ha iya hin mga hinumduman, usa nga susumaton bin
mga retablo, siryales, ngan mga kandelero nga tuod nga
salapi nga an kamakidiyos han mga binunyagan nakagregalo ha usa nga singbahan; an mga prayle may ada
platero nga tinatapuran, ngan nagpahimo didto ha
Hongkong hin iba nga mga retablo, siryales ngan mga
kandeleros, kundi salapi nga Ruolz, ngan ira iginliwan
han tuod nga salapi kay an totoo ira ipinapanhimo nga
kuwarta nga mex. Amo ini an susumaton nga iya nabati ngan bisan kun susumaton la o butangbutang, an
iya kangaralson nag-aaghat nga matuod ngan nakakapahanumdom pa hin iba nga masugadsugad. An talinguha hin pag-ukoy nga diri na pagbubut’an ngan han
iya mga himuhimo nga paagi nga waray katitima amo
an nakakapirit ha iya pagsakay ngadto ha Hongkong.
Kim ngadto pagdadad’a han kapadian an ngatanan nira
nga salapi sarabuton nga didto maupay an lakat han
pagpakabuhi ngan bangin hiya didto makasalapi.
—Karuyag ko maglugaring, umukoy hin ako la nga usa waray magburuot!...
Nagab-ihan hiya han paglinakat didto ha San Fernando ngan kay waray man igkita hin marinero nga iya sangkay, nagpadayon pag-uli. Tungod kay mahusay an gab-i ngan mapawa an bulan salit an maraksot nga siyudad baga an ginhadian hin mga hadas nga igin-aasoy ha mga susumaton, napakadto ha feria. Didto nagbinalikbalik hiya pagsinudoy han mga tindahan, diri say ginkikita an mga butang, an iya panhunahuna nakadto ha Hongkong kay basi hiya didto maglugaring, ngan makaagi hi salapi...
Nailalakat na unta dida ha feria han pakalantaw niya kan Simoun an alahero nga nagpapagikan hin usa nga taga iba nga tuna, hira ngaduha naghihinimangraw hm iningles. Ha kan Placido, an ngatanan nga yinaknan nga gamiton dinhi ha Pilipinas hi taga Europa, basta diri kinatsila iningles manta: labot pa, hin-atulinggan hiya han pulong nga Hongkong.
Ano daw la kun hi alahero Simoun makahimo hin pagpakilala ha iya hadto nga tawo nga tigikan ha Hong kong nga makasakay hiya?
Inmukoy hi Placido. Kilala na niya an alahero kay nahangadto ha iya bungto pamaligya hin alahas. Nagkasakay hira ha usa nga biyahe ngan hi Simoun nagpakita hin kamakisasangkayon ngan ginsinumatan hiya
