tán matapus inigkamatay nato ug kadtong giingón sa linatín nga
Quocumque ligaberis in terra, dili sabton nga sumpayan ug usque
ad purgatorium ubp¹, apan kini mahimo nato pagtubág nga,
sanglit ang Purgatoryo atua mahamutáng sa taliwalà sa yutà, da-
yag na lamang nga nahisulod sa ginsakupan ni San Pedro. Apán
dili akó makahumán kon asuyon ko karón dinhi ang tanan nga
giingón bahin niining butanga. Kon ugaling may adlaw nga ikaw
buút makiglantugì kanako mahatungúd niini, ariá lamang akó
sa balay, kay utingkayon ta ang akong mga basahón ug didto
magkahisgot kitá niining butanga sa wala'y panagana ug sa da-
kúng kabugnaw sa buót. Karón mopaulì na unà akó: ambút
ngano nga ning gabhiona ang mga pag-ampo sa mga kristiyanos
makatugot man nga adunay mangawat. Kamó usáb nga mga
punoan, pasagdan man lamang ninyo. Nahadlok akó sa akong
mga basahón. Kon kawaton pa silá arón basahon, pasagdan ko
lamang untâ; apan nahibaló akó nga daghan ang nagtinguhà sa
pagsunog kanila, agi konó ug buhat sa kalooy kanakò, ug kining
buhata sa kalooy nga angay sa usá ka haring waláy bunyag, maka-
hahadlok kaayo. Tungúd niining mga basahona, adunay nanag-
too nga ako nahimo nang condenado.
―¿Apán gibanàbanà ko nga ikáw mitoo nga ang tawo ma condenar, dilì ba tinuod? ―nangutana si Doray kinsa nahitung- hà nga nagdalág utáw diín may mga lokáy nga layâ nga gidaigan, mahumót ug nagapuot sa asó.
―¡Walâ lamang akó masayud, sinyora, kon unsaon akó ni Bathalà! ―mitubág ang tigulang nga mihinuktok. - Kon akó magatingâ na unya, itugyan ko kang Bathalà ang akong kalag sa walay diyutay nga kahadlok ug siyá lamang ang mahibaló kanako. Apán aduna akóy hihunahunaán. . .
―¿Unsa man?
―Kon matuod nga ang mga katolikó da maóy maluwas sa ispidno, ug kanila sa usá ka gatús limá da ka buók, matud pa sa mga kura, sanglit ang mga katolikó usá man lamang ka ika- napulog duha ka bahin sa gidaghanón sa tanáng mga molupyò sa kalibutan, kon ugaling tuhoan ta ang giingón sa mga maki- naadmanon niining butanga, mosangput nga, human mangahulog sa ispidno ang libo ka libo ka mga tawo sulod sa dili maisip nga katuigan nga nangagi unà manaug ang Manunubos sa kali-
