An sunod nga pag-ani maupay an kuha ngan nakabaligya bin damo nga halin ug hi Tales naghunahuna hin pagtindog hin balay nga tabla didto ha baryo ha Sagpang nga sakop han bungto ha Tiani, sapit han San Diego.4
Inmagi in usa liwat katuig nga namay-maupay liwdt nga kataon, ngan tungod hmi o tungod hin iba nga hinpatungdan, an mga prayle nagpadugang han taragan han tuna nga pinaabot ha kalim’an kapisos, nga binayaran ni Tales basi la diri igkaaway ngan tungod kay naglalaom nga makakabaligya hin maupay han iya asukar.
—Pasinsiya! Isipa nga tinmubo an buaya,—nasiring an tigurang nga Sales pagliaw han kabudlay. Hadto nga tuig nakatuman hira han ira hingyap; an pag-ukoy hin usa nga sawang, ha kalugaringon nga balay nga tabla, didto ha baryo ha Sagpang, ug an amay ngan han apoy naghunahuna hin papag-aram han duha nga magbugto, labi na an babayi, hi Juliana, Juli an agnay, nga baga nagtitikahusay nga daraga. An batan’on nga ira sangkay, hi Basilio, hadto nga panahdn nagtutuon na didto ha Manila, ngan adto nga batan’on ubos man la liwat sama ha ira.
Kundi ini nga paghingyap daw baga diri matutuman. An siyahan nga kiot nga binuhat han mga tawo han pagkita nga an panimalay ni Tales nagtitikaupay hin hinayhinay, amo an pagtungod kaginhaupan han tawo nga labi kabuhatan; hi Tano, an suhag, nanapulo pa la kag-upat an panuigon. Salit ginngaranan kan Ginhaupan Tales, ngan napirit pagpatahi hin saketa, pinmalit hin kalo nga piltro ngan nag-andam han mga kagarastuhan. Basi la diri igkaaway han padi sugad man han pamunuan, binabaydan niya han kalugaringon nga kuwarta an nagkakahahawas ha padron, sugad hadton namagkalakat ngan nagkamamatay, nalalangan hiyd hin damo nga liras dida han panukot han buhis ngan dida han pagkinarukadto ha kabesera.
—Pasinsiya! Sidnga na la nga an kaurupdan han buaya nagpangulpot,—nasiring hi Tandang Selo naghihipahiyom hm maupay nga buot.
—Ha sundd nga tuig magsasaya ka na hin de cola ngan mapakadto ka ha Manila pag-aram sugad hitdn mga senyoritas dida ha bungto—nagsiring hi Ginhaupan Tales ha iya anak nga babayi kun iya hmbabatian nga
