nga niadtong panahona nasangyaw uyamut sa mga lungsod sa Sidlakan, sanglit si Origines gisaway man sa mga magsusulat nga kristohanon tungud sa iyang pagkamahigugmaon sa mga butang ning mga lungsora. Aron pagpatuo sa Purgatoryo gigawing kamatuoran ni San Ireneo ang giingon nga paglungtad ni Hesukristo ug “tulo ka adlaw sa kahiladman sa yuta”, nga kono angayang sabton nga tulo ka adlaw sa Purgatoryo, ug tungud niini nagaingon siya nga ang usa ka kalag kinahanglan mopuyo didto hangtud sa pagkabanhaw sa lawas, bisan kining iyang gipatuhoan daw gisupak niadtong mga pulong linatin nga nagaingon: Hodie
mecum eri in Paradiso[1]. Si San Agustin, bisan wala mopasalig ug nangaha lamang, apan miingon nga mahimo nga adunay Purgatoryo ug gibanabana niya nga tingali didto sa laing kinabuhi adto pagatapusa ang silot nga atong madawat dinhi sa kalibutan tungud sa atong mga sala.
—¡Yamat da usab ni San Agustin!—matud ni Don Filipo; — wala pa gayud siya matagbaw sa atong ginaantus dinhi, buut pa nga padayunon didto sa usa ka kinabuhi.
—Busa, sa ingon niining pagkabutanga, adunay nanagpanuo sa Purgatoryo ug aduna usab ing wala. Bisan si San Gregorio miuyon na niini sa iyang de quibudam levibu culpi ee ante judicium purgatorius ignis credendus est, apan wala gayud managkauyon sa dayon ang tanan hangtud sa tuig 1439, sa ato pa, human una mangagi ang walo ka gatus ka tuig nga ang Concilio sa Florencia mipahayag nga kinahanglan gayud nga adunay kalayo nga makaputli sa mga kalag sa nangamatay sa gugma ni Bathala, apan wala pa makatuman sa iyang katarungan. Sa katapusan na gayud, and Concilio Tridentino, nga gipangulohan ni Papa Pio IV sa tuig 1563, sa iyang tigum nga ika kaluhaag-lima, nagpakanaug sa iyang gimbut-an mahitungud sa Purgatoryo pinaagi niadtong mga pulong linatin nga nagaingon: Cum catholica ecclesia, Spiritu Sancto edocta, ubp., diin iyang gipahayag nga ang mga pagilaba, mga limus ug uban pang mga maayong buhat sa mga buhi maoy makaluwas sa mga kalag, apan labaw niining tanan mao ang misa. Ang mga protestante ug mga paring Gresyanhon dili usab manuo sa Purgatoryo, kay kono walay kamatuoran nga takus kapasikaran sa Biblia ug nga ang lugway kun panahon sa paghukom sa atong mga buhat nga maayo kun dau-
-99-
- ↑ Kadtong imong gapuson dinhi sa yuta, gapuson hangtud sa Purgatoryo. — P. sa Taghubad.
