== नार्वेकार, गोविद मुकुंद == शंकराचार्य मानतात.भगवतधर्मियांची व्यूहकलइ्पना अशा उतरांनी शंकराचार्यानी तिचो उल्लेख केला. नाथाचो भागवत धर्म ह्या ग्रंथांत नारायणीय धर्माची विस्कटावणी करतात.प्रा.श्री.रं.कुलकर्णी हाणें सांगलां, गीतेंत उपदेश केल्लो धर्म आनी नारायणीय धर्म हे एकेच परंपरेतल्यान निर्माण लाल्ले अासले,तरी नारायणीय धर्मांत गीतेपरस मातशी चड माहिती दिल्या, गीतेंत निश्काम कर्मयोगाचेर खास भर दिल्लो आसून ताका अनुसरुन भक्तीचे नदरेन निश्काम कर्मयोगाची व्हडवीक गायल्या. परमेश्वराची एकांतिक भक्ती अनी भक्तीच्या मळार अहिंसेक दिल्लें प्राधान्य हें नारायणीय धर्माचें खाशेलेपण अशें म्हणूं येता. -कों. वि. सं. मं. == नार्वेकार, गोविद मुकुंद: ==(जल्म १९३२,नार्वे-दिवचल). गोंयचो सुटकेझुजारी. जांबावले दामोदराच्या देवळांत संगितकार,म्हणून काम करता आसतना ताचो कांय सुटकेझुजारयांकडेन संबंद आयलो.आपल्या घरा तो डश्टां वांगडा हातबाॅम तयार करतालो.१६ जून १९५४ ह्या दिसा पोलिसांनी ताका धरलो आनी बंदखणींत घालो.तशेंच ताच्या घराचेर धाड घालून बाॅम आनी स्फोटक पदार्थ जप्त केले. दोन वर्सा आनी तीन म्हयने बंदखण भोगले उपरांत ताका प्रादेशिक लश्करी न्यायालयामुखार उबो करुन ७ वर्सा बंदखणीची ख्यास्त फर्मायली. नोव्हेंबर १९५९ वर्सा ताची बंदखणींतल्यान सुटका जाली.भारत सरकारान ताम्रपत्र दिवन ताचो भोवमान केला. -कों. वि. सं. मं. == नार्वेकार, दामोदर दत्ता : ==(जल्म:२७ फेब्रुवारी १९३३, माशेल-फोंडें). गोंयचो सुटकेझुजारी. तो 'नॅशनल काॅग्रेस गोवा' संघटनेचो वांगडी आशिल्लो.सुटके चळवळीच्या काळांत सुटकेझुजारयांक रावपाक जागो दिवप,पत्रकां वांटप, खबरो पावोवप असलीं कामां तो करतालो. १९५४त पोलिसांनी ताका धरलो आनी बंदखणींत घालो. बंदकणींत पोलिसांनी ताचे खूब हाल केले.१९५५ त ताची बंदखणींतल्यान सुटका जाली.१९७२ त भारत सरकारान ताम्रपत्र दिवप ताचो भोवमान केला. -कों. वि. सं. मं. == नार्वेकार,पांडुरंग दत्ता : == (जल्म: १५ सप्टेंबर १९२८, माशेल-फोंडें). गोंयचो सुटकेझुजारी.१९४७-५४ ह्या काळांत तो 'नॅशनल काॅग्रेस गोवा' हे संघटनेचो वांगडी आशिल्लो. पत्रकां लावप, पत्रिका वांटप,तिरंगी बावटो लावप असलीं कामा तो करतालो. सप्टेंबर १९५४ त एके शाळेंत तिरंगी बावटो लायता आसतना ताका पोलिसांनी धरलो.ताणें ११ म्हयने बंखणीची ख्यास्त भोगली. पांच वर्सा ताका घराच बंदी केल्लो.गोंयचे सुटके वेळार ताणें भारतीय सैन्याक मार्गदर्शन केलें.१९७४ त भारत सरकारान ताम्रपत्र दिवन ताचो भोवमान केला. -कों. वि. सं. मं. == नार्वेकार, रामदास विष्णू: == (जल्म : २५ नोव्हेंबर १९३५,कळंगूट- बारदेस). गोंयचो सुटकेझुजारी.'नॅशनल काॅग्रेस गोवा' हे संघटनेचो तो वांगडी आशिल्लो (१९५२-५७).ह्या काळांत तो पत्रकां लावप, हातपत्रकां वांटप असलीं कामा करतालो.२८ सप्टेंबर १९५७ ह्या दिसा पोलिसांनी ताका धरलो अानी पणजे बंदखणींत दवरलो.एप्रिल १९५८ त ताची बंदखणींतल्यान सुटका जाली. भारत सरकारान ताम्रपत्र दिवन ताचो भवमान केला. -कों. वि. सं. मं. == नार्वेकार, वसंत रामचंद्र: ==(जल्म : १५ सप्टेंबर १९३०, बिठ्ठोण-बारदेस). गोंयचो सुटकेझुजारी.पत्रकां लावप, क्रांतीविरांक चोरयां बसका घेवपाक हातभार लावप असलीं कामां तो करतालो.२६ जानेवारी १९५५ ह्या दिसा पोलिसांनी ताका धरलो.प्रदेशीक लस्करी न्यायलया मुखार उबो करुन ताका ११ म्हयन्यांची ख्यास्त दिली.जानेवारी १९५६ त ताची बंदखणींतल्यान सुटका जाली.भारत सरकारान ताम्रपत्र दिवन ताचो भोवमान केला. -कों. वि. सं. मं. == नार्वेकार, सोनू आत्माराम: ==(जल्म :२८ आॅगस्ट १९२४, न्हंयबाग- पेडणें). गोंयचो सुटकेझुजारी.तो आझाद गोमंतक दल संघटनेचो वांगडी जालो.कार्यकत्यांमदीं बातम्यो पावोवप,पत्रकां वांटप.वण्टीपत्रकां लावप, असलीं कामां करतालो.एप्रील १९५५ वर्सा पोलिसांनी ताका धरलो आनी खूब मार दिलो.उपरांत ताका न्यायालयांत उबो करतकच सादे बंदखणीची ख्यास्त जाली.१९७२ वर्सा भारत सरकारान ताम्रपत्र दिवन ताचो भोवमान केला. कों. वि. सं. मं. == नालंद : ==बिहार राज्यांतलें नामनेचें,पुर्विल्लें अवशेसांचें एक थळ.गंगेचे देगेर पाटण्याचे आग्नेयेक सुमार ७० किमी.अंतराचेर बडगाव नांवाच्या खेडयाच्या वाठारांत हें थळ अासिल्लें.नालंदा ह्या पुर्विल्लया विद्यापिठाची भारतांत नामना अाशिल्ली.पुर्विल्लया साहित्यांत नालंदाची नल ,नालक नालकग्राम, नालंद अशी वेगवेगळीं नांवां मेळटात.नालंदा ह्या नांवावयल्यान जायत्यो आख्यायिका अासात.तातूतली एक अशी-बुध्दान एका पुर्वजल्मांत हांगा दीर्घ काळ तप केल्लें. ह्या काळांत ताचे कडेन जे जे दुख्खी लोक येताले तांकां तो जाता तितलो अादार दितालो.पूण तितल्यान ताका समाधान जालेंना.ताच्या ह्या असमाधानावयल्यान ह्या जाग्याक नालंदा (न+अलम+दा=जाय तितलें दिवंक शकना) हें नांव मेळ्ळें.बुध्दशिश्य सारिपुत्र हो अापल्या ८० हजार शिस्यांवांगडा हांगा रावतालो अशें म्हण्टात.महावीर वर्धमानान हांगा चवदा चातुर्मास वास्तव केल्लें अशें जैन परंपरा सांगता.भारतांत भोंवडी करपाक आयिल्ल्या फा हियान(४००-४११),ह्युएन त्सांग(६३०-६४४)आनी इत्सिंग(६४३-
