―¿Diáy? ¿Sa ato pa, adunay lugway nga gihatag nga kina- hanglan atong pahamuslan?
―Apán, ¡Doráy! ―misagbat si Don Filipo―sayud ka na bitaw nga si Don Anastasyo dili motuo sa Purgatoryo.
―¿Nga ako dili motuo sa Purgatoryo? ―mitubág ang tigu- lang nga daw mihanâ pagtindog sa iyang gilingkoran. —¡Hang- tud nasayud pa ngani hinoon akó sa iyang kaagi!
―¡Ang kaagi sa Purgatoryo! ―nanagdungan pagsulti ang magtiayon nga nanghibulong uyamut. -―¡Ambí, suginli kono kamí!
―Walâ man diay kamóy alamag sa kaagi sa Purgatoryo ug unya magpahatud na hinoon kamog pamisa ug magahisgot sa mga kasakit didto. Apán, sanglit nagaulan na man gayud ug dagway kining ulana madugay pang motuáng, aduna kitáy kali- ngawlingawan arón dili banghon ―mitubág si Tasyo nga mihi- nuktok kadiyót.
Gitakpan ni Don Filipo ang basahon nga iyang gibitbit ug si Doray milingkod sa iyang tupád, andam sa dili pagtoo sa tanán nga isulti sa tigulang.
―Ang Purgatoryo ―misugod pagsulti si Tasyo ―dihâ nang daan pipila ka libo ka tuig una manaug ang atong Ginoo dinhi sa kalibutan, ug dagway anaa mahamutang sa taliwala sa yuta, matud ni P. Astete, kun sa duol sa Cluny, matud sa monghe nga gihisgotan ni P. Girard. Apán, alang kanato, walay sapayán ang dapít nga iyang himutangán. Nan karón, ¿kinsà man ang gina- daigan niadtong kalayo nga nagadilaáb sukád pa sa sinugdan sa kalibutan? Ang pagkakaraan sa Purgatoryo gimatuoran sa Filo- sofia Cristiana nga nagaingón nga si Bathala walâ na magbuhat ug bag-ong butang sukád siyá mopahulay.
—Mahimo nga ang Purgatoryo dihâ nang daan sulod sa hunà- hunà ni Bathalà (in potentia) apan walâ sa gawás (in actu) ―misulti ang tenyente mayor.
¡Maayo! Apán tubagón ko ikaw nga adunay pipila ka tawo nga nasayud nga ang Purgatoryo dihâ na sa gawás sa hunàhunà ni Bathalà, usá kanila maó si Zarathustra kun Zoroastro nga maóy misulát sa usa ka bahin sa basahón Avesta ug mitukod usá ka tinu- hoan nga may pagkaagid-agid sa ato; ug si Zarathustra, sumalà sa mga makinaadmanon, natawo sa kalibutan waló ka gatús ka tuig ang labing diyutay una matawo si Hesukristo. Giingón ko
