-¡Didto walâ untáy moingón nga ako nangawat kay masu- kô man si nanay! Kon masayud pa siyá nga akó pagabunalan dinhi...
Ang magulang mibulág pagtan-aw sa sugâ, mihangád, gipaak ang pisì ug gikalit pagbutad; unyâ nabati ang tingog sa ling- ganay.
-¿Mag-ingon lamang gihapon kita niini? ―mipadayon pag- suti si Crispin. ¡Buút untâ akó nga masakít ugmà, buút untâ akó nga magdaút ug dugay arón bantayan ni nanay ug dili na niya pa balikon sa kombinto! Sa ingon nianà dili na ako ngan- lang kawatán ug dili na usáb bunalan. Ug ikaw maayo usab unta nga magadaut dungan kanako.
-¡Dili! ―mitubág ang magulang; -mangamatay kitáng tanan, si nanay sa kaguol ug kita sa gutom.
Si Crispin walâ motingog.
-¿Piláy madawat mo karóng bulana? ―nangutana si Cris- pín humán mahilum kadiyót.
―Duhá da ka pisos, kay katuló man akó multahi.
―Bayre ngani kanang giingon nilang akong gikawat arón dili na kita nganlang kawatán; bayre baya, ¿ha?
-¿Nabuang ikaw, Crispín? Si nanay intawon walâ nay kan-on; ang sakristán mayor miingón nga dos onzas ang imong gikawat ug ang bill sa dos onzas katloag-duhâ ka pisos.
Ang manghod miihap sa iyang mga tudlò hangtud sa pag- abut ug katloág-duhâ.
-Unóm diáy ka kamót ug duhá ka tudlo ug kada tudlo mobilí ug usa ka pisos ―nagkanayon ang bata nga naghinuk- tok. ―Ug ang usa ka pisos, ¿pilá man ka diyot?
-Usá ka gatús ug kan-umán.
-¿Usá ka gatús ug kan-umán ka diyot? Usá ka gatús ug kan-umán balika ang usa ka diyot? ¡Anaay!... Ug pilá man kanang usa ka gatús ug kan-umán?
-Katloág-duha ka kamót ―mitubág ang magulang. Si Crispín misud-ong makadiyot sa iyang mga kamót.
---Katloag-duha ka kamót! ―nagkanayón; ―unóm ka ka- mót duhá ka tudlò, ug kada tudlò katloág-duhâ ka kamót... ug kada tudlò usá ka diyot... ¡Anaay! ¿pilá man kahâ ka diyot? Dili dagway mahumán ug iháp sulod sa tuló ka adlaw... Nia-
