केलें. ताका लागून ताका मेळटाली ती आंकवार विधार्थ्यांखतीर आशिल्ली, अधिछात्रवृती बंद जाली. उपरांत ब्रिस्टल हांगाचे युनिव्हर्सिटी कॉलेजचो पयलो प्राचार्य म्हूण ताणें १८८१ मेरेन काम केलें. पूण प्रशासकीय कामाचो ताण पडून ताची भलायकी इबाडली . ताका लागून ह्या पडाचो ताणें राजीनामो दिलो आनी सुशेग घेवपाखातीर एक वर्सभर तो इटलींत वचून रावलो. उपरांत ऑक्सफर्डच्या बॅल्यल म्हाविधालयांत अर्थशास्त्र (Political Economy) ह्या विशयाचो लेक्चरर म्हूण रुजू जालो. १८८५ वर्सा तो पर्थून केंब्रिज हांगा आयलो आनी केंब्रिज विधापिठांत अर्थशास्त्र विभागाचो मुखेल म्हूण ताणें चोवील वर्सां काम केलें. १९०८ वर्सा विधापिठाचे सेवेंतल्यान निवृत जातकच ताणें आपलो विधार्थी ए.सी. पिगू हाची आपले सुवातेर नेमणूक करपाची शिफारस केली. प्रा.पिगुनूय मार्शल हाचे भशेनअर्थशास्त्राचो प्रध्यापक आनी अभ्यासक म्हूण नामना मेळयली.
मार्शलान अर्थशास्त्रांतल्या केंब्रिंज संप्रदायाची केंब्रिज स्कूल स्थापणूक केली. १९०२ सावन रॉयल इकॉनॉमिक्स सोसायटी म्हळ्यार पयलींची ब्रिटीश इकॉनॉमिक्स असोसिएशन ही संस्था आनी इकॉनॉमिक जर्नल हें म्हयनाळें हांची स्थापणूक ताच्याच फुडारपणाखाला जाली.
गणिततज्ञ आसुनूय अर्थशात्राकडे ताची खूब ओड आशिल्ली. पूण तत्वज्ञान आनी नीतिशास्त्र ह्या विश्यांवरवीं ताच्या अर्थशास्त्राविशींचे नदरेचेर त्या विशयांचो प्रभाव दिसता.
आलफ्रेड मार्शल , अँडॅम स्मिथ हाचो अनुयायी आशिल्लो. जॉन स्टुअर्ट मिलच्या ग्रंथान ताका अक्थशास्त्रांविशींच्या अभ्यासाची प्रेरणा मेळ्ळी. रिकार्डो आनी माल्थस ह्या नामनेच्या अर्थपंडितांच्या ग्रंथांचो ताणें खूब अभ्यास केलो. अर्थशास्त्रा वांगडाच ताका तत्वज्ञान आनी समासजीण हांच्या अभ्यासाचीय ओड आशिल्ली,हें मार्शलाचें खाशेंलपण.
मानवी विंचाराच्या हेर ज्ञानाच्या शाखांभशेनूच अर्थशास्त्रीय विंचारांत आश्ल्लो सातत्यवाद ताणें आपणायल्लो. नैतिक वा भौतिक जगाचो नियाळ करतना आपूण सगळ्या परिणामाचो खाशेलो विचार करीनासतना आपलें लक्ष ह्या परीणामांत जावपी वाडीचेर म्हळ्यार सीमांत बदलाचेर केंद्किंय जाल्लें आसता. देखून सगळीं मागणी ही एक पुराय प्रक्रिया आसता आनी तिचे सीमान्त वाडीचो, तिच्या उत्पादन खर्चांत जावपी वाडीवांगडा समतोल आसता, हें म्हत्वाचें विचारसूत्र ताणें आपणायलें.
नवे विचार आनी नव्यो अडचणी हांच्या आदारान पोरने सिध्दान्त नव्या स्वरुपांत मांडपाचो आपणे यत्न केला अशें प्रिन्सिपल्स ऑफ इकॉनॉमिक्स ह्या गंथाचे प्रस्तावनेंत ताणें म्हळां. देखुनूच ताका अर्थशासित्रांतल्या नव्या सनातवादी संप्रदायाचो प्रवर्तक मानला.
मनशाचे जीणेंत आनी देखुनूच अर्थीक जीणेंतूय, जीवशास्त्र आनी इतिहासान मान्य केल्लें सातत्याचें ( Continuity) तत्व आसता. फक्त अर्थीक हेतून मनीस प्रेरित जाल्लो नासतापूण नैतिक हेतूंचोय ताचे जिणेंत म्हत्वाचो वांटो आसता, ही मार्शलाची विचारधारा सनातनवादी अर्थशास्त्राक नवो आकार दिताली. इकॉनॉमिक्स हो शब्द ताणेंच पयलीं येवजिलो. अर्थशास्त्र हें शास्सा ,पूण तें फक्त सैध्दांतिक शास्त्र म्हूण उरनासतना दीसपट्टे जीणेकडेन ताचो मेळ घालूंक जाय हाचेर ताणें भर दिलो.
मारशलाचे म्हत्वाचे ग्रंथ म्हळ्यार इकॉनॉमिक्स ऑफ इंडस्ट्री (१८७९), प्रिन्सिपल्स ऑफ इकॉनॉमिक्स (१८९०) इंडस्ट्री अँड ट्रेड (१९१९) आनी मनी ,क्रेडिट अँड कॉमर्स (१९२४) हे आसात.
मार्शलाचे मतान , कालततवाक लागुनूच कंड आनी व्याज हातूंतलो भेद तयार जाता. दीर्घ काळांतल्या थीर उत्पादक घटकाचेर खंड आनी दीर्घ काळांत बदलपी पूण थोडया काळांत न बदलपी भांडवलावयलें उत्पन्न व्याज(Quasi Rent) आसाता.हेंच सातत्य आनी सारकेपम मनीस आनी ताणें निर्माण केल्लीं आयुधां हातूंतल्यान दिसून येतात. कारण कश्ट आनी कश्टान तायार केल्ल्या वस्तूच्या मोलाचे सिध्दात निमाणें एकूच आसात. हांचें कारण अशें ,विभाजन आनी विनियम हांच्या मघ्यवर्ती प्रस्नांच्या वेगवेगळ्या संदर्भांत एकूच मागणी पुरवठ्याचो सिध्दात दिसून येता. अशें तरेन मार्शलच्या मताप्रमाण एकतेंचें आनी सात्याचें तत्व सगळ्यो अर्थशास्त्रीय घडणुको, विचार आनी विस्कटावणी हातूंत आस्पाविल्लें दिसता. हे बसकेचेर आदारून आपल्या विचारांची माडावळ केल्या . त्या विचारांत विभाजन आनी विनियम हांचो प्रस्न मध्यवर्ती मानला. हेविशीं ताची भुमिका आनी ताचे विचार समन्वयवादाचे आसात अशें म्हणूं येता.
हो सीमान्तवाद मार्शलान सींमांतर उत्पादकतेच्या स्वरुपांत घटकमूल्य निश्र्चिततायेच्या स्वरुपांत लायलो आनी विभाजन आनी वांटणेच्या प्रस्नांची ताणें विस्कटावणी केली. पूण हें करता आसतना ताणें कलातत्वाचेर आदारीत बाजारपेठ मागणी-पुरवठो हांचो उपेग केलो.
मार्शलान आंशिक संतुळेचो विचार प्राभावीपणान मांडलो. खशेल्या वस्तूंविशीं खाशेले बाजारपेठेंतूय कांय खाशेले संदर्भ घेवन आंशिक सतुळा थारता. अशा वाळार हेर सगळी परिस्थिती तशीच कायन उरता, बदलना अशें मार्शल गृहीत धरता.
मार्शलान वेपार आनी उद्देग , पयसो आनी पत हांचेर ग्रंथ हरलो. तातुंतूय ताची स्वतत्र नदर दिसून येता. पयसो आनी पत हांचेविशीं फोडणीशी करतना मार्शलान अशें मत उक्तायलां की व्याडाचो वास्तव दर आनी पयशांच्या रुपांतलो दर हातूंत फरक पडलो म्हण्टकच तातुंतल्यान पतचक्रचो (Credit-Cycle) जल्म जाता.
मार्शलान अर्थशास्त्रांत नवे विचार पद्दतीची भर घली, तशेंच अर्थशास्त्रीय विचार एकवटेन करून तांकां सुसंबध्द दिलें. ताच्या काळांत अर्थशास्त्रांत जे प्रचलित विचार पातळिल्ले, ते एकठांय हाडून तांची वेवहारीक
