मॅकलाउड (मॅक्लिऑड), जॉन जेम्स रिकार्डः
मॅकलाउड( मॅक्लिऑड), जॉल जेम्स रिकिर्डः ( जल्म ६ सप्टेंबर ,१८७६, क्लूनी( स्कॉटलंड), मरणः १६ मार्च १९३५, अॅबर्डीन) .
नामनेचो ब्रिटीश शरीरक्रियाविज्ञानीक. अॅबर्डीन हांगाच्या मारिशाल कॉलेजींत वैजकीचें शिक्षण घेवन १८९८त ताणें एम. बी. सीएच. बी. ही पदवी मेळयली. अँडरसन शिश्यवृत्ती घवन ताणें लाइपसिक हांगाच्या शरीरक्रियावाज्ञान संस्थेंत जीवरसायनशास्त्राचो एक वर्स अभ्यास केलो. १९०० त लंडन हॉस्पिटल मेडिकल कॉलेजांत शरिराक्रियाविज्ञानाचो निदेशक ानी १९०२ त जीवरसायनशास्त्राचो अध्यापक म्हूण ताची नेमणूक जाली. रोयल सोसायटीचो मॅकिनॉन संशोधक म्हूणूय ताणें काम केलां. त्याच सुमाराक ताणें केंब्रिज हागा पदव्युत्तर शिक्षण घवन भौशिक आराग्यषास्त्राची पदविका घेतली. १९०३ त तो अमेरिकेंतल्या क्लिव्हलँड हागाच्या वेस्टर्न रिझर्व्ह विधापिठांत शरीरक्रियावित्रानाचो प्राध्यापक जालो. थंयच्यान शरीरक्रियाविज्ञानाचे प्रयोगशाळेचो तो संचालक जालो. १९२८ त, स्कॉटलंडाक परत येतकच अॅबर्डीन हांगा शरीरक्रियाविज्ञानाचो रेगिअस प्राधयापक म्हूण ताणें काम केलें.
१९१३त, मॅकलॉउड हाणेंगोंडेंमूत आनी ताचें विकृती विज्ञानीक शरीरक्रियाविज्ञान हांचेविशीं एक म्हत्वाचो ग्रंथ बरयलो. अमेरिकेंतल्या आपल्या राबित्यांत ताणें कार्बोहायड्रेटाच्या चयापचयाचेर आनी गोडेंमुताचेर केल्ल्या संशोधनाक लागून नामना मेलयली. जे.बी कॉलीप ह्या जीवरसायनाशास्त्रज्ञाच्या पालवान उपचार करपाखीर वापरपाक बरें अशें इन्शुलीन वेगळें करपांत आयलें आनी १९२२ त ताचो गोडेंमुताचेर वावर केलो.१९२१त ताणें प्राकृतीक आनी अग्नीपिड काडून उडयल्ल्या जनावरांच्या रगतांतले साकर पातळी नियंत्रण आनी साकर चयापचयांतलें यकृत स्नायू आनी अग्नीपिंड हांचें कार्य हांचेविशीं खोलाचेन परीक्षण कार्य केल्लें .
इन्शुलीन ह्या म्हत्वाच्या हॉर्मोनाच्या सोदाखातीर ताका १९२३ वर्साचो वैजकी आनी शरीरक्रियाविज्ञानाचो नोबँल पुरस्कार सर फ्रेडरिक ग्रांट बँटिंग हांच्या वांगडा वांटून मेळ्ळो. नोबॅल पुरस्काराखेरीज ताका आनीक हेर कितलेशेच भोवमान फाव जाल्यात. ताणें बरयल्लीं कांय पुस्तकां अशीं: Practical Physiology (१९०२), Physiology and Bio-Chemistry in Modern Medicine(१९१८).
-कों.वि.सं.मं.
मॅग्ना कार्टाः इंग्लीश संविधानीक कायद्याची सुरवात करपी दस्तएवज . राजा आनी सरंजामी सरदारवर्ग हांच्या संघर्शातल्यान हो दस्तएवज जल्माक आयलो.
अँजेव्हिन वा प्लँटेजेनेट घराण्यांतलो जॉन लॅकलँड राजा (११९९-१२१६) हो खूब जुलमी आनी विश्र्वासघातकी आशिल्लो. ताचो भाव रिचर्ड मरतकच जॉनान आपलो पुतणयो आर्थर हाका बंदखणींन घालून गादी हातासली. फुडें ताणें आर्थरचोय खून केलो आनी प्रजेच्या मागण्यांकडेन दुर्लक्ष केलें.
जॉनाक आपले मरस्तींत पोप तिसरो इनोसंट आनी फ्रांसाचो राजा फिलीप ऑगस्टरा हांचेकडेन संघर्श करचो पडलो. तांच्याकडल्यान झुजांत तो हारलो. तो इंग्लंडांत नासतना ,ताचे गैरहजेरेचो फायदो असंतुश्ट सरदारांनी घेतलो.तांणीं एकठांय येवन राजारातेक मर्यादा घालपाचें थरयलें. हे विशीं आर्चबिशप स्टिव्हन लँगटन हाणें सरदारांक मार्गदर्शन केलें . पयल्या हेन्रीन दिल्ला स्वातंत्र्याच्या मसुदयापुनरूज्जीवन करचें, अशें ताणें सुचयलें तेप्रमाण त्या मसुज्याचेर आदारिल्ली हक्काची सनद तयार केली आनी ती राजाफुडें दवरली (६ जानेवारी १२१५ ). सुरवेक सय करपाचें न्हयकारलें. पूण निमाणें १५ १२१५ दिला ताक सय करचीच पडली.
इंगलंडच्या .....
हे सरदेंतलीं सगळ्यांत म्हत्वाचीं कलमां मूलभूत हक्कांविशींचीं आसात. खंयचीच मालमाता फाव ती नुकसान भरपाय दिव....
जॉनाचो सरदारांचेर विश्र्वास नाशिल्ल्यान तो सनदेची अंमलबजावणी करीत काय ना हाचेविशीं दुबाव आशिल्लो. देखून ताणें २५ सरदारांचें निरीक्षण मंडळ नेमलें. राजान संसदेचो भंग केल्यार ह्या निरीक्षण मंडळन
