हे स्थितींत उरू येता.
दुसरे स्थितींत, मूळव्याध भायर सरता पूण फकत संडास करचे वेळारच. पूण आपशईंच वा बोटान धुकलकल्यार सहज भितरय वतात आनी परतून संडास करीसर भितरच उरतात. तिसरे स्थितींत सदांचें काम करता आसतना मूळव्याध सहज भायर सरता, आनी कितेंय केल्यार भितर वचनात. अशावेळार मूळव्याधींतल्यान थोडें शेंबूड पाझरता वा थंय थोडी खाज येवं येता. संडासावाटेर सतत जळजळ वा आडखळ आशिल्ल्यावरी जाणवता. मूळव्याधींत हेर वायट परिणाम घडून येतकच मात ते दुखूंक लागतात. खूब प्रमाणांत रगताचो स्त्राव वा चड तेंप रक्तस्त्राव जायत जाल्यार पंडुरोग वा रक्तक्षयाची (Anemia) लक्षणां दिसून येतात.
मूळव्याधीचो चड करून दुसरे स्थितींत चड प्रमाणांत रगताचो स्त्राव जाता.भायर सरिल्ल्या मूळव्याधीच्या मूळाभोंवतणी गुदद्वाराच्या स्नायुंचें तीव्रपणान आकुंचन जावन येवन मूळ्व्याधीक फांय पडिल्लेवरी जाता.१-२ वरांभितर जर भितल्ले मूळव्याध जिरयलेना जाल्यार घुस्पटील्ल्या मूळव्याधीचें रगताचे घट गाठींत रूपांतर जाता.
घुस्मटमार चडकरून परत दुसरे स्थितींत जावंक पावता. मूळव्याध सोंसूनज इतलें दुखत रावतात. पूण गांठ जावन येतकच दूख बरीच कमी जाता आनी स्पर्श केल्यारच दुखता.अशावेळआर पिडीत आपल्याक मूळव्याधीचे झटको आयलो अशें समजता.(Acute attack of pile).
तिसरे स्थितींतले मूळव्याधींत आंगार घाव पडूं येता.अतिप्रमाणांत घुस्मटमार जावन रगतपुरवण बंद जाल्यार रगताची गांठ जावन आयिल्लो मूळव्याध कुसून झडटा आनी त्या जाग्यार एक घाव जाता.हो घाव पेखपाक खूब दीस वतात.केन्नकेन्नाय गांठेल्ल्या मूळव्याधींत पूं जावं येता.भितल्ल्या मूळव्याधीभशेन भायलो मूळव्याधय रक्तगांठीन घट जांव येता.संडासाचे वाटेर परत परत कातरो पडत रावल्यार आनी तो चड तेंप पेखनासतना उरलो जाल्यार ताचेवयर कातीची ल्हान गांठ जावन येता. हाका सेंटीनेल पाईल अशें म्हण्टात. खऱ्या अर्थान हो मूळव्याध आसना.
उपचारः संडास मोव तशेंच नित्य जावंचो देखून जुलाबाचीं सौम्य स्वरूपाची वखदां (Laxatives) घेवंची पडटात .देखीक-इसाबगोल. मूळव्याध बावन येवंचो तशेंच थंडाय दिसची म्हूण ऑलोपथी,आर्युर्वेदीक आनी होमियोपथीक वखदां उपलब्ध आसात.होमियोपथी आनी आर्युर्वेदीक पोटांत घेवपाचीं वखदांय आसात. जांकां लागून सुरवातीचे स्थितींत मूळव्याध पुराय जांव येता.पीडीतान व्हड आयदनांत गरम हून उगकांत आपलें कमर बुडून उरता तशें बसून रावप (एक तरेचो शेक मारिल्लेवरी हाका सीटझ न्हाण म्हण्टात.
इंजेक्शन उपचार पद्दतः जे पयले स्थितींतल्या मूळव्याधाक योग्य आलमंड तेलांत ५ फेनोलाचें इंजेकशन सरळ मूळ व्याधीच्या मूळांत तोंपून मूळव्याध करून उडयतात.
क्रायोसर्जरी (Crysurgery):नायट्रोजन पातळ रूपांत अति थंड (-१९६०c) आशिल्ल्यन ताच्या फकत स्पर्शान मूळव्याध गोठून वता आनी धड जावन येता.ही उपचार शक्य जाले ना वा अपेशी थारले जाल्यार निमणो कायम स्वरुपाचो उपाय म्हळयार शस्त्रक्रिया .आतांमेरेन हो उपाय मूळव्याधींत मुखेल उपाय जावन आसा.तिसरे स्थितींतलो मूळव्याध आसल्यार,हेर उपायांनी गूण न आयल्यार दुसरे स्थितींतलो मूळव्याध,वातड मूळव्याध तशेंच जेन्ना भितल्ल्यापरस भायलो मूळव्याध व्हड आसता तेन्ना शस्त्रक्रिया करची पडटा.
मृच्छकटिकः हें एक संस्कृत नाटक.कवी शूद्रक हाणें हें धा अंकी नाटक इ.स. पयलीं दुसरो शेंकडो ते इ.स. चो धावो शेंकडो ह्या काळांत केन्नातरी बरयलें.
ह्या नाटकांत दोन कथानकां आसात.पयलें कथानक चारूदत आनी वसंतसेना तशेंच शर्विलक आनी मदनिका हांची मोगाची कथा सांगता.दुसरें कथानक,आर्यक नांवाच्या गवळ्याच्या भुरग्याक गादयेर बसोवपाखातीर जाल्ली राज्यक्रांती सांगता.ह्या नाटकाचें थोडक्यांत कथानक अशें आसा-
उज्जैन नगरींत चारूदत नांवाचो एक गरीब पूण हुशार आनी सगळ्या गुणांनी बरो असो एक मनीस रावता. एका तेंपार गिरेस्त आशिल्लो चारूदत उपरांत आयिल्ले गरिबींत लेगीत तो धारान आनी नीतीन वागता तें पळोवन उज्जैन नगरांतली एक गणिका वसंतसेना ताचेर भाळटा. चारूदताकडे इश्टागत जोडपाखातीर कितेंय निमित मेळचें म्हूण वसंतसेना सांजवेळची तागेर वचपाक भायर सरता. वाटेंत मूर्ख राजशालक शकार तिचे फाटल्यान लागता. वसंतसेना ताका चुकयता आनी चारूदताच्या घरांत भितर सरता. आपल्या आंगावयले सगळे अलंकार काडून चारूदताकडे दिता आनी चोरांक लागून आपल्याक भिरांत दिसता तेखआतीर हे अलंकार ताका सांबाळून दवरूंक घेता.पूण एके राती शर्विलक नांवाचो चोर ते चोरता. हो शर्विलक म्हळ्यार वसंतसेनेची दासी मदनिका हिचो मोगी.शर्विलक ते अलंकार व्हरून मदनिकेक दिता तेन्ना ते अलंकार वसंतसेनेक परतून दिवपाक सांगता. हें सगळें उलोवप वसंतसेना आयकता. जेन्ना शर्विलक सगळे अलंकार वसंतसेनेक दिता तेन्ना वसंतसेना त्या दोगांचेंय लग्न करून दिता. इतले मजगतीं चारूदत, आपले बायलेचो
