Ngan hini nga urhi, an Concilio Tridentino nga pinanguluhan ni Pio IV ha tuig 1 563, didto han katirok nga ika-XXV,
iginlarang an pagtoo han Purgatoryo nga natikang ha pagkasiring: Cum catholica ecclesia, Spiritu Sancto edocta, etc.,
diin igin-aasoy nga an mga panabang ban mga buhi, an
mga pangadion, an mga paglimos ug iba pa nga mapinairon nga buhat asya an mga tapuran gud nga makakatalwas han mga kalag, matuod labaw hito ngatanan an pagpamisa. Kundi an mga protestantes diri hini natuod, sugad man an kapadian nga griyego, kay nasiring hira nga
diri kuno nahasasarig ha Biblia ngan nasiring pa liwat nga
an katubtuban han kamay-sala, o kawaray sala, asya la an
kamatayon, nga an Quodcumque ligaberis in terra(12) diri
karuyag sidngon nga Usque ad purgatorium ug iba pa: kundi
ini ngatanan mababaton ta nga tungod kay an Purgatoryo
aadto ha butnga han kahiladman han tuna, kaiya nga aadto
ha mga pagburut’an ni S. Pedro. Diri matatapos yana nga
gab-i kun ubuson ko dinhi pag-asoy an ngatanan nga nahatutungod hini nga bahin. Mga sano, kun maruyag ka ha
akon pakiglantugi mahatungod hini, pakadi la ha balay
kay ipakikita ko ha imo in kababasahanan, ngan magpapatakas kita paghinimangraw hin mamingaw ngan waray ha
aton mag-uulang. Yana makadi na ako: ambot kay
ano nga yana nga gab-i an pagdiyos han mga binunyagan
natugot han panikas; kamo an mga punuan iyo la ginpapabay-an; nababaraka ako hadin akon mga basahan. Kun
kukuhaon la kay ira pagbabasahon, matugot ako; kundi maaram ako nga damo in karuyag nga iton kabasahanan ko
panunugon kay usa pa kuno nga ira ha akon buhat ha kaluoy, ngan ini nga buhat ha kaluoy nga naangay kan Califa
Omar(15) makaharadlok. May ada nasiring nga tungod hito
nga mga basahan daan na ako aadto ha impyerno . . .
—Kundi, sabuot ko, natuod ka nga may pagkahulog ngadto ha impyerno?— nagpakiana hi Duray nga ginmuwa tikang ha sulod nagdadara hin baragahan nga sinugbaan hin mga uga nga bendita nga lukay nga nag-aaso hin masungot ngan maupay pamahuon.
—Ambot la, ginang, kun ano in bubuhaton ha akon han Dios! — binmaton an tigurang nga Tasyo nagpipinanmurubuot. —Kun maghingutas na ako matubyan na la ako ha iya hin waray kaharadlukan; buhaton na la niya ha akon an iya karuyag. Kundi, may ada ko nahuhunahunaan . . .
