तमीळनाडू उदाहरण.मानारचें आखात आनी पाल्कची सामुद्रधुनी हांचे भितर ल्हान ल्हान द्विपां तयार जाल्यांत.धनुष्यकोडी तलाई मानार हांका जोडपी शेंकानशेक फातरांची रांक,म्हळ्यारुच रामाचो सेतू.ताका अँडम्स ब्रीज अशेंय नांव आसा.रामनाथपुरम् आनी तिरुनेलवेली जिल्ह्यांनी सु.30 ते 65 मी.उंचायेचे ल्हान रेंवेचे दोंगर जाल्ले दिश्टी पडटात,जांकां तेरी म्हण्टात
न्हंयो
अस्तंते कडल्या दोंगराळ वाठारांतल्यान आयिल्ल्यो पालार पोन्नाइय्यार (पेन्नार),कावेरी,वैगई आनी ताम्रपर्णी ह्यो मुखेल न्हंयो मैदानी वाठारांतल्यान उदेंते कडेन व्हांवतात.ते भायर चेयूर,मोयार,भवानी,अमरावती,चित्तार,नोयिल,कूम ,कोट्टेलियार आदी न्हुयो ह्या राज्यांत आसात आनी तांचेर येरादारी चलता.पुलिकत तळ्याचो दक्षिण वाठार ह्या राज्यांत येता.
दोंगर
तमिळनाडूच्या अस्तंत शिमेचेर उत्तरेक निलगिरी पर्वत आसा.निलगिरीची दोडाबेट्टा तेंगशी 2637 मी.उंचायेची आसा.हांगा पालघाट,अन्नमलाई,एकाचल.हे दोंगर आसून पलनी दोंगुल्ल्यो हो तातूंतलोच एक उदेंते कडलो फांटो ते भायर जावाडीं (1,160),शेवराय(1647 मी.)कलरायन आनी पछिमलाई ह्यो दोंगुल्ल्यो आसात.पलनी दोंगुल्लेचे उदेंतेक वैगईच्या दोनूय वंटांनी आदीपट्टी आनी वरुषनाड ह्यो दोंगुल्ल्यो आसात.
जमीन
तमीळनाडूच्या मैदानी वाठाराचो चडसो भाग न्हंयांनी व्हांवून हाडिल्ल्या गाळान तयार जाला.कावेरी न्हंयेच्या त्रिभुज प्रदेशांतली जमीन सुपीक गाळाची,उत्तर भागांत रेंव आनी गाळ भरशिल्ली लोम प्रकाराची माती मेळटा.राज्याच्या मदल्या वाठारांत तांबडी माती मेळटा.मदुराई,रामनाथपुरम् आनी तिरुनेलवेली जिल्ह्यांनी काळी माती जाल्यार चिंगलपुट,तंजावर आदी वाठारांनी लॅटरायट-जांभा फातराची माती मेळटा.
हवामान
विषुववृत्तापसून फक्त सुमार 770 ते 1,550 किमी.पयस आशिल्लल्यान वाठारांत हवामान उश्ण आसता,गिमांत,मे म्हयन्यांत,सरासरी तापमान 21 सॅ ,आसता आनी चडांत चड 43 सॅ मेरेन जाता.शियांत जानेवरी म्हयन्यांत सरासरी तापमान 24 सॅ आनी उण्यांत उणें 18 सॅ आसता.
वर्साक पावस सरासरी 70 सेंमी.ते 150 सेंमी.आसता.ह्या
