लांकडाचेर आदारिल्ल्या उधेगांत लगदो आनी कागद उधेगाक म्हत्वाची सुवात आसा. संवसारांत वट्ट सुमार 12 कोटी टन कागदाचो आनी रेयॉनाचो लगदो, 2 कोटी टन दिसाळ्याचें कागद आनी 13 कोटी टन हेर कागद आनी पुठ्ठे लांकडापासुन तयार करतात. भारतांत 106 कागद कारखाने आसात आनी तांची उत्पादन तांका सुमार 14 लाख टन आसून प्रत्यक्ष 1982 -83त 12.03 लाख टन आशिल्लें.
लांकडाच्या उधेगांत तिसरो म्हत्वाचो उधेग म्हळ्यार संमिश्र काश्ठोधोग. हातूंत प्लायुवड, धागी फलक, ठोकळी फलक आदी लांकडाचे वेगवेगळे प्रकार तयार करपाच्या कारखान्याचो आस्पाव जाता. भारतांत 1980 वर्सां ल्हान –व्हड 100 प्लायवुड कारखाने आशिल्ले आनी तातूंत वेगवेगळ्या 17 तरेंचीं उत्पादनां दर वर्सां जातलीं.
ह्या उधेगाभायर फस्कां उधेग, पेन्सीली, कापड उधेगांत लागपी सुतागाड्यो, आदी सामान तयार करपी उधेग, बरोवपाच्यो पाट्यांच्यो आनी चित्रांच्यो चवकटी, खेळणीं, तुबकाचे दस्ते, हॉकी, क्रिकेट आदी खेळांक लागपी साहित्य तयार करपाच्या कारखान्यांचो काश्ठोधोगांत आस्पाव जाता. वेगवेगळ्या काश्ठोधोगांत वापरपाक फाव अशा भारतीय लांकडाच्या जातींचीं उदारणां अशी :
उत्पादन प्रकार योग्य झाडाच्यो जाती लगदो/ कागद उधेग, प्लायवुड कोंडे, मुखेलपणान मोव लांकडाच्याजातीचीं आनी जायत्या घट लांकडाची झाडां, सावर, पदौक, तून, ओक, आंबो, तांबडो देवदार, सागवान, शिसू, अक्रोड, चाफो. फस्काकाड्यो सावार, राळधूप, कदंब, सालर्इ, काकर धूप, इव्होडिया, पॉप्लर. फस्कां फर, देवदास, स्प्रूस, पार्इन, सालर्इ, सावर, आंबो. पेन्सील सायप्रस, देवदार, सातवीण, बनाती, वारंग, काकर. कापड उधेग साधनां हळद, कदंब, डायकॉप्सिस, घोगर खेळासाहित्य अँश, बीच, भूर्ज, मॅपल, अक्रोड, चोफो, शि पॉप्लर, धामणी, वेत, कोंडो, तुती, हेदी.
रानाचेर आदारीत उधेगधंधांत लोणारी कोळसो तयार करपाच्या उधेगाकूय खूब म्हत्व आसा. हेर रानोधेगांत टॅनीननिर्मिती, रेझीन, टर्पेंटार्इन उधेग, कातउधेग, लाख, बाश्पनशील तेलां, दीख, विडी उधेग, रबरनिर्मिती हांचो आस्पाव जाता. हातंतल्या टॅनिनाखातीर बाभूळ, खैर, बाहवा, तरवड, हिरडो आदी झाडांच्यो साली, पानां वा फळां हांचो उपेग करतात. रेझीन आनी टर्पेंटायन चीरपाइन झाडांपासून मेळटा. कातउधेग हो खैर झाडांचेंर पातयेवन आसता आनी हातूंत कॅटेचीन आनी कॅचेच्यू अशीं दोन रसायनां मेळटात. रानांतल्या उत्पादानापासून भारतांत तयार जावपी बाश्पनशील तेलांत चंदन, लेमनग्रास तेल, सिट्रोनेल, रोशा, खस, निलगिरी, जिरेनियम आनी दालचिनी हांचो आस्पाव जाता. क्विनीन, सर्पगंधा, रानतुळस, इसबगोल, डाय़ॉस्कोरिया, गुळवेल आदी वखदांचे निर्मितीक लागपी जायत्यो मोलादीक वनस्पती भारतीय रानांत मेळटात. पळस, कोशिंब, बोर आदी झाडांचेर वाडपी किड्यांपासून लाख आनी शेलॅक मेळटात. मध्य,प्रदेश, महाराष्ट्र, आंध्र प्रदेश, बिहार, ओरिसा ह्या राज्यांत विडी उधेगाक लागपी तेंडू पानांचें भरपूर उत्पादन जाता. साल, करंज, मोह, कडुलिंबू आदी झाडांच्या बियांपासून मोलादीक अखाध तेलां काडटात.
भारतांतल्या रानांपासून मेळपी मुखेल आनी दुय्यम उत्पादनापासून मेळपी राज्यवार उत्पन्न अशें :
भारतांतलें रानांचें वितरण (1983 – 84)
राज्य भुगोलीक क्षेत्र रानक्षेत्र वट्ट क्षेत्रांतल्या 1981 चे जनगणनेप्रमाण (हजार हेक्टर ) (हजार हेक्टर) वनक्षेत्राची दरडोर्इ वनक्षेत्र टक्केवारी प्रमाण आंध्र प्रदेश 27,682 6,377 23,03 0,12 आसाम 7,852 3,071 39,11 0,15 उत्तर प्रदेश 29,441 5,127 17,41 0,05 ओरिसा 15,578 5,996 38,49 0,23 करर्नाटक 19,177 3,863 20,14 0,10 केरळ 3,887 1,122 28,87 0,04 गुजरात 19,592 1,966 10,03 0,06 जम्मू आनी काश्मीर 22,224 2,100 9,45 0,35 तमिळनाडू 13,007 2,179 16.75 0,05 त्रिपुरा 1,048 640 61,06 0,31 नागालँड 1,653 288 17.42 0,37 पंजाब 5,036 264 5,24 0,02 अस्तंत बंगाल 8,785 1,183 13,47 0,02 बिहार 17,388 2,923 16,81 0,04
