬂᬜᬩᬸᬯᬶᬦ᭄᭞ᬳᬶᬩᬮᬸᬢᬸᬂ᭞ᬫᬩᬳᬦ᭄ᬳᬩᬬᬂᬦᬶᬭ᭟᭜᭟ᬳᬦᬸᬓᬤᬸᬂᬫᬧᬸᬧᬸᬢᬦ᭄᭞ᬤᭂᬫᭂᬦᬶ
ᬭᬦᬾᬗᬶᬬᬸᬦᬶᬦ᭄᭞ᬦᬾᬳᬩᬦᬶᬩᬦᬸᬫᬢᬳᬦ᭄᭞ᬗᭂᬮᬄᬩᬗᬾᬭᬦ᭄ᬳᬕᬶᬕᬶᬲ᭄᭞ᬳᬶᬮᬸᬢᬸᬂᬫᬲᬯᬸᬃᬓᭂᬜᬶᬃ᭞ᬢᬶᬢ᭄ᬬᬂᬗᬭᬸᬭᬸᬂᬳᬂᬤᬸᬫᬸᬦ᭄᭞ᬬᬦ᭄ᬧᭀᬮᬶᬄᬕᭂᬮᬶᬲ᭄ᬓᬢᬸᬭᬂ᭞
ᬳᬶᬗ᭄ᬕᬶᬄᬢᬶᬢ᭄ᬬᬂᬫᬧᬫᬶᬦ᭄᭞ᬲᬸᬯᬾᬲᬵᬫ᭄ᬧᬸᬦ᭄᭞ᬢᬶᬢ᭄ᬬᬂᬢᬦ᭄ᬫᬫ᭄ᬧᬸᬄᬦᭂᬕᬓ᭄᭟᭜᭟ᬳᬶᬮᬸᬢᬸᬂᬩᬸᬯᬶᬦᬸᬘᬧᬂ᭞ᬲᬩᬸᬤᬮ᭄ᬜᬦᬾᬫᬶᬮᬶᬳᬶᬦ᭄᭞ᬓᬬᬸᬦᬾᬧᬘᬂᬢᭀᬗᭀᬲ᭄ᬜ᭞ᬓᬬᬸ
ᬕᬂᬕᬗᬦ᭄ᬯᬱ᭄ᬝᬦᬶᬦ᭄᭞ᬕᭂᬥᬾᬳᬦᬲ᭄ᬦᭂᬕᭂᬳᬶᬦ᭄᭞ᬗ᭄ᬕᬶᬂᬳᬤᬘᬭᬂᬜᬗᬍᬫ᭄ᬩᬸᬂ᭞ᬤᬶᬢᬸᬫᬓ᭄ᬭᭀᬓ᭄ᬭᭀᬂᬫᭂᬮᬄ᭞ᬳᬶᬩᭀᬚᭀᬕ᭄ᬳᬜ᭄ᬘᭀᬂᬫᬦᬾᬓᬶᬦ᭄᭞ᬩᬭᬂᬳᬶᬧᬸᬦ᭄᭞ᬲᬵᬫ᭄ᬧᬶ
[᭕᭐ 50A]
ᬦ᭄ᬢᭂᬮᬲ᭄ᬓᬧᭂᬦᬾᬓᬂ᭟᭜᭟ᬲᬢᭂᬓᭂᬤᬾᬤᬶᬤᬸᬯᬸᬃᬓᭀᬘᬧ᭄᭞ᬦᬩ᭄ᬤᬩ᭄ᬢᭂᬕᬓ᭄ᬲᬵᬫ᭄ᬧᬸᬦ᭄ᬩᭂᬘᬶᬓ᭄᭞ᬫᬃᬕ᭄ᬕᬶᬧᬘᬂᬫᬦᬩᬸᬳᬂ᭞ᬗ᭄ᬕᬯᬾᬭᬶᬗ᭄ᬓᬸᬄᬓᭂᬚᬢ᭄ᬓᭂᬚᬶᬢ᭄᭞ᬗᬮᬯᬸᬢ᭄‌ᬬᬧᭂᬲᬸ
ᬫᬸᬜᬶ᭞ᬳᬮᬸᬲ᭄ᬕᭂᬦ᭄ᬤᬶᬂᬜᬦᬾᬫᬸᬧᬸᬄ᭞ᬲᬂᬮᬦ᭄ᬤᬾᬬᬦ᭄ᬤᭂᬫᭂᬦ᭄ᬗᬫᬄ᭞ᬢᬾᬗᬾᬲ᭄ᬓᬸᬦᬾᬳᬶᬧ᭄ᬮᬯᬗ᭄ᬕᬶ᭞ᬧᬾᬓ᭄ᬤᬸᬕ᭄ᬧᬾᬓ᭄ᬤᬸᬕ᭄᭞ᬘᬾᬂᬓᬾᬬᭀᬓ᭄ᬫᬗᬗ᭄ᬲᭂᬮᬂ᭟᭜᭟ᬧᬸᬄᬥᬸᬃᬫ᭄ᬫ᭟᭜᭟ᬩᬸ
ᬲᬦ᭄ᬩᬸᬲᬦᬶᬩᭀᬚᭀᬕ᭄ᬫᬕᬕᭂᬦ᭄ᬤᬶᬗᬦ᭄᭞ᬦᬩᬸᬄᬓᭂᬦ᭄ᬤᬂᬘᬾᬂᬘᬾᬂᬫᬮᬶᬄ᭞ᬳᬬᬫ᭄ᬓᬓᬾᬬᭀᬓᬂ᭞ᬤᬤᬶᬓᬢᬄᬦ᭄ᬤᬶᬗᭂᬳᬂ᭞ᬲᬂᬮᬦ᭄ᬤᬾᬬᬦ᭄ᬓᬗ᭄ᬕᭀᬦ᭄ᬕᭂᬦ᭄ᬤᬶᬂ᭞ᬗ᭠
ᬚᭂᬗᬂᬳᬸᬮᬫ᭄᭞ᬢ᭄ᬭᬵᬗᬾᬲ᭄ᬜᬦᬾᬳᬶᬧ᭄ᬮᬯᬕᬶ᭟᭜᭟ᬤᬤᬶᬮᬸᬫ᭄ᬩ᭄ᬭᬄᬳᭀᬃᬣᬦᬾᬓᬤᬾᬰᬤᬾᬰ᭞ᬧᬜ᭄ᬚᬓᬾᬘᭂᬦᬶᬓ᭄ᬘᭂᬦᬶᬓ᭄᭞ᬲᬫ᭄ᬩᭂᬦ᭄ᬫᬕ᭄ᬮᬶᬬᬸᬭᬦ᭄᭞ [ 51 ][᭕᭐ 50B]
᭕᭐᭟
ᬓᬢᬄᬧᬥᬫᬤᭂᬳᭂᬧᬦ᭄᭞ᬦ᭄ᬤᬶᬗᭂᬳᬂᬮᬸᬢᬸᬂᬫᬕᭂᬦ᭄ᬤᬶᬂ᭞ᬫᬗ᭄ᬕᬯᬾᬚᭂᬗᬄ᭞ᬗᭂᬮᬄᬕᬸᬲ᭄ᬢᬶᬓᬚᬳᬶᬮᬶᬦ᭄᭟᭜᭟ᬕᭂᬮᬶᬲ᭄ᬓᬢᬸᬃᬢᭂᬓᬾᬦ᭄ᬤᬦᬾᬲᬮᬦ᭄ᬤᬾᬬ
ᬦ᭄᭞ᬩᬳᬦ᭄ᬳᬤᬩᭀᬚᭀᬕ᭄ᬩᭂᬗᬶᬮ᭄᭞ᬕᭂᬦ᭄ᬤᬶᬗᬾᬗᬯᬯᬶᬭᬂ᭞ᬗᬸᬘᬧᬂᬲᬂᬮᬦ᭄ᬤᬾᬬᬦ᭄᭞ᬗᬫᬄᬢᬾᬗᬾᬲᬶᬧ᭄ᬮᬯᬕᬶ᭞ᬫᬢᬶᬫ᭄ᬧᬮ᭄ᬓᭂᬦ᭄ᬤᬂ᭞ᬘᬾᬂᬘᬾᬂᬲᬶᬬᬧ᭄ᬫᬗᭂᬫ᭄ᬧᬸᬮᬶ
ᬦ᭄᭟᭜᭟ᬤᬶᬢᬸᬕᭂᬤᭂᬕ᭄ᬲᬂᬮᬦ᭄ᬤᬾᬬᬦ᭄ᬦᬸᬦ᭄ᬤᬾᬦ᭄ᬫᭂᬤᬲᬂ᭞ᬧᬜ᭄ᬚᬓᬾᬘᭂᬦᬶᬓ᭄ᬘᭂᬦᬶᬓ᭄᭞ᬧᬕᬺᬤᭂᬕ᭄ᬫᬚᬮᬦ᭄᭞ᬲᬳᬲᬶᬓᭂᬧ᭄ᬫᬓᭂᬚᬂ᭞ᬧ᭄ᬭᬬᬗᭂᬚᬸᬓᬶᬯᬦᬭᬶ᭞ᬩᬳ᭠
ᬦ᭄ᬜᬦᬾᬘᭀᬗᬄ᭞ᬭᬶᬂᬕᬸᬲ᭄ᬢᬶᬳᬕᬸᬂᬤᬶᬦᬶ᭟᭜᭟ᬤᬤᬶᬗ᭄ᬭᬓ᭄ᬱᬶᬂᬮᬦ᭄ᬤᬾᬬᬦ᭄ᬦᬤ᭄ᬢᬤ᭄ᬢᬸᬫ᭄ᬩᬓ᭄᭞ᬤᭂᬗ᭄ᬓᬓ᭄ᬤᭂᬗ᭄ᬓᬶᬓ᭄ᬫᬫᬃᬕ᭄ᬕᬶ᭞ᬍᬗᬭᬾᬲᭂᬩᬸᬄᬮᬦ᭄ᬤᬂ᭞ᬫᬢᬦᬾᬦᭂᬮᬶᬓ᭄ᬩ᭠
[᭕᭑ 51A]
ᬭᬓ᭄᭞ᬫᬗᬾᬗᬧ᭄ᬤᬦᬾᬫᬫᬃᬕ᭄ᬕᬶ᭞ᬤᬶᬚᬢᭀᬗᭀᬲ᭞ᬚᬮᬦᬺᬚᭂᬓ᭄ᬦᬾᬦᬾᬚᬦᬶ᭟᭜᭟ᬤᬶᬸᬂᬢᬶᬸᬂᬦᭂᬓᭂᬤ᭄ᬤᬶᬢᬸᬤᬤᬶᬫᬮᬶᬬᬢ᭄ᬫᭂᬦᬾᬓᬦ᭄᭞ᬗᭂᬦᬄᬬᬳᬶᬯᬦᬭᬷ᭞ᬫ
ᬲᬶᬄᬫᬕᬕᭂᬦ᭄ᬤᬶᬗᬦ᭄᭞ᬲᬂᬮᬦ᭄ᬤᬾᬬᬦ᭄ᬤᬶᬗᭂᬳᬂ᭞ᬳᬳᬶᬄᬲᬚᬓᭀᬢ᭄ᬯᬭᬧᭂᬮᬶᬄ᭞ᬩᬸᬓᬫᬸᬜᬶᬦ᭄ᬜ᭞ᬗᭀᬭᬳᬂᬩᭀᬚᭀᬕ᭄ᬩᬜ᭄ᬘᬸᬭᬶ᭟᭜᭟ᬬᬳᬶᬩᭀᬚᭀᬕ᭄ᬧᭂᬤ
ᬲ᭄ᬫᬗᭂᬦᭀᬢ᭄ᬲᬂᬮᬦ᭄ᬤᬾᬬᬦ᭄᭞ᬤᬤ᭄ᬬᬜᬧᭂᬲᬸᬩᬗ᭄ᬕᬶ᭞ᬲᬬᬦ᭄ᬦᬗᬸᬦ᭄ᬩᬶᬓᬲ᭄᭞ᬩᬸᬗᬸᬢ᭄ᬦᬾᬮᬯᬸᬢ᭄ᬗᬸᬘᬸᬗᬂ᭞ᬫᬗ᭄ᬮᬮᬶᬬᭂᬃᬓᭂᬚᬢ᭄ᬓᭂᬚᬶᬢ᭄᭞ᬢᬸᬃᬓᭂᬤᬾᬓ᭄ᬗᬓᬓ᭄᭞ᬳᬄᬳᬄ
ᬳᬶᬄᬳᬄᬳᬄᬳᬶᬄ᭟᭜᭟ᬲᭂᬓ᭄ᬱᭂᬓ᭄ᬕᭂᬤᭂᬥᭂᬧ᭄ᬜᬦᬾᬲᬂᬮᬦ᭄ᬤᬾᬬᬦ᭄᭞ᬮᬯᬸᬢ᭄ᬫᬫᬶᬦ᭄ᬢᬓᬦ᭄ᬢᬶ᭞ᬗᬭᬜ᭄ᬘᬦᬉᬧᬬ᭞ᬜᬳᬢᬂᬫᬗ᭄ᬤᬾᬲᬶᬤ᭄ᬥ᭞ᬩᬓᬢ᭄ᬜᬦᬾᬳᬶᬯᬦ [ 52 ][᭕᭑ 51B]
᭕᭑᭟
ᬭᬷ᭞ᬦ᭄ᬤᬸᬍᬕᬶᬦ᭄ᬫᬦᬄ᭞ᬗ᭄ᬕᬯᬾᬦᬂᬚᭂᬗᬄᬫᬢᬶ᭟᭜᭟ᬩᬳᬦᬯᬓᬾᬳᭀᬭᬳᬗᬤᭂᬫᭂᬦ᭄ᬗᬫᬄ᭞ᬢᬾᬗᬾᬲ᭄ᬜᬳᬶᬮᬸᬢᬸᬂᬩᭂᬗᬶᬮ᭄᭞ᬳᬸᬮᬄᬳᬤᬦᬶᬦ᭞ᬳᬯᬓᬾᬓᬶ
ᬭᬂᬧᬭᬶᬓ᭄ᬱ᭞ᬓ᭄ᬭᬡᬓᬾᬦᬾᬩᬸᬓᬚᬦᬶ᭞ᬩᬲ᭄ᬮᬚᬸᬧᬶᬲᬦ᭄᭞ᬦᬸᬯᬸᬓᬶᬦ᭄ᬤᭂᬫᭂᬦ᭄ᬳᬢᬶ᭟᭜᭟ᬲᬗ᭄ᬓᬦ᭄ᬲᭂᬗ᭄ᬓᬧᬘᬂᬗᬮᬶᬄᬓᬓᬲᬶᬳᬦ᭄᭞ᬬᬦ᭄ᬲᬶᬂᬲᬸᬩᬲᬯᬯᬶ᭞ᬗᬦᬹᬢᬂ
ᬲᬓᬃᬱ᭞ᬤᬶᬢᬸᬭᬭᬶᬲ᭄ᬮᬦ᭄ᬢᬸᬭᬂ᭞ᬫᬯᬦᬦ᭄ᬲᬂᬮᬦ᭄ᬤᬾᬬᬦ᭄᭞ᬬᬫᬲᬳᬢᬦ᭄᭞ᬳᬶᬬᬸᬓᬶᬸᬂᬳᬶᬸᬂᬕᬶᬸᬂᬬᬸᬓᬳᬗ᭄ᬕᬾᬦ᭄ᬓᬦ᭄ᬢᬶ᭟᭜᭟ᬭᬭᬶᬲ᭄ᬮᬸᬯᬲ᭄ᬕᬕᭂᬮᬶᬲᬦ᭄ᬲᬂᬮᬦ᭄ᬤᬾᬬ
ᬦ᭄᭞ᬳᬶᬬᬸᬬᬸᬓᭀᬘᬧ᭄ᬚᬦᬶ᭞ᬦᬸᬚᬸᬫᬳᬗ᭄ᬕᬸᬭᬦ᭄᭞ᬲᬕᭂᬢ᭄ᬢᭂᬓᬲᬂᬮᬦ᭄ᬤᬾᬬᬦ᭄᭞ᬳᬶᬬᬸᬬᬸᬳᬾᬗ᭄ᬕᬮ᭄ᬜᬕ᭄ᬚᬕᬶᬦ᭄᭞ᬥᬸᬄᬕᬸᬲ᭄ᬢᬶᬗᬸᬭᬄ᭞ᬓᬶᬚᬧᬫᬃᬕ᭄ᬕᬶᬦᬶᬕᬸᬲ᭄ᬢᬶ᭟᭜᭟
[᭕᭒ 52A]
ᬲᬂᬮᬦ᭄ᬤᬾᬬᬦ᭄ᬫᬸᬜᬶᬲᭂᬤᭂᬕ᭄ᬫᬕᬢ᭄ᬫᭂᬕᬢ᭄᭞ᬥᬸᬄᬬᬸᬬᬸᬦᬄᬓᬾᬚᬦᬶ᭞ᬢᬸᬮᬸᬗᬶᬦ᭄ᬚᬦᬶᬭ᭞ᬳᭂᬤᬳᭂᬗ᭄ᬕᬧ᭄ᬢᭂᬓᬾᬦᬶᬭ᭞ᬩᬋᬂᬦᭂᬫᬸᬳᬮᬩᭂᬘᬶᬓ᭄᭞ᬬᬾᬦ᭄ᬲᬶᬤ᭄ᬥᬲᬥ᭄ᬬ᭞
ᬩᬓᬢᬶᬩᭀᬚᭀᬕ᭄ᬤᭂᬓᬶᬮ᭄᭟᭜᭟ᬬᬾᬦᬶᬂᬩᬓᬢ᭄ᬩᬳᬦ᭄ᬳᬶᬩᬫᬗᬸᬧᬬ᭞ᬓᬳᬶᬧᬘᬂᬗᬸᬧᬳᬶᬦ᭄᭞ᬤᬶᬢᬸᬧᬂᬩᬦᬯᬂ᭞ᬢᬺᬱ᭄ᬡᬦ᭄ᬓᬳᬶᬦᬾᬮᬶᬦ᭄ᬢᬂ᭞ᬓᬸᬫᬜᬫ
ᬳᬸᬮᬶᬭᬶᬳᬶᬦ᭄᭞ᬳᬶᬬᬸᬬᬸᬓᭀᬘᬧ᭄᭞ᬍᬕᬦᬾᬢᬶᬤᭀᬂᬕᬶᬕᬶᬲ᭄᭟᭜᭟ᬮᬯᬸᬢ᭄ᬫᬫᬸᬃᬣᬶᬫᬚᬸᬚᬸᬓ᭄ᬗᬭᬬᬂᬫᬳᬓᬂ᭞ᬳᬶᬕᬸᬲ᭄ᬢᬶᬩᭂᬢᬾᬦ᭄ᬗᬦ᭄ᬢᬶ᭞ᬢᬶᬢ᭄ᬬᬂᬭᬭᬶᬲ᭄ᬫᬸᬗ᭄ᬕᬄ᭞ᬚ
ᬕᬶᬜᬳᬢᬂᬧᬶᬲᬦ᭄᭞ᬲᬓᬤᬶᬓᬬᬸᬦ᭄ᬳᬶᬕᬸᬲ᭄ᬢᬶ᭞ᬤᬸᬭᬸᬲ᭄ᬘᬭᬸᬯᬂ᭞ᬯ᭄ᬬᬓ᭄ᬢᬶᬢᭀᬂᬗᬾᬫᬦ᭄ᬳᬸᬭᬶᬧ᭄᭟᭜᭟ᬦᬸᬮᬶᬓᬚᭂᬫᬓ᭄ᬩᬳᬦ᭄ᬲᬂᬮᬦ᭄ᬤᬾᬬᬦ᭄ᬓᬸᬲᬧ᭄ᬓᬸᬲᬧ᭄᭞ᬢᬸᬦ᭄ᬤᬸᬦ᭄ᬳᬶ᭠ [ 53 ][᭕᭒ 52B]
᭕᭒᭟
ᬬᬸᬕᭂᬮᬶᬲ᭄᭞ᬲᬦᬾᬓᬳᬸᬘᬧᬂ᭞ᬭᬶᬂᬢᬦ᭄ᬢ᭄ᬭᬷᬓᬫᬦ᭄ᬥᬓ᭞ᬯᬦ᭄ᬢᬄᬳᬶᬩᬦᬾᬓᬧᬸᬚᬶ᭞ᬗᬭᬸᬲᬓ᭄ᬲᬂᬩᬓ᭞ᬓ᭄ᬭᬡᬓᬳᬶᬚᬦᬶᬫᬧᬶᬦ᭄ᬤ᭄ᬭᬶᬄ᭟᭜᭟ᬢᬸᬃᬫᬚᬮᬦ᭄ᬤᬶᬬᬸ
ᬬᬸᬘ᭄ᬭᬶᬡᬶᬢ᭄ᬫᬗ᭄ᬭᬬᬂ᭞ᬫᬗᬮᬶᬄᬳᬶᬯᬦᬭᬷ᭞ᬗᬮᬯᬸᬢ᭄‌ᬬᬫᭂᬦᬾᬓᬂ᭞ᬳᬶᬮᬸᬢᬸᬂᬫᭂᬦᬾᬫᬢᭀᬮᬶᬳᬦ᭄᭞ᬬᬾᬄᬳᬶᬩᬓᬾᬬᬸᬬᬸᬤᭂᬓᬶᬮ᭄᭞ᬫᬦᬗ᭄ᬕᬧ᭄ᬳᬸᬧᬄ᭞
ᬩᬗ᭄ᬓᬳᬶᬩᬩᬳᬦ᭄ᬓᬳᬶ᭟᭜᭟ᬲᬂᬭᬓᬣᬲᬯᬸᬭᬾᬮ᭄ᬯᬶᬃᬫᬥᬸᬤ᭄ᬭᬯ᭞ᬳᬶᬄᬳᬶᬩᬲᬂᬯᬦᬭᬷ᭞ᬳᭂᬤᬲᬸᬫᬗ᭄ᬲᬬ᭞ᬓᬳᬶᬦᬾᬚᬦᬶᬢᭂᬓ᭞ᬲᬓᬶᬂᬫᬦᬄ
ᬢᬸᬯᬲ᭄ᬚᬵᬢᬶ᭞ᬤᭂᬫᭂᬦ᭄ᬤᬶᬗᭂᬳᬂ᭞ᬳᬶᬥᭂᬧᬾᬩᬸᬓᬤᬸᬦ᭄ᬤᬸᬦᬶᬦ᭄᭟᭜᭟ᬯᬶᬭᬾᬄᬫᭂᬮᬄᬩᬳᬦ᭄ᬳᬶᬩᬫᬗᭂᬦ᭄ᬤᬶᬗᬂ᭞ᬍᬗᭂᬂᬫᬸᬧᬸᬄᬫᬓᬶᬮᬶᬢ᭄᭞ᬢ᭄ᬯᬭᬗᭂᬮᬄ
[᭕᭓ 53A]
ᬲᬶᬗ᭄ᬲᬮ᭄᭞ᬧᭂᬲᬸᬫᬶᬍᬤ᭄ᬫᬤᬶᬗᭂᬳᬂ᭞ᬲᬚᬫᬶᬦᬩ᭄ᬕᭃᬦ᭄ᬤᬶᬂᬜᬜᬶ᭞ᬕᭀᬲᭀᬓ᭄ᬗ᭄ᬭᭀᬮ᭞ᬧᬸᬓᬸᬮ᭄ᬧ᭄ᬬᬦᭀᬓᬤᬦᬶᬦ᭄᭟᭜᭟ᬍᬕᬬᬦ᭄ᬤᬶᬗᭂᬄᬫᬸᬜᬶᬦ᭄ᬲᬂᬭ
ᬓᬣ᭞ᬧᭂᬲᬸᬫᬸᬜᬶᬦᬾᬫᬦᬶᬲ᭄᭞ᬫᬮᬸᬦ᭄ᬓᬾᬢᭀᬳᬶᬩ᭞ᬦᬄᬤᬶᬦᬶᬩᬋᬂᬕᭂᬮᬄ᭞ᬚᬮᬦ᭄ᬩᬋᬗᬶᬦ᭄ᬫᬕᭂᬦ᭄ᬤᬶᬂ᭞ᬳᬧᬂᬳᬾᬮᬳᬦ᭄᭞ᬗᬶᬜ᭄ᬚᭂᬗᬂᬧᬸᬧᬸᬄᬕᭂᬦ᭄ᬤᬶᬂ᭟᭜᭟
ᬦᬄᬓᬾᬬᬸᬬᬸᬳᬧᬂᬧᬥᬧᬢᭂᬮᬳᬦ᭄᭞ᬳᬶᬬᬸᬬᬸᬫᬫ᭄ᬩᬋᬗᬶᬦ᭄᭞ᬫᬶᬮᬸᬫᬦᬸᬳᬸᬢᬂ᭞ᬫᬲᭂᬲᭂᬦ᭄ᬤᭀᬦ᭄ᬘᬭᬩᬬᬦ᭄᭞ᬍᬜᭂᬄᬫᬸᬜᬶᬦᬾᬗᬋᬗᬶᬄ᭞
ᬳᬶᬮᬸᬢᬸᬂᬓᬶᬬᬧ᭄᭞ᬍᬍᬄᬫᬦ᭄ᬤᬶᬗᭂᬄᬜᬜᬶ᭟᭜᭟ᬗ᭄ᬭᬫᬂᬳᬶᬮᬸᬢᬸᬂᬲᬩᬶᬸᬂᬫ᭄ᬩᬶᬮ᭄ᬫᬗᬸᬘᬧᬸᬘᬧ᭄᭞ᬦᬄᬕᬶᬕᬶᬃᬲᬮᬶᬂᬲᬶᬓ᭄ᬱᬶᬓ᭄᭞ᬫᬢᬦ᭄ᬕᭂᬮᬄᬓᬶᬬᬧ᭄᭞ [ 54 ][᭕᭓ 53B]
᭕᭓᭟
ᬳᬶᬬᬸᬬᬸᬫᬲᬯᬸᬢ᭄ᬦᬄ᭞ᬦᬗ᭄ᬳᬶᬂᬓᬾᬳᬧᬂᬫᬕᭂᬦ᭄ᬢᬶ᭞ᬳᭂᬤᬳᬶᬩᬫᬶᬢ᭄ᬬ᭞ᬳᬶᬮᬸᬢᬸᬂᬩᬄᬫᬯᬗ᭄ᬲᬶᬢ᭄᭟᭜᭟ᬫᬳᬗ᭄ᬕᬸᬢᬦ᭄ᬓᬶᬚᬧᬂᬫᬢᬦᬾᬓᭂᬜᬢ᭄᭞ᬧᭂᬲᬸ
ᬳᬸᬯᬩ᭄ᬲᬤᬢᬶᬢᬶᬃ᭞ᬳᬶᬬᬸᬬᬸᬜᬶᬓ᭄ᬱᬶᬓ᭄ᬗᬸᬮᬳᬂ᭞ᬮᬯᬸᬢ᭄ᬧᬸᬍᬲ᭄ᬫᬕᬍᬂᬓᭂᬦ᭄ᬤᬂ᭞ᬳᬗ᭄ᬓᬶᬳᬦᬾᬲᬬᬦ᭄ᬳᬭᬶᬲ᭄᭞ᬳᬶᬬᬸᬬᬸᬳᬾᬗ᭄ᬕᬮ᭄᭞ᬘᬸᬗᬸᬄᬜᬦᬾᬓᬚᭂᬧᬶᬢ᭄᭟᭜᭟
ᬫᬓᭂᬚᭂᬗᬦ᭄ᬳᬶᬮᬸᬢᬸᬂᬫᬕᬕ᭄ᬭᬾᬩᬕᬦ᭄᭞ᬮᬩᬸᬄᬬᬗᬸᬮᬶᬦ᭄ᬢᬶᬓ᭄᭞ᬲᬂᬮᬦ᭄ᬤᬾᬬᬦ᭄ᬫᬜᬗ᭄ᬓ᭄ᬯᬓ᭄᭞ᬳᬶᬮᬸᬢᬸᬂᬫᬢᭀᬮᬶᬳᬦ᭄᭞ᬫᬳᬢᭂᬧ᭄ᬲᬶᬓᬸᬗᬚᭂᬗᬶᬢ᭄᭞ᬲᬂᬮ
ᬦ᭄ᬤᬾᬬᬦ᭄ᬗᬸᬘᬧ᭄᭞ᬩᬗ᭄ᬓᬳᬶᬩᬦᬾᬚᬦᬶ᭟᭜᭟ᬢ᭄ᬯᬭᬩᬸᬯᬸᬳᬶᬩᬩ᭄ᬤᬤ᭄ᬢᬫ᭄ᬧᬄᬳᬶᬭ᭞ᬤᭀᬱᬦᬶᬩᬩᬜ᭄ᬘᬭᬶ᭞ᬗᭀᬕᬫᬗᬸᬧᬬ᭞ᬧᬂᬳᬶᬩᬫᬢᬶ
[᭕᭔ 54A]
ᬫᬘᬘᬄ᭞ᬳᬶᬩᭀᬚᭀᬕ᭄ᬩᭂᬗᬶᬮ᭄ᬜᬯᬸᬢᬶᬦ᭄᭞ᬭᬾᬄᬳᬶᬮᬳᬶᬮ᭞ᬕᬫ᭄ᬧᬂᬓᬾᬗᬯᬾᬧᬢᬶ᭟᭜᭟ᬤᬳᬢ᭄ᬓᭂᬢᬶᬮ᭄ᬢᬶᬗ᭄ᬓᬳᬾᬤᬤᬶᬫᬵᬦᬸᬱ᭞ᬬᬦ᭄ᬢᬦ᭄ᬤ᭄ᬭᬸᬄᬭᬶᬂᬓ
ᬤᬤᬶᬦ᭄᭞ᬢᬶᬢ᭄ᬬᬂᬲᬚᬯᬦᬭ᭞ᬯᬶᬥᬶᬦᬾᬧᬘᬂᬓᬸᬤ᭄ᬬᬂ᭞ᬤᬾᬯᬤᬦ᭄ᬥᬦᬾᬜᬶᬧᬢᬶᬦ᭄᭞ᬯᭂᬦᬂᬢᬦ᭄ᬯᭂᬦᬂ᭞ᬗᬯᬮᬢ᭄ᬲᭀᬩ᭄ᬭᬄᬓᬤᬤᬶᬦ᭄᭟᭜᭟ᬢᬶᬢ᭄ᬬᬂᬳᭂᬮ
ᬲ᭄ᬦᬶᬓᬶᬭᬭᬶᬲᬂᬧᬥᭂᬫᬂ᭞ᬕᬸᬲ᭄ᬢᬶᬳᬧᬂᬓᬺᬂᬢᬫ᭄ᬧᬶ᭞ᬦᬵᬭᬓᬦᬾᬲᬶᬬᬸᬢᬶᬩᬦ᭄᭞ᬳᬸᬧᬄᬕᬸᬲ᭄ᬢᬶᬓᬩᬸᬦᬦ᭄᭞ᬢᭂᬓᬾᬦᬶᬂᬳᬸᬚᬭᬶᬂᬳᬚᬶ᭞ᬦᬾᬤᬦ᭄ᬥᬅᬃᬣ᭞ᬫᬓ
ᬤᬶᬤᬦ᭄ᬥᬧᬢᬶ᭟᭜᭟ᬲᬂᬮᬦ᭄ᬤᬾᬬᬤᬤᬶᬫᭂᬦ᭄ᬤᭂᬧ᭄ᬫᬗᭂᬦᭂᬳᬂ᭞ᬧᬶᬮᬶᬄᬫᬭᬲᬚᬵᬢᬶ᭞ᬩᬳᬦ᭄ᬢᬦ᭄ᬓᬧ᭄ᬭᬚᬬ᭞ᬓᬚᭂᬓ᭄ᬚᭂᬓ᭄ᬓᬳᬸᬬᭂᬗᬂ᭞ᬓᬾᬯᬮᬦ᭄ᬜᬦᬾᬳᭂᬤᬫᬢᬶ᭞ [ 55 ][᭕᭔ 54B]
᭕᭔᭟
ᬮᬦ᭄ᬢᬲ᭄ᬓᬳᭂᬦ᭄ᬢᬸᬗᬂ᭞ᬤᬶᬧᬗ᭄ᬓᬸᬗᬾᬫᬧᬸᬕ᭄ᬮᬶᬂ᭟᭜᭟ᬳᭂᬗ᭄ᬲᭂᬓ᭄ᬜᬗ᭄ᬓᭂᬍᬓ᭄‌ᬬᬳᭂᬗ᭄ᬲᬧ᭄ᬢᭂᬓᬾᬦ᭄ᬳᬯᬓ᭄᭞ᬫᬦᭂᬧᬾᬦ᭄ᬳᬫ᭄ᬧᬦ᭄ᬕᬶᬢ᭄ᬕᬶᬢ᭄᭞ᬓᬧᭀᬯᬶᬥᬶᬦᬾᬲᬸᬘᬶᬸᬂᬘᬶᬸᬂᬯᬾᬘ᭞
ᬫᬗᬮᬸᬮᬸᬓ᭄‌ᬬᬦᬸᬳᬸᬦᬂ᭞ᬕᬗ᭄ᬲᬃᬓᬤᬶᬜᬸᬄᬳᬩᬸᬢᬶ᭞ᬫᬭᭀᬗᬭᭀᬗᬦ᭄᭞ᬓᬵᬮᬳᭂᬗ᭄ᬲᬸᬢ᭄‌ᬬᬫᬦᬸᬗ᭄ᬕᬶᬂ᭟᭜᭟ᬤᬶᬧᬓᬸᬦᬾᬳᬶᬮᬸᬢᬸᬂᬓᬲᬸᬯᬾᬦ᭄ᬗᭂᬤᬢ᭄
᭞ᬫᬮᬶᬬᬢ᭄ᬢᬸᬳᬸᬦ᭄ᬳᬶᬤᬶᬂ᭞ᬮᬯᬸᬢ᭄ᬫᬲᬲᬫ᭄ᬩᬢᬦ᭄᭞ᬤᬶᬚᬯᬶᬥᬶᬦᬾᬲᬸᬯᬾᬘ᭞ᬧᬶᬘ᭠ᬬᬂᬲᬦᬾᬓᬓᬮᬶᬄ᭞ᬳᬸᬭᬶᬧ᭄ᬮᬦ᭄ᬧᭂᬚᬄ᭞ᬦᬗ᭄ᬳᬶᬂᬳᬧᬂᬲ᭄ᬯᬃᬕ᭄ᬕᬍᬯᬶᬄ᭟᭜᭟ᬭ ᬲ᭄ᬫᬭᬦ᭄ᬤᬦ
ᬭᬶᬲ᭄ᬗᭂᬦᬄᬳᬶᬢᬢᬦᬶ᭞ᬳᬶᬮᬸᬢᬸᬂᬍᬕᬦᬾᬮᬶᬯᬢ᭄᭞ᬢᬦ᭄ᬧᭂᬮᬶᬄᬚᬦᬶᬢᬓᭂᬳᬾ᭞ᬓᬮᬶᬂᬓᬾᬦᬾᬓᬸᬢᬸᬦ᭄ᬢᬦᬄ᭞ᬳᬓᬾᬦ᭄ᬓᬾᬦ᭄ᬤᬬᬦ᭄ᬳᬶᬩ᭞ᬢᬸᬂᬢᬸᬂᬳᬸᬭᬶᬧ᭄ᬩᬦᬾᬘᭂᬧᬸᬢ᭄᭞
[᭕᭕ 55A]
ᬧᬘᬂᬲᬤᬾᬕ᭄ᬳᬗ᭄ᬕᭀᬦ᭄ᬮᬮᬩ᭄᭟᭜᭟ᬳᬶᬮᬸᬢᬸᬂᬗᭂᬮᬶᬂᬫᬫᬸᬜᬶ᭞ᬳᬾᬄᬳᬾᬄᬳᬶᬗᭂᬢ᭄ᬲᬚᬢᬶᬢ᭄ᬬᬂ᭞ᬭᬶᬂᬧᬶᬢᭂᬓᭂᬢ᭄ᬳᬶᬯᬳᬾ᭞ᬧᬂᬳᭂᬤᬧᬶᬲᬦ᭄ᬢᬶᬢ᭄ᬬᬂᬧᬲᬄ᭞ᬭᬶᬂᬲᬦ᭄ᬢᬦ
ᬦ᭄ᬤᬦᬾᬲᬫ᭄ᬬᬦ᭄᭞ᬯᬬᬄᬲᭂᬫᬸᬢ᭄ᬧᬸᬢᬶᬄᬳᬶᬮᬸ᭞ᬓᬲᬶᬄᬧᬶᬲᬦ᭄ᬓᬸᬫᬜᬫ᭟᭜᭟ᬭᬶᬂᬯᬬᬄᬢᬶᬢ᭄ᬬᬂᬫᬗᬃᬤ᭄ᬥᬶ᭞ᬤᬶᬯᬬᬄᬓ᭄ᬭᬬᬄᬧᭂᬲᬾᬗᬦ᭄᭞ᬤᬶᬓᬦ᭄ᬤᬓᬘᬭᬶᬢ᭠
ᬦᬾ᭞ᬢᬦ᭄ᬲᬾᬯᭀᬲ᭄ᬦᬾᬓᬲᬸᬩ᭄ᬧᬶᬲᬦ᭄᭞ᬯᬶᬯᬾᬓᬢᬸᬃᬯᬶᬘᬓ᭄ᬱᬡ᭞ᬫᬓᬶᬮᬶᬢ᭄ᬫᬲᬶᬮᬶᬄᬳᬸᬭᬸᬧ᭄᭞ᬤᬶᬢᬸᬫᬲᬲᬢ᭄ᬚᬓ᭄ᬤᬤ᭄ᬯ᭟᭜᭟ᬓᬤᬶᬗᭂᬄᬩᬳᬦ᭄ᬳᬶᬢᬢᬦᬶ᭞ᬓ
ᬯᬶᬢᬦ᭄ᬜᬦᬾᬓᬲᬫ᭄ᬩᬢ᭄᭞ᬤᬤᬶᬳᭂᬜᬕ᭄ᬓᭂᬦᭂᬄᬜᬦᬾ᭞ᬦ᭄ᬤᬶᬗᭂᬄᬜᬶᬦ᭄ᬳᬶᬯᬦᬭ᭞ᬗᬮᬯᬸᬢ᭄‌ᬬᬫᬦ᭄ᬤᭂᬲᭂᬓᬂ᭞ᬧᭂᬲᬸᬫᬸᬜᬶᬦ᭄ᬜᬦᬾᬳᬮᬸᬲ᭄᭞ᬥᬸᬄᬭᬭᬶᬲ᭄ᬳᬶᬗ᭄ᬕᬶᬄ [ 56 ][᭕᭕ 55B]
᭕᭕᭟
ᬲᬢ᭄ᬯᬬᬂ᭟᭜᭟ᬬᬾᬓᭀᬩᬕᬸᬲ᭄ᬢᭂᬓᬫᬳᬶ᭞ᬩᬯᬸᬩᬕᬸᬲ᭄ᬦᬸᬚᬸᬤᬶᬚ᭞ᬲᬗ᭄ᬓᬦ᭄ᬧᬶᬋᬂᬲᬫ᭄ᬩᬢ᭄ᬳᬸᬯᬓᬾ᭞ᬫᬗᬫᬾᬤᬦᬾᬳᬶᬯᬬᬄ᭞ᬩᬳᬦ᭄ᬳᬸᬯᬓᬾᬤᬸᬄᬓᬶᬢ᭞ᬳᭂᬚᬸ
ᬓᬩᬳᬦ᭄ᬪᬶᬩᬩᭂᬤᬸᬕ᭄᭞ᬧᬬᬸᬫᬢᬮᬶᬘᬗ᭄ᬓᭂᬮᬶᬗ᭟᭜᭟ᬲᬗ᭄ᬓᬦ᭄ᬳᬸᬯᬓ᭄ᬗᬫᬾᬚᬦᬶ᭞ᬭᬶᬂᬤᬦᬾᬤᬦᬾᬮᬯᬲ᭄᭞ᬤᬳᬢ᭄ᬓᬲᬸᬩ᭄ᬤᬶᬚᬕᬢᬾ᭞ᬳᬸᬯᬓ᭄ᬗᬸᬤᬮᬘᬸᬃ
ᬧᬶᬲᬦ᭄᭞ᬫᬶᬭᬶᬩ᭄ᬢᬸᬲᬶᬂᬓᬲᬦ᭄ᬢᬦ᭞ᬫᬦᬸᬫᬤᬶᬩᭀᬚᭀᬕ᭄ᬲᬶᬕᬸᬕ᭄᭞ᬕᬸᬢᬶᬓᬾᬢᬸᬢᬸᬭᬶᬦ᭄ᬳᬸᬯᬓ᭄᭟᭜᭟ᬬᬾᬦ᭄ᬯᬬᬄᬕᬸᬢᬶᬦᬾ ᬭᬶᬳᬦ᭄᭞ᬤᬸᬓᬾᬭᬶᬂᬲᬸᬦᬦ᭄ᬥᬓᬯ
ᬦ᭞ᬪᬝᬭᬩ᭄ᬭᬵᬳ᭄ᬫᬓᬃᬱᬦᬾ᭞ᬭᬶᬂᬳᬶᬤᬲᬂᬓᬺᬱ᭄ᬡᬅᬃᬚ᭄ᬚᬸᬦ᭞ᬫᬗ᭄ᬤᬲᬫᬶᬫᬜ᭄ᬚᬕ᭞ᬲᬂᬓᬺᬱ᭄ᬡᬜ᭄ᬚᬕᬤᬶᬤᬸᬳᬸᬃ᭞ᬲᬮ᭄ᬯᬶᬃᬦᬾᬫᬓᬩᬸᬃᬲᬫ᭄ᬬᬦ᭄᭟᭜᭟ᬓᭂᬦ
[᭕᭖ 56A]
ᬧᬦᬄᬮᬶᬬᬸᬫᬢᬶ᭞ᬪᬝᬭᬩ᭄ᬭᬵᬳ᭄ᬫᬤᬸᬫᬶᬮᬄ᭞ᬫᬗ᭄ᬕᭂᬲᭂᬂᬳᬶᬲᬶᬦ᭄ᬳᬮᬲᬾ᭞ᬓᭀᬘᬧ᭄ᬤᬦᬾᬲᬂᬅᬃᬚ᭄ᬚᬸᬦ᭞ᬲᬦᬾᬫᬮᬳᬶᬩ᭄ᬲᬫ᭄ᬬᬦ᭄᭞ᬧᬸᬦᬶᬓᬓᬳᭂᬍᬩᬶᬦ᭄ᬳ᭄ᬭᬸ᭞ᬫ
ᬢᬶᬓᬕᭂᬲᭂᬂᬲᬫ᭄ᬬᬦ᭄᭟᭜᭟ᬳᬤᬓᭂᬤᬶᬲ᭄ᬳᭂᬦᬸᬫᬳᬸᬭᬶᬧ᭄᭞ᬳᬚᬓᬢᬢᭂᬮᬸᬫᬜᬫ᭞ᬲᬂᬚᬭᬧᬮᬶᬂᬓᭂᬮᬶᬳ᭞ᬲᬂᬚᬭᬶᬓᬦᬾᬦᭂᬗᬳᬦ᭄᭞ᬓᭀᬘᬧ᭄ᬲᬂᬚᬭᬶ
ᬓᬾᬬ᭞ᬯᬱ᭄ᬝᬦ᭄ᬜᬦᬾᬧᬮᬶᬂᬓᬶᬢᬸᬢ᭄᭞ᬧᬥᬫᬫᬸᬜ᭄ᬘᬭᬂᬯᬾᬤ᭟᭜᭟ᬤᬦᬾᬯᬬᬄᬲᭂᬫᬸᬢ᭄ᬧᬸᬢᬶᬄ᭞ᬲᬋᬂᬫᬲᬶᬄᬫᬗ᭄ᬮᬭᬂ᭞ᬧᬺᬕᭀᬮᬦᬾᬳᬋᬧᬂᬤᬦᬾ᭞ᬳ
ᬤᬫᬤᬦ᭄ᬤᬶᬧᬫᬮ᭞ᬳᭂᬦ᭄ᬢᭀᬓᬾᬓᬭᬡᬧᬸᬃᬡ᭄ᬦ᭞ᬲᬂᬳ᭄ᬬᬂᬅᬕ᭄ᬦᬶᬳᬶᬤᬳᬲᬸᬂ᭞ᬫᬮᬾᬮᬢᭂᬓᬾᬦ᭄ᬳᬶᬯᬬᬄ᭟᭜᭟ᬗ᭄ᬳᬶᬂᬳᬧᬂᬢᭀᬗᭀᬲ᭄ᬤᬶᬕᬶᬕᬶ᭞ᬲᬗ᭄ᬓ [ 57 ][᭕᭖ 56B]
᭕᭖᭟
ᬦ᭄ᬜᬲᬶᬂᬳᬤᬧᬥ᭞ᬦᬦ᭄ᬤᬶᬗᬶᬦ᭄ᬩᬚ᭄ᬭᬤᬦ᭄ᬢᬦᬾ᭞ᬲᬕᭂᬥᬾᬦ᭄ᬓᬬᬸᬦᬾᬳᭂᬩᬄ᭞ᬯᬦ᭄ᬢᬄᬢᬾᬘᭂᬦᬶᬓ᭄ᬫᬮᬾᬮ᭞ᬢᬯᬂᬳᬸᬯᬓ᭄ᬳᬸᬮᬶᬫᬮᬸ᭞ᬕᬸᬢᬶᬢ᭄ᬯᬄᬦᬾᬓᬲᬸᬩ᭄ᬧᬶ
ᬲᬦ᭄᭟᭜᭟ᬳᬶᬢᬢᬦᬶᬗᬶᬜᬸᬓ᭄ᬓᭂᬜᬶᬂ᭞ᬳᬶᬗ᭄ᬕᬶᬄᬓᬾᬤᬸᬭᬸᬲ᭄ᬮᬦ᭄ᬢᬭᬂ᭞ᬘᬘ᭄ᬭᬶᬢᬦ᭄ᬧᬸᬃᬯ᭄ᬯᬓᬦ᭄ᬥᬦᬾ᭞ᬫᬗ᭄ᬤᬾᬢᬸᬮᬸᬲ᭄ᬳᬶᬘᬦ᭄ᬳᬸᬯᬓ᭄᭞ᬫᬳᭀᬓᬭᬶᬂᬢᬶᬢ᭄ᬬᬂ᭞ᬲ
ᬢ᭄ᬓᬤᬶᬳᬶᬓᬬᬸᬮᬸᬢᬸᬓ᭄᭞ᬢᭂᬫ᭄ᬩᬾᬓᬢᬶᬩᬦᬦ᭄ᬯᬃᬱ᭟᭜᭟ᬳᬶᬮᬸᬢᬸᬂᬲᭂᬤᬶᬄᬜᬢ᭄ᬯᬳᬶᬦ᭄᭞ᬲᬗ᭄ᬓᬦ᭄ᬧᬶᬋᬗᬂᬧᭂᬤᬲᬂ᭞ᬳᬤᬲᬢ᭄ᬯᬓᬭᬶᬳᬶᬦᬦᬾ᭞ᬲᬓᬶᬂᬳᬶ
ᬯᬬᬄᬜᬭᬶᬢᬬᬂ᭞ᬳᭂᬦ᭄ᬢᭀᬜᬦ᭄ᬤᬂᬳᬶᬭᬶᬂᬧᬶᬲᬦ᭄᭞ᬳᭂᬤᬩᬜᬜᬮᬄᬳᬸᬢᬸ᭞ᬤ᭄ᬭᭀᬯᬓᬫᬶᬢ᭄ᬭᬳᬤᬦ᭄ᬜ᭟᭜᭟ᬬᬾᬦ᭄ᬳᬤᬓᬓᬲᬶᬳᬦ᭄ᬚᬦᬶ
[᭕᭗ 57A]
ᬓᬤᬸᬄᬓᬶᬢᬦ᭄ᬩᬳᬦ᭄ᬲᬗ᭄ᬳᬭ᭞ᬤᬩᬜᬦ᭄ᬤᬤ᭄ᬬᬂᬳᬶᬥᭂᬧᬾ᭞ᬤᬳᬶᬫᬫᬢᬢᬸᬮᬸᬗᬦ᭄᭞ᬦ᭄ᬢᭀᬲᬂᬥᬃᬫ᭄ᬫᬚᬮᬦᬂ᭞ᬯᬶᬥᬶᬗᬯᬍᬲ᭄ᬳᬸᬕᬶᬩᬾᬲᬸᬓ᭄᭞ᬬᬾᬦ᭄ᬢᬸ
ᬯᬸᬦ᭄ᬩᬸᬯᬶᬦ᭄ᬗᬮᬶᬓᬂ᭟᭜᭟ᬳᬶᬢᬢᬦᬶᬭᬭᬶᬲ᭄ᬫᬫᬸᬜᬶ᭞ᬗᬭᬲᬳᬯᬓ᭄ᬓᬲᬶᬸᬂᬧ᭄ᬬᬸᬢᬗᬦ᭄᭞ᬦᬧᬶᬳᬗ᭄ᬕᬾᬦ᭄ᬳ᭄ᬬᬂᬧᬸᬡ᭄ᬬᬦᬾ᭞ᬫᬦᬯᬸᬃᬲ᭄ᬯᬾᬘᬦᬾᬮᬶᬦ᭄ᬢᬂ᭞ᬥᬸᬄ
ᬤᬾᬯᬯᬦ᭄ᬓᭀᬭᬳᬦ᭄᭞ᬧᬤᬶᬤᬶᬳᬶᬦ᭄ᬕᬸᬢᬶᬢᭀᬂᬩᭂᬮᬸᬃ᭞ᬫᭂᬮᬄᬦᬾᬚᬦᬶᬳᬸᬦ᭄ᬤᬗᬂ᭟᭜᭟ᬗᬢᬶᬃᬢᬶᬃᬬᬳᬶᬢᬢᬦᬶ᭞ᬮᬸᬯᬲ᭄ᬫᬗᬮᬶᬄᬭᭀᬯᬂᬜ᭞ᬫ
ᬘᭂᬍᬧ᭄‌ᬬᬓᬲᭀᬃᬜᬦᬾ᭞ᬦᬸᬚᬸᬓᬸᬫᬶᬸᬂᬫ᭄ᬧᬸᬮ᭄ᬧᬥᬗᬫᬄ᭞ᬳᬶᬢᬢᬦᬶᬫᬗᬢ᭄ᬭᬬᬂ᭞ᬩᬳᬦ᭄ᬳᬤᬩᭀᬚᭀᬕ᭄ᬓᬢᭂᬧᬸᬓ᭄᭞ᬤᬳᬢ᭄ᬯᬶᬓᬦ᭄ᬫᬜᬭᬶᬢ᭟᭜᭟ [ 58 ][᭕᭗ 57B]
᭕᭗᭟
ᬳᬸᬮᬶᬄᬩᬸᬬᬸᬢ᭄ᬳᬶᬬᬳᬸᬦᬶᬂ᭞ᬧᬸᬯ᭄ᬯᬓᬦ᭄ᬤᬦ᭄ᬳᬯᬓᬾᬲᬫ᭄ᬬᬦ᭄᭞ᬓᬳᬶᬫᭂᬤ᭄ᬤᬶᬗᭂᬄᬲᬢ᭄ᬯᬦᬾ᭞ᬲᬶᬂᬲᬫ᭄ᬩᬢᬚᬵᬢᬶᬳᭀᬜ᭞ᬳᬶᬩᬧᬫᬜᬢ᭄ᬯᬬᬂ᭞ᬦᬸᬢᬸᬭᬂᬓᬳᬸᬘ
ᬧ᭄ᬦᬾᬫᬮᬸ᭞ᬢ᭄ᬯᬭᬤᬲᬶᬯᬄᬫᬓᭂᬚᬂ᭟᭜᭟ᬦᬗ᭄ᬳᬶᬂᬢᬾᬳᬶᬩᭀᬚᭀᬕ᭄ᬚᬦᬶ᭞ᬬᬗᬢᭂᬧᬸᬓᬶᬂᬦ᭄ᬤᬸᬄᬓᬶᬢ᭞ᬚᬦᬶᬬᬦ᭄ᬢᬦ᭄ᬳᬚᬓ᭄ᬳᭀᬫ᭄ᬩᬾᬄ᭞ᬫᬦᬶᬲ᭄ᬢᬶᬲᬶᬦ᭄‌ᬬᬓ
ᬮᬭᬦ᭄᭞ᬧᬶᬮᬶᬄᬳᬶᬗᭂᬢ᭄‌ᬬᬫᬦ᭄ᬬᬦ᭄᭞ᬤᬢᭂᬓᬧᬢᬹᬢ᭄ᬩᬳᬦᬾᬮᬶᬬᬸ᭞ᬭᬭᬶᬲ᭄ᬫᬩᭂᬍᬤ᭄ᬫᬜᬕ᭄ᬚᬕ᭄᭟᭜᭟ᬩᬯᬸᬢᭂᬓᬳᬶᬢᬢᬦᬶ᭞ᬳᬶᬮᬸᬢᬸᬂᬓᭂᬜᭂᬫ᭄ᬳᬗᬸ
ᬘᬧ᭄᭞ᬕᭂᬮᬶᬲ᭄ᬢᬫ᭄ᬧᭂᬓᬂᬭᬵᬕᬦᬾ᭞ᬲᬸᬯᬾᬲᬦ᭄ᬳᬸᬯᬓ᭄ᬗᬦ᭄ᬢᭀᬲᬂ᭞ᬦᬶᬓᬶᬫᬤᬦ᭄ᬲᬸᬯᬾᬘᬧᬶᬲᬦ᭄᭞ᬲᬲᬗᬶᬦ᭄ᬳᬸᬯᬓ᭄ᬫᬗᬶᬧᬸᬓ᭄᭞ᬤ᭄ᬭᬶᬓᬶᬕᬸᬢᬶᬳᬚᬓ᭄ᬲᬫ᭄ᬬᬦ᭄
[᭕᭘ 58A]
᭟᭜᭟ᬢᬮᬶᬦᬾᬓᬋᬩᬸᬢ᭄ᬕᭂᬮᬶᬲ᭄᭞ᬳᬚᬳᬦ᭄‌ᬬᬩ᭄ᬭᬱ᭄ᬝᬧᭂᬕᬢ᭄᭞ᬯᬯᬶᬮᬗᬦ᭄ᬢᬢᬦᬶᬦᬾ᭞ᬯᬾᬦ᭄ᬢᭂᬦ᭄ᬫᬶᬦᬩ᭄ᬲᬋᬂᬤᭀᬫᬲ᭄᭞ᬳᬶᬩᭀᬚᭀᬕ᭄ᬮᬯᬸ
ᬢ᭄ᬳᬗᬸᬘᬧ᭄᭞ᬤ᭄ᬭᬶᬓᬶᬳᬕᬸᬰᬦ᭄ᬢᬶᬫᬮᬸ᭞ᬯᬓ᭄ᬳᬢᭂᬕᭂᬦ᭄ᬗᬮᬶᬄᬢᬸᬯᬓ᭄᭟᭜᭟ᬳᬶᬢᬢᬦᬶᬫᬾᬲᭂᬫ᭄ᬓᭂᬜᬶᬂ᭞ᬳᬶᬩᭀᬚᭀᬕ᭄ᬫᬗ᭄ᬮᬯᬸᬢ᭄ᬮᬸᬯᬲ᭄᭞ᬫᭂᬦᬾᬓᬶᬦ᭄ᬧᬸ
ᬜᬦ᭄ᬚᬓᬦᬾ᭞ᬲᬓᬶᬂᬕᭂᬮᬶᬲᬶᬂᬘᬭᬶᬢ᭞ᬳᬶᬢᬢᬦᬶᬓᬢᬫ᭄ᬩᬸᬦᬂ᭞ᬫᬓᬸᬫ᭄ᬧᬸᬮ᭄ᬓᬾᬕᬸᬢᬶᬳᬕᬸᬲ᭄᭞ᬲᬶᬓᬶᬲᬫᬶᬤᬳᬃᬢᬸᬯᬓ᭄᭟᭜᭟ᬭᬭᬶᬲ᭄ᬗᬫ᭄ᬧᬸ
ᬮᬸᬓ᭄ᬳᬶᬢᬢᬦᬶ᭞ᬳᬶᬩᭀᬚᭀᬕ᭄ᬫᬾᬬᭀᬓᬶᬦ᭄ᬢᬸᬯᬓ᭄᭞ᬲᬶᬂᬓᬫ᭄ᬩᬂᬓᬚᭂᬫᬓ᭄ᬳᬕᬾ᭞ᬯᬓ᭄ᬦᬫ᭄ᬩᬸᬦᬂᬕᬸᬢᬶᬧᬸᬜᬄ᭞ᬲᬗ᭄ᬓᬦ᭄ᬤᬚᬦᬯᬂᬚᬗ᭄ᬓ᭞ᬧᬬᬸᬕᬶᬕᬶᬃᬩᬸᬗᬸᬢ᭄ᬩᬸᬘᬸᬂ᭞᭠ [ 59 ][᭕᭘ 58B]
᭕᭘᭟
ᬲᬲᬗᬶᬦᬾᬗᭂᬲᭀᬧ᭄ᬲᬫ᭄ᬬᬦ᭄᭟᭜᭟ᬳᬶᬮᬸᬢᬸᬂᬗᬶᬘᭂᬫ᭄ᬫᬦᬶᬢᬶᬮ᭄᭞ᬫᬓᬓᬯᬶᬦ᭄‌ᬬᬗᬭᬫ᭄ᬩᬂ᭞ᬦ᭄ᬤᬶᬓᬯᬯᬢᭂᬓᬲᬶᬂᬯᭀᬂ᭞ᬲᬗ᭄ᬲᬭᬫᬹᬃᬢ᭄ᬢᬶᬢᬸᬭᬶᬤ᭞ᬭᬶᬦᬶ
ᬫ᭄ᬧᬸᬲ᭄ᬤᬾᬲᬂᬮᬦ᭄ᬤᬾᬬᬦ᭄᭞ᬓᬶᬂᬓᬶᬂᬢᬦᬦᬫᬗ᭄ᬮᬶᬗᬸ᭞ᬫᬗ᭄ᬓᬾᬗ᭄ᬯᬂᬯᬋᬕᬦᭂᬥ᭟᭜᭟ᬧ᭄ᬭᬶᬳᬦ᭄ᬢᭂᬫᭂᬦ᭄ᬲᬗ᭄ᬓᬦ᭄ᬜᭂᬤᬶᬢ᭄᭞ᬥᬃᬫ᭄ᬫᬤᬸᬫᬂᬦᬶᬓᬂᬲᬭᬵᬢ᭄᭞ᬲᬵᬭᬕᬘᬸ
ᬯᬶᬮ᭄ᬧᬓ᭄ᬱᬦᬾ᭞ᬬᬦ᭄ᬢᬦ᭄ᬫᬗ᭄ᬓᬦᬢᬦ᭄ᬕᭂᬲᬂ᭞ᬧᬶᬮᬶᬄᬤᬸᬄᬓᬶᬢᬂᬧᬢ᭄ᬬ᭞ᬬᬦ᭄ᬳᬸᬭᬶᬧ᭄ᬢᬦ᭄ᬓᭂᬦᬾᬂᬲᬸᬗ᭄ᬲᬸᬢ᭄᭞ᬬᬗᬭᬦ᭄ᬲ᭄ᬯᬃᬕ᭄ᬕᬲᬓᬵᬮ᭟᭜᭟ᬧᬸᬄᬧᬸᬘᬸᬂ᭟᭜᭟
ᬚᬦᬶᬤᬶᬢᬸ᭞ᬳᬶᬮᬸᬢᬸᬂᬬᬘᬧ᭄ᬮᬸᬓ᭄ᬘᬧ᭄ᬮᬸᬓ᭄᭞ᬗᭂᬲᭀᬧ᭄ᬗᭂᬩᬸᬕ᭄ᬢᬶᬫ᭄ᬧᬮ᭄᭞ᬧᬶᬧᬶᬲᬾᬫᬓᬤᬤ᭄ᬯᬩᭂᬦ᭄ᬢᬶᬂ᭞ᬓᬶᬜᬸᬓ᭄ᬓᬶᬜᬸᬓ᭄᭞ᬤᭂᬮᬓ᭄ᬤᭂᬮᬶᬓ᭄ᬫᬕᭂᬍᬓᬦ᭄᭟᭜᭟ᬢᭂᬓᬜ
[᭕᭙ 59A]
ᬦ᭄ᬢᬸ᭞ᬍᬦᬼᬦᬦ᭄ᬘᭂᬍᬓᬢ᭄ᬘᭂᬍᬓᬸᬢ᭄᭞ᬧᭂᬧᭂᬲ᭄ᬫᬦ᭄ᬢᭂᬕ᭄ᬢᬗ᭄ᬓᬄ᭞ᬳᬶᬓᬸᬳᬾᬮᬦ᭄ᬢᬂᬗᬸᬢᬮ᭄ᬢᬶᬮ᭄᭞ᬩᬸᬓᬓᭂᬮᬸᬤ᭄᭞ᬢ᭄ᬯᬭᬳᬤᬫᬕᬦ᭄ᬢᬸᬮᬦ᭄᭟᭜᭟ᬩᬶᬗᬄᬩᬶᬗᬸᬄ᭞ᬧᬸ
ᬜᬄᬫᬢᬦᬾᬫᬮᭀᬤ᭄ᬭᬸ᭞ᬍᬗᭂᬄᬫᬯᭀᬃᬓᬶᬬᬧ᭄᭞ᬳᬸᬯᬩ᭄ᬢᬶᬢᬶᬃᬚᬸᬫ᭄ᬧ᭄ᬭᬢ᭄ᬚᬸᬫ᭄ᬧ᭄ᬭᬶᬢ᭄᭞ᬳᭂᬦᬸᬫᬕᬦ᭄ᬢᬸᬮ᭄᭞ᬢᬢᬦᬶᬦᬾᬢ᭄ᬯᬄᬤᬤ᭄ᬯ᭟᭜᭟ᬳᬾᬗ᭄ᬕᬮ᭄ᬗᭂᬗ᭄ᬲᬸᬩ᭄᭞
ᬳᬶᬮᬸᬢᬸᬂᬫᬓᬳᬤ᭄ᬮᬯᬸᬢ᭄᭞ᬫᭂᬦᬾᬓ᭄ᬓᬬᬸᬦᬸᬮ᭄ᬬ᭞ᬤᬶᬢᬸᬋᬓᭀᬬᬗᬸᬮᬦ᭄ᬢᬶᬂ᭞ᬮᬯᬸᬢ᭄ᬤᬶᬢᬸ᭞ᬧᬸᬍᬲ᭄ᬢ᭄ᬯᬭᬗᬶᬢᬸᬂᬳᬧ᭟᭜᭟ᬦᬾᬓᬯᬸᬯᬸᬲ᭄᭞ᬳᬶᬢᬢᬦᬶᬚᬦᬶᬧᭂ
ᬲᬸ᭞ᬤᬶᬢᬸᬲᬯᬸᬤ᭄ᬧᬚᬂ᭞ᬦᬄᬲᬳᭂᬜᬄᬭᬦᬾᬲᬫᬶ᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬦᭂᬥᬢᭂᬳᭂᬧ᭄ᬓᬢᬹᬢ᭄ᬤᭀᬦ᭄ᬜ᭟᭜᭟ᬧᬸᬄᬤᭂᬫᬸᬂ᭟᭜᭟ᬓᬘᬭᬶᬢᬳᬶᬯ [ 60 ][᭕᭙ 59B]
᭕᭙᭟
ᬓᬭᬷ᭞ᬩᬸᬯᬶᬦ᭄ᬳᭂᬦ᭄ᬢᭂᬦ᭄᭞ᬮᬬᬄᬩᬲᬗᬾᬓᬮᬗ᭄ᬓᬸᬂ᭞ᬢᬸᬯᬸᬦᬦ᭄ᬫᬗ᭄ᬮᬯᬸᬢ᭄᭞ᬫᬚᬮᬦ᭄ᬫᬦᬸᬯᬸᬢᬶᬤᬶᬂ᭞ᬫᬜᭂᬮᬸᬧᬶᬦ᭄ᬳᬩ᭄ᬬᬦᬩ᭄ᬬᬦᬦ᭄᭞ᬓᬘᬭᬶᬢᬧᭂᬲᬸᬮᬯᬸᬢ᭄᭞ᬗᭂ
ᬦᬄᬳᬶᬚᬗ᭄ᬓ᭄ᬭᬶᬓ᭄‌ᬬᬗᬶᬜᬄ᭞ᬤᬶᬧᬸᬦ᭄ᬤᬸᬓᬦᬾᬯ᭄ᬬᬓ᭄ᬢᬶ᭞ᬩᬸᬮᬸᬦ᭄ᬜᬦᬾᬓᭂᬜᬄᬓᭂᬜᬄ᭞ᬓᬭᬡᬧᭂᬤᬲ᭄ᬧᬶᬲᬦ᭄ᬳᬶᬮᬸᬢᬸᬂ᭟᭜᭟ᬯᭂᬢᬸᬳᬶᬥᭂᬧ᭄ᬜᬦᬾᬘᬸᬯᬶᬮ᭄᭞ᬭ
ᬭᬶᬫᬸᬢᬦ᭄᭞ᬗᭂᬦᭀᬢ᭄‌ᬬᬳᬶᬚᬗ᭄ᬓ᭄ᬭᬶᬓ᭄ᬤᬶᬢᬸ᭞ᬧᭂᬲᬸᬫᬸᬜᬶᬦᬾᬳᬮᬸᬲ᭄᭞ᬕᬸᬢᬶᬫᬗᬸᬤᬲᬶᬄᬤ᭄ᬭᬶᬓᬶ᭞ᬤᬶᬧᬸᬦ᭄ᬤᬸᬓᬦᬾᬫᬕᭂᬦᬄ᭞ᬓᬤᬶᬫᬗᬸᬚᭂᬦᭂᬂᬲᬸᬗ᭄ᬲᬸᬢ᭄᭞ᬧᬸᬦ
ᬧᬶᬲᬶᬄᬳᬯᬦᬦ᭄ᬜ᭞ᬤᬗᬸᬩ᭄ᬤᬕᭂᬮᬶᬲ᭄‌ᬦ᭄ᬤᬶᬓᬳᬶᬦ᭄᭞ᬢ᭄ᬬᬂᬚᬦᬶᬤᬤᬶᬩᬮ᭄ᬬᬦ᭄᭞ᬫᬕᬕᭂᬘᭂᬮ᭄ᬦᬸᬧ᭄ᬢᬸᬧ᭄ᬩᬬᬸ᭟᭜᭟ᬳᬶᬚᬗ᭄ᬓ᭄ᬭᬶᬓ᭄ᬓᭂᬜᬶᬂᬫᬫᬸᬜᬶ᭞ᬢᬶᬢ᭄ᬬᬂᬩ᭄ᬬᬦ᭞ᬩᭂ
[᭖᭐ 60A]
ᬮᬶᬫᬸᬮᬤᭂᬫᭂᬦ᭄ᬗᬸᬮ᭄ᬕᬸᬮ᭄᭞ᬢ᭄ᬬᬂᬓᭂᬦᭂᬄᬲᬥᬸ᭞ᬳᬶᬮᬸᬢᬸᬂᬜᬫ᭄ᬧ᭄ᬭᬓ᭄ᬫᬫᬸᬜᬶ᭞ᬩᭂᬮᬶᬲᬚᬳᭂᬗ᭄ᬲᬧ᭄ᬧᬶᬲᬦ᭄᭞ᬚᬮᬦ᭄ᬗᬯᬾᬚᬚᬓᬸᬦ᭄ᬓᬸᬲ᭄᭞ᬩᭂᬮᬶᬩᬶᬲᬤᬤᬶᬢᬸ
ᬓᬂ᭞ᬚᬚᬳᬸᬮᬶᬳᬧᬂᬩᭂᬘᬶᬓ᭄᭞ᬫᬮᬓᬃᬩᬳᬦ᭄ᬓᭂᬢᬦ᭄ᬳᬜᬃ᭞ᬭᬲᬦ᭄ᬜᬳᭂᬗᬶᬤ᭄ᬢᬸᬃᬫᬸᬮᬸᬲ᭄᭟᭜᭟ᬳᬶᬚᬗ᭄ᬓ᭄ᬭᬶᬓ᭄ᬩᬸᬯᬶᬦ᭄ᬜᬯᬸᬢᬶᬦ᭄᭞ᬯ᭄ᬬᬓ᭄ᬢᬶᬦ᭄ᬜ᭞ᬩᭂᬮᬶᬢᬸᬯᬄᬲᭂᬦᭂᬂᬗᬸ
ᬮ᭄ᬕᬸᬮ᭄᭞ᬳᬶᬮᬸᬢᬸᬂᬫᬲᬯᬸᬢ᭄᭞ᬕᬸᬤᬸᬕ᭄ᬳᬦᬓ᭄ᬲᬓᬶᬂᬚᬵᬢᬶ᭞ᬳᬶᬚᬗ᭄ᬓ᭄ᬭᬶᬓ᭄‌ᬬᬚᬦᬶᬮᬸᬯᬲ᭄᭞ᬗᬮᬶᬄᬭᭀᬯᬂᬜᬦᬾᬮᬶᬬᬸ᭞ᬤᬶᬢᬸᬬᬫᬳᭀᬭᬳᬦ᭄᭞ᬓ᭄ᬭᬡᬬ
ᬧᬕ᭄ᬭᬸᬩᬸᬲ᭄ᬧ᭄ᬭᬧ᭄ᬢᬶ᭞ᬲᬶᬂᬓᬶᬢᬫᬦᬗᬮ᭄ᬓᭂᬢᬦ᭄᭞ᬲᬤᬮᬶᬬᬸᬲᬸᬩᬭᬯᬸᬄ᭟᭜᭟ᬳᬶᬮᬸᬢᬸᬂᬮᬯᬸᬢ᭄ᬫᬫᬸᬜᬶ᭞ᬘᬸᬢᬶᬲᬫ᭄ᬬᬦ᭄᭞ᬤᬭᬶᬓᬶᬓᬾᬳᬦ᭄ᬢᭀᬲᬂᬤᬸᬫᬸᬦ᭄᭞ᬩᭂ [ 61 ][᭖᭐ 60B]
᭖᭐᭟
ᬮᬶᬗᬮᬶᬄᬳᭂᬜᬸᬄ᭞ᬳᬶᬚᬗ᭄ᬓ᭄ᬭᬶᬓ᭄ᬫᬲᬯᬸᬢᬶᬗ᭄ᬕᬶᬄ᭞ᬳᬶᬩᭀᬚᭀᬕ᭄ᬫᬚᬮᬦᬶᬫᬂ᭞ᬫᬗᬮᬧ᭄ᬳᭂᬜᬸᬄᬳᬩᬸᬗ᭄ᬓᬸᬮ᭄᭞ᬫᬤᬸᬮᬸᬃᬳᬸᬧᬶᬄᬲᬗ᭄ᬓᬶᬮ᭞ᬫᬕ᭄ᬭᬾᬕᭀᬢᬦ᭄‌ᬬᬫ
ᬫᬃᬕ᭄ᬕᬶ᭞ᬩᬩᬦ᭄ᬤᬭᬦᬾᬓᬍᬲᭀᬓᬂ᭞ᬦᭂᬕᬓ᭄ᬫᬗ᭄ᬕᬯᬾᬢᬫ᭄ᬩᬾᬮᬸᬂ᭟᭜᭟ᬲᬫ᭄ᬩᬶᬮ᭄‌ᬬᬗᬭᬸᬫ᭄ᬭᬸᬫ᭄ᬚᬦᬶ᭞ᬦᬄᬢᬳᬦᬂ᭞ᬓᬳᬶᬤᬸᬭᬸᬲ᭄ᬫᬶᬦ᭄ᬢᬫᬮᬸ᭞ᬲᬢ᭄ᬯᬤᬳᬢ᭄ᬮᬸᬯᬸᬂ᭞ᬤᬶ
ᬅᬤᬶᬧᬃᬯ᭄ᬯᬦᬾᬩᭂᬘᬶᬓ᭄᭞ᬚᬦᬫᬾᬚᬬᬗᬯᬗᬸᬦᬂ᭞ᬧᬓᬃᬬ᭄ᬬᬦ᭄ᬲᬦᬾᬭᬳᬬᬸ᭞ᬫᬤᬦᬺᬓᬾᬬᬚ᭄ᬜᬵᬲᬃᬧ᭄ᬧ᭞ᬧᬬᬚ᭄ᬜᬵᬦᬾᬤᬳᬢ᭄ᬗᬾᬦᬓᬶᬦ᭄᭞ᬢᬧᬢᬧᬶᬩᭂᬓ᭄ᬫᬚ
ᬚᬃ᭞ᬕᬮᬂᬮ᭄ᬯᬶᬃᬳᬶᬦ᭄ᬢᭂᬦᬕᬸᬦᬸᬂ᭟᭜᭟ᬪᬕᬯᬦ᭄ᬯᬾᬲᬫ᭄ᬧᬾᬬᬡᬶ᭞ᬓᭀᬘᬧ᭄ᬢᭂᬗᭂᬭᬦ᭄᭞ᬓᬵᬱᬾᬰ᭄ᬯᬃᬬ᭄ᬬᬦᬾᬓᬲᬸᬩ᭄᭞ᬚᬦᬫᬾᬚᬬᬪᬸᬄ᭞ᬳᬶᬤᬦᬸᬦᬲ᭄ᬓᬘ᭄ᬭᬶᬢᬳᬶᬦ᭄᭞ᬧᬂ
[᭖᭑ 61A]
ᬢᬲ᭄ᬯᬶᬓᬦ᭄ᬭᬶᬂᬅᬲ᭄ᬢᬶᬓ᭞ᬧᬃᬯ᭄ᬯᬳᬶᬮᬸᬢᬸᬂᬉᬫᬸᬗ᭄ᬕᬸᬄ᭞ᬦᬵᬕᬲᬫᬶᬫᬧᬳᬸᬫᬦ᭄᭞ᬫᬶᬦ᭄ᬢᬳᭀᬧᬬᬧᬂᬩᬸᬯᬸᬂᬫᬢᬶ᭞ᬧᬸᬦᬶᬓᬲᬧᬦ᭄ᬪᬝᬭ᭞ᬫᬗᬸᬕᬸᬢ᭄ᬭᬶᬂᬤᬲᬂᬧ᭄ᬭᬪᬸ᭟᭜᭟ᬪ
ᬕᬯᬦ᭄ᬯᬿᬲᬫ᭄ᬧᬾᬬᬡᬶ᭞ᬫᬗᬦ᭄ᬤᬶᬓ᭞ᬲᬶᬬᭂᬧ᭄ᬫᬓᭂᬚᬂᬲᬵᬫ᭄ᬧᬸᬦ᭄᭞ᬳᬶᬗ᭄ᬕᬶᬄᬧ᭄ᬭᬡ᭄ᬥᬭᬢᬸ᭞ᬳᬾᬮᬶᬗᬂᬓᬃᬡ᭄ᬦᬦᬾᬫᬗ᭄ᬓᬶᬦ᭄᭞ᬓᬾᬦᬾᬓᭀᬓᬢᬢ᭄ᬯᬦ᭄ᬜ᭞ᬦᬵᬕᬦᬾᬳᬦᬶᬓᭂ
ᬮᬸᬥᬸᬄ᭞ᬢᬦ᭄ᬫᬗᬶᬭᬶᬂᬳ᭄ᬬᬸᬦᬶᬩ᭄ᬬᬂ᭞ᬓ᭄ᬭᬡᬦᬾᬓᬢᭂᬫᬄᬲᬫᬶ᭞ᬧᬂᬫᬢᬶᬤᬶᬬᬚ᭄ᬜᬵᬲᬃᬧ᭄ᬧ᭞ᬓᬾᬦ᭄ᬢᭀᬲᬧᬦᬾᬧᬸᬧᬸᬢ᭄᭟᭜᭟ᬓ᭄ᬭᬡᬲᬦ᭄ᬦᬾᬚᬦᬶ᭞ᬮᬸᬧᬸᬢᬶᬤ᭞ᬭᬶᬂ
ᬦᬵᬕᬕᬶᬡᬶᬯᬃᬡ᭄ᬦᬳᬬᬸ᭞ᬦᬦ᭄ᬢᬪᭀᬕᬤᬶᬢᬸ᭞ᬢᬓ᭄ᬱᬓᬮᬯᬓ᭄ᬩᬲᬸᬓᬶᬄ᭞ᬫᬗᭂᬦ᭄ᬢᭀᬲᬶᬧᭂᬲᬾᬗᬦ᭄ᬤ᭞ᬓᬮᬸᬫ᭄ᬩ᭄ᬭᬄᬚᬭᬢ᭄ᬓᬭᬸ᭞ᬩᬳᬦᬤᬩ᭄ᬭᬵᬳ᭄ᬫ [ 62 ][᭖᭑ 61B]
᭖᭑᭟
ᬡᬯᬓ᭄ᬩᬚ᭄ᬭ᭞ᬲᬶᬤ᭄ᬤᬶᬮ᭄ᬯᬶᬄᬧᬕᭂᬄᬗᬶᬲᬶ᭞ᬫᬜᬸᬓ᭄ᬮᬩ᭄ᬭᬵᬳ᭄ᬫᬘᬃᬬ᭄ᬬ᭞ᬯᬱ᭄ᬝᬦ᭄ᬩ᭄ᬭ᭠ᬢᬦᬾᬓᬲᬸᬩ᭄᭟᭜᭟ᬧᬸᬦᬶᬓᬳᬶᬤᬫᬫᬃᬕ᭄ᬕᬶ᭞ᬫᬳᬶᬍᬳᬦ᭄᭞ᬤᬶ
ᬤᬸᬳᬸᬃᬅᬓᬰᬮᬘᬸᬃ᭞ᬫᬗ᭄ᬭᬭᬶᬲ᭄ᬫᬜᬸᬲᬸᬧ᭄᭞ᬓᬲᬧ᭄ᬢᬧᬢᬮᬳᬮᬶᬄ᭞ᬲᬦᬾᬧᬢᭂᬄᬢᭂᬗᭂᬭᬶᬦ᭄ᬜ᭞ᬫᬗ᭄ᬤᬲᬫᬶᬚᬭᬢ᭄ᬓᬭᬸ᭞ᬳ᭄ᬬᬸᬦᬶᬤᬫᬗᭂᬦ᭄ᬢᬲ᭄᭞ᬧᬶᬢᬭ
ᬦ᭄ᬲᬂᬫᬗᬃᬤ᭄ᬥᬶ᭟ᬲᬶᬂᬬᬫᬡᬶᬓᬤᬸᬄᬓᬶᬢᬦ᭄᭞ᬯᬸᬲ᭄ᬮᬫᬶᬲᬵᬫ᭄ᬧᬸᬦ᭄ᬫᬕᬦ᭄ᬢᬸᬂ᭟᭜᭟ᬩᬸᬦ᭄ᬢᭂᬢᬂᬲᬢ᭄ᬯᬦᬾᬚᬦᬶ᭞ᬯᬸᬲ᭄ᬫᬓᬃᬫ᭄ᬫ᭞ᬦᬵᬕᬕᬶᬡᬶᬚᬭᬢ᭄ᬓᬭᬸ᭞ᬯᭂᬢᬸᬩᭀ᭞
ᬩᭀᬢ᭄ᬲᬵᬫ᭄ᬧᬸᬦ᭄᭞ᬧ᭄ᬭᬡ᭄ᬥᬓᬬᬸᬦ᭄ᬩᬸᬤᬮ᭄ᬕᭂᬮᬶᬲ᭄᭞ᬫᬢᬸᬮᬓ᭄ᬗᬯᬗᬸᬦ᭄ᬢᬧ᭞ᬳᬓᬸᬢᬸᬲ᭄ᬩᬸᬮᬦ᭄ᬫᬢᭂᬫᬸ᭞ᬅᬱ᭄ᬝᬶᬓᬦᬫᬦᬶᬂᬦᬓ᭄ᬢ᭞ᬕᬶᬡᬕᬶᬡᬶᬮᬓᬶᬮᬓᬶ᭞ᬳᬗᭂᬦ᭄ᬢᬲ᭄ᬲ
[᭖᭒ 62A]
ᬳᬦᬦ᭄ᬓᬤᬂ᭞ᬫ᭄ᬯᬄᬓᬯᬶᬢᬦ᭄ᬫᬦᭂᬫᬸᬭᬳᬬᬸ᭟᭜᭟ᬓᬾᬢᭀᬧᬶᬢᭂᬓᭂᬢᬾᬳᬶᬤᬶᬂ᭞ᬭᬭᬶᬲ᭄ᬩᬸᬤᬮ᭄᭞ᬧᬤᬫ᭄ᬥᬳᬶᬲ᭄ᬢ᭄ᬭᬷᬤᬲᬸᬗ᭄ᬲᬸᬢ᭄᭞ᬓᬲ᭄ᬯᬾᬦ᭄ᬜᬲᬵᬫ᭄ᬧᬸᬦ᭄᭞ᬅᬦ᭄ᬢᬪᭀ
ᬕᬫᬗᬯᬶᬮᬗᬶᬦ᭄᭞ᬩ᭄ᬯᬢ᭄ᬯᬶᬥᬶᬯᬾᬤᬦ᭞ᬲᬂᬅᬱ᭄ᬝᬶᬓᬦᬸᬮᬶᬫᬸᬭᬸᬓ᭄᭞ᬫᬤᬦᬸᬃᬫᬶᬯᬄᬫᬯᬾᬤ᭞ᬲᬓᬜ᭄ᬘᬦ᭄ᬰᬵᬲ᭄ᬢ᭄ᬭᬦᬾᬉᬢ᭄ᬢᬫᬶ᭞ᬧᬥᬲᬵᬫ᭄ᬧᬸᬦ᭄ᬓᬭᬵᬕᬬᬂ᭞ᬲᬵᬫ᭄ᬧᬸᬦ᭄ᬓᬱ᭄ᬝᬾ
ᬲ᭄ᬯᬃᬬ᭄ᬬᬧᬸᬢᬸᬲ᭄᭟᭜᭟ᬓᬢᬸᬭᬦᬺᬓᭀᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓᬶᬯ᭞ᬫᬫᬋᬓᬦ᭄ᬭᬶᬂᬲᬂᬧ᭄ᬭᬪᬸ᭞ᬢᬦ᭄ᬤᬸᬫᬤᬾᬲᬵᬫ᭄ᬧᬸᬦ᭄᭞ᬲᬂᬧ᭄ᬭᬪᬸᬗᬾᬫᬦ᭄ᬕᬢᬶ᭞ᬲᬯᬶᬭᬾᬄᬯ᭄ᬬᬓ᭄ᬢᬶᬲᬘᬶᬢ᭄ᬢ
᭞ᬲᬧᬶᬢᬸᬤᬸᬄᬲᬶᬤ᭄ᬥᬲᬵᬫ᭄ᬧᬸᬦ᭄᭞ᬦ᭄ᬢᭀᬓ᭄ᬭᬡᬲᬶᬸᬂᬤ᭄ᬥᬶᬸᬂᬢᬦ᭄ᬲᬶᬤ᭄ᬥᬓᬃᬬ᭄ᬬ᭞ᬩᬳᬦ᭄ᬢᭀᬳᭀᬫᬦᬾᬗᬹᬦᬷ᭞ᬓᬳᬶᬚᬦᬶᬗᬯᬗᬸᬦᬂ᭞ᬚᬗ᭄ᬓ᭄ᬭᬶᬓ᭄᭞ᬬᬚ᭄ᬜᬵᬮᬸᬯᬸᬂ᭟᭜᭟ [ 63 ][᭖᭒ 62B]
᭖᭒᭟
ᬦ᭄ᬢᭀᬓᭂᬦᭂᬄᬓᬳᬶᬦᬾᬚᬦᬶ᭞ᬧᬘᬂᬦᬶᬦ᭄ᬤ᭞ᬭᬾᬄᬳᭀᬫᬦᬾᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬦᬗ᭄ᬳᬶᬂᬩᬳᬦ᭄ᬢᬫ᭄ᬩᬾᬮᬸᬂ᭞ᬳᬶᬚᬗ᭄ᬓ᭄ᬭᬶᬓ᭄ᬫᬳᬯᬓ᭄ᬲᬫᬶ᭞ᬧᬘᬂᬫᬗ᭄ᬮᬩᬸᬳᬶᬦ᭄ᬓᬸᬦ᭄ᬥ᭞ᬧ
ᬘ᭄ᬭᬸᬤᬸᬓ᭄‌ᬬᬧᬘᬩᬸᬃᬩᬸᬃ᭞ᬲᬳᬢᬂᬩᬢᭂᬓᬂᬧᬶᬲᬦ᭄᭞ᬓᬳᬶᬫᬯᬓ᭄ᬫᬗᬚᬗᬶᬦ᭄᭞ᬳᬭᬸᬄᬦᬄᬧᬶᬲᬦ᭄ᬜᬫᭀᬢᬄ᭞ᬧᬂᬧᬶᬲᬦ᭄ᬫᭂᬤ᭄ᬫᬗᬶᬧᬸᬓ᭄᭞ᬳᭂᬜᬸᬳᬾᬓᬧ
ᬓ᭄ᬧᬓ᭄ᬭᬭᬶᬲ᭄᭞ᬫᬫᬾᬦ᭄ᬢᭀᬲᬂ᭞ᬫᬳᬧᬶᬳᬯᬓᬾᬩᬸᬤᬸᬄ᭞ᬩᬸᬗᬸᬢ᭄ᬫᬓᬮᬸᬫᬸᬄ᭞ᬢᬫ᭄ᬩᬾᬮ᭄ᬦᬗᬾᬓᬧᭂᬳᭂᬲᬶᬦ᭄᭞ᬳᭂᬜᬸᬳᬾᬫᬯᭀᬭᬦ᭄ᬓᭂᬢᬦ᭄᭞ᬳᬥᬶᬂᬳᭂᬩᭀᬦᬾ
ᬫᬘᭂᬓᬸᬳ᭄᭞ᬳᬶᬚᬗ᭄ᬓ᭄ᬭᬶᬓ᭄‌ᬬᬫᬲᬶᬄᬓᭀᬤᬕ᭄᭞ᬳᬶᬮᬸᬢᬸᬂᬬᬚᬸᬫ᭄ᬧ᭄ᬭᬢ᭄ᬚᬸᬫ᭄ᬧ᭄ᬭᬶ᭠ᬢ᭄᭞ᬮᬶᬦ᭄ᬢᬂᬕᭂᬧᬸᬗᬭᬾᬧᭀᬢᬂ᭞ᬳᬸᬬᬓᬶᬦ᭄ᬩᬳᬦ᭄ᬧᭂᬳᭂᬲ᭄ᬮᬶᬬᬸ᭟᭜᭟
[᭖᭓ 63A]
ᬓᬢᬸᬦ᭄ᬤᬾᬦᬶᬚᬗ᭄ᬓ᭄ᬭᬶᬓ᭄ᬲᬫᬶ᭞ᬗ᭄ᬕᬶᬄᬫᬚᭂᬗᬦ᭄᭞ᬫᬩ᭄ᬭᬶᬬᬸᬓ᭄ᬲᬧᬶᬲᬦ᭄ᬳᬦ᭄ᬢᬸᬓ᭄᭞ᬫᬢᬸᬯᬓᬢᬫ᭄ᬩᬾᬮᬸᬂ᭞ᬫᬗ᭄ᬤᬾᬭᬢᬲᬫᬶᬧᭀᬮᬶᬄ᭞ᬧᭂᬧᭂᬓ᭄‌ᬬᬳᬚᬓ᭄ᬫᬓᭂ
ᬚᬂ᭞ᬜᬾᬤᬸᬭᬸᬂᬫᬭᬶᬓᬶᬢᬾᬳᬕᬸᬲ᭄᭞ᬳᬧᬂᬤᬬᬫᬪᬷᬦᬬᬦ᭄᭞ᬓᭂᬦᭂᬄᬩᭂᬮᬶᬮᬓᬃᬗᬾᬦᬓᬶᬦ᭄᭞ᬳᬧᬂᬢᬳᬾᬦ᭄ᬫᬪᭀᬚᬦ᭞ᬦᬫ᭄ᬧᬄᬗᭀᬜᬂᬜᬸᬄ
ᬳᬩᬸᬗ᭄ᬓᬸᬮ᭄᭟᭜᭟ᬳᬶᬚᬗ᭄ᬓ᭄ᬭᬶᬓ᭄ᬫᬫᬸᬜᬶᬗ᭄ᬭᬶᬂ᭞ᬲ᭄ᬯᬾᬘᬧᬶᬲᬦ᭄᭞ᬦᬧᬶᬳᬗ᭄ᬕᬾᬦ᭄ᬢᬶᬢ᭄ᬬᬂᬦᬯᬸᬃ᭞ᬳᬶᬮᬸᬢᬸᬂᬫᬲᬯᬸᬢ᭄᭞ᬳᭂᬤᬗᬮᬶᬦ᭄ᬢᬗᬂᬫᬸᬜᬶ᭞ᬤᬶᬢᬸᬳᬶᬬᬦᬫ᭄ᬩᬸᬦᬂ
᭞ᬧᭂᬳᭂᬲ᭄ᬜᬦ᭄ᬲᬸᬩᬮᬶᬬᬸ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬜᬫᬜᬗ᭄ᬕ᭄ᬭ᭞ᬗᭂᬫᬸᬳᬂᬳᭀᬜ᭠ᬳᬶᬚᬗ᭄ᬓ᭄ᬭᬶᬓ᭄᭞ᬦᬸᬗ᭄ᬕᬶᬂᬫᬗᬸᬮᬸᬭᬶᬦ᭄ᬫᬦᬄ᭞ᬳᭂᬗ᭄ᬲᬧ᭄ᬭᬶᬂᬳᬯᬓ᭄ᬓᬳᬶᬦ᭄ᬢᬸᬢ᭄᭟᭜᭟ [ 64 ][᭖᭓ 63B]
᭖᭓᭟
ᬳᬶᬮᬸᬢᬸᬂᬩᬕᬸᬲ᭄ᬫᬦᬶᬗ᭄ᬓ᭄ᬭᬶᬓ᭄᭞ᬜᬯᬸᬧ᭄ᬳᬾᬗ᭄ᬕᬮ᭄᭞ᬫᬧᬶᬳᬯᬓᬾᬓᬧᬗ᭄ᬮᬸᬄ᭞ᬢᬫ᭄ᬩᬾᬮᬸᬗᬾᬧᭂᬘᬸᬓ᭄᭞ᬲᬫ᭄ᬩᬶᬮ᭄ᬫᬗᬓᬓ᭄‌ᬬᬚᬦᬶ᭞ᬓᭂᬦ᭄ᬤᭂᬮ᭄ᬜᬢ᭄ᬯᬭᬕᬶᬕᬶᬲᬦ᭄᭞ᬤᭀᬦ᭄ᬤᬧ᭄ᬤ
ᬧ᭄ᬓᬮᬸᬗᬄᬚᬭᬸᬚᬸ᭞ᬉᬥᬸᬄᬤᬲ᭄ᬤᬲᬦ᭄ᬗᭀᬂᬚᭂᬗᬄ᭞ᬓᬢᬸᬚᬸᬦᬲᭂᬓᭂᬦ᭄ᬕᬢᬶ᭞ᬳᬫ᭄ᬩᬸᬮ᭄ᬓᭂᬦᭂᬳᬾᬫᬚᬮᬦ᭄᭞ᬤᬶᬓᬾᬦᬾᬦᬾᬮᬲ᭄ᬬᬦ᭄ᬳᬶᬤᬸᬧᬤ᭄᭟᭜᭟ᬳᬤᬚᬗ᭄ᬓ᭄ᬭᬶᬓ᭄ᬓᬢᭂᬫᭀ
ᬦᬶᬦ᭄᭞ᬗᬺᬢ᭄ᬫᬦᬄ᭞ᬕ᭄ᬭᬕᭂᬢᬦ᭄‌ᬬᬓᭂᬚᬢ᭄ᬓᭂᬚᬸᬢ᭄᭞ᬗᬾᬗ᭄ᬕᬮᬂᬳᬶᬮᬸᬢᬸᬂ᭞ᬢᬫ᭄ᬩᬾᬮᬸᬗᬾᬓᬧᬦ᭄ᬢᭂᬕᬶᬦ᭄᭞ᬲᬫ᭄ᬩᬶᬮᬗᬮᬦ᭄ᬢᬲ᭄ᬜᭂᬫᬓ᭄᭞ᬫᬢᬜ᭄ᬚᭂᬓ᭄‌ᬬᬳᬜ᭄ᬚᬸᬢᬜ᭄ᬚᬸᬢ᭄᭞
ᬫᬢᬦᬾᬓᭂᬜᬢ᭄ᬤᭂᬮᬶᬓᬂ᭞ᬧᬶᬧᬶᬲᬸᬩᬩᭂᬤᬲ᭄ᬩᭂᬤᬶᬲ᭄᭞ᬓᬶᬜᬸᬓ᭄ᬓᬶᬜᬸᬓ᭄ᬫᬘᬶᬧ᭄ᬮᬓᬦ᭄᭞ᬓᬶᬧᭂᬓᬾᬓᬶᬧᭂᬓ᭄ᬘᬧᬸᬂ᭟᭜᭟ᬧᬸᬄᬫᬶᬚᬶᬮ᭄᭟᭜᭟ᬬᬳᬶᬮᬸᬢᬸᬂ᭞ᬯᬸᬯᬸᬲ
[᭖᭔ 64A]
ᬦᬾᬫᬩ᭄ᬓᬶᬦ᭄᭞ᬯᬸᬲ᭄ᬧᭀᬮᬶᬄᬧᬶᬓᭂᬦᭀᬄ᭞ᬧᬬᬚ᭄ᬜᬵᬦᬾᬭᬶᬂᬢᭂᬗᬄᬲᬯᬳᬾ᭞ᬫᬗ᭄ᬓᬶᬦᬶᬧᬸᬦ᭄᭞ᬳᬫᬸᬭᬂᬫᬫᬃᬕ᭄ᬕᬶ᭞ᬲᬧᬭᬦ᭄ᬓᬳᬸᬗ᭄ᬲᬶ᭞ᬢᬦ᭄ᬘᬭᬶᬢᬭᬶᬂᬳᭂᬦᬸ᭟᭜᭟ᬲ
ᬕᬾᬢ᭄ᬭᬯᬸᬄ᭞ᬭᬶᬂᬳᬮᬲ᭄ᬯᬶᬦᬃᬡ᭄ᬦᬶ᭞ᬢ᭄ᬯᬭᬫ᭄ᬩᬳᬦ᭄ᬳᭂᬗ᭄ᬕᭀᬦ᭄᭞ᬲᭂᬧᬶᬲᬹᬡ᭄ᬬᬭᬶᬂᬢᭂᬗᬄᬳᬮᬲᬾ᭞ᬢ᭄ᬯᬭᬳᬤ᭞ᬫᬕᬦ᭄ᬢᬸᬗᬦ᭄ᬪᬸᬓ᭄ᬢᬶ᭞ᬓᬶᬲᬸᬢ᭄ᬮᬬᬸᬘᭂᬓᬶᬂ᭞ᬩᬳᬦ᭄ᬮᬬᬄᬳᬶᬮᬸᬢᬸᬂ᭟᭜᭟
ᬮᬶᬗᬓ᭄ᬮᬶᬗᬸᬓ᭄᭞ᬧᬸᬦ᭄ᬢᬶᬦ᭄ᬤᬓᬾᬧᬮᬶᬂ᭞ᬫᬲ᭄ᬭᬲᬸᬢᬦᬺᬦᭀᬄ᭞ᬲ᭄ᬭᬗᬄᬲ᭄ᬭᭀᬗᭀᬄᬧᭂᬢᭂᬂᬧᬮᬶᬬᬢᬾ᭞ᬪᬬᬚᬦᬶ᭞ᬕᬦ᭄ᬢᬶᬩᬓᬮ᭄ᬫᬢᬶ᭞ᬓᬧᭂᬕᬢᬩ᭄ᬪᬸᬓ᭄ᬢᬶ᭞ᬧᬗ᭄ᬯᬮ
ᬢ᭄ᬳ᭄ᬬᬂᬳᬕᬸᬂ᭟᭜᭟ᬗᬮᬬᬂᬗᬮᬬᬸᬂ᭞ᬢᭀᬂᬫᬫ᭄ᬧᬸᬄᬫᬫᬃᬕ᭄ᬕᬶ᭞ᬲᭀᬃᬓᬬᬸᬦᬾᬦᭀᬗ᭄ᬓ᭄ᬭᭀᬓ᭄᭞ᬫᬦᬸᬮᬾᬗᬾᬓ᭄ᬲᬘᬶᬸᬂᬯᬢ᭄ᬧᬯᬲᬦᬾ᭞ᬲᬕᬾᬢ᭄ᬗᭂᬦᬄ᭞ᬲᭂᬫᬮ᭄ᬗᬩᬘ᭄ᬭᭀ [ 65 ][᭖᭔ 64B]
᭖᭔᭟
ᬭᬶᬂ᭞ᬤᬶᬓᬬᬸᬦᬾᬦ᭄ᬭᬶᬢ᭄ᬤᬶᬢ᭄᭞ᬳᬶᬮᬸᬢᬸᬂᬳᬫᬸᬯᬸᬲ᭄᭟᭜᭟ᬩᬦ᭄ᬩᬦ᭄ᬳᬮᬸᬲ᭄᭞ᬳᬫ᭄ᬮᬲ᭄ᬳᬃᬱᬲᭂᬤᬶᬄ᭞ᬢᬦ᭄ᬲᬄᬗᬮᬧ᭄ᬓᬲᭀᬃ᭞ᬉᬥᬸᬄᬲᭂᬫᬮ᭄ᬢᬸᬮᬸᬲᬂᬲᬸᬓᬦᬾ᭞ᬫᬗᭀᬮᬲᬶ
ᬦ᭄᭞ᬗᭀᬂᬓᬯᭂᬮᬲ᭄ᬳᬲᬶᬄ᭞ᬫᬦᬸᬮᬸᬗᬶᬦ᭄ᬫᬫᬶ᭞ᬫᬗ᭄ᬤᬾᬩᬸᬯᬸᬂᬮᬫ᭄ᬧᬸᬲ᭄᭟᭜᭟ᬥᬸᬓ᭄ᬓᬭᬸᬗᬸ᭞ᬤᬾᬭᬲᭂᬫᬮ᭄ᬳᬗ᭄ᬮᬶᬂ᭞ᬦᬄᬮᬫᬸᬦ᭄ᬧᬓᬾᬯᭂᬄ᭞ᬳᬶᬭᬲᬸᬓᬳᬲᬸᬂᬳᭀᬮᬲᬶᬂᬓᭀ᭞ᬦ
ᬗ᭄ᬳᬶᬂᬫᬗ᭄ᬤ᭞ᬧᬥᬫᬦᬸᬯᭀᬦᬶᬦ᭄᭞ᬳᭂᬤᬗᬤᬸᬭᬸᬲᬶᬢ᭄᭞ᬫᬲᬯᬶᬢ᭄ᬭᬢᬸᬳᬸ᭟᭜᭟ᬕ᭄ᬮᬶᬲᬶᬂᬢᬸᬢᬸᬃ᭞ᬭᬓᭂᬢ᭄ᬧᬥᬓᬲᬶᬄ᭞ᬳᬶᬲᭂᬫᬮ᭄‌ᬬᬕᭀᬧᭀᬄ᭞ᬗᬭᬸᬭᬸᬳᬂᬲᬳᬦ
ᬦ᭄ᬪᬸᬓ᭄ᬢᬶᬦᬾ᭞ᬘ᭄ᬭᭀᬭᬶᬂᬮᬗ᭄ᬲᬢ᭄᭞ᬲᬮᬓ᭄ᬮᬯᬦ᭄ᬫᬗ᭄ᬕᬶᬲ᭄᭞ᬤᬸᬭᬾᬦ᭄ᬫᬶᬯᬄᬯᬦᬶ᭞ᬚᬼᬓᭂᬢ᭄ᬮᬯᬦ᭄ᬲᭂᬦ᭄ᬢᬸᬮ᭄᭟᭜᭟ᬫᬗ᭄ᬓᬶᬦ᭄ᬳᬾᬩᬸᬄ᭞ᬳᬶᬮᬸᬢᬸᬂᬩ᭄ᬯᬶᬦ᭄ᬮᬶᬫᬶᬲ᭄᭞ᬳᬶᬲᭂᬫᬮ᭄ᬗᬭᬯᭀᬲ᭄᭞ᬫᬶᬢᬸ
[᭖᭕ 65A]
ᬢᬸᬭᬶᬦ᭄ᬲᬤᬵᬮᭀᬦᬸᬚᬭᬾ᭞ᬳᬶᬩᬮᬸᬢᬸᬂ᭞ᬧᬂᬲᬸᬯᬸᬤᬂᬤᬺᬗ᭄ᬕᬶ᭞ᬓᬮᬶᬄᬢᬦ᭄ᬧᬓᬾᬃᬢ᭄ᬢᬶ᭞ᬗᬧᬓᬭᬧᬸᬧᬸᬄ᭟᭜᭟ᬤᭀᬂᬚᬢᬶᬭᬸᬢᬶᬗ᭄ᬓᬳᬾᬩᬶᬸᬂᬘᬶᬸᬂᬓᬶᬸᬂ᭄‌ᬦᬾᬩᭂᬘᬶᬓ᭄᭞ᬳᬶᬩ
ᬫᬵᬯᬓ᭄ᬩᬸᬭᭀᬦ᭄᭞ᬳᬶᬭᬧᬢᬸᬄᬲᭀᬭᭀᬳᬦ᭄ᬲᬢᭀᬦᬾ᭞ᬦᬗ᭄ᬳᬶᬂᬳᬶᬭ᭞ᬳᭂᬦᬸᬮᬗ᭄ᬕᭂᬂᬫᬓᬾᬃᬢ᭄ᬢᬶ᭞ᬫᬲᬶᬄᬫᬢᬸᬯᬸᬢᬶᬦ᭄᭞ᬗᬯᬾᬳᬸᬫᬄᬮᬸᬯᬸᬂ᭟᭜᭟ᬦ᭄ᬢᭀᬦᬾᬧᬢᬹᬢ᭄
᭞ᬜᬦ᭄ᬤᬂᬧᬢᬸᬯᬸᬢᬶᬦ᭄᭞ᬲᬮ᭄ᬯᬶᬭᬶᬂᬓᬲᬤᭀᬦ᭄᭞ᬳᭂᬤᬗᬸᬮᬳᬂᬗᬸᬮᬸᬭᬶᬦ᭄ᬫᭀᬫᭀᬦᬾ᭞ᬗᬮᬶᬄᬪᬸᬓ᭄ᬢᬶ᭞ᬲᬓᬾᬂᬗᬶᬧᬶᬓᬶᬧᬶᬓ᭄᭞ᬫᬦ᭄ᬢᭂᬲᬂᬦᬾᬧᭂᬮᬶᬄ᭞ᬩᬶᬲᬲᬓᬶᬂᬗᬧᬸᬲ᭄᭟᭜᭟
ᬳᬸᬮᬢ᭄ᬲᬥᬸ᭞ᬦᬗ᭄ᬳᬶᬂᬮᬶᬦ᭄ᬢᬂᬘᬸᬯᬶᬮ᭄᭞ᬦ᭄ᬤᬸᬍᬕᬶᬦ᭄ᬲᬶᬂᬗᬢᭀᬦ᭄᭞ᬗᬭᬸᬕᬥᬢᬦ᭄ᬜᬶᬤ᭄ᬭᬮᬫ᭄ᬧᬳᬾ᭞ᬢᬦ᭄ᬧᬗᬶᬢᬸᬂ᭞ᬤᬤᬶᬳᬸᬘᬧ᭄ᬕᬸᬫᬶ᭞ᬦ᭄ᬢᭀᬧᬢᬹᬢ᭄ᬓᭂᬮᬶᬤᬶᬦ᭄᭞ᬭ [ 66 ][᭖᭕ 65B]
᭖᭕᭟
ᬳᬬᬸᬦᬾᬧᬸᬧᬸ᭟᭜᭟ᬥᬸᬓ᭄ᬓᬭᬸᬗᬸ᭞ᬬᬳᬶᬮᬸᬢᬸᬂᬩ᭄ᬭᬗ᭄ᬢᬶ᭞ᬧᬗᬸᬘᬧᬾᬩᭀᬦ᭄ᬤ᭄ᬭᭀᬲ᭄᭞ᬳᬄᬳᭀᬄᬳᬶᬩᬮᬶᬬᬸᬲᬦ᭄ᬧᭂᬢᬦᬾ᭞ᬗᬓᬸᬳᬓᬸ᭞ᬳᬯᬓ᭄ᬧᬰ᭄ᬘᬤ᭄ᬭᬶᬭᬶᬄ᭞ᬓᭀ᭠
ᬩᬾᬃᬫᬶᬢᬸᬢᬸᬭᬶᬦ᭄᭞ᬗᬢ᭄ᬕᬢᬂᬓᬲᬥᬸᬦ᭄᭟᭜᭟ᬳᭂᬜ᭄ᬘᬾᬦ᭄ᬲᬥᬸ᭞ᬳᭂᬜ᭄ᬘᬾᬦ᭄ᬤᬸᬱ᭄ᬝᬚᬢᬶ᭞ᬢᬸᬳᬸᬫᬶᬯᬄᬮᬶᬜᭀᬓ᭄᭞ᬫᬓᬢᬦ᭄ᬤᬭᬳᬬᬸᬳᬮᬦᬾ᭞ᬳᭂᬤᬚᬸᬫ᭄ᬩᬸᬄᬳᬶ
ᬩᬗᬗ᭄ᬓᭂᬦᬸᬦᬶᬂ᭞ᬓᬾᬃᬢ᭄ᬢᬶᬢᬦ᭄ᬧᬓᬾᬃᬢ᭄ᬢᬶ᭞ᬳᬧᬘᬶᬭᬶᬦ᭄ᬳᬶᬧᬸᬦ᭄᭟᭜᭟ᬧᬥᬲᬥᬸ᭞ᬧᬥᬤᬸᬱ᭄ᬝᬢ᭄ᬯᬶ᭞ᬲᬫᬢᬸᬳᬸᬮᬶᬜᭀᬓ᭄᭞ᬲᬫᬳᬬᬸᬮᬦ᭄ᬲᬫᬳᬮᬦᬾ᭞ᬮᬫᬸ᭠
ᬦ᭄ᬲᬵᬫ᭄ᬧᬸᬦ᭄᭞ᬓᬾᬯᬮᬫᬳᬸᬭᬶᬧ᭄᭞ᬧᬥᬢᬦ᭄ᬧᬓᬾᬃᬢ᭄ᬢᬶ᭞ᬫᬓᬾᬃᬢ᭄ᬢᬶᬧᬶᬢᬸᬳᬸ᭟᭜᭟ᬳᬶᬭᬲᬥᬸ᭞ᬓ᭄ᬭᬡᬩᬶᬲᬳᬸᬭᬶᬧ᭄᭞ᬯᬶᬯᬶᬢ᭄ᬢᬦ᭄ᬮᬶᬜᭀᬓ᭄᭞ᬢᬸᬃᬭᬳᬬᬸᬢᬦᬦᬍᬢᭂ
[᭖᭖ 66A]
ᬳᬾ᭞ᬳᬶᬩᬜᬾᬤ᭞ᬳᬶᬭᬢᬦ᭄ᬧᬓᬾᬃᬢ᭄ᬢᬶ᭞ᬳᭂᬜ᭄ᬘᬾᬦ᭄ᬫᬤᬓᬶᬸᬂᬦ᭄ᬓᬾᬃᬢ᭄ᬢ᭞ᬦᬄᬳᭀᬭᬳᬂᬮᬯᬸᬢ᭄᭟᭜᭟ᬲᭂᬫᬮ᭄ᬚᬸᬯᬸᬲ᭄᭞ᬫᬸᬜᬶᬦᬾᬳᬮᭀᬦ᭄ᬫᬦᬶᬲ᭄᭞ᬳᬶᬩᬜᬓ᭄ᬫ
ᬢᬓᭀᬦ᭄᭞ᬫᬜᬶᬜ᭄ᬚᬶᬦᬂᬓ᭄ᬘᭀᬦ᭄ᬫᬤᬦ᭄ᬓᬾᬃᬢ᭄ᬢᬶᬦᬾ᭞ᬳᬶᬭᬲᬸᬓ᭞ᬧᬘᬂᬫᬶᬢᬸᬤᬸᬳᬶᬦ᭄᭞ᬤᬶᬳᬢᬶᬦᬾᬳᬮᬶᬄ᭞ᬧᭂᬢᬾᬓ᭄ᬤᬶᬢᬸᬜᬸᬂᬜᬸᬂ᭟᭜᭟ᬢᬶᬗ᭄ᬓᬄᬗᬶᬢᬸᬂᬤᬤ᭄ᬯᬧᬲ᭄ᬢᬶ᭞ᬦ᭄ᬢᭀ
ᬧᬂᬤᬘᭂᬤᭀᬓ᭄᭞ᬬᬦ᭄ᬳᬗ᭄ᬕᬦᬶᬦ᭄ᬓᬤᬶᬫᬫᬃᬕ᭄ᬕᬶᬦᬾ᭞ᬦᬾᬦᬾᬳᬦ᭄ᬢᬃ᭞ᬳᭂᬦ᭄ᬢᭀᬧᬦ᭄ᬢᭂᬲ᭄ᬳᭂᬦ᭄ᬢᬲᬶᬦ᭄᭞ᬢᬶᬦ᭄ᬤᬓᬾᬮᬶᬬᬢᬶᬦ᭄᭞ᬧᬂᬤᬗᬦ᭄ᬢᬶᬦᬜ᭄ᬚᬸᬂ᭟᭜᭟ᬦᬾᬚᭀᬄᬤᬶᬢᬸ᭞ᬤᬩ᭄ᬤ
ᬩ᭄ᬳᬸᬮᬶᬤᬶᬦᬶ᭞ᬳᬯᬲ᭄ᬳᬧᬂᬓᬢᭀᬦ᭄᭞ᬦᬾᬤᭀᬭᬶᬦᬾᬦ᭄ᬢᭀᬫᭂᬓᬦᬾᬕᭂᬥᬾ᭞ᬧᬦᬶᬫ᭄ᬩᬗᬦ᭄᭞ᬳᬗ᭄ᬕᭀᬦ᭄ᬫᬦᭂᬧᬲᬶᬦ᭄᭞ᬤᬶᬢᬸᬗᬮᬶᬄᬲᬳᬶᬄ᭞ᬦᬾᬲᬸᬩᬮᬦ᭄ᬤᬸᬭᬸᬂ᭟᭜᭟ [ 67 ][᭖᭖ 66B]
᭖᭖᭟
ᬫᭂᬦᬾᬓ᭄ᬢᬸᬯᬸᬦ᭄᭞ᬦ᭄ᬢᭀᬦᬾᬓᬓᬮᬶᬄ᭞ᬲᬫᬲᬫᬳᬩᭀᬢ᭄᭞ᬓᬚᬓᭂᬮᭀᬤ᭄ᬓᬗᬶᬦ᭄ᬓᬯᬸᬳᬾ᭞ᬦᭂᬫ᭄ᬦᭂᬫ᭄ᬲᬫ᭄ᬧᬸᬦ᭄᭞ᬫᬦ᭄ᬤᬤᬶᬳᬩᭂᬲᬶᬓ᭄᭞ᬳᭂᬦ᭄ᬢᭀᬓᬮᬶᬦ᭄ᬢᬂᬲᬸᬓᬶᬮ᭄᭞ᬯᬶ
ᬭᬾᬄᬢᬦ᭄ᬧᬢᬗ᭄ᬕᬸ᭟᭜᭟ᬮᬸᬢᬸᬂᬫᬸᬯᬸᬲ᭄᭞ᬳᭂᬦ᭄ᬢᭀᬓᬾᬃᬢ᭄ᬢᬶᬘᬳᬶ᭞ᬳᬯᬓ᭄ᬩᭂᬮᭀᬄᬩᭀᬗᭀᬮ᭄᭞ᬧᬧᬓ᭄ᬭᬫ᭄ᬩᬂᬢᬸᬬᬸᬳᬶᬦ᭄ᬳᬯᬓᬾ᭞ᬦᬾᬚᭀᬄᬭᬸᬭᬸᬄ᭞ᬤᭀᬂᬦᬾᬧᬳᭂᬓ᭄ᬕᬶᬲᬶ᭞
ᬗᬸᬤᬢ᭄ᬯᬭᬓᬾᬃᬢ᭄ᬢᬶ᭞ᬳᬯᬓ᭄ᬢ᭄ᬯᬭᬢᬸᬬᬸᬄ᭟᭜᭟ᬓᬗᬶᬦ᭄ᬓᬯᬸᬄ᭞ᬓᬚᬓᭂᬮᭀᬤ᭄ᬫᬮᬶᬄ᭞ᬫᭂᬦᬾᬓ᭄ᬢᬸᬯᬸᬦ᭄ᬳᬩᭀᬢ᭄᭞ᬧᭂᬢᬦ᭄ᬳᬶᬩᬩᬲ᭄ᬓᬮᬶᬯᬢ᭄ᬘ᭄ᬭᬾᬓᬾᬄ᭞ᬦᬾᬦᭂᬳᬮᬸᬄ᭞
ᬳᭂᬦ᭄ᬢᭀᬳᭀᬭᬳᬂᬲᭂᬗ᭄ᬓᬶᬮ᭄᭞ᬤᭂᬫᭂᬦᬦ᭄ᬗᬫᬶᬮ᭄ᬫᬶᬮ᭄᭞ᬳᭂᬜᬾᬦ᭄ᬳᭂᬜᬓ᭄ᬗᬸᬕᬸ᭟᭜᭟ᬳᬸᬫᬄᬮᬸᬯᬸᬂᬳᭂᬦ᭄ᬢᭀᬚᬦᬶᬓᬃᬤ᭄ᬥᬶ᭞ᬘᬭᬳᬶᬩᬮᭀᬮᭀᬂ᭞ᬩᬓᬮ᭄ᬳᬧᬫᭂᬮᬄᬦ᭄ᬢᭀᬳᬸ
[᭖᭗ 67A]
ᬫᬳᬾ᭞ᬓᬸᬮᬶᬢ᭄ᬢᬸᬮᬂ᭞ᬢᭂᬮᬄᬳᬸᬫᬮ᭄ᬲᬫᬶ᭞ᬩᬲᬂᬘᬗ᭄ᬕᭂᬢ᭄ᬘᭂᬓᬶᬂ᭞ᬫᬢᬧᭂᬲᬸᬓᬩᬸᬃ᭟᭜᭟ᬢᬸᬦᬲᬗᬸ᭞ᬓᬢᬸᬗ᭄ᬓᬸᬮ᭄ᬫᬧᬸᬕ᭄ᬮᬶᬂ᭞ᬢ᭄ᬯᬭᬦᬯᬂᬗᭀᬬᭀᬂ᭞ᬍᬫᬄᬍᬫᭂᬂᬦ᭄ᬢᭀᬭᬭᬫ᭄ᬩ
ᬗᬦᬾ᭞ᬲᬓᬶᬢ᭄ᬚᭂᬗᬄ᭞ᬫᬗᭂᬦᭂᬳᬂᬲᬳᬶ᭞ᬳᬶᬬᬤᬩ᭄ᬤᬩ᭄ᬕᬸᬮᬶᬲ᭄᭞ᬧᭂᬥᭂᬫᬦᬾᬮᬸᬯᬸᬂ᭟᭜᭟ᬬᬾᬦ᭄‌ᬬᬧᬸᬧᬸᬢ᭄᭞ᬳᬗ᭄ᬕᭀᬦ᭄ᬳᬧᬤᬤᬶ᭞ᬳᬶᬲᭂᬫᬮ᭄ᬗᬭᬯᭀᬲ᭄᭞ᬳᭂ
ᬦ᭄ᬢᭀᬫᬲᬶᬄᬧᬓᬾᬃᬢ᭄ᬢᬶᬳᬤᬦᬾ᭞ᬤᬶᬢᬸᬦᭀᬗᭀᬲ᭄᭞ᬧᬢᬶᬫᬶᬯᬄᬳᬸᬭᬶᬧ᭄᭞ᬤᬶᬳᬸᬫᬳᬾᬩᭂᬘᬶᬓ᭄᭞ᬫᬸᬓ᭄ᬱᬄᬳᬸᬮᬶᬤᬶᬢᬸ᭟᭜᭟ᬬᬳᬶᬮᬸᬢᬸᬂᬕᬕᬺᬕᭂᬢᬦ᭄ᬩ᭄ᬭᬗ᭄ᬢᬶ᭞ᬮᬦ᭄ᬢᬲ᭄
ᬬᬜᬮᭀᬃᬚᭀᬃ᭞ᬫᬫᬭᬦᬶᬦ᭄ᬳᬸᬫᬄᬳᬶᬲᭂᬫᬮᬾ᭞ᬲᬢᭂᬓᭂᬤᬾᬦᬸᬮᬶᬗᬸᬲᬓᬲᬶᬓ᭄᭞ᬳᬸᬫᬄᬜᬓᬩᬶᬲ᭄ᬩᬶᬲ᭄᭞ᬩᬳᬦ᭄‌ᬬᬳᬶᬮᬸᬢᬸᬂ᭟᭜᭟ᬢᬸᬃᬓᬘᬸᬦ᭄ᬤᬸᬓ᭄᭞ᬧ᭄ᬬᬦᬓ᭄ᬜ [ 68 ][᭖᭗ 67B]
᭖᭗᭟
ᬓᬓᬮᬶᬄ᭞ᬢᬸᬫᬸᬮᬶᬓᬘᬗ᭄ᬕᭀᬮ᭄᭞ᬓᬢᭂᬮᬳᬂᬤᬾᬭᬮᬸᬢᬸᬂᬩᬸᬲᬾᬢ᭄᭞ᬬᬳᬶᬲᭂᬫ᭠ᬮ᭄᭞ᬳᭂᬗ᭄ᬲᭂᬓ᭄ᬩᭂᬗᭀᬂᬗᭂᬮᬶᬂ᭞ᬓᬗᭂᬦ᭄‌ᬬᬤᬶᬳᬢᬶ᭞ᬩᬳᬦ᭄ᬧ᭄ᬬᬦᬓᬾᬮᬫ᭄ᬧᬸᬲ᭄᭟᭜᭟
ᬲᭂᬫᬮ᭄ᬳᬰ᭄ᬭᬸ᭞ᬗᬢᬸᬭᬂᬧ᭄ᬬᬸᬦᬶᬂ᭞ᬭᬶᬂᬲᬂᬚᬸᬭᬸᬭᬯᭀᬲ᭄᭞ᬭᬯᭀᬲ᭄ᬤᬦᬾᬧᬗᬚᭂᬂᬓᬺᬢᬦᬾ᭞ᬘᬳᬶᬲᭂᬫᬮ᭄᭞ᬦᬄᬲᭂᬧᬂᬧᬺᬤᬫᬶ᭞ᬭᬾᬳᬶᬂᬘᬳᬶᬧᭂᬮᬶᬄ᭞ᬫᬶᬢᬸᬢᬸᬭᬶᬦ᭄ᬮᬸᬢᬸᬂ
᭟᭜᭟ᬳᬶᬬᬓᬲᬸᬩ᭄᭞ᬫᬸᬮᬜᬦ᭄ᬤᬂᬍᬓᬶᬦ᭄᭞ᬲᬦ᭄ᬢᬦᬦ᭄ᬲᬂᬓᬯᭀᬢ᭄᭞ᬪᬕᬯᬵᬦ᭄ᬢᬲᬂᬋᬱᬶᬩᭀᬲᬾᬢᬾ᭞ᬲᬂᬳᬦᭀᬫᬦ᭄᭞ᬩᬬᬸᬲᬸᬢᬰᬓ᭄ᬢᬶ᭞ᬦ᭄ᬢᭀᬫᬸᬮᬫᬦᬶᬢᬶ
ᬲ᭄᭞ᬫᬸᬭᬸᬦᬂᬳᬶᬮᬸᬢᬸᬂ᭟᭜᭟ᬢᬦ᭄ᬧᬲᬯᬸᬃ᭞ᬳᬶᬲᭂᬫᬮ᭄‌ᬬᬲᭂᬤᬶᬄ᭞ᬧ᭄ᬭᬓᬵᬭᬦᬾᬓᬯᭀᬦ᭄᭞ᬭᬤ᭄ᬓᬺᬢᬦᬾᬲᬳᬶᬓᬮᬦ᭄ᬳᬶᬩᬸᬲᬾᬢ᭄᭞ᬢᬦ᭄ᬘᬭᬶᬢ᭞ᬳᬶᬲᭂᬫᬮ᭄᭠
[᭖᭘ 68A]
ᬬᬓᬶᬂᬓᬶᬂ᭞ᬳᬸᬘᬧᬦᬾᬚᬦᬶ᭞ᬳᬶᬮᬸᬢᬸᬂᬢᬦ᭄ᬢᬶᬭᬸᬦ᭄᭟᭜᭟ᬬᬳᬶᬮᬸᬢᬸᬂ᭞ᬫᬸᬗ᭄ᬕᬄᬫᬸᬮᬶᬲᬶᬦᬶᬦ᭄᭞ᬲᬳᬤᬤᬶᬲᭂᬧ᭄ᬬᭀᬦ᭄᭞ᬫᬦᬩ᭄ᬤᬩᬂᬓᬭᬳᬬᭀᬦ᭄ᬚᬕᬢᬾ᭞ᬲᭂᬥᭂᬓ᭄ᬦᬸᬗ᭄ᬓ᭄ᬭᬸ
ᬓ᭄᭞ᬳᬶᬮᬸᬢᬸᬂᬫᬗᭂᬢᬶᬲ᭄᭞ᬢᬸᬢᬸᬭᬸᬢᬹᬢ᭄ᬢᬶᬢᬶᬃ᭞ᬳᬶᬗ᭄ᬮᬢᬸᬓ᭄‌ᬬᬗᬸᬗ᭄ᬓᬸᬮ᭄᭟᭜᭟ᬲᬤᬳᬰ᭄ᬭᬸ᭞ᬳᬶᬮᬸᬢᬸᬂᬫᬜ᭄ᬚᭂᬭᬶᬢ᭄᭞ᬳᬄᬳᭀᬄᬩ᭄ᬮᬢᬸᬓ᭄ᬲᭀᬫ᭄ᬩᭀᬂ᭞ᬓᬸᬭᬂᬳᬚᬃᬲᬶᬩ
ᬤ᭄ᬩᬄᬓᭀᬯᬾ᭞ᬳᬧᬓ᭄ᬭᬡᬳᬶᬩᬗᬸᬮ᭄ᬕᬸᬮ᭄ᬢᬶᬢᬶᬃ᭞ᬗ᭄ᬕᬯᬾᬕᬾᬯᬃᬕᬸᬫᬶ᭞ᬳᬶᬩ᭄ᬮᬢᬸᬓ᭄ᬳᬫᬸ᭠ᬯᬸᬲ᭄᭟᭜᭟ᬳᬾᬚ᭄ᬭᭀᬓᭂᬢᬸᬢ᭄᭞ᬓ᭄ᬭᬡᬢ᭄ᬬᬂᬩᬦᬶ᭞ᬦᭂᬧᬓ᭄ᬓᬸᬮ᭄ᬓᬸᬮ᭄ᬳᬾᬜ᭄ᬘᭀᬂ᭞ᬭᬾᬄ
ᬚᬕᬢᬾᬮᬶᬦ᭄ᬢᬂᬩ᭄ᬬᬬᬸᬢᬦᬾ᭞ᬳᬶᬸᬂᬬᬳᬶᬚᬗ᭄ᬓᭀᬓ᭄᭞ᬗᬩᬧᭀᬮᬾᬂᬮᬸᬗᬶᬤ᭄᭞ᬫᬕ᭄ᬮᬶᬯᭂᬭᬦ᭄ᬧᬮᬶᬂ᭞ᬕᬸᬫᬶᬮᬶᬦ᭄ᬢᬂᬭᬶᬩᬸᬢ᭄᭟᭜᭟ᬬᬳᬶᬓᬓᬸᬮ᭄᭞ᬫᬶᬯᬄᬳᬶᬢᬫᬶᬲᬶ᭞ᬳᬶ [ 69 ][᭖᭘ 68B]
᭖᭘᭟
ᬓᬓ᭄ᬯᬮᭀᬮᭀᬲ᭄᭞ᬗᬚᭂᬂᬳᬸᬫᬄᬢᬹᬢᬶᬂᬲᬳᬶᬲᬶᬦᬾ᭞ᬓᬮᬶᬲᬲ᭄ᬯᬦ᭄᭞ᬗᬸᬯᬸᬕ᭄ᬳᬸᬫᬄᬧᬮᬶᬂ᭞ᬢ᭄ᬬᬂᬦᬾᬦ᭄ᬢᭂᬦ᭄ᬳᬸᬦᬶᬂ᭞ᬦᬧᬶᬓ᭄ᬭᬡᬦᬶᬧᬸᬦ᭄᭟᭜᭟ᬢᬦ᭄ᬧᬲᬯᬸᬃ᭞ᬲᬂᬫᬦ᭄ᬢ᭄ᬭᬷᬧᬸᬮᬶᬲᬶ᭞ᬲ
ᬳᬲᬤᬸᬫ᭄ᬭᭀᬚᭀᬕ᭄᭞ᬫ᭄ᬭᬢ᭄ᬬᬓ᭄ᬱᬬᬂᬳᬧᬲᬶᬓ᭄ᬭᬡᬦᬾ᭞ᬲᬗ᭄ᬓᬦ᭄ᬩᬶᬬᬸᬢ᭄᭞ᬲᬳᬶᬲᬶᬦᬵᬕᬭᬷ᭞ᬢᭂᬫ᭄ᬩᬾᬩᬸᬓᬚᬦᬶ᭞ᬢᬦ᭄ᬧᬦ᭄ᬢᬭᬳᬸᬫᬸᬂ᭟᭜᭟ᬯᬸᬲ᭄ᬓᬘᬸᬦ᭄ᬤᬸᬓᬶᬫᬦ᭄ᬢ᭄ᬭᬷᬧᬸᬮᬶᬲᬶ᭞ᬭᬶᬂᬲᬂ
ᬲᬫᬶᬮᭀᬮᭀᬲ᭄᭞ᬓᬢᭂᬢᭂᬲᬂᬳᬧᬲᬶᬓ᭄ᬭᬡᬦᬾ᭞ᬲᬯᬸᬃᬳᬶᬧᬸᬦ᭄᭞ᬲᬂᬓᬢᬸᬭᬾᬓ᭄ᬱᬳᬶᬦ᭄᭞ᬗ᭄ᬕᬶᬄᬚ᭄ᬭᭀᬦᬾᬫᬦ᭄ᬢ᭄ᬭᬷ᭞ᬓ᭄ᬭᬡᬢᬶᬢ᭄ᬬᬂᬭᬭᬸᬤ᭄᭟᭜᭟ᬯᬶᬭᬾᬄᬳᬶᬧᬸᬦ᭄᭞ᬲᬳᬶᬗᬩᬳᬧᬶ᭞
ᬳᬶᬓᬸᬦᬂᬓᬸᬦᬂᬦ᭄ᬢᭀ᭞ᬤᬾᬦᬶᬂᬳᬶᬧᬸᬦ᭄ᬮᬶᬦ᭄ᬢᬂᬘᬘᬸᬗ᭄ᬓᭂᬮᬶᬗᬾ᭞ᬳᬲᬶᬂᬧᬳᭂᬓ᭄᭞ᬦᬕᬶᬄᬓᬲᭂᬤᬸᬢᬶᬦ᭄᭞ᬦ᭄ᬢᭀᬚᭂᬚᭂᬳᬶᬦ᭄ᬳᬢᬶ᭞ᬲᬗ᭄ᬓᬦ᭄ᬢᬶᬬᬂᬮᬸᬮᬸᬲ᭄᭟᭜᭟ᬓᬾᬦ᭄ᬢᭂᬦᬸᬦ᭄ᬤᬸᬓ᭄᭞ᬲᬗ᭄ᬓ
[᭖᭙ 69A]
ᬦ᭄ᬢ᭄ᬬᬂᬫᬮᬳᬶᬩ᭄᭞ᬗᬚᬂᬳᬸᬫᬄᬲᭀᬭᭀᬂ᭞ᬬᬳᬶᬮᬸᬢᬸᬂᬓᬮᬶᬦ᭄ᬢᬂᬩ᭄ᬭᬗ᭄ᬢᬶᬦᬾ᭞ᬓᭂᬫᬓ᭄ᬓᭂᬫᬸᬓ᭄᭞ᬢᬸᬃᬫᬢᬶᬗ᭄ᬕᬮᬭᬶᬲ᭄᭞ᬳᬸᬜᬶᬦᬾᬗᬭᬸᬫᬸᬓ᭄᭟᭜᭟ᬦᬸᬮᬶᬮᬚᬸ᭞ᬬᬫ
ᬚᬳᬦ᭄ᬗᬮᬶᬄ᭞ᬲᬶᬂᬧᬭᬦ᭄ᬲᬶᬂᬳᭂᬗ᭄ᬕᭀᬦ᭄ᬧᬕᭂᬦᬄᬜᬲᬂᬓᬸᬦᬂᬓᬸᬦᬗᬾ᭞ᬘᬭᬶᬢᬲᬵᬫ᭄ᬧᬸᬦ᭄᭞ᬓᬧᬗ᭄ᬕᬶᬄᬦᬾᬫᬗ᭄ᬓᬶᬦ᭄᭞ᬳᬶᬮᬸᬢᬸᬂᬫᬘᭂᬕᬶᬓ᭄᭞ᬫᬸᬜᬶᬦᬾᬫᬓᭂᬩ᭄ᬭᬸᬲ᭄᭟᭜᭟
ᬳᬄᬳᬄᬳᭀᬄᬳᭀᬄ᭞ᬓᬫᬸᬓᬸᬦᬂᬓᬸᬦᬂᬦᬦᬶ᭞ᬢᬸᬲᬶᬂᬩᬸᬯᬸᬂᬧᭂᬮᭀᬢ᭄᭞ᬤᭀᬱᬦᬶᬩᬕᬸᬂᬯ᭄ᬭᬢ᭄ᬧᬢᬶᬦᬾ᭞ᬗᬭᬸᬲᬸᬄ᭞ᬤᬶᬕᬸᬫᬶᬦᬾᬤᬶᬦᬶ᭞ᬦᬕᬶᬄᬫᬦᬸᬜ᭄ᬚᭂᬮᬶᬦ᭄᭞ᬳᬸ
ᬫᬄᬳᬧᬂᬧᬸᬯᬸᬦ᭄᭟᭜᭟ᬳᬢᬸᬃᬳᬶᬧᬸᬦ᭄᭞ᬓᬸᬦᬂᬓᬸᬦᬂᬳᬭᬶᬲ᭄᭞ᬜᭂᬜᭂᬃᬫᬦᬶᬲ᭄ᬳᬮᭀᬦ᭄᭞ᬢ᭄ᬬᬂᬦ᭄ᬤᬯᭂᬕᬂᬭᬶᬂᬫᬓ᭄ᬕᬾᬕᭂᬥᬾ᭞ᬤᭀᬂᬲᬵᬫ᭄ᬧᬸᬦᬂ᭞ᬚᬕ᭄ᬤᬸᬓᬫᬓᭂᬩ᭄ᬭᬶᬲ᭄᭞ᬧ [ 70 ][᭖᭙ 69B]
᭖᭙᭟
ᬭᬶᬓ᭄ᬱᬲᬓᬶᬂᬢᬶᬢᬶᬓ᭄᭞ᬫᬗ᭄ᬤᬫᬦᬹᬢ᭄ᬳᬸᬦ᭄ᬤᬸᬓ᭄᭟᭜᭟ᬢᬶᬢ᭄ᬬᬂᬫᬢᬸᬃ᭞ᬫᬶᬤᬃᬣᬬᬂᬳᬶᬦ᭄ᬤᬶᬓ᭄᭞ᬗ᭄ᬳᬶᬂᬳᬫ᭄ᬧᬸᬭᬜᭀᬄᬜᭀᬄ᭞ᬓ᭄ᬭᬡᬢ᭄ᬬᬂᬫᬫᬓ᭄ᬢᬕᭂᬦᬶᬦᬾ᭞ᬓᬵᬮᬤᬮᬸ᭞
ᬢ᭄ᬬᬂᬗᬋᬋᬄᬪᬸᬓ᭄ᬢᬶ᭞ᬫᬗ᭄ᬤᬕᭂᬮᬶᬲ᭄ᬧᬗ᭄ᬕᬶᬄ᭞ᬲᬓᬮ᭄ᬯᬶᬃᬭᬸᬭᬸᬄ᭟᭜᭟ᬓᬮᬶᬄᬳᬶᬧᬸᬦ᭄ᬳᬶᬩᬤᬸᬤᬘᬸᬮᬶᬕ᭄᭞ᬳᬶᬧᬸᬦ᭄ᬗᬯᬾᬓᬯᭀᬦ᭄᭞ᬭᬶᬂᬫᬃᬕ᭄ᬕᬶᬦᬾᬫᬓᬃᬬ᭄ᬬᬩ᭄ᬮᬸᬂᬩᬗᬾ᭞ᬳᬲᬶᬂᬭᬸ
ᬭᬸᬂᬢᭂᬮᬄᬓᬩᬂᬩᬗᬶᬦ᭄᭞ᬦᬶᬓᬗᬚ᭄ᬭᬶᬳᬶᬦ᭄᭞ᬳᬧᬂᬳᭂᬤᬢ᭄ᬬᬂᬮᬩᬸᬄ᭟᭜᭟ᬩᭀᬬᬧᬸᬭᬸᬦ᭄᭞ᬢ᭄ᬬᬂᬗᬸᬲᬓᬲᬶᬓ᭄᭞ᬧᬘᬂᬗᭀᬩᭀᬭᭀᬩᭀᬃ᭞ᬓᬤᬶᬩᬯᬸᬧᬦᬮᬶᬄ
ᬚ᭄ᬭᭀᬦᬾ᭞ᬩᬸᬯᬢᬢᭂᬧᬸᬂ᭞ᬧᬶᬦᬭᬄᬳᬓᭂᬢᬶ᭞ᬩᭀᬬᬢᬶᬢ᭄ᬬᬂᬩᬦᬶ᭞ᬧᬘᬂᬗᬭᬸᬲᬸᬄ᭟᭜᭟ᬩᬸᬓᬭᬸᬗᬸᬧᬶᬤᬃᬣᬦ᭄ᬜᬲᬶᬸᬂᬲᬫᬶ᭞ᬳᬶᬮᬸᬢᬸᬂᬬᬗᭂᬢᭀᬃ᭞ᬩᬳᬦ᭄ᬩ᭄ᬭᬗ᭄ᬢᬶᬦᬾᬩᬗ᭄ᬕ᭄ᬭ
[᭗᭐ 70A]
ᬲ᭄ᬧᬢᬓᭀᬦᬾ᭞ᬤᬶᬚᬦᭀᬗᭀᬲ᭄᭞ᬳᬶᬩᬤᬸᬤᬘᬸᬯᬶᬮ᭄᭞ᬫᬦ᭄ᬤᬸᬍᬕᬶᬦ᭄ᬳᬢᬶ᭞ᬗ᭄ᬕᬯᬾᬲᬓᬶᬢ᭄ᬩᬬᬸ᭟᭜᭟ᬲᬯᬸᬃᬳᬶᬧᬸᬦ᭄᭞ᬓᬸᬦᬂᬓᬸᬦᬂᬫᬦᬶᬲ᭄᭞ᬳᬸᬄᬚ᭄ᬭᭀᬫᬦ᭄ᬢ᭄ᬭᬷᬳ
ᬦᭀᬦ᭄᭞ᬦᬾᬦ᭄ᬢᭂᬦ᭄ᬓᬦ᭄ᬢᭂᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬕᭂᬦᬄᬦᬾ᭞ᬩᭂᬘᬶᬓ᭄ᬭᬸᬭᬸᬄ᭞ᬲᬶᬂᬜᬤᬶᬚᬦᬯᬶ᭞ᬳᬶᬮᬸᬢᬸᬂᬗᬭᬭᬶᬲ᭄᭞ᬫᬚᬮᬦ᭄ᬗᬭᬸᬭᬸᬄ᭟᭜᭟ᬕ᭄ᬮᬶᬲᬶᬂᬢᬸᬢᬸᬃ᭞ᬘ᭄ᬭᬶᬢᬲᬵᬫ᭄ᬧᬸᬦ᭄ᬧᬗ᭄ᬕᬶᬄ᭞ᬳᬶ
ᬮᬸᬢᬸᬂᬫᬢᬓᭀᬦ᭄᭞ᬳᬧᬓ᭄ᬭᬡᬬᬗ᭄ᬕᬯᬾᬩᬂᬩᬗᬾ᭞ᬲᬯᬸᬃᬳᬶᬧᬸᬦ᭄᭞ᬳᬶᬩᬤᬸᬤᬳᬶᬗ᭄ᬕᬶᬄ᭞ᬤᭀᬦᬶᬂᬢ᭄ᬬᬂᬩᬦᬶ᭞ᬫᬮᬸᬂᬩᬂᬭᬶᬂᬭᬸᬭᬸᬂ᭟᭜᭟ᬢᬶᬢ᭄ᬬᬂᬢᬸᬳᬸ᭞ᬫᬗᬸᬭᬸᬕᬶ
ᬦ᭄ᬩᬘᬶᬦ᭄᭞ᬳᬶᬍᬫ᭄ᬩᬸᬲᬕᬯᭀᬦ᭄᭞ᬗᬍᬢᬸᬳᬶᬦ᭄ᬗᭀᬢᭀᬭᬶᬦ᭄ᬫᬃᬕ᭄ᬕᬶᬦᬾ᭞ᬬᬦᬶᬂᬦᬸᬚᬸ᭞ᬲᬂᬧ᭄ᬭᬪᬹᬫᬫᬃᬕ᭄ᬕᬶ᭞ᬧᬂᬤᬓᬦ᭄ᬢᬶᬫᭂᬜᬶ᭞ᬘᭀᬓᭀᬃᬤᬲᬂᬯᬶᬪᬸᬄ᭟᭜᭟ᬬᬳᬶᬮᬸᬢᬸᬂ᭞ [ 71 ][᭗᭐ 70B]
᭗᭐᭟
ᬤᬸᬓ᭄ᬫᬶᬭᬕᬶᬳᬶᬦ᭄ᬤᬶᬓ᭄᭞ᬳᬶᬩᬦ᭄ᬢᬾᬂᬓᬭᬯᭀᬲ᭄᭞ᬗᬭᬸᬕᬥᬤᬶᬦᬶᬤᬶᬚᬕᬢᬾ᭞ᬳᬶᬗᭂᬢ᭄ᬳᬶᬧᬸᬦ᭄᭞ᬭᬶᬂᬳᬸᬦ᭄ᬤᬸᬓᬾᬭᬶᬳᬶᬦ᭄᭞ᬓᬕᬯᬾᬦᬂᬫᬢᬶ᭞ᬩᬳᬦ᭄‌ᬬᬍᬫ᭄ᬩᬸ᭟᭜᭟
ᬧᬸᬄᬅᬤ᭄ᬭᬷ᭟᭜᭟ᬳᬶᬥᭂᬧ᭄ᬜᬦᬾᬳᬶᬮᬸᬢᬸᬂᬲᬸᬭᬸᬤ᭄᭞ᬧᬘᬗᭂᬜᬫ᭄ᬧᭀᬮᬶᬳᬾ᭞ᬧᬂᬲᬶᬤ᭄ᬥᬳᬶᬍᬫ᭄ᬩᬸᬫᬢᬶ᭞ᬫᬦᬄᬳᬶᬧᬸᬦ᭄ᬓᬤᬸᬂᬓᭂᬩᬸᬲ᭄᭞ᬧᬦ᭄ᬓᭂᬦᬓᬩᬶᬓᬲ᭄ᬫᬮᬸ᭞ᬚᬦᬶ
ᬬᬧᬘᬂᬗᬯᬍᬲᬂ᭞ᬬᬦ᭄ᬢᬦ᭄ᬲᬶᬤ᭄ᬥᬳᬦ᭄ᬢᬸᬓ᭄ᬳᬶᬧᬸᬦ᭄᭞ᬩᭀᬬᬲᬸᬭᬸᬤ᭄ᬭᬶᬂᬫᬦᬄᬜ᭞ᬳᬶᬮᬸᬢᬸᬂᬮᬚᬸᬫᬚᬮᬦ᭄᭟᭜᭟ᬢᬦ᭄ᬘ᭄ᬭᬶᬢᬦᭂᬦ᭄ᬯᬸᬲ᭄ᬫᬗ᭄ᬓᬶᬦ᭄ᬓᬘᬸᬦ᭄ᬤᬸᬓ᭄᭞ᬭᬶᬂᬲᬶ
ᬭᬲᬂᬩᬦ᭄ᬢᬾᬂ᭞ᬳᬶᬩᬦ᭄ᬢᬾᬂᬳᬫᬸᬯᬸᬲ᭄ᬳᬭᬶᬲ᭄᭞ᬳᬧᬓᬃᬬ᭄ᬬᬳᬶᬩᬮᬸᬢᬸᬂ᭞ᬢᭂᬫ᭄ᬩᬾᬲᬦ᭄ᬫᬳᬶ ᬓᬢᭂᬧᬸᬓ᭄᭞ᬳᬶᬮᬸᬢᬸᬂᬲᬯᬸᬭᬾᬩᬗ᭄ᬭᬲ᭄᭞ᬳᬶᬩᬲᬢᭀᬢᬦ᭄ᬧᬲᭂᬫᬸ᭞ᬗᬍ
[᭗᭑ 71A]
ᬢᭂᬳᬶᬦ᭄ᬚᬕᬢ᭄ᬳᬶᬩ᭞ᬯᭂᬦᬂᬳᬶᬩᬳᬸᬓᬸᬫ᭄ᬓᬸᬢᬂ᭟᭜᭟ᬦᬾᬫᬮᬸᬳᬶᬩᬲᬸᬩᬫᬗᬧᬸᬲ᭄᭞ᬜᬶᬤ᭄ᬭᬗᭂᬧᬾᬢ᭄ᬲᬶᬗ᭄ᬲᬾ᭞ᬦᬾᬚᬦᬶᬗᬋᬕᭂᬤᬶᬦ᭄ᬕᬸᬫᬶ᭞ᬳᬶᬍᬫ᭄ᬩᬸᬳᬸᬚᬭᬾᬳᬮᬸᬲ᭄᭞
ᬳᬶᬄᬩᭀᬚᭀᬕ᭄ᬤᬦ᭄ᬤᬾᬦ᭄ᬓᬤᬸᬭᬸᬲ᭄᭞ᬗᬮᬩᬸᬳᬂᬭᬭᬯᭀᬲᬦ᭄᭞ᬓᬤᬸᬂᬮᬩᬸᬄᬓᬸᬤ᭄ᬬᬂ᭠ᬦᬸᬤᬸᬓ᭄᭞ᬧᬶᬦᭂᬄᬧᬶᬦᭂᬄᬧᬢᭂᬮᬦᬦ᭄᭞ᬲᭂᬗᬧᬾᬚᬢ᭄ᬓᬲᬗ᭄ᬓᬮᬦ᭄᭟᭜᭟ᬓ᭄ᬭᬡᬓ
ᬳᬶᬦᬾᬲᬸᬩᬗᬧᬸᬲ᭄᭞ᬧᬲᬶᬮᬶᬄᬤᭂᬗ᭄ᬓᬮᬾ᭞ᬳᬶᬓᬾᬓᬾᬃᬗᬸᬤᬩᬸᬢ᭄ᬩᬸᬢᬶᬦ᭄᭞ᬓᬳᬶᬫᬦᬶᬦ᭄ᬤᬶᬄᬦᬾᬧᬢᬹᬢ᭄᭞ᬚᬦᬶᬳᬶᬩᬦᬕᬶᬄᬗᬸᬓᬸᬫ᭄᭞ᬫᬗ᭄ᬤᭀᬄᬳᬶᬩᬫᬺᬱᬶᬤ᭄ᬥᬬᬂ᭞ᬳᬶᬩᭀᬚᭀᬕᬸ
ᬘᬧᬾᬗᬭᬸᬫᬸᬓ᭄᭞ᬚᬦᬶᬓᬳᬶᬫᬗᬸᬦᬶᬗᬂ᭞ᬢᭂᬓᬾᬦᬶᬂᬲᬂᬧ᭄ᬭᬪᬸᬲᬶᬗ᭄ᬳ᭟᭜᭟ᬳᬢᬶᬳᬢᬶᬳᬶᬩᬲᬢᭀᬍᬫ᭄ᬩᬸ᭞ᬕᭂᬢᬶᬄᬳᬶᬩᬦᬾᬘᬾᬭᬾᬢ᭄᭞ᬩᬲᬂᬦᬾᬧᬘᬂᬧᬸᬘᬸᬲᬶᬦ᭄᭞ᬢ᭄ᬯᬭ [ 72 ][᭗᭑ 71B]
᭗᭑᭟
ᬳᬶᬩᬩᬸᬯᬸᬂᬫᬫ᭄ᬧᬸᬲ᭄᭞ᬓᬢᬥᬄᬩᬦ᭄ᬲᬂᬧ᭄ᬭᬪᬸ᭞ᬳᬶᬍᬫ᭄ᬩᬸᬳᬸᬚᬭᬾᬩᬦ᭄ᬩᬦ᭄᭞ᬢ᭄ᬯᬭᬳᬶᬭᬯᭂᬤᬶᬓᬾᬗ᭄ᬕᬸᬄ᭞ᬗᬮᬯᬦ᭄ᬲᬂᬧ᭄ᬭᬪᬸᬲᬶᬗ᭄ᬳ᭞ᬳᬘᭂᬧᭀᬓ᭄ᬘᬦ᭄ᬢᬾᬢᬶᬦ᭄ᬓᬸᬯᬂ᭟᭜᭟ᬢᬦᬸᬘᬧ
ᬦ᭄ᬳᬶᬮᬸᬢᬸᬂᬭᬶᬂᬳᭂᬦᬸ᭞ᬕᭂᬮᬶᬲ᭄ᬧᬚᬮᬦᬾ᭞ᬭᬶᬂᬳᬚᭂᬂᬲᬂᬧ᭄ᬭᬪᬸᬧ᭄ᬭᬧ᭄ᬢᬶ᭞ᬲᬂᬧ᭄ᬭᬪᬸᬕᭂᬮᬶᬲ᭄ᬳᬦ᭄ᬤᬸᬮᬸ᭞ᬲᬳᬗᬦ᭄ᬤᬶᬓᬳᬶᬄᬮᬸᬢᬸᬂ᭞ᬳᬧᬲᬥ᭄ᬬᬦ᭄ᬳᬶᬩᬢᭂᬓ᭞ᬳᬶᬮᬸᬢᬸᬂᬳᬸᬫᬢᬸᬃᬳᬮᬸᬲ᭄᭞ᬥᬸᬄᬭᬢᬸ
ᬤᬯᭂᬕ᭄ᬳᬫ᭄ᬧᬸᬭ᭞ᬢᬶᬢ᭄ᬬᬂᬳᬶᬓᬯᬸᬮᬦᬶᬱ᭄ᬝ᭟᭜᭟ᬓᬫᬶᬧᬸᬭᬸᬦ᭄ᬫᬗᬢᬸᬭᬂᬘᭂᬧᬸᬂ᭞ᬲᭀᬭᬶᬦ᭄ᬩᬸᬓ᭄ᬧᬥᬦᬾ᭞ᬳᬶᬗ᭄ᬕᬶᬄᬢᬦ᭄ᬮ᭄ᬬᬦᬶᬲᬫ᭄ᬧᬶ᭞ᬳᬶᬧᬸᬦ᭄ᬜᬫᬸᬓᬭᬢᬸ᭞ᬮᬗ᭄ᬕᬄᬭᬶᬂᬮᬶᬗ᭄ᬕᬶᬄᬲᬂᬧ᭄ᬭ
ᬪᬸ᭞ᬳᬶᬧᬸᬦ᭄ᬢᬦ᭄ᬗᬶᬭᬶᬂᬓᬧ᭄ᬭᬾᬦ᭄ᬢᬄ᭞ᬫᬩᬮᬶᬓᬶᬧᬸᬦ᭄ᬫᬫᬸᬲᬸᬄ᭞ᬜᬤ᭄ᬬᬫᬢᬗ᭄ᬓᭂᬧ᭄ᬫᬬᬸᬤ᭄ᬥ᭞ᬗᬮᬯᬦ᭄ᬘᭀᬓᭀᬭᬶᬤᬾᬯ᭟᭜᭟ᬭᬶᬲᬫ᭄ᬧᬸᬦᬾᬓᬧᬶᬤᬃᬣᬧᬸᬧᬸᬢ᭄᭞ᬓᬮᬗ᭄ᬓᬸᬂᬤᬸᬄᬓᬦᬾ᭞ᬲᬂ
[᭗᭒ 72A]
ᬧ᭄ᬭᬪᬸᬫᬗ᭄ᬓᬶᬦ᭄ᬫᬦᭂᬮᬶᬓ᭄᭞ᬳᬗᬸᬘᬧᬸᬚᬭᬾᬩᬗ᭄ᬕ᭄ᬭᬲ᭄᭞ᬤᬶᬚᬢᭀᬗᭀᬲ᭄ᬦᬾᬳᬶᬩ᭄ᬩᬶᬸᬂᬫ᭄ᬩᬸ᭞ᬦᬄᬮᬯᬸᬢ᭄ᬘᬳᬶᬳᭀᬭᬳᬂ᭞ᬳᬶᬭᬚᬦᬶᬓᭂᬫᬗᬮᬸᬭᬸᬕ᭄᭞ᬳᬶᬮᬸᬢᬸᬂᬳᬢᬸᬭᬾᬩᬦ᭄ᬩᬦ᭄᭞ᬳᬶᬭᬶ
ᬓᬳᬶᬧᬸᬦ᭄ᬫᬕᭂᬦᬄ᭟᭜᭟ᬢᬦᬲ᭄ᬯᬾᬲᬂᬧ᭄ᬭᬪᬸᬢᬸᬫᭂᬤᬸᬦ᭄᭞ᬳᬰ᭄ᬭᬸᬧᬫᬃᬕ᭄ᬕᬶᬦᬾ᭞ᬳᬶᬮᬸᬢᬸᬂ᭠ᬢᬦ᭄ᬤᭀᬄᬫᬗᬶᬭᬶᬂ᭞ᬢᬦᬸᬘᬧᭂᬦ᭄‌ᬬᬭᬶᬂᬳᭂᬦᬸ᭞ᬳᬶᬍᬫ᭄ᬩᬸᬫᬗ᭄ᬓᬶᬓᬯᬸᬯᬸᬲ᭄᭞ᬫᬗᬮᬶᬄᬬ
ᬳᬶᬮᬮᬲᬦ᭄᭞ᬘᬭᬶᬢᬬᬲᬸᬩᬓᬧᬗ᭄ᬕᬸᬄ᭞ᬮᬯᬸᬢ᭄ᬫᬦᬸᬢᬸᬭᬂᬢᬶᬗ᭄ᬓᬄ᭞ᬢᭂᬮᬲ᭄ᬲᬫᬶᬓᬧᬶᬤᬃᬣ᭟᭜᭟ᬳᬶᬮᬮᬲᬦ᭄ᬫᬾᬲᭂᬫ᭄ᬦᬸᬮᬶᬫᬸᬯᬸᬲ᭄᭞ᬕᭂᬢᬃᬧᬗᬸᬘᬧᬾ᭞ᬳᬶᬭᬩ
ᬓᬮ᭄ᬫᬦᬦ᭄ᬤᬶᬗᬶᬦ᭄᭞ᬳᭂᬤᬓᬾᬯᭂᬄᬳᬶᬩᬍᬫ᭄ᬩᬸ᭞ᬫᬲᬩᬸᬯᬸᬂᬜ᭄ᬚᬬᬰᬢ᭄ᬭᬸ᭞ᬬᬢᬓᭀᬲᬶᬗ᭄ᬳᬲᬦᬸᬗ᭄ᬕᬮ᭄᭞ᬲᬶᬬᬸᬲᬶᬗ᭄ᬳᬓᭀᬦᬗᬺᬩᬸᬢ᭄᭞ᬢ᭄ᬯᬭᬳᬶᬭᬧᬘᬂᬓᬮᬄ᭞ [ 73 ][᭗᭒ 72B]
᭗᭒᭟
ᬜᭂᬦ᭄ᬢᭀᬓᬂᬲᬶᬗ᭄ᬳᬯᬶᬓ᭄ᬭᬫ᭟᭜᭟ᬘᬭᬶᬢᬬᬂᬳᬶᬲᬶᬗ᭄ᬳᬯᬸᬲ᭄ᬭᬯᬸᬄ᭞ᬭᬶᬂᬕᭂᬦᬄᬩᬦ᭄ᬢᬾᬗᬾ᭞ᬳᬗ᭄ᬭᬓ᭄ᬫᬗᬂᬗᬚᭂᬗᬶᬢ᭄᭞ᬳᬶᬮᬮᬲᬦᬰ᭄ᬭᬸᬳᬫᬸᬯᬸᬲ᭄᭞ᬓᬳᬶᬢᬾᬢᬦ᭄ᬤᬶ
ᬗᬶᬦ᭄ᬫᬮᬸ᭞ᬬᬦ᭄ᬓᬳᬶᬲᬸᬩᬓᬘᬶᬯ᭞ᬲᬓᬋᬧ᭄ᬳᬶᬩᬫᬧᬕᬸᬢ᭄᭞ᬗᬮᬯᬦ᭄ᬳᬶᬩᬦ᭄ᬢᬾᬂᬳᬮᬲ᭄᭞ᬳᬶᬲᬶᬗ᭄ᬳᬧᭂᬤᬶᬄᬫᬸᬭᬶᬭᬓ᭄᭟᭜᭟ᬲᬮᬄᬲᬮᬄᬓᬳᬶᬗᬮᬯᬦ᭄ᬫᬸ᭞ᬘ᭄ᬭᬶᬓ᭄ᬫᬩᭂ
ᬢ᭄ᬘ᭄ᬭᬾᬓᬾᬄ᭞ᬳᬸᬧᬶᬦ᭄ᬲᬧᬶᬲᬦ᭄ᬫᬍᬓᭂᬢᬶᬓ᭄᭞ᬳᬶᬮᬮᬲᬦ᭄ᬗᬸᬘᬧᬰ᭄ᬭᬸ᭞ᬳᬄᬩᭀᬩᬩᬶᬩᬓᬮᬗ᭄ᬓᬸᬂ᭞ᬦᬄᬮᬯᬸᬢᬂᬚ᭄ᬯᬢᬗ᭄ᬓᭂᬧᬂ᭞ᬕᬸᬡᬳᬧᬧᭂᬢᬮᬶᬬᬸ᭞ᬩᬓᬮ᭄ᬢ᭄ᬯᬭᬜᬶᬤ᭄ᬥᬂᬓᬃ᭠
ᬬ᭄ᬬ᭞ᬳᬶᬲᬶᬗ᭄ᬳᬧᭂᬤᬶᬄᬜᬚᬬᬂ᭟᭜᭟ᬓᬲᬕᬺᬧ᭄‌ᬬᬳᬶᬮᬮᬲᬦ᭄ᬮᬯᬸᬢ᭄᭞ᬲᬳᬲᬢᬗ᭄ᬓᭂᬧ᭄ᬦᬾ᭞ᬦᬗ᭄ᬳᬶᬂᬳᬶᬮᬮᬲᬦ᭄ᬧᭂᬮᬶᬄ᭞ᬩ᭄ᬯᬶᬦ᭄ᬬᬓᬤᬓᭂᬧ᭄ᬮᬸᬧᬸᬢ᭄᭞ᬳᬶᬲᬶᬗ᭄ᬳᬫᬯᬸᬯᬸᬄ
[᭗᭓ 73A]
ᬯᬸᬯᬸᬄ᭞ᬩ᭄ᬭᬗ᭄ᬢᬶᬦᬾᬢᬦ᭄ᬧᬶᬭᬧᬶᬭ᭞ᬩᬳᬦᬾᬧᭂᬮᬶᬄᬩᬶᬮᬂᬲᬯᬸᬧ᭄᭞ᬘᬗ᭄ᬓ᭄ᬯᬓ᭄ᬤᬶᬦᬶᬤᬶᬢᬸᬗᭂᬦᬄ᭞ᬳᬶᬲᬶᬗ᭄ᬳᬲᬬᬦ᭄ᬓᬳᬶᬫᭂᬗᬦ᭄᭟᭜᭟ᬳᬶᬮᬮᬲᬦ᭄ᬫᬮᬶᬂᬳᬮᬶᬂᬩᬕᬸᬲ᭄᭞
ᬤᬶᬢᬸᬗ᭄ᬕᬓ᭄ᬢᬶᬳᬶᬗᬾ᭞ᬤᬶᬢᬸᬬᬚᬦᬶᬫᬜᭂᬕᬶᬃ᭞ᬳᬶᬲᬶᬗ᭄ᬳᬫᬳᬶᬭᬗᬾᬫᬸᬧᬸᬢ᭄᭞ᬲᬳᬲᬦᬺᬓᭂᬫ᭄ᬫᬜᭂᬕᬸᬢ᭄᭞ᬢᬸᬗ᭄ᬕᬓ᭄ᬢᬶᬳᬶᬂᬩᬓᬢ᭄ᬮᬯᬦ᭄᭞ᬩᬸᬗᬸᬢ᭄ᬜᬓᭂᬦᬓᬢᬸᬲᬸᬓ᭄᭞
ᬳᬶᬲᬶᬗ᭄ᬳᬢᭀᬂᬩᬓᬢ᭄ᬢᬯᬃ᭞ᬫᬩᭂᬚᬸᬕ᭄ᬗᭂᬫᬲᬦ᭄ᬢᬓ᭟᭜᭟ᬳᬶᬮᬸᬢᬸᬂᬬᬩᬄᬩᬗᬸᬦ᭄ᬫᬮᬶᬸᬂᬮᬬᬸ᭞ᬗᬸᬗ᭄ᬲᬶᬲᬧᬭᬦᬾ᭞ᬓᬘᬶᬯᬫᬗᬤᬸᬚᬸᬭᬶᬢ᭄᭞ᬭᬾᬄᬫᬸᬮᬫᬮᬓᬃ
ᬥᬸᬥᬸ᭞ᬳᬮᬦᬾᬯᬦ᭄ᬢᬄᬓᬧᬗ᭄ᬕᬸᬄ᭞ᬳᬬᬸᬓᬃᬤ᭄ᬥᬶᬳᬬᬸᬧᬸᬧᬸᬳᬂ᭞ᬲᬗ᭄ᬓᬦ᭄ᬚᬦᬶᬲᬸᬮᬸᬄᬲᬸᬮᬸᬄ᭞ᬳᭂᬜ᭄ᬘᬾᬦ᭄ᬳᬮᬳᭂᬦ᭄ᬢᭀᬓᬸᬢᬂ᭞ᬦᬾᬳᬬᬸᬲᭂᬧᭂᬮ᭄ᬳᬶᬮᬶᬤᬂ᭟᭜᭟ [ 74 ][᭗᭓ 73B]
᭗᭓᭟
ᬲᭂᬤᭂᬓ᭄ᬤᬶᬦᬦᬾᬧᬸᬧᬸᬢᬗᬧᬸᬲ᭄᭞ᬩᬸᬤ᭄ᬥᬓ᭄ᬮᬶᬬᭀᬦᬾ᭞ᬯᬭᬫᬢᬮ᭄ᬦᭂᬫᬸᬣᬶᬢᬶ᭞ᬢᬗ᭄ᬕᬮ᭄ᬧᬶᬂᬅᬱ᭄ᬝᬬᬦᬸᬚᬸ᭞ᬓᬭᭀᬧᬸᬦᬂᬰᬰᬶᬄᬳᬶᬧᬸᬦ᭄᭞ᬭᬾᬄᬘᬢᬸᬃᬢᭂᬗ᭄ᬕᭂᬓ᭄ᬜᬧ
ᬢ᭄ᬧᬢ᭄᭞ᬇᬰᬓᬦᬾᬫᬮᬶᬄᬳᬶᬢᬸᬂ᭞ᬘᬢᬸᬃᬓᬺᬢᬗᬾᬱ᭄ᬝᬶᬅᬢ᭄ᬫ᭞ᬧᬫᬸᬦ᭄ᬢᬢᬶᬓᬂᬧ᭄ᬭᬮᬫ᭄ᬩᬂ᭟᭜᭟ᬧᬸᬧᬸᬢ᭄ᬲᬶᬦᬸᬭᬵᬢ᭄ᬭᬶᬂᬤᬶᬦ᭞ᬅ᭞ᬧ᭄ᬯ᭞ᬯᬭᬫ᭄ᬭᬓᬶᬄ᭞ᬇᬰᬓ᭞
᭑᭙᭑᭕᭟ᬫᬲᬾᬳᬶ᭞ᬢᬗ᭄ᬕᬮ᭄᭞᭓᭐᭞ᬫᬋᬢ᭄᭞᭑᭙᭙᭓᭟ᬓ᭄ᬱᬫᬢᬶᬢ᭄ᬬᬂᬳᬶᬯᬬᬦ᭄ᬲᬫ᭄ᬩ᭞ᬲᬓᬶᬂᬤᬸᬲᬸᬦ᭄ᬓᬸᬩᬸᬳᬜᬃ᭞ᬕᬂᬲᬮᬓ᭄᭞ᬤᬾᬰᬓᬸᬩᬸᬢᬫ᭄ᬩᬳᬦ᭄
ᬤᬏᬭᬄᬢᬶᬗ᭄ᬓᬢ᭄᭞᭒᭞ᬩᬸᬮᬾᬮᬾᬂ᭞ᬲᬶᬗ᭄ᬳᬭᬵᬚ᭟᭜᭟