Jv/Alkitab/Pangentasan/31

^31:1 ꦥꦔꦤ꧀ꦢꦶꦏꦤꦺꦄꦭ꧀ꦭꦃꦩꦫꦁ꧊ꦩꦸꦱ꧈​

^31:2 "ꦲꦏꦸꦮꦶꦱ꧀ꦩꦶꦭꦶꦃ꧊ꦧꦺꦗ꦳ꦭꦺꦲꦺꦭ꧀꧈​ꦲꦤꦏ꧀ꦏꦺ꧊ꦈꦫꦶ꧈​ꦥꦸꦠꦸꦤꦺ꧊ꦲꦸꦂꦱꦏꦏ꧀ꦭꦺꦴꦩ꧀ꦥꦺꦴꦏ꧀꧊ꦪꦺꦲꦸꦢ꧈​

^31:3 ꦱꦂꦠꦮꦶꦱ꧀ꦢꦏ꧀ꦥꦼꦤꦸꦃꦲꦶꦫꦺꦴꦃꦏꦸ꧉​ꦲꦏꦸꦮꦶꦱ꧀ꦩꦫꦶꦁꦔꦶꦥꦶꦏꦶꦂꦫꦤ꧀꧈​ꦏꦥꦶꦤ꧀ꦠꦼꦂꦫꦤ꧀ꦭꦤ꧀ꦏꦥꦿꦶꦒꦼꦭ꧀ꦭꦤ꧀ꦧꦧ꧀ꦱꦏꦺꦃꦲꦶꦁꦥꦼꦒꦮꦺꦪꦤ꧀ꦏꦸꦱꦶꦁꦥꦺꦤꦶ꧈​

^31:4 ꦏꦁꦒꦺꦴꦒꦮꦺꦫꦚ꧀ꦕꦁꦔꦤ꧀ꦱꦶꦁꦩ꧀ꦧꦸꦠꦸꦃꦲꦏꦺꦏꦥꦿꦶꦒꦼꦭ꧀ꦭꦤ꧀ꦲꦶꦁꦧꦧ꧀ꦢꦤ꧀ꦢꦤ꧀ꦤꦤ꧀ꦱꦏꦩꦱ꧀꧈​ꦱ꧀ꦭꦏꦭꦤ꧀ꦥꦿꦸꦁꦒꦸ;

^31:5 ꦔꦱꦃꦲꦏꦶꦏ꧀ꦱꦶꦁꦧꦏꦭ꧀ꦢꦶꦲꦸꦏꦶꦂ;ꦔꦸꦏꦶꦂꦲꦸꦏꦶꦂꦏꦪꦸꦭꦤ꧀ꦥꦼꦒꦮꦺꦪꦤ꧀ꦥꦼꦒꦮꦺꦪꦤ꧀ꦭꦶꦪꦤꦺ꧉​

^31:6 ꦲꦏꦸꦲꦶꦪꦮꦶꦱ꧀ꦩꦶꦭꦶꦃ꧊ꦄꦲꦺꦴꦭꦶꦪꦧ꧀꧈​ꦲꦤꦏ꧀ꦏꦺ꧊ꦄꦲꦶꦱꦩꦏ꧀ꦱꦏꦏ꧀ꦭꦺꦴꦩ꧀ꦥꦺꦴꦏ꧀꧊ꦝꦤ꧀꧈​ꦏꦁꦒꦺꦴꦩ꧀ꦧꦤ꧀ꦠꦸ꧊ꦧꦺꦗ꦳ꦭꦺꦲꦺꦭ꧀꧉​ꦥꦫꦠꦸꦏꦁꦱꦶꦁꦥꦿꦶꦒꦼꦭ꧀ꦮꦶꦱ꧀ꦢꦏ꧀ꦥꦫꦶꦁꦔꦶꦏꦼꦲꦃꦲ꧀ꦭꦶꦪꦤ꧀ꦱꦸꦥꦪꦧꦶꦱꦒꦮꦺꦲꦥꦮꦲꦺꦱꦶꦁꦢꦏ꧀ꦝꦮꦸꦃꦲꦏꦺ꧉​

^31:7 ꦪꦏꦸꦮꦶꦒꦮꦺꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧈​ꦥꦼꦛꦶꦥꦽꦗꦚ꧀ꦗꦶꦪꦤ꧀ꦭꦤ꧀ꦠꦸꦠꦸꦥ꧀ꦥꦺ꧈​ꦱꦏꦺꦃꦲꦶꦁꦥꦿꦧꦺꦴꦠ꧀ꦏꦺꦩꦃ꧈​

^31:8 ꦩꦺꦗꦭꦤ꧀ꦥꦶꦫꦤ꧀ꦠꦶꦤꦺ꧈​ꦥꦼꦢꦩꦂꦫꦤ꧀ꦱꦏꦩꦱ꧀ꦩꦸꦂꦤꦶꦱꦂꦠꦥꦶꦫꦤ꧀ꦠꦶꦤꦺ꧈​ꦩꦼꦱ꧀ꦧꦺꦃꦏꦁꦒꦺꦴꦔꦺꦴꦧꦺꦴꦁꦢꦸꦥ꧈​

^31:9 ꦩꦼꦱ꧀ꦧꦺꦃꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦭꦤ꧀ꦱꦏꦺꦃꦲꦶꦁꦥꦶꦫꦤ꧀ꦠꦶꦤꦺ꧉​ꦥꦢꦱ꧀ꦱꦤ꧀ꦔꦁꦒꦺꦴꦝꦱꦂꦏꦁꦒꦺꦴꦮꦶꦱꦸꦃ꧉​

^31:10 ꦱꦤ꧀ꦝꦁꦔꦤ꧀ꦝꦶꦤꦼꦱ꧀ꦏꦁꦒꦺꦴꦥꦫꦲꦶꦩꦩ꧀꧈​ꦭꦤ꧀ꦥꦼꦔꦁꦒꦺꦴꦏꦲꦶꦩꦩ꧀ꦩꦤ꧀ꦏꦁꦒꦺꦴꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺ꧈​ꦱꦶꦁꦏꦸꦢꦸꦢꦶꦲꦼꦁꦒꦺꦴꦱꦩꦱꦤꦶꦤ꧀ꦢꦏ꧀ꦏꦏꦺꦠꦸꦒꦱ꧀ꦱꦺ꧈​

^31:11 ꦊꦔꦗꦼꦧꦢ꧀꧈​ꦭꦤ꧀ꦢꦸꦥꦮꦔꦶꦏꦁꦒꦺꦴꦲꦶꦁꦱꦱꦤꦱꦸꦕꦶ꧉​ꦏꦧꦺꦃꦩꦲꦸꦏꦸꦢꦸꦢꦶꦒꦮꦺꦕꦺꦴꦕꦺꦴꦒ꧀ꦏꦫꦺꦴꦥꦶꦠꦸꦢꦸꦃꦱꦶꦁꦮꦶꦱ꧀ꦢꦏ꧀ꦥꦫꦶꦁꦔꦏꦺꦩꦫꦁꦏꦺꦴꦮꦺ꧉"​

^31:12 ꦒꦸꦱ꧀ꦠꦶꦄꦭ꧀ꦭꦃꦤ꧀ꦝꦮꦸꦃꦲꦶ꧊ꦩꦸꦱ꧈​

^31:13 ꦱꦸꦥꦪꦔꦤ꧀ꦝꦏ꧀ꦏꦏꦺꦩꦫꦁꦧꦁꦱ꧊ꦆꦱꦿꦲꦺꦭ꧀꧈​"ꦥꦝꦤꦼꦠꦼꦥ꧀ꦥꦤꦥꦽꦤꦠꦤꦺꦢꦶꦤꦢꦶꦤ꧊ꦱꦧ꧀ꦧꦠ꧀꧈​ꦢꦶꦤꦱꦶꦁꦢꦏ꧀ꦠꦼꦠꦼꦥ꧀ꦥꦏꦺꦢꦢꦶꦢꦶꦤꦏꦁꦒꦺꦴꦔꦱꦺꦴ꧉​ꦱꦼꦭꦮꦱ꧀ꦱꦺꦢꦶꦤꦏꦸꦮꦶꦢꦢꦶꦪꦠꦤ꧀ꦝꦥꦽꦗꦚ꧀ꦗꦶꦪꦤ꧀ꦏꦸꦏꦫꦺꦴꦏꦺꦴꦮꦺꦏꦧꦺꦃ꧈​ꦱꦶꦁꦩꦽꦠꦤ꧀ꦝꦤꦶꦪꦺꦤ꧀ꦲꦏꦸ꧈​ꦄꦭ꧀ꦭꦃ꧈​ꦮꦶꦱ꧀ꦤꦶꦩ꧀ꦧꦭ꧀ꦭꦶꦏꦺꦴꦮꦺꦏꦧꦺꦃꦢꦢꦶꦲꦸꦩꦠ꧀ꦏꦸꦝꦺꦮꦺ꧉​

^31:14 (31:14-15)ꦢꦶꦤꦏꦁꦒꦺꦴꦔꦱꦺꦴꦩꦲꦸꦏꦸꦢꦸꦏꦺꦴꦏ꧀ꦠꦼꦠꦼꦥ꧀ꦥꦶ꧈​ꦱꦼꦧꦧ꧀ꦢꦶꦤꦲꦶꦏꦸꦱꦸꦕꦶ꧉​ꦏꦺꦴꦮꦺꦏꦧꦺꦃꦱꦗꦿꦺꦴꦤꦺꦤꦼꦩ꧀ꦢꦶꦤꦏꦝꦮꦸꦃꦲꦤ꧀ꦚꦩ꧀ꦧꦸꦠ꧀ꦒꦮꦺ꧈​ꦤꦁꦔꦶꦁꦢꦶꦤꦏꦥꦶꦠꦸ꧈​ꦏꦸꦮꦶꦢꦶꦤꦒꦼꦝꦺꦱꦶꦁꦏꦸꦢꦸꦏꦺꦴꦏ꧀ꦱꦸꦕꦺꦏ꧀ꦏꦏꦺꦏꦒꦼꦩ꧀ꦲꦏꦸ꧉​ꦱꦶꦁꦱꦥꦲꦺꦴꦫꦤꦼꦠꦼꦥ꧀ꦥꦶ꧈​ꦭꦤ꧀ꦚꦩ꧀ꦧꦸꦠ꧀ꦒꦮꦺꦲꦶꦁꦢꦶꦤꦏꦸꦮꦶ꧈​ꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​

^31:15 (31:14)

^31:16 ꦧꦁꦱ꧊ꦆꦱꦿꦲꦺꦭ꧀ꦏꦸꦢꦸꦤꦼꦠꦼꦥ꧀ꦥꦶꦭꦤ꧀ꦔꦁꦒꦼꦥ꧀ꦢꦶꦤꦩꦲꦸꦢꦢꦶꦠꦤ꧀ꦝꦤꦺꦥꦽꦗꦚ꧀ꦗꦶꦪꦤ꧀꧉​

^31:17 ꦢꦶꦤꦲꦶꦏꦸꦢꦢꦶꦪꦥꦼꦥꦺꦔꦼꦠ꧀ꦲꦶꦁꦱꦼꦭꦮꦱ꧀ꦱꦺꦲꦤ꧀ꦠꦫꦤꦺꦧꦁꦱ꧊ꦆꦱꦿꦲꦺꦭ꧀ꦭꦤ꧀ꦲꦏꦸ꧈​ꦩꦼꦂꦒꦲꦏꦸ꧈​ꦄꦭ꧀ꦭꦃ꧈​ꦮꦶꦱ꧀ꦤꦶꦠꦃꦲꦏꦺꦭꦔꦶꦠ꧀ꦭꦤ꧀ꦧꦸꦩꦶꦲꦶꦁꦱꦗꦿꦺꦴꦤꦺꦤꦼꦩ꧀ꦢꦶꦤ꧈​ꦭꦤ꧀ꦲꦶꦁꦢꦶꦤꦏꦥꦶꦠꦸꦲꦏꦸꦭꦺꦫꦺꦤ꧀ꦭꦤ꧀ꦔꦱꦺꦴ꧉"​

^31:18 ꦧꦉꦁꦮꦶꦱ꧀ꦫꦩ꧀ꦥꦸꦁꦲꦼꦁꦒꦺꦴꦤꦺꦔꦤ꧀ꦢꦶꦏꦩꦫꦁ꧊ꦩꦸꦱꦲꦶꦁꦒꦸꦤꦸꦁ꧊ꦱꦶꦤꦲꦶ꧈​ꦄꦭ꧀ꦭꦃꦧꦚ꧀ꦗꦸꦂꦩꦫꦶꦁꦔꦏꦺꦥꦥꦤ꧀ꦮꦠꦸꦭꦺꦴꦫꦺꦴꦱꦶꦁꦮꦶꦱ꧀ꦏꦠꦸꦭꦶꦱ꧀ꦱꦤ꧀ꦝꦮꦸꦃꦝꦮꦸꦃꦲꦺꦄꦭ꧀ꦭꦃꦔꦒꦼꦩ꧀ꦲꦱ꧀ꦠꦤꦺꦥꦶꦪꦩ꧀ꦧꦏ꧀꧉​