pa sa mga tawo moasó usab diay ug maayo! . . Masubsob nga
motingog ang iyang budyong, pagáw ug makahahadlok sama sa
tingog sa usá ka punoang malupigon ug buut magamando pinaagi sa mga singgit, ug sa ingon niini sulod sa sakayan dili magkasinabut ang mga mananakay. Usahay daw buut niya dasmagan kutob sa iyang igahibalag; usahay usab daw bali-balión niya
ang mga salambáw, ginamitón sa panagat nga tungud sa iyang
panagway nahisama, kon lihokon na, mga higante nga pulos bukóg nga moyukbo sa usa pawíkan nga karaan uyamut; usahay
usab daw ingon ug modam-ag siya sa mga kawayanán kun sa
mga bakí nga nanagtungtong sa taliwala sa mga gumamela ug
uban pang mga bulak, daw mga tawong nangaligo nga bisan
nagahumol na ang ilang mga tiil, wala pa gayud mahinayón pagsugmaw sa tubig . . . usahay usab magasubay siya sa agianan sa
mga sakayan nga giusokan ug mga bulos sa kawayan magalakaw
nga mahimuót uyamut; apan sa kalit lamang mahibangga siya
ug ang mga sumasakay mangatay-og ug mangapukan: nahadasmag diay sa usa ka pungtod nga lapok nga wala hitultolí.
Ug, kon ugaling dili pa gayud hingpit ang pagka-sama ning bapora sa sakayán sa Kapunoanan, tan-awon ta ang pagkabutáng sa mga sumasakay. Ubús sa kubyirta makita ang mga nawong nga tabunon ug mga ulo nga maitúm, mga indiyo, mga insik ug mga kalibugán, nanagpunsisok tipon sa mga baligya ug mga baul, samtang didto sa ibabaw sa kubyirta ug pinangdongan sa usa ka kayang nga panapton nga nagasalikób kanila sa kainit sa Adlaw, nanaglingkod sa mga dagkung siya nga hamugaway ang pipilá ka mga sumasakay nga nanagsul-ob ug sapút nga sama sa mga uropanhon, mga prayle ug mga kawani sa kagamhanan, nanagpabuhat sa mga pinigal, nanagsud-ong sa kayutaan ug katanuman nga makita sukad sa bapor, daw wala managpakaalinggat sa mga panglimbasog sa kapitan ug sa iyang mga sakop aron pagluwás sa sakayán sa mga kalisdanan sa subá.
Ang kapitan maoy usá ka tawo nga ambungan ug panagway, tigulang na, karaang mananakay nga sa batan-on pa ug sakay sa mga sakayán nga labing makusóg nga modalagan nakalat-as labing halapad nga kadagatan ug karon nga tigulang na siya mapilit na hinoon paggamit sa labing dakung pagbantay ug pagmatngon aron paglikay sa labing gagmayng mga kalisúd . . . Ug kadtong mga kalisura mao gihapon ang iyang gihibalag sa
