महाविद्यालयां आनी लंडन स्कूल ऑफ इकॉनॉमिक्स अँड पॉलिटिकल सायन्स (1895), स्कूल ऑफ फार्मसी (1842), द स्कूल ऑफ ओरिएंटल अँड आफ्रिकन स्टडीज (1916) आदी संस्था विद्यापिठाकडेन संलग्न आसात.
1900 वर्सा विद्यापिठाक स्वताचे अभ्यासक्रम सुरू करपाचे अधिकार दिले. बायलाँक विद्यापिठाची पदवी दिवपी (1878), प्राध्यापिका म्हणून बायलांची नेमणूक करपी (1912) पयलें विद्यापीठ अशी लंडन विद्यापिठाची नामना आसा.
विधानसभेन निर्धारीत केले प्रमाण विद्यापिठाकडेन संलग्न आशिल्ल्यो संस्था आनी खाशेल्यो शिक्षण संस्था हांकां आपल्यो कार्यावेळी करपाखातीर विद्यापीठ निधींतल्यान पयशांपुरवण करतात. पूण पयशांविशीं निर्णय घेवंचेआदीं विद्यापिठीय शिक्षणीक प्रस्नांविशीं विचार करपी अधिसभेचो अवहाल वा शिफारस मतींत घेवंची पडटा. ते अधिसभेवरवींच विद्यापिठाचे प्राध्यापक आनी प्रपाठक हांच्यो नेमणुको जातात. धर्मविद्या, कला, विधी, संगीत, वैजकी, विज्ञान, अभियांत्रिकी, अर्थशास्त्र आनी शिक्षण ह्यो विद्यापिठाच्यो विद्याशाखा आसात.
विद्यापिठाच्या वांगड्यांक युनिव्हसिर्टी ऑफ लंडन लायब्ररी (स्था. 1838) ह्या ग्रंथालयाच्यो सगळ्यो सुविधा मेळटात. ह्या ग्रंथालयासकयलीं उपग्रंथालयां अशीं – गोल्डस्मिथ (अर्थशास्त्राविशींचें साहित्य); द क्विक मॅमोरिअल (शिक्षण आनी शिक्षण इतिहास); डर्निग – लॉरॅन्स (एलिझाबॅथ सतराव्या शतमानांतले साहित्यग्रंथ); द हॅरी प्रायस ग्रंथालय (जादूविद्येचे साहित्यग्रंथ); द स्टर्लिंग (इंग्लीश साहित्यावयल्यो पयल्यो आवृत्यो आशिल्ले ग्रंथ); कार्लटन शॉर्टहँड, ब्रॉमहेड (लंडन शारावयले ग्रंथ); अमेरिकेच्या संयुक्त संस्थानाचेर पुस्तकां आशिल्ले ग्रंथ, फॅमिली वॅल्फॅर असोसिएशन ग्रंथालय, माल्कम मोर्ले रंगमाचयेच्यो ग्रंथांचो संग्रह आशिल्लें ग्रंथालय हांचो आस्पाव जाता.
लंडन स्कूल ऑफ इकॉनॉनिक्स अँड पॉलिटिकल सायन्स ही लंडन विद्यापिठाच्या खाशेलपणान नामनेक पाविल्ली संस्था 1895 वर्सा स्थापन जाली. हे संस्थेचो संचालक इंद्रवदन गोरधनभाई पटेल हो भारतीय अर्थशास्त्रज्ञ आशिल्लो. हे संस्थेवरवीं हीं मासिकां उजवाडाक येतात. एलएस ई क्वार्टर्ली इकॉनॉमिका; द ब्रिटीश जर्नल ऑफ सोशिऑलॉजी; ब्रिटीश जर्नल ऑफ इंडस्ट्रियल रिलेशन्स; जर्नल ऑफ ट्रान्सपोर्ट इकॉनॉमिक्स अँड पॉलिसी; रिप्रिंट्स ऑफ स्कार्स वर्क्स ऑन पॉलिटिकल इकॉनॉमी; मोनो ग्राफ्स ऑन सशोल ॲन्थ्रॉपॉलॉजी; मिलेनियम जर्नल ऑफ इंटरनॅशल स्टडीज; ग्रेटर लंडन पेपर्स; जिओग्राफिकल पेपर्स; ओकेजनल पेपर्स ऑन सोशल ॲडमिनिस्ट्रेशन बी.
हे संस्थेखाला जे विभाग स्वतंत्रपणीन काम करतात. ते अशेः बिझिनेस हिस्टरी युनिट (1978) : इंपीरियल कॉलेज ऑफ सायन्स अँड टॅक्नोलोजी ह्या महाविद्यालयाच्या आदारान वेवसाय – इतिहासाक, तंत्रविद्येची दिशा आनी प्रगती मतींत घेवन, संशोधनाची जोड दिवपाचें कार्य. (2) सँटर इन इकॉनॉमिक कॉप्युटिंग (1983): वेवस्थापन आनी अर्थीक गृहीतांचे विश्र्लेशण हांचो विकासः (3) सँटर फॉर लेबर इकोनॉमिक्स (1974)¬¬: कश्ट अर्थशास्त्र, (4) सँटर फार इंटरनॅशनल स्टडिस (1967): आंतरराश्ट्रीय अभ्यासांत चड करून सोविएत चीनी आनी युरोपी अभ्यासांतलें संशोधन (5) निर्णय विश्र्लेशण विभाग (1983): मानवी निर्णयाविशींचें शास्त्रीय गिन्यान उपलब्ध करप. (6) ग्रेट लंडन ग्रुप (1958) : बृहद लंडन आनी आग्नेय विभाग हेविशींच्या अडचणींविशीं संशोधन करप आनी त्या कार्याचो प्रसार करप. लंडन अर्थशास्त्र संस्थेच्या जनाकिकी हे पदव्युत्तर अभ्यास कार्यावळींत सहयोग दिवप. (9) आंतरराश्ट्रीय साधनसंपत्ती कार्यावळ (1984): संवसारीक सैमीक साधनसंपती कार्यावळ (1984): संवसारीक सैमीक साधनसंपतीच्या विकासांत येवपी अडचणी हेविशीं अन्वेशण करप.
हे संस्थेच्या ब्रिटीश लायब्ररी ऑफ पोलिटिकल अँड इकॉनॉमिक सायन्स (1896) ह्या ग्रंथालयांत अर्थशास्त्र, राज्यशास्त्र, समाजशास्त्र, इतिहास, भुगोल, आंतरराश्ट्रीय विधी ह्या विशयांचेर 8.30 लाखांवयर ग्रंथ तशेंच वैधानिक आनी प्रशासकीय दस्त ऐवज आनी हस्तलिखितां आसात.
-कों. वि. सं. मं. लंबाडी नाच : लंबाडी वा बंजारी हे हेडगे आदिवासी जमातीचो लोकनाच. हाका लमाणी नाचूय म्हण्टात. लग्नासारकिल्या मंगल प्रसंगावेळार वा दसरो, होळी ह्या सणां वेळार हे नाच करपाची चाल आसा. हे नाच दादले – बायलांचे अशे भरसल्ल्या स्वरुपाचे आसले तरी तातूंत बायलांचेंच प्रमाण चड आसात. हो नाच वाटकुळे उबे रावन करतात. मदीं उजो पेटयतात. केन्नाकेन्नाय ह्या वाटकुळांत रती आनी मदन हांचे मृतिकेच्या प्रतिमांची स्थापना करून तांची पुजा करतात.
लंबाडी नाचाचें मुखेल आकर्शण म्हळ्यार हातूंत बायलांची न्हेसपाची पददत खाशेली तशी ओडलायणी आसता. घागरो, चोळी, ओडणी असो भेस त्यो करतात. ह्या वस्त्रांचे रंग तांबडे, हळदुवे अशे भडक आसतात. तांचेर कंवच्यांची, हारशांच्या भिंगांची नाजूक कलाकुसर केल्ली आसता. नतिकेच्या गळ्यांत चित्रविचित्र मणयांच्यो माळो आसतात. नाचाच्यो हालचाली नाजूक आनी ओडलायण्यो आसतात. हो नाच संथ लयीन करतात, तेखातीर तातूंत जोशापरस मार्दव चड आसता. पितूळचो घडो घेवन ताचेर विशिश्ट आघात करून त्या तालाचेर ओडलायणो नाच जाता.
धोलक्याच्या तालार नाचपी ताळ्यो वाजोवन साथ दीत,
