ꦕꦫꦶꦪꦺꦴꦱ꧀ꦮꦶꦒꦠꦺꦴꦱ꧀ꦏꦁ
꧋ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦱꦺꦴꦥ꦳ꦾꦺꦠ꧀ꦫꦸꦱ꧀ꦭꦤ꧀ꦲꦶꦁꦱꦗꦠꦶ
꧋ꦲꦤ꧀ꦠꦮꦶꦱ꧀ꦱꦶꦥꦸꦤ꧀ꦥꦫꦩꦲꦺꦴꦱ꧀ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦠꦏ꧀ꦱꦶꦃꦲꦺꦔꦼꦠ꧀ꦝꦠꦼꦁꦤꦩꦤꦶꦥꦸꦤ꧀ꦏꦺꦴꦩ꧀ꦩꦸꦤꦶꦱ꧀ꦧꦺꦴꦁꦱꦮꦭꦤ꧀ꦢꦶꦠꦸꦮꦤ꧀ꦆꦤ꧀ꦱꦶꦚꦸꦂ Baars꧈ꦲꦶꦁꦒꦶꦃꦥꦸꦤꦶꦏꦱꦭꦃꦱꦠꦸꦁꦒꦶꦭ꧀ꦭꦶꦁꦏꦺꦴꦩ꧀ꦩꦸꦤꦶꦱ꧀ꦮꦭꦤ꧀ꦢꦶꦲꦶꦁꦏꦁꦩꦶꦮꦶꦠ꧀ꦠꦶꦱꦲꦲꦚ꧀ꦗꦼꦩ꧀ꦧꦂꦫꦏꦼꦤ꧀ꦔꦺꦭ꧀ꦩꦸꦏꦺꦴꦩ꧀ꦩꦸꦤꦶꦱ꧀ꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦲꦶꦤ꧀ꦢꦶꦪꦔꦿꦶꦏꦶ꧉ꦱꦏꦶꦁꦧꦤ꧀ꦠꦼꦂꦫꦶꦁꦩꦤꦃꦲꦶꦥꦸꦤ꧀ꦲꦁꦒꦺꦤ꧀ꦤꦼꦱꦸꦩꦼꦢꦾꦲꦔꦽꦧꦃꦲꦏꦼꦤ꧀ꦥꦩꦉꦤ꧀ꦠꦃꦲꦶꦤ꧀ꦢꦶꦪꦥꦸꦤꦶꦏ꧈ꦠꦸꦮꦤ꧀ Baars ꦔꦤ꧀ꦠꦺꦴꦱ꧀ꦭꦗꦼꦁꦏꦥꦼꦕꦠ꧀ꦱꦏꦶꦁꦥꦔꦏ꧀ꦠꦶꦥꦸꦤ꧀ꦱꦲꦭꦗꦼꦭꦗꦼꦁꦏꦼꦱꦃꦱꦏꦶꦁꦠꦤꦃꦲꦶꦤ꧀ꦢꦶꦪꦔꦿꦶꦏꦶ꧉ꦏꦤ꧀ꦛꦶꦱꦼꦤꦼꦁꦔꦶꦁꦩꦤꦃꦱꦲꦥꦔꦗꦼꦁꦲꦗꦼꦁꦲꦶꦁꦏꦁꦠꦤ꧀ꦥꦲꦸꦥꦩꦶ꧈ꦠꦸꦮꦤ꧀ Baars ꦭꦗꦼꦁꦥꦁꦏꦠ꧀ꦝꦠꦼꦁꦤꦒꦫꦶꦫꦸꦱ꧀꧈ꦥꦽꦭꦸꦲꦤꦼꦏ꧀ꦱꦺꦤ꧀ꦤꦶꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦏꦺꦴꦩ꧀ꦩꦸꦤꦶꦱ꧀ꦲꦶꦁꦏꦁꦱꦗꦠꦶ꧉ꦲꦤꦔꦶꦁꦱꦱꦩ꧀ꦥꦸꦤ꧀ꦤꦶꦥꦸꦤ꧀ 6 ꦠꦲꦸꦤ꧀ꦢꦸꦢꦸꦤꦸꦁꦮꦺꦴꦤ꧀ꦠꦼꦤ꧀ꦲꦶꦁꦤꦒꦫꦶꦫꦸꦱ꧀꧈ꦭꦗꦼꦁꦮꦁꦱꦸꦭ꧀ꦩꦭꦶꦃꦱꦲꦫꦸꦩꦲꦺꦴꦱ꧀ꦱꦏ꧀ꦭꦁꦏꦸꦁꦏꦼꦢꦸꦮꦸꦁ꧈ꦢꦺꦤꦺꦔꦸꦢꦶꦱꦲꦲꦚ꧀ꦗꦼꦩ꧀ꦧꦂꦫꦏꦼꦤ꧀ꦔꦺꦭ꧀ꦩꦸꦏꦺꦴꦩ꧀ꦩꦸꦤꦶꦱ꧀ꦮꦲꦸ꧉ꦲꦶꦁꦔꦿꦶꦏꦶꦏꦗꦮꦺꦤ꧀ꦥꦽꦭꦸꦩꦼꦛꦶꦏ꧀ꦥꦩꦁꦒꦶꦃꦲꦶꦥꦸꦤ꧀ꦠꦸꦮꦤ꧀ Baars ꦲꦶꦁꦏꦁꦱꦩ꧀ꦥꦸꦤ꧀ꦏꦥꦕꦏ꧀ꦲꦶꦁꦱꦼꦫꦠ꧀ꦏꦧꦂ A.I.D. ꦏꦢꦺꦴꦱ꧀ꦲꦶꦁꦏꦁꦏꦱ꧀ꦧꦸꦠ꧀ꦲꦶꦁꦔꦤ꧀ꦝꦥ꧀ꦤꦶꦏ꧇
꧋ꦩꦶꦠꦸꦫꦸꦠ꧀ꦥꦔꦤ꧀ꦢꦶꦏꦤ꧀ꦤꦶꦥꦸꦤ꧀ꦠꦸꦮꦤ꧀ Baars꧈ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦠꦸꦮꦤ꧀ Baars ꦏꦥꦼꦏ꧀ꦱꦤꦶꦭꦂꦠꦤꦃꦗꦮꦶꦲꦶꦁꦠꦲꦸꦤ꧀ 1921꧈ꦥꦼꦂꦒꦼꦫꦏ꧀ꦏꦤ꧀ꦏꦺꦴꦩ꧀ꦩꦸꦤꦶꦱ꧀ꦲꦶꦁꦲꦶꦤ꧀ꦢꦶꦪꦔꦿꦶꦏꦶꦱꦪꦔꦽꦧ꧀ꦢ꧉ꦲꦶꦁꦏꦁꦩꦏꦠꦼꦤ꧀ꦮꦲꦸꦗꦭꦂꦫꦤ꧀ꦱꦏꦶꦁꦢꦪꦤꦶꦁꦥꦿꦺꦴꦥꦒꦤ꧀ꦝꦃꦝꦠꦼꦁꦠꦶꦠꦶꦪꦁꦲꦶꦁꦏꦁꦏꦶꦫꦁꦥꦔꦗꦂꦫꦤ꧀ꦤꦶꦥꦸꦤ꧀ꦢꦼꦤꦶꦁꦥꦫ꧈ꦲꦶꦁꦏꦁꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦔꦿꦸꦩꦲꦺꦴꦱ꧀ꦱꦶꦱꦸꦏꦥꦏꦧꦂꦫꦤ꧀ꦲꦶꦁꦏꦁꦱꦪꦼꦏ꧀ꦠꦺꦴꦱ꧀ꦩꦼꦁꦒꦃꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦤꦒꦫꦶꦫꦸꦱ꧀꧈ꦲꦶꦁꦒꦶꦃꦥꦸꦤꦶꦏꦱꦠꦸꦒ꧀ꦒꦶꦭ꧀ꦭꦶꦁꦤꦒꦫꦶꦒꦼꦩꦃꦫꦶꦥꦃꦱꦲꦫꦲꦂꦗ꧈ꦲꦸꦠꦮꦶꦩꦭꦶꦃꦱꦠꦸꦁꦒꦶꦭ꧀ꦭꦶꦁꦤꦒꦫꦶ꧈ꦲꦶꦁꦏꦁꦠꦶꦠꦶꦪꦁꦔꦶꦥꦸꦤ꧀ꦫꦸꦩꦲꦺꦴꦱ꧀ꦱꦼꦤꦼꦁꦒꦼꦱꦁꦔꦶꦥꦸꦤ꧀ꦲꦮꦶꦠ꧀ꦗꦭꦂꦫꦤ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦥꦥꦽꦤ꧀ꦠꦃꦲꦤ꧀ꦚꦫꦏꦺꦴꦩ꧀ꦩꦸꦤꦶꦱ꧀꧉ꦠꦸꦮꦤ꧀ Baars ꦥꦶꦪꦩ꧀ꦧꦏ꧀ꦲꦶꦁꦒꦶꦃꦲꦔꦏꦼꦤ꧀ꦤꦶ꧈ꦧꦶꦭꦶꦃꦫꦸꦩꦶꦪꦶꦤ꧀ꦠꦤ꧀ꦱꦃꦲꦩ꧀ꦧꦸꦢꦶꦢꦪꦩꦸꦫꦶꦃꦱꦢꦪꦠꦶꦪꦁꦲꦶꦁꦏꦁꦧꦺꦴꦠꦼꦤ꧀ꦉꦩꦼꦤ꧀ꦝꦠꦼꦁꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦥꦩꦽꦤ꧀ꦠꦃꦲꦤ꧀ꦔꦿꦶꦏꦶ꧈ꦱꦩꦶꦪꦩꦶꦒꦠꦺꦴꦱ꧀ꦱꦏꦼꦤ꧀ꦝꦠꦼꦁꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦤꦒꦫꦶꦫꦸꦱ꧀꧈ꦲꦮꦶꦠ꧀ꦏꦭꦥꦸꦤꦶꦏꦠꦸꦮꦤ꧀ Baars ꦩꦶꦭꦲꦶꦁꦒꦶꦃꦪꦏꦶꦤ꧀ꦱꦪꦼꦏ꧀ꦠꦺꦴꦱ꧀ꦝꦠꦼꦁꦲꦸ ꦠꦩꦶꦤꦶꦁꦤꦶꦁꦥꦥꦽꦤ꧀ꦠꦃꦲꦤ꧀ꦕꦫꦏꦺꦴꦩ꧀ꦩꦸꦤꦶꦱ꧀꧈ꦩꦏꦠꦼꦤ꧀ꦲꦸꦒꦶꦏꦱꦼꦤꦼꦁꦔꦤ꧀ꦤꦶꦁꦏꦮꦸꦭꦏꦧꦮꦃꦢꦼꦤꦶꦁꦧꦺꦴꦁꦱꦫꦸꦱ꧀ꦲꦶꦁꦠꦼꦩ꧀ꦧꦼꦮꦶꦁꦏꦶꦁꦔꦶꦥꦸꦤ꧀꧉ꦗꦭꦂꦫꦤ꧀ꦱꦏꦶꦁꦥꦸꦤꦶꦏꦠꦸꦮꦤ꧀ Baars ꦭꦗꦼꦁꦤꦸꦤꦸꦤ꧀ꦠꦸꦤ꧀ꦠꦶꦪꦁꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦲꦶꦁꦏꦁꦲꦶꦁꦠꦼꦩ꧀ꦧꦼꦱꦒꦼꦢ꧀ꦲꦚ꧀ꦗꦼꦩ꧀ꦧꦂꦫꦏꦼꦤ꧀ꦔꦺꦭ꧀ꦩꦸꦤꦶꦁꦏꦺꦴꦩ꧀ꦩꦸꦤꦶꦱ꧀ꦮꦲꦸ꧉ꦲꦶꦁꦱꦫꦺꦃꦤꦶꦁꦠꦸꦮꦤ꧀ Baars ꦮꦲꦸꦲꦔꦿꦸꦩꦲꦺꦴꦱ꧀ꦱꦶꦠꦸꦩꦸꦠ꧀ꦲꦩ꧀ꦧꦸꦢꦶꦢꦪꦝꦠꦼꦁꦥꦔꦥꦔꦗꦶꦲꦗꦶꦤꦶꦁꦠꦶꦪꦁꦲꦶꦤ꧀ꦢꦶꦪꦝꦠꦼꦁꦠꦤꦃꦫꦸꦱ꧀ꦭꦤ꧀꧈ꦲꦩꦶꦭꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦲꦶꦁꦒꦶꦃꦭꦗꦼꦁꦏꦥꦼꦏ꧀ꦱꦲꦚꦫꦶꦪꦺꦴꦱ꧀ꦱꦏꦼꦤ꧀ꦱꦢꦪꦲꦶꦁꦏꦁꦢꦶꦥꦸꦤ꧀ꦱꦸꦩꦼꦉꦥ꧀ꦥꦶꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦔꦺꦭ꧀ꦩꦸꦏꦺꦴꦩ꧀ꦩꦸꦤꦶꦱ꧀ꦲꦶꦁꦫꦸꦱ꧀꧈ꦠꦤꦃꦲꦱ꧀ꦭꦶꦤꦶꦁꦏꦺꦴꦩ꧀ꦩꦸꦤꦶꦱ꧀꧈ꦱꦢꦔꦸꦤꦶꦥꦸꦤ꧀ꦠꦸꦮꦤ꧀ Baars ꦢꦢꦺꦴꦱ꧀ꦲꦶꦤ꧀ꦱꦶꦚꦸꦂꦭꦩꦶꦤꦶꦥꦸꦤ꧀ 6 ꦠꦲꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦫꦸꦱ꧀ꦭꦤ꧀꧉
꧋ꦠꦸꦮꦤ꧀ Baars ꦚꦫꦶꦪꦺꦴꦱ꧀ꦱꦏꦼꦤ꧀꧈ꦧꦶꦭꦶꦃꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦲꦚꦸꦩꦼꦉꦥ꧀ꦥꦶ꧈ꦩꦤꦮꦶꦠꦶꦪꦁꦥꦿꦶꦧꦸꦩꦶꦥꦸꦤꦶꦏꦲꦶꦁꦏꦁꦏꦛꦃꦧꦺꦴꦠꦼꦤ꧀ꦥꦶꦠꦢꦺꦴꦱ꧀ꦝꦠꦼꦁꦥꦸꦤꦥꦥꦸꦤꦥꦲꦶꦁꦏꦁꦏꦕꦫꦶꦪꦺꦴꦱ꧀ꦱꦏꦼꦤ꧀ꦢꦼꦤꦶꦁꦧꦺꦴꦁꦱꦮꦭꦤ꧀ꦢꦶ꧈ꦲꦤꦔꦶꦁꦥꦔꦗꦼꦁꦲꦗꦼꦁꦔꦶꦥꦸꦤ꧀ꦠꦸꦮꦤ꧀ Baars ꦩꦤꦩꦤꦮꦶꦲꦔꦺꦔꦼꦠ꧀ꦠꦶꦠꦶꦤ꧀ꦢꦏ꧀ꦏꦶꦥꦸꦤ꧀ꦠꦸꦮꦤ꧀ Baars ꦏꦭꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦤ꧀ꦢꦶꦪꦔꦿꦶꦏꦶ꧈ꦲꦶꦁꦒꦶꦃꦥꦸꦤꦶꦏꦲꦶꦁꦠꦲꦸꦤ꧀ 1915
