tadungan. Kundi nag-apelar hiya, nagkarga hin bala han iya eskopeta ngan sinmudoy hin hinayhinay han iya mga pag-ultan. Dida hini nga tal-ang han mga hinabo, an iya kinabuhi daw sugad la hin yamyam. An iya anak, hi Tano, nga hataas nga lalaki sama han amay, ngan buutan sugad han iya bugto nga babayi, nakintos; iya pinabay’an nga gumikan, waray igbiling hin saliwan.
—Magbabayad ako hin mga abogado,—nagsiring hiya han iya anak nga daraga nga nagtitinangis;—kun magdaog inin kalipungan amo in akon pagpaulia, ngan kun diri magdaog waray ko kinahanglan hin anak.
Ginmikan an anak ngan waray na may hinbaruan mahatungod ha iya tikang hadto kun diri nga ginkis- kisan an ulo ngan nasiring nga didto kakaturog ha sirong hin usa nga karumata. Kahagos hin unom kabu- lan ibinantog nga isinakay ngadto ha Carolinas; may iba nga nasiring nga baga hinkit’an nira nga nakaka- sul-ot han uniporme han Guardia Civil.
—Guardia Civil hi Tano! Susmaryosep!—nagpapakasiring an tagsatagsa namamagbindito han mga kamot.—Hi Tano nga duro hin kabuutan ngan kadung- ganan! Rekimiternam!
An apoy naiha hin duro waray pakighimangraw bisan mausa kapulong han amay, hi Juli nasakft, kundi hi Ginhaupan Tales waray turui hin luha; ha sakob hin duha kaadlaw waray lumusad dida ha iya balay daw may kahadlok nga igkita han mga liparo han bug-os nga baryo; nahadlok nga pagngaranan nga berdugo han iya ngahaw anak. Kundi, ha ikatulo kaadlaw, linmusad pagbalik pagdinaradara han eskopeta.
Gintahapan nga may tuyo pagpatay hin tawo ngan may ada maraot in baba nga nanhuring nga iya kuno hinbatian nga ginyaknan an lego nga iya iglulubong dida han mga linimpa; an prayle nahadlok na man gud ha iya hin tuudtuod. Tungod hini linmusad in usa nga decreto han Capitan General pagdiri han ngatanan hin pag-arog hin armas de fuego ngan nagsugo hin papa- . mawi han mga pusil. Hi Ginhaupan Tales napirit pag- hatag han iya eskopeta, kundi nagdinaradara hin sun- dang nga halaba ngan nagpadayon han iya suduysudoy.
—Ano in bubuhaton mo hito nga sundang kun an tulisan pusilan?—ginhimangrawan han tigurang nga Selo.
