nang sapia makapalít na untâ kitág sinilas alang sa atong mga
tiil, kalò alang sa atong ulo kon mosakit ang init ug usa ka da-
kúng payong nga atong itagana kon magaulán, makaon, mga
sapút alang kanimo ug kang nanay ug...
Si Crispín mihinuktok.
―¡Karón nagbasul hinuon ako nga walâ mangawat!
―¡Crispín! -gibuyág siyá sa iyang igsuon.
―¡Ayaw lamang kasukô! Ang kura miingón nga patyon akó niya sa bunal kon dili mahatunghà ang salapì, ug kon akó pay nagkawat nianang sapia, itungha ko untà... ug bisan ma- matay akó basta aduna lamang untáy mga sapút ikáw ug si nanay. ¡Tapát gikawat ko lamang hinuon kadtong sapia!
Ang magulang mihilum ug mibunlot sa iyang pisì. Unyâ nanghupáw ug miingón:
-¡Ang akong gikahadlokan maó nga si nanay tingalig ma- sukô kanimo kon masayud sa nahitabô!
-¿Masukô kahâ siya? ―nangutana ang manghod. --Ingna unyâ nga gibunalan na akóg maayo; ipakità ko kaniya ang akong mga labúd ug ang akong bulsa nga buslot: ang usa ka diyót nga usá akong pinaskohan maó da gayud kadtoy akong gitipig-tipigan ug kagahapon gikuha usab sa kura. ¡Kaanindot gayud niadtong kuwartaha! ¡Dagway si nanay dili motuo niana, dilì gayud!
Nan, kon ang parì maóy mosulti . . .
Si Crispin mihilak ug nagkanayón:
―Kon mao kanâ, paulì lamang usará; ingna si nanay nga nasakít akó; dilì akó mopaulì.
―Ayaw paghilak, Crispin! ―matud sa magulang. ―Si na- nay dili gayud motuo nianà; ayaw lamang paghilak. Si iyo Tasyo miingón man bitaw ganina nga gitagan-an kitág maa- yong panihapon ni nanay...
Si Crispín mitan-aw sa iyang igsuon.
-¿Maayong panihapon? Akó walâ pa makakaón kay dili man akó pakan-on samtang dili pa mahatunghà ang salapi nga konó akong gikawat. ¿Apán kon motuo niini si nanay? Ing- na unyâ siyá nga ang sakristán mayor nagbakák ug ang kura nga mituo niini nagbakák usáb, ug siláng tanán nanagbakák; nga silá miingon nga kitáng duha pulós mga kawatán, kay ko- nó si tatay sugarol ug...
